الرواية الاولى "المحتالة "
فى ردهة فندق فخم ، خمس نجوم ينتمى للطبقة الارستقراطية، كانت واقفه تنهى أوراق المغادرة لتتفاجىء بأن تكلفة أقامتها تم دفعها بالكامل لتسأل موظفة الاستقبال بذهول
-مين اللى دفع انا مادفعتش حاجة ؟ اكيد فى حاجة غلط
الموظفة بأبتسامة :لا يافندم مفيش حاجة غلط الفلوس اتدفعت كاملة
-انا مش فاهمه حاجة يعنى الشركة اللى دفعت ولا اى ممكن تشوفيلى اسم اللى دف...........
=(أتاها صوت من خلفها ) انا اللى دفعت
-(نظرت له بذهول ) انت؟ليه دا كتير اوى هو انا جاية اعمل صفقة معاكم ولا اكلفك؟ لا معلش انا لازم ادفع الفلوس (ثم اكملت وهى تنظر للموظفة )لو سمحتى شوفيلى التكلفه كام
=(اجابها بأبتسامته المعتادة) المبلغ بسيط وكمان دا شكر ليكى على مجهودك معانا وانك خلصتى الصفقه بنجاح وبسعر مناسب بعد المشاكل اللى مرينا بيها دى عشان الصفقه تتم
-ايوا بس دا كتير اوى دول عشرين يوم , وانت عزمتنى على عشاء وخروجه وحاجات كتيرة اوى تكفى شكر لسنين قدام وانا مقدره دا
=(قال بصوت خافت ونبرة هادئه لكى لا يسمعه غيرها) لا اللى فات دا كان ليكى انتِ شخصيا ك بيلا انسانه عزيزة عليا (ثم اكمل ) لكن تكلفة الاقامة دى للمندوبه اللى شركه GY بعتاها اتمنى تعرفى الفرق بينهم
-(قالت بترقب ) ودى بقى طريقتك مع كل البنات الحلوة اللى بينزلوا هنا ؟
=حرام عليكى يعنى بعد الوقت اللى مقضناه مع بعض دا ولسه برضو شاكة فى نيتى
-بصراحة اه ....اصل يعنى انت غريب اوى كنت بسمع عنك كلام صعب اوى انك قد اى شخص صارم وصعب الارضاء وموقف موظفينك على رجل واحدة والكل بيخاف منك وفى نفس الوقت الفتره اللى فاتت دى لما قابلتك واتعاملت معاك شوفت عكس كدة تماما هو انك قد اى شخص مراعى وطيب وجينتل مان فحاسه انك بتضحك عليا او بتحاول توقعنى ليك
=(هتف بدراما مصطنعه) حرام عليكى بجد هتبقى انتِ والناس عليا ؟؟ (ثم اكمل بأبتسامة) واضح كدة انك محتاجة مدة تانيه تعرفينى فيها انتى تيجى تانى وانا مستعد اعملك خصم اى رأيك
-(هتفت بأبتسامه) لا دا انت كدة عايز تفلس بقى مش كفايه اللى دفعته
=(اجابها بصدق ) فداكى كل حاجة
-( اجابته بحرج وهى تعيد احدى خصلات شعرها للخلف ) احم طيب انا لازم امشى بقى السواق مستنى برة ....وبجد شكرا على الصفقة وعلى دفع التكلفه (ثم اكملت بعد مدة ) وشكرا على كل حاجة حلوة عملتها الفتره اللى فاتت دى انا عمرى ما هنسى اللحظات الحلوة اوالحاجات الجميلة اللى شوفتها معاك (ثم اكملت وهى تحاول اخفاء مشاعرها وهى تمد له يدها لمصافحته) حقيقى شكرا ,انا لاول مره اعيش كان على ايديك
=(اجابها بأبتسامه)انا اللى مفروض اشكرك مش العكس انا قضيت اجمل عشرين يوم فى عمرى كله ...بس اكيد دى مش اخر مره اكيد هنتقابل تانى ولا اى؟
-(اجابته ب ابتسامه حزينه)اكيد
(رافقها للخارج الى حيث توجد السياره التى استقلتها بهدوء وهى تحاول منع نفسها من النظر للخلف ليراقب السياره وهى تتحرك تاركه اياه خلفها بدون قلب فقد تركه قلبه محلقا فى السماء حول سيارتها فتلك الفتاه جعلت منه شخص آخر وجعلته يدرك احاسيس ومشاعر لم يكن يعل عنها شيئا لتترك فى النهاية وتغادر على الرغم من وجود شيئا بداخله يحذرة من الوقوع لها ولكنه لم يستطع السيطه على قلبه ومشاعرة ,يريد ان يقابلها مرة آخرى وسيفعل قريبا ويعترف لها بمشاعره )
بعدما ابتعدت السيارة عن الفندق واصبحت على الطريق الرئيسى للمدينه تحدث السائق
-ها عملتى اى؟
=( اجابتها بهدوء وهى تزيل الشعر المستعار وتخلع العدسات اللاصقه )كله تمام
-والورق جيبتيه ؟
=(هتفت بعصبيه )انا مش قولت كل تمام؟ يبقى اكيد جيبته يعنى
-طيب براحة فى اى متعصبه ليه دلوقتى...احنا خلصنا العملية بنجاح يعنى المفروض تكونى مبسوطة مش مكشرة كدة مالك ؟
=مفيش ....الطيارة الساعة كام
-اول ما نوصل هنتحرك الboss محضر كل حاجة وهيستقبلنا فى المطار اول ما نوصل المرة دى هنسافر فى طيارة خاصة من بتوعه شكل الفلوس المرة دى كتيرة
=(اجابته بشرود وهى تنظر للخارج عبر الشباك)اه
-لا انتِ مش طبيعيه بجد فى اى يابنتى
=(اجابته بغضب)كلمه كمان وهتسمع منى كلام هيزعلك ...فكك منى وسوق وانت ساكت خلى ام اليوم دا يخلص
مرت عدة أيام على ذلك اليوم ولم تهاتفه مثلما قالت له بل حاول الوصول لها ولكن هاتفها كان مغلق طوال الوقت ولكنه تفاجىء ب ايميل غريب من الشركه التى من المفترض تعمل لديها لتخبره ب ان المندوبة التى ستنهى معه الصفقة تطلب منه اعادة جدولة موعد آخر لانهاء الصفقه ليصدم فى البدايه ولكنه عندما هاتف الشركه أدرك بانه تم خداعه ببراعه من قلب فتاه ,فتاه قامت بسرقه أموالة وأوراقه وقامت بسرقه قلبه ايضا
أما هى بعدما أعطت الرئيس خقيبة الأموال كاد ان تغادر ولكنه اوقفها
-فين الورق
=(أجابته ببرود) ورق اى؟ انت مالكش ورق عندى
-(هتف بغضب) نعم ياختى؟ دا انا اقتلك فيها
=(هتفت بلامبالاة) معنديش مشكلة بس برضو مش هتعرف توصل للورق غير بقى فى النيابة لانى اديته لحد وعرفته لو حصلى اى حاجة يطلع على النيابة وساعتها كلكم هتروحوا فى داهية
-انتى مش قدنا عشان تلعبى معانا ، صدقينى هتخسرى
=انا كدة كدة خسرانة ، هتنفذلى اللى هقولة هتاخد ورقك مش هتنفذ يبقى عليا وعلى اعدائى
-اى طلباتك يا هانم
=(هتفت وهى تجلس على الكرسى بشموخ وتضع قدم على الاخرى) ابقى انا الريس مكانك .......... .
الروايه نزلت بالفعل 🐤
أنت تقرأ
المحتاله
Romance"لو الوقت كان مختلف او الوقت كان فيه شويه عدل كان زمانك دلوقتي احسن حاجه حصلتلي في حياتي" ضحك أنس بغيظ ووخزها بقوة في خصرها فانتفضت بقوة صارخة لترتطم بكتف ثائر الذي كان يجاورها واقفا ،فامتدت يده تلقائية لتحيط بخصرها محاولة منه لإبعادها عنه ،لم يفهم...
