قيود العادات والتقاليد

💛

نكمل ...

العنود مو متضايقه من شغلتها ولا خجلانه منها
تعرفت على وحده مصريه اسمها افراح وهي ساعدت
العنود كثير ودعمتها ويروحون مع بعض للبيوت
مايفتروقون ابد وعايشين في نفس شقه
جا يوم من لايام راحو لبيت عشان ينظفونه

دخلو البيت وستقبلتهم وحده عرفتها العنود
( طلع بيت عايده )
عايده متفاجئه : عنود شجايبك هنا
عنود : عايده من زمان عنك
عايده : تفضلي يالعنود
دخلت عنود وهي خايفه من عايده تقول لاهلها
عايده : تكفين بسالك سوال واحد وجاوبيني بصدق
عنود : اسألي
عايده : رشاش هو بنفسه قتل فهد واخوه علي؟؟
عنود : مدري ما اتوقع
عايده تبكي : من قتل زوجي ويتم عيالي
عنود : انا بروح لو عندي معلومه كان قلتلك
عايده : عنود ليش تشتغلين في البيوت ؟
عنود : مالك دخل
راحت العنود وهي تلعن حظها ...

..................... عند مصلح وعهود

عهود تبكي ومصلح طفش لان لها ساعه تبكي

مصلح : يابنت حرام عليك اسكتي راسي بينفجر
عهود : اشتقت لعنود مره ابغى اتطمن عليها
مصلح ضمها : خلاص لاتبكين مصيرها بترجع ار نسمع
خبر عنها وسلطان كل يوم يدورها
عهود : تكفى لاتخليه يدورها اعرف نيته
مصلح : انتي هدي وكوني صبوره ولامور بتزين
عهود : حبيبي صلوحي الله لايحرمني

............................

لاخوان خالد وعوض وسعيد يوزعون ورث الجد
بتساوي وصلو لورث اخوهم حسين ( ابو علي وفهد )
لاب خالد : شرايكم نحط فلوسه صدقه جاريه
عوض : لا عيال فهد باقي موجودين خله لهم
خالد : كم عليه عيال ؟
سعيد : عليه ثلاثه ولدين وبنت
خالد : خلاص برسل واحد من العيال يعطيهم فلوسهم
سعيد وعوض : تم

راح لاب خالد يكلم العيال وقالهم واحد منكم يروح
لزوجة فهد ويعطيها فلوسها

وكل واحد من عيال يتهرب مايبغى يروح

....................... عند البنات

قاعدين في غرفه العنود ...

عهود : اشتقت لها مره
رنا : احسها مبسوطه وعايشه حياتها
ديم : زين انها هربت قبل سلطان يقابلها

سمعو لام نوره تدعيهم للأكل نزلو ياكلون
تكلم لاب عوض : واحد منكم بكره يوصل فلوس لعايده
زوجت فهد  من بيروح ؟
عهود : انا ومصلح
مصلح : خير انتي تقررين عني
عهود : هي ساكنه في شرقيه ابغى اتمشى هناك
مصلح : تم انا وعهود بنوصل الفلوس
لأم نوره تضحك : الله الله يامصلح ذرابه لايقه عليك
عهود : اسكتي ياخاله لاتذكرينه بالدفاشه

بعد ماخلصو قامت ديم تغسل يدها لحقتها ريم
ريم : ديم ليش تشيشين راس رشاش علي ؟
ديم : مالي خلق هواش انقلعي عني
ريم قربت منها : اسمعيني والله لو اسمعك مره ثانيه
تسوين الحركات ذي اني لاورطك لاتلعبين معي
ديم : انتي قاعده تهددين اللحين ؟
ريم : طبعًا حبيبتي اهدد وترا انا بالفعل مو بالقول
ديم : ناظري وراك ياحلوه ( تضحك لان رشاش كان وراها)

سمع رشاش كل كلامها وريم كلجت من الخوف
ديم : اللحين خلصي نفسك ( راحت وهي تضحك)
ريم : رشاش هي نرفزتني وانا قلت ذا الكلام بعد ماعصبت
رشاش : بكره الورقه تكون عندي واذا ماجبتيها بطلقك
ريم : لا لا تقول كذا ابشر بكره بجيبها لك

.................... اليوم ثاني

حركو  مصلح وعهود للشرقيه رايحين لعايده .....

رنا قامت من صباح وهي منفسه نزلت للحوش وكان
البيت هادي شافت ريم عند الباب البيت تكلم واحد
رجال : من فين اجيبلك حل ليش تكذبين من لاساس
ريم : طيب وين الورقه
رجال : الورقه حرقها فهد قبل يموت يعني مافيه دليل بيدك
ريم : افففف لازم ادور طريقه عشان رشاش مايخليني

رنا بعد ألي سمعته مو فاهمه شي عن الورقه
راحت لديم وقالتلها كل شي ديم فرحت مره مره
وقالت لرشاش طبعاً عصب وراح يدور ريم
حصلها قاعده مع امه مسكها من شعرها بقوه
رشاش بصراخ : تكذبين علي مافيه ورقه ولا دليل بيدك
ريم بخوف : تكفى سامحني بس كل ذا لاني احبك افهم
رشاش : انتي طالق ويله انقلعي على بيتكم
رماها هي واغراضها عند الباب وسكره في وجهها

.......................... عند عهود ومصلح
وصلو لبيت ودقو الباب فتحت عايده ودخلتهم ..
مصلح فهم عهود كل شي طلع وخلاهم يتفاهمون
عايده : اهلين وش سر زياراتكم لي
عهود مستغربه : بسم لله من جاك قبلي
عايده : عنود من يومين جت
عهود بفرح: عنود كانت هنا
عايده : اي اشفيك قابلتها بصدفه طلعت تشتغل عامله
منزليه
عهود : عطيني رقم

توقعاتكم عهود بتحاول تقابل عنود او لا ؟