قيود العادات والتقاليد

مواجهه

بعد ماخلص علي تهديده طلع من الغرفه وساره
ماتدري وش تسوي وكيف رشاش بيسامحها
طلعت الحوش تبغى تغير جو صادفت عمر
قربت منه وهو شافها يبغى يروح  مسكت يده
ساره : عمر انا اسفه انت طيب وما تستاهل غير
وحده تسعدك ..
عمر : كنت اصبر عليك على اساس تتغيرين بس
كل يوم تصدميني فيك اكثر ..
ساره : اسمعني بقولك كلام خله في بالك انا مارح
اطول عايشه ابغاك تسامحني وتعذرني ..
( بعد ماقالت كلامها راحت وخلت عمر محتار )

.... اليوم ثاني

عند ديم راحت لخالتها نوره .ام رشاش
ديم : كيفك ياخاله اليوم
نوره : بخير يابنتي عسى رشاش طيب معك
ديم : اي طيب ويدلعني
نوره : الله يخليكم لبعض
ديم : خاله بغيت اسالك زمان قلتي لي سالفه اسقاطك
وشكان سببه ؟
نوره : وش طاري يابنتي
ديم : بس فضول
نوره : كنت نازله من درج وانا انشر الغسيل وطحت من درج
ديم : ومات طفل بعدها
نوره : اي مات

....

عند مصلح كان نايم بعد شرب امس عهود لاحضت
ورقه عند راسه اخذتها شافت صوره ساره
مع رجال ورساله عهود انصدمت مره وعرفت سبب
تصرفات رشاش ومصلح رجعت الورقه ،،
طلعت قبل يصحى  مصلح وشافت رنا في طريقها
عهود : رنا بقولك سالفه
وقالت عهود ألي شافته رنا انصدمت وطاحت ساره من عيونهم
عهود : ماتستاهل اخوي لازم يطلقها
رنا : مالك دخل ترا في لاخير ساره بنت عمك
عهود : تاكل تبن اخوي لازم يدري
رنا : والله يدفنك مصلح ها اص احسن لك
عهود طنشت رنا وراحت ...

.....

رشاش كان قاعد جا علي وقعد قدام رشاش وهو يبتسم
علي : امس قلقت على ساره فيها شي
رشاش : لا مافيها إلا العافيه
ساره دخلت عليهم بالغلط وبغت ترجع بس علي تكلم
علي : ساره كيف حالك
ساره : انا بخير
رشاش :  كيف عمر ماعادني اشوفه معك
ساره : عمر طلقني ( تغمض عيونها)
قام رشاش بسرعه وقرب منها ..
رشاش : وش قلتي عيدي
ساره : طلقني امس
علي : افا ليه
ساره : انت مالك دخل ( تصرخ على علي)
رشاش : ليش طلقك ( يحاول يكون هادي)
ساره : مدري ضربني وطلقني بعدها
رشاش : انتي وبعدين معك مشاكلك زادت
رشاش من العصبيه ضربها بكل قوته وعلي يبعد رشاش
جا سلطان يساعد علي وبعدوه عن ساره .
رشاش : انتي وراك خربتي نسيتي من يكونون اهلك
(سلطان اخذ ساره عند البنات)
علي : هد يارشاش ماينفع ضرب طلقها انتهينا
رشاش : لا مانتهينا مو اخت رشاش تطلق
علي : ولا يهمك انا بتزوجها وبصونها
رشاش : مو وقته اللحين
علي : إلا وقته مثل ماطلق عمر وقهرك اقهره وزوجني ساره
وعلى راس العنود اخته  يعني بتربيه ( يغمز)
رشاش : تم موافق
علي : تمام اي وقت يناسبكم انا اتشرف

....
عند ديم كانت عند درج سطح تحمس نفسها عشان
تبغى تزحلق ويموت طفل غمضت عيونها وطاحت من اعلى
درج للاخير طيحه قويه حست  انها بتموت من لالم
صاحت بقوه  جوها كلهم ومنهم رشاش شلها
وداها المستشفى وجلسو ينتظرون نزل الطبيب
دكتور : مين زوجها
رشاش : انا يادكتور
دكتور : زوجتك بخير فيها بعض رضوض وكسر في يدها
لاكن الجنين مات
رشاش  : كانت حامل ( مصدوم)
دكتور : للاسف اي ( راح)
دخل رشاش على ديم وهي كانت تبكي ضمها وحب راسها
وجلس يراضيها ...

.....
في البيت ،
مصلح كانت زاقه معاه وفيه طفش قاعد في صاله
مايدري ايش يسوي دخل مهل عليه
مهل : وش بلاك معصب
مصلح : ياخوي طفش
مهل : طفشان وعندك زوجه وانا عازب ومنتف من فينا احسن
مصلح : من زينها عاد ابغى اغير جو
عمر : سلام
مصلح +مهل : وعليكم سلام
مصلح : شكلي بتزوج مره ثانيه ابغى اغير جو
مهل : معليك بنغير جو في زواج علي وساره
عمر ومصلح مصدومين من كلامه ..
مصلح : خبل انت كيف ساره تتزوج علي وهي على
ذمة عمر اسكت بس ..
مهل : انت وين عايش عمر طلق اختك وعلي طلب اختك
ورشاش وافق ( يضحك)
(عمر مصدوم من علي وكيف انه لعين قام بدون مايتكلم)
مصلح : تعال عمر وين رايح
مهل : شكلي جبت العيد
مصلح : فين رشاش استخف ذا ولا شعنده
مهل : رشاش في المستشفى زوجته طاحت ومات ولدهم
مصلح : لعنه ابغى افهم وش قاعد يصير ( راح)
......
عهود شافت عمر رايح دعته ..
عمر : عهود اشتبغين بسرعه مستعجل
عهود : انت لازم تطلق ساره
عمر : صح نوم طلقتها
عهود : يعني دريت وش مسويه
عمر : لا وش سوت
( عهود قالت لعمر عن صوره ورساله عمر  مصدوم )

.....

علي كان جالس مع العنود وهي مستغربه ليش يبتسم
علي : عنود حبيبتي انا ذي اليومين بتزوج
عنود : صاحي انت
علي : بكامل قواي العقليه
عنود : لحقت تمل مني
علي : رحمه مني مارح اطلقك
عنود : لا طلقني واللحين وخذ كل بنات ديره لو تبغى
علي : طيب انتي طالق خذي اغراضك وبرا يله
عنود : وقح وحقير احسن تحررت منك
اخذت اغراضها وراحت ...

....
عمر كان جاي غرفة علي شاف اخته  طالعه تبكي
عمر : عنود وشفيك تبكين
عنود : علي طلقني وقال انه بيتزوج ( تضمه وهي تبكي )
عمر ماصار يشوف قدامه راح لعلي  وهجم عليه
ضرب  تضاربو
( جا سلطان ومصلح ومهل وقحص وفرعو بينهم )
رشاش دخل وشاف حالهم : تعالو كلكم للمجلس بسرعه

جلسو العيال في المجلس عمر يتنفس بقوه من كثر العصبيه
رشاش : عمر هد وقل اشفيك ليش تضاربتو
عمر : اسمعوني كلكم هذا واحد كلب لعب في راسي
عشان اطلق ساره وانا غبي وصدقته ويبغى يتزوجها
وفوق ذا كله طلق اختي ( بصراخ)
علي : اختك مجبور اني تزوجتها والكل يعرف وكنت ابغى ساره
وبعدين لو كانك رجال ماكنت سمعت كلامي
رشاش : كلكم تتهاوشون عشان ساره اختي
مصلح : عمر لو كانك رجال ما طلقت ساره من لاساس
بس انك رخمه ومو رجال ..
عمر : انا لو ماني  اعزكم ماسكت عليها وهي نايمه
مع رجال غريب شفت صورتها وسترت عليها،..
مصلح ورشاش عصبو مره وكانو بيردون بس

فاجأهم دخول ساره وهي ماسكه سلاح  وموجهته
على علي ...

تتوقعون ساره بتسويها ؟
احبكم مره 🤍