قيود العادات والتقاليد

الماضي لن يتركني

نكمل ...

عهود اخذت رقم العنود وتصلت ردت افراح
افراح : اهلا وسهلا معكم عاملات لتنظيف المنازل
عهود : اهلين ممكن اكلم عنود
افراح : انا المسؤله عن المواعيد
عهود : معليش بس كلمتين
اعطت افراح تلفون للعنود وردت
عنود : الو
عهود تبكي : عنود كيفك ياروح اختك
عنود كلجت والخوف مسيطر عليها ماردت
عهود : تكفين لاتسكرين اسمعيني ابغى اقابلك انا لوحدي
ماحد معي
عنود بصراخ : خلاص فكوني لا انتي اختي ولا اعرفك
( وسكرت رجعت عهود تدق بس ماترد)

طلعت عهود بعد ما اخذت رقم معها 

................... عند ديم ورشاش

ديم عرفت انها حامل انبسطت مره وراحت لرشاش
ديم : رشروشي
رشاش : لاتدلعين اسمي ترا مو لايق
ديم : بقولك شي اللحين وبيفرحك
رشاش : من زمان عن الوناسه قولي
ديم : انا حامل
رشاش ماسوا اي ردة فعل غير انه يناظرها وهي تضحك
ديم : انا قلتلك الله كريم وبيعوضنا
ضمها وهو دنيا مش سيعاه من الفرحه
رشاش : تكفين انتبهي له
ديم تضحك: اذا زعلتني بطرحه
رشاش : لا لا تمزحين كذا تكفين انتبهي له وكلي اشوفك ماتكلين تعالي معي
( سحبها للمطبخ واكلها وهي شوي وتنفجر )

..................  ساره وعمر

ساره تتابع تلفزيون في غرفتها وشافت فار اسود
هي صرخت بقوه ووقفت فوق السرير
عمر دخل الغرفه خايف عليها

عمر بخوف : وشفيك تصيحين
ساره ووجهًا اصفر: فار ورا الباب
عمر شاف الفار في زاويه وقرب منه يبغى يمسكه
لاكن هرب جهت ساره وهي تركض للباب وطلعت
من الغرفه وعمر ميت من ضحك مسك الفار وطلعه ورماه
من شباك

كانت ساره واقفه في نص صاله ويناظرونها بستغراب
قحص ومهل وسلطان
عمر عصب من ملابسها وسحب يدها بقوه للغرفه
بعد ماقال عمر للقحص ومهل وسلطان
عمر : فقع الله عينك انت وياه
ضحكو عليهم ...

رجعها الغرفه وهو معصب ..

عمر : انتي وين عايشه طالعه بذي الملابس قدامهم
ساره : ماشفت الفار وهو مدرعم  صوبي
عمر : حدك ياساره ذي الغرفه برا الغرفه عبايه
ساره : طيب طيب لاتاكلني وشفلك حل كل يوم طالع فار
عمر يضحك:  ماينلامون يحسبونك جبنه
( لان ساره لابسه اصفر )
ساره عصبت : مالت عليك وانا متكشخه لك وفي لاخير يخق
علي فار انقلع عني ( راحت تبدل ملابسها وهي زعلانه )
عمر في حاله ضحك

................  رنا وسلطان

رنا تمنكر رجولها 💅. وسلطان يناظرها مستغرب

سلطان : مريضه انتي مناكير في اصابع رجولك
رنا : اي عادي  كل بنات كذا
سلطان : ياما شفت بنات بس ماشفت مناكير في رجولهم
(رنا عصبت وحطت المناكير بقوه على طاوله )
رنا : عيد كلامك ماسمعتك زين
..سلطان استوعب انه جاب العيد ..
سلطان بتوتر: اقصد خواتي وامي بس
رنا : شف احترم نفسك لاتجيب طاري البنات قدامي
سلطان : تغارين علي
رنا : تخيل اني اجيب طاري عيال وش بتسوي
سلطان : اسلخك واقطعك مربعات
رنا رجعت تحط مناكيرها : وانا العن منك
ضحك سلطان : انتي نتفه بس قويه يمه منك
رنا : الحياه تحتاج قويه
سلطان : الله الله على الحكم قومي سويلي اكل جوعان
رنا : انت وذوق ماتتقابلون حتى لو بلغلط ماتشوفني مشغوله
سلطان : قومي ولا كسرت مناكيرك ومكياجك
رنا قامت وهي تلعن فيه وهو يضحك ...