အဆုံးမရှိသော ( Infinity )

ရုန်းထွက်ခြင်း

Part - 5

ဘာလိုလိုနှင့် Front Rannaရဲ့ လေ့ကျင့်ရေးစခန်းကို သူရောက်နေသည်မှာ တစ်ပတ်ကျော်ပြီဖြစ်သည်။နေ့တိုင်း ကွင်းပတ်ပြေးလိုက် ဘားတန်းကျော်လိုက်နှင့် သူသည်လည်း အတော်လေး သက်လုံကောင်းလာခဲ့ပြီဖြစ်သည်။ထို့ပြင် တပ်သားအတော်များများနှင့်လည်း ရင်းနှီးခဲ့ပြီး ဖြစ်သည်။သည်နေ့တွင် Front Rannaသည် သူ့အား အဆင့်တက်သင်ကြားပေးမည်ဟု ​ပြောခဲ့သည်။သို့သော် သူကတော့ ကိုယ်လက်လေ့ကျင့်ရေးကိုပင် လုပ်နေဆဲဖြစ်သည်။ထမင်းစားချိန်ကပ်နေပါသော်လည်း Front Ranna၏ အရိပ်အရောင်ပင် မတွေ့ ရချေ။

" သခင်လေး, ဘာရှာနေတာလဲ "

" မင်းတို့Boss ဘယ်သွားလဲ "

" ဪ Bossက Minတို့နဲ့ လျှိုဝှက်အစည်းအဝေးလုပ်နေတာ "

Renသည် ခေါင်းအသာငြိမ့်ပြရင်း သူလုပ်ရမည်များကိုသာ လုပ်နေတော့သည်။သိပ်မကြာခင်အချိန်လေးမှာပဲ သူတို့ဟာ ထမင်းစားနားရပြီဖြစ်သည်။ထမင်းစားချိန်တွင်တော့ Front Rannaက သူအနားပြန်ရောက်လာပြီ ဖြစ်သည်။

" ဗိုက်ဆာပြီလား "

" ခင်ဗျားကို စောင့်နေတာလေ "

" လိုက်ရှာနေတာလား "

" မဟုတ်ပါဘူး "

" ဟုတ်တယ်တော့ လုပ်လိုက်ပါ "

" မဟုတ်ပါဘူးဆို ဘာလဲ "

" ဘာမှမလဲပါဘူး ဪ မေ့တော့မလို့ ဒီနေ့ အသစ်မသင်ပေးတော့ဘူးနော် ကိုယ်မအားသေးလို့ "

" ရပါတယ် ဘာလို့မအားတာလဲ "

" လက်နက်တွေမှာ ရောက်လာတော့မှာမလို့လေ "

ဆက်မမေးတော့ဘဲ ခေါင်းငြိမ့်ပြလိုက်သည်။ပြီးနောက် Front Rannaက သူ့လက်မောင်းအား အသာပုပ်ကာ အနားနားတိုး၍ တစ်စုံတစ်ခုအား ခိုးပေးသည်။ထိုအရာမှာ အသားဟင်းပန်းကန်ဖြစ်သည်။သူသည်လည်း မျက်လုံးပြူးမျက်စံပြူးနှင့် Front Rannaအား ပြန်ကြည့်နေမိသည်။Front Rannaသည် သူ့အား ပြုံးပြုံးကြီး ကြည့်နေပြီး ဟင်းပန်းကန်အား သူ့ရှေ့ချပေးသည်။သည်နေ့တွင်တော့ သူ့ဘေးနားတွင် Front Rannaရှိနေသည်မို့ မည်သူမျှ သူနှင့်အတူ ထမင်းလာမစားကြချေ။သည်တော့ ထိုဟင်းပန်းကန်အား သူတစ်ဦးတည်းသာ စားရသည်။