قيود العادات والتقاليد

قسوه + الماضي

عوده للماضي قبل ٧ سنوات ..........

رنا وعهود قاعدين في صاله يسولفون دخل البيت
رجال شايل فوق ظهره اسطوانة غاز وقعد ينادي اهل
البيت ماكان فيه احد موجود
مشعل : يأهل البيت وينكم انا راعي لاسطوانات
رنا ضاعت علومها من شافته قدامها وقربت منه وقالت
رنا : مافيه احد في البيت وش بغيت
وهي تتأمل وجهه وخاقه هو استحى من نظراتها
مشعل : ولا عليك امر بدخل لاسطوانه للمطبخ دليني عليه
رنا : من عيوني تعال من هنا ( دخلته للمطبخ )
بغى يطلع من البيت مسكت يده
رنا : ممكن اعرف اسمك ؟
ارتبك لانه يعرف العايله بيقصون براسه لو احد شافهم
مشعل : اسمي مشعل
رنا : اسمك حلو مثلك
مشعل من الخوف طلع من البيت بسرعه

بعد ماطلع قربت عهود من رنا وهي تضحك
عهود : وراك خاقه على ولد
رنا : عهود تكفين حبيته من اول نظره
عهود : لعبتي الحب بكتب لك رساله له انا اعرفه وهو عنده دكان قريب نعطيه رساله وشرايك ؟
رنا : اي تكفين ابغى اقوله  بمشاعري
عهود تضحك : كنتي تتمسخرين علي شوفي قدك تحبين
رنا : اسمعي لايدرون البنات بيني وبينك الكلام
عهود : تامرين امر

اليوم ثاني ..
كتبت عهود رساله لمشعل اعتراف حب وعطرتها ولبسو
عباياتهم وراحو لدكان مشعل دخلو عليه
عهود ورنا : سلام عليكم
مشعل: وعليكم سلام
رنا : خذ هذا المكتوب بعد ماتقراه ابغاك ترد علي
وطلعت هي وعهود راجعين البيت

اما مشعل قرأ رسالتها وبغى يموت من الخوف لان الحب
في بيت الجد جدلان كارثه

مع مرور الايام ..
صار حبهم قوي مره ودايم بعد ساعه ١٢ ليل يرمي على
شباك رنا حجر عشان يكلمها

وسلطان ماكان موجود مسافر عشان عمله بعيد بس الجد
رجعه بالغصب ورجع سلطان للبيت من ذاك اليوم
والجد جدلان راسم حياة سلطان ورنا انهم لبعض

مشعل جا يوم يخطب رنا رفض الجد ورنا عصبت
وسوت مشاكل بس كالعاده ضربوها وبعدو مشعل عن ديره
والمسكين طلع ومعاد تجرأ انه يرجع

(هذا الكلام كله صار بس مشعل ماقابل العيال
والعيال بعد مايعرفونه بس الجد جدلان تصرف  معه)

عوده للحاضر نكمل.....

تواصل نظرات بين رنا ومشعل والكل لاحظ سلطان
عصب وقطع تواصلهم
سلطان : تفضل يامشعل ليش واقف
مشعل قعد جنب العنود وكانت رنا قدامه وتحاول تكون
طبيعيه وعهود من صدمه مو قادره تفتح فمها
عدا اليوم على خير ماننسى نظرات مشعل لرنا  كانت
شوق لها ولذكرايات
راحو مشعل وعنود لبيتهم

عهود سحبت رنا  وهي تتراجف
عهود بخوف : ذا مشعل تذكرتيه
رنا تبكي : اي اذكره وش جابه ياربي مصيبه
عهود : طنشيه وانسي الماضي
ونا : ماشفتي كيف يناظرني
عهود : شفته وبعد أخوي سلطان شاك فيكم انتبهي يعرف
رنا : لا لا نشالله مايعرف