قيود العادات والتقاليد

رساله وداع

٤ المساء .....................
العنود صارت احسن ومره نفسيتها متحسنه لانها تخلصت
من نونو وجالسه مع  لاهل مجتمعين .

لام خيريه : حمدلله ياعنود اليوم وجهك زين منور
عنود : اي حمدلله بخير
سلطان بشك  : اموت واعرف حسن ليش بطل يخطبك
عنود : وش يدريني احسن من زينه مو بالعته
سلطان : بيروح حسن بيجي غيره
عنود : ممكن تخليني رايقه

جلست ريم معهم بعد ماسلمت وردو سلام ..
ريم بأبتسامه: يازين قعدتكم
رنا : كانت زينه قبل تجين
ريم : خير انتي من داس على ذيلك
رنا : تراك ماتعرفيني لاتخليني العن خيرك يانعامه
ريم : شوفي  لاني محترمه مابرد عليك
رنا تضحك : تكفين لاتتكلمين عن لاحترام ماخذه واحد من زوجته
ريم : رشاش تفاهم معها شعندها ذي
رشاش : خلاص يارنا فكونا من المشاكل
رنا : اسكت انت لاهفك بصحن
سلطان : رنا احترميه تراه اكبر منك
رشاش : خلها تصيح مثل الكلب الين يجيها رد مني
ديم : رشاش لاتكلم اختي بذي طريقه
رشاش : كلميها هي تسكت
ريم : حبيبي لاتزعل ترا رنا صغيره لاتحط راسك براسها ( بدلع وتتمايع )
رنا : من صغيره يامريضه
ديم : رنا خلاص
رشاش يناظر ديم وهي تسوي نفسها مو مهتمه ،،

بعد شوي سمعو دق الباب فتح مهل الباب وشاف حريم
مسيرين ضيفوهم ودخلو ...
ضيفوهم لام خيريه ونوره ..
لام خيريه : نورتي يا ام حسن وش هذي المفجأه الحلوه
ام حسن : نور نوركم ماتقصرون
لام نوره : كيفك يا الهنوف شخبارك
الهنوف : تمام ياخاله مبسوطه بشوفتكم
لام حسن : سبب زيارتي لكم بصراحه عتاب وزعلانه منكم
لام خيريه : افا ماعاش من يزعلك
لام نوره  : وش مزعلك قولي لي
ام حسن : ليش ماقلتو ان عنود طرحت ولدها ليش خبيتو انها
حامل قبل مانخطبها
لأم خيريه بعصبيه : احشمي نفسك بنتي مو حامل
الهنوف : بنتك طارحه ولدها قريب ودكتور قال لحسن اخوي
ذا الكلام
لام نوره : انتو في بيتنا وجايين تعايرونا بشي ماهو فينا
الهنوف : ياخاله الله يخليك افهمي بنتك قبل فتره سوت عمليه
لانها طرحت ولدها وجاكم اخوي ذاك اليوم
لام خيريه : لا بنتي مو حامل  عشان تطرح ولدها انقلعو من
بيتي ولاعاد اشوف وجيهكم
ام حسن : الله يسامحك تاكدي من بنتك وترا ولدي سبب رفضه
لبنتك  بسبب طرحها وشذا بنات اخر زمن
( راحت هي وبنتها )

لام خيريه  تبكي : وشذي المصيبه
لام نوره : يابنت الحلال لاتصدقينها بخور سوو هي وبنتها
لام خيريه  راحت وهي معصبه تدور للعنود  وشافتها مع
البنات  عطتها كف ،،

لام خيريه تبكي : عنود كنتي حامل وطرحتي ولدك ها هذي اخر تريبيتي فيك يجوني الحريم لبيتي يعلموني سواتك يالوسخه ليش ماتجيني وكان ساعدتك طول عمري سيرتي
مثل المسك وانتي تجين تخربينها

عنود تبكي : يمه انا حامل من علي  وخبيت لاني مابغى اشغلك بمشاكلي ألي ماتنتهي

لام خيريه : انا من اليوم متبريه منك لا انتي بنتي ولا اعرفك
عهود : يمه لاتقولين كذا
لأم خيريه بصراخ : البنت ألي تلعب بسمعتها انا مابغاها
بنت لي الله يغضب عليك يالعنود ( راحت وهي تبكي )
راحو البنات يهدونها  ....
العنود طلعت غرفتها وهي بقمه انخذلاها من دنيا كلها
وشي واحد تفكر فيه انها تتخلص من همها ..

ريم سمعت كلامهم لانها معهم وراحت ركض لرشاش
كان منسدح في غرفته دخلت مستعجله ومتحمسه
رشاش : بسم لله الرحمن الرحيم فين داخله انتي
ريم : سمعت شي اللحين مدري كيف ابدا فضيحه
رشاش : تكلمي واختصري
ريم قالت سالفه كلها لرشاش وهو مصدوم ومعصب

................... عند العنود
طلعت من البيت بعد مااخذت ذهبها والفلوس ورثتها من
علي مبلغ كبير وهربت من البيت بدون ماحد شافها
وطلعت من رياض بكبره

............... في البيت

رشاش قال سالفه لسلطان وعمر وكلهم صارو يدرون
  دورو عنود في كل مكان ماحد لقاها
طبعًا سلطان اكثر واحد حاقد عليها ويدورها
ومعه سلاحه جاهز يشوفها وعلى طول قتل
عمر بعد عصب منها وعلى كذبها عليه في العيادات
قلبو رياض ولا لها اثر
دخلو البنات غرفتها مالقو اغراضها وحصلو  رساله
كاتبتها عنود
رساله :
انا العنود بنتكم واقولكم انسوني للابد بعيش حياتي بعيد
عنكم  واكبر غلط اني طرحت ولدي بسبب تخلفكم خسرته
وخوفي منكم خلاني اخسر واخسر بدون توقف اذا
تحبوني او على لاقل لي في قلبكم ذره من رحمه تكفون
لاتدوروني لاني لو صادفت واحد فيكم بذبح نفسي
العنود ....
...................

البنات ومو مصدقين انها انحاشت  لام خيريه
تبكي وتتحسب عليها لان عنود اثبتت كلام ام حسن
وطبعًا ام حسن مارح تسكت بتقول انحاشت لانها
اطرحت ولدها واهلها عرفو فأنحاشت

سلطان يصرخ ويكسر دنيا ماحد قدر يوقفه
بعد ماقرأ رساله
.....................
مشت الحياه لايام بعدها شهور وصارت سنه كامله
وباقي العنود مالها اثر وبطلو يدورونها يأسووو

ريم كانت تتشمت طول الفتره ذي بس من ورا رشاش وقدامه
ملاك طاهر والبنات وصل حدهم منها
ديم راحت تكلم رشاش لانها معاد تتحمل ريم دايم
تجاكرها وهي تعبت من ذا الموضوع

رشاش جالس في امان لله جته ديم وهي منفسه
ديم : انت وبعدين معك متى بطلقها ترا نفذ صبري
رشاش : متفق اطلقها بعد سنتين مرت سنه باقي ثانيه
تحملي ( يمسكها ويجلسها جنبه)
ديم : لا لا هذي ماتتعاشر مريضه
رشاش : عشاني تحملي
ديم : طيب بتحملها ذي الغثيثه عشانك
رشاش : كفو
ديم : بس بشرط نطلع نسكن لوحدنا ابغى استقر
رشاش : من عيوني

(سمعتهم وعصبت مره وتوعدت بديم )

...................... عند العنود

استأجرت شقه على قدها وشتغلت عامله منزليه
لان الفلوس خلصت هي ماعندها مشكله انها تشتغل
بالعكس مبسوطه ومرتاحه في حياتها الجديده