قيود العادات والتقاليد

قدر ومكتوب ❤️‍🩹

صباح يوم جديد ..

قامو الكبار الجد وعياله وحريمهم لامهات البيت
هدوء لان باقي ماصحو الباقين ..

وهم على سفرة الفطور ماصحوهم على اساس
اول يوم لهم دخل عمر البيت كان حالته مزريه
تعبان وهالات سودا  تحت عيونه من شرب
شافته امه خيريه وركضت لعنده  وهي خايفه
خيريه: يمه ولدي شفيك ليش مو مع زوجتك ؟
الجد : وين كنت ؟
عمر : كنت برا البيت ورجعت اللحين وشفيها
لاب عوض : انت صاحي تارك زوجتك في ليله زواجك
عمر : تكفون تسكرون على موضوع تعبان وابغى انام
راح عمر للغرفه وشاف ساره نايمه  ونام جنبها ،،
......
عهود قامت من نوم كاتمه صوتها وهي تبكي
ماتدري وش تسوي اذا قالت لامها مارح يفرق
شي ولا احد بيوقفه عن حده او ياخذ حقها حتى
اخوانها بيشوفون مصلح زوج طبيعي وهو مريض
يحب يعنف بأقوى ماعنده  قامت بصعوبه وراحت
تتسبح واخذت وقت سمعت مصلح يدق الباب
مصلح : ساعه في الحمام
عهود : اللحين نازله
نزلت من الحمام ناظرها شوي ودخل الحمام
راحت ورتبت نفسها وغرفتها ونزلت تحت
نزل مصلح ماشافها في الغرفه غمض عيونه
بعصبيه ويهدي نفسه لبس ملابسه بسرعه
ونزل لها شافها جالسه مع امها وتسولف
طبعًا امها شافت علامات ضرب وتدري
ان مصلح سبب بس مابيدها شي
مصلح سحب يد عهود بسرعه ورجعها
للغرفه ودفها بقوه طاحت على لارض
مصلح :  انا قلتلك تنزلين ؟
عهود : ليش وين نزلت مكان غريب
مصلح : لاتردين علي ماتنزلين شبر من ذي
الغرفه إلا بعلمي ولو سويتيها دفنتك وقدامهم
فاهمه ( بصراخ)
عهود : اي فاهمه (  خافت من شكله وهو معصب)
......
رشاش صحي قبل ديم غسل ولبس ملابسه
قامت ديم وشافت رشاش واقف يولع زقارته
وهو سرحان ويفكر ديم ترددت تتكلم معه
حس رشاش ان ديم تناظره
رشاش : وشفيك تبحلقين فيني
ديم : لا ولاشي
رشاش : وليش ماقمتي بدري وشذا الكسل
ديم : متعوده امي تصحيني
رشاش : معاد فيه امك تصحيك تقومين
قبلي وتجهزين ثوبي وتجهزين الفطور
ديم : توني عروس طيب ما اتهنى
رشاش : انا رشاش ماعندي  ذا الكلام
ديم : طيب طيب لاتاكلني بقوم ( بنفيخ)
رشاش : ديم والله لوعاد تكلميني كذا مايصرلك خير
قامت ديم تبدل ملابسها  و تتكحل ولبست  فستان
احمر وتعطرت وصارت تفتن رشاش كان يناظرها
ديم : يله رشاش جهزت ( بأبتسامه)
رشاش : فين
ديم : ننزل نفطر فين يعني
رشاش : تبغين تنزلين بذا الفستان والمكياج هذا
ديم : ليش مو حلو
رشاش : هذا ألبسيه لي ماتعتبين باب الغرفه
بذا شكل ( بعصبيه)
ديم : بلبس عباتي فوق الفستان
رشاش : غيري وامسحي المكياج
انا نازل تحت لو اشوف مكياج على وجهك بفقع وجهك
نزل رشاش تحت وديم تحوس في الغرفه ودها
تذبحهه من القهر مسحت مكياجها وغيرت لبسها
وهي تسب رشاش مابقي سبه ألا وقالتها
نزلت تحت وسلمت  جلست معاهم
.....
سلطان نايم في سابع نومه كانت رنا صاحيه
وقد تجهزت بس جاها فضول تدور في اغراض
سلطان حصلت في جيب ثوب صوره ورساله حب
لبنت والمصيبه البنت ذي رنا تعرفها عصبت مره
اخذت صوره ودستها نزلت تحت وهي تتوعد لسلطان
صحي سلطان من نوم وماحصل رنا عصب منها
مره ليش تنزل بدونه لبس ملابسه ونزل يدورها شافها
جالسه مع ديم قرب منها معصب
سلطان : انتي ماتستحين مخليتني فوق ونازله هنا
رنا : ليش احتريك ألين حضرتك تقوم من نوم
سلطان : نبهتك يارنا من ذا لاسلوب
ديم : عن اذنكم
رنا : لاتروحين ياديم خليك معي
سلطان : فيك شي انتي انا زوجك مو سلطان  لاول
رنا : شتبي اللحين
سلطان : تفاهمنا مو اللحين بتشوفين نهاية العناد معي
راح سلطان معصب ديم كانت مزهريه بينهم
ديم : شكلي مو لوحدي اعاني ( تضحك)
رنا : كلهم مجانين ودبسنا فيهم جدي
....
عنود كانت  متفشله تنزل لان موقف امس
باقي بخاطرها انرفضت قدام الجميع وماكان
يبغاها يبغى ساره صعبه تنسى قام علي
وشاف عنود مسرحه ووجهها اصفر لانها
مانامت أصلًا حس بتأنيب ضمير بس
مايقدر يعالج هذا الموقف ألي تعرضت له غير الوقت
هو الوحيد ينسيها لبس ثوب  وناظر  فيها متردد
علي : تنزلين معي ؟
عنود : لا تعبانه انزل انت ( بصوت مبحوح)
علي : براحتك
...
ساره شافت عمر نايم جنبها تضايقت وتخيلت
لو مكانه علي  ناظرت في عمر كان ريحته شراب
وحالته حاله  قامت وماهتمت  بالعكس تحس
نفسها صارت متبلده مشاعرها بدلت ملابسها
ونزلت تجلس معهم
....

افطرو العايله  بعدها كلن راح لعمله مابقي في البيت
ألا الحريم بس اخذو راحتهم  ورمو العبايات
رنا : وأخيرًا راحو تنرفز العبايه
ديم : وين عهود وعنود ليش مانزلو ؟
ساره : مافيهم شي تلاقينهم نايمين
رنا : انا بروح اشوفهم
ديم : وانا معك تجين معنا ياساره
ساره : لا روحو انتو
...
راحو البنات لغرفة عهود دقو الباب فتحت عهود
انصدمو البنات من وجهها كان في كدمات
اول ماشافتهم عهود بكت ضموها
ديم : وشفيك من مسوي فيك كذا
رنا : واضحه ياديم مصلح الله لايسامحه
عهود تبكي : بنات مصلح مايتعاشر يوم واحد
وتفنن في تعذيبي نفسيًا وجسديا
رنا : بنقول لجدي يوقفه عن حده
عهود : لا تكفون يبنات لو يدري بيكسرني
ديم : وراك صرتي ضعيفه لا يستضعفك انتبهي
رنا : طيب تعالي غيري جو ترا طلعو رجال
عهود : هو حالف فيني مااطلع من الغرفه
رنا : يستهبل صح ؟
ديم : هم كذا رشاش ومصلح عندهم داء سيطره
رنا : عادي ولايهمك بنقعد معك هنا
فرحت عهود : الله لايحرمني منكم
ديم : ولا منك اسمعو برح اشوف العنود واجيكم
عهود : عنود مانزلت تفطر معكم ؟
رنا : لا والله مانزلت تلاقينها مع الحب
....
راحت ديم لغرفة عنود دقت الباب ماردت خافت ديم
عليها وفتحت الباب وصدمه هنا ،،،،

عنود كانت تشرب وسكرانه

توقعاتكم اذا عرف علي أن عنود سكرانه وش بيصير ؟؟؟؟؟