قيود العادات والتقاليد

نهاية

نكمل ...

طلع رشاش من الحمام وشاف في يد جميله ذهب ديم
ومعها كيس اسود جميله خافت منه بغت تطلع
رشاش ؛ مكانك لاتتحركين
قرب رشاش المشكله هو عاري صدر وبس المنشفه على
خصره  وشعره يقطر مويه
جميله مرتبكه : انا اسفه بطلع
رشاش : هاتي الكيس
سحب الكيس من يدها وكان مليان ذهب وفلوس
ناظر فيها رشاش وهو مصدوم منها
رشاش : تسرقينا !
جلست جميله عند رجوله وهي تبكي
جميله : مجبوره اسوي كذا تكفى لاتعلمهم
رشاش دفها برجله : وخري تسرقين وتبغيني اسكت
جميله تبكي : انا لازم اسرق ولا بقتلني اخوي
رشاش : من اخوك ؟!
جميله تبكي : اخوي عزيز قال لازم اسرق ولا بيقتلني
رشاش بعصبيه : ليش ماقلتي لسلطان بيحميك منه
مو تزوجك عشان يربي الولد عاجز انه يحميك

جميله تبكي : سامحني والله اني مجبوره
ضحك رشاش : على بالك اني سلطان اصدق واسامح
خافت جميله : اي شي تطلبه بسويه انا تحت امرك
ولع زقارته وناظر فيها : ابغاك تلمين عفشك وقشك
وتدقين على رخمه اخوك وتقولين له ياخذك لمصر ولا اشوفك
بعدها
جميله تبكي : بيعصب علي اذا ماعطيته فلوس
رشاش : قرش واحد مانتي بماخذه لو جيتي بطريقه
صح وعلمتي سلطان كان حالك ازين من كذا

.........................

ديم طلعت لغرفتها وفتحت الباب وهنا المصيبه
رشاش وجميله في الغرفه يتكلمون
وكان رشاش عاري صدره وبس المنشفه على خصره
ديم بصراخ : ياسلام عسى مازعجتكم
(رشاش ركز انه مو لابس شي )
رشاش : ياليل وشذي المصيبه
حطت ديم عمر صغير في سريره ورجعت لجميله
عطتها كف
ديم : خلصتي من سلطان تبغين رشاش
رشاش يضحك عليها
ديم : ضحكت بدون اسنان ماتستحي انت وعيال عمك
كل يوم واحد فيكم مع بنت
رشاش مارد على ديم : جميله مثل ما قلتلك يتنفذ
انقلعي لغرفتك
طلعت جميله .،
ديم يدها على خصرها : اي ماتشوفني خيال قدامك
رشاش بتعب : يابنت ناس خليني ارتاح
ديم : ترتاح ما انت مريح على لأخر بنت معك في غرفتي ومو
لابس شي وفوق ذا كله ماتبغاني اتكلم

رشاش سحبها وقعدها لانه يدري لو تنطبق سما على
لارض مابتريحه ولابتسكت فهمها كل شي صار
ديم مصدومه : طلع شكي في محله
رشاش يلبس ثوبه : وش شكيتي فيه
ديم : ساره سمعت جميله تكلم وتقول بتسرق حتى رقم
عندي
رشاش : هاتي رقم
اعطتها. اخذه وراح

.............................
في شركه

بعد ماخلص لاجتماع طلعو رجال لاعمال
باقي على طاوله العيال
مهل : ذا المتين ماسكر فمه اوجعني راسي الله يسد
حلقه
عمر يضحك : مو متعود يامهل على شغل ولاجتماعات
مهل : ماهيب جوي
رشاش : غصبن عنك تداوم وتشتغل
مهل : طيب ماقلنا شي
مصلح : سلطان منهو ذا ألي ارسلت ملفه لي وتقول
اوضفه عندي
سلطان : اخو جميله عزيز جاني يبغى وظيفه
رشاش عصب لان عزيز يستغل سلطان :
مصلح حول ملفه عندي بشغله
مصلح : ابشر
رشاش : دق عليه اذا فاضي خليه يجي اللحين
مصلح : رقمه في الملف
رشاش : دق عليه اخلص
دق عليه مصلح وهو جاي في طريق