مسج : لكنك لا تعلم قسوة شعور أن تخسر توقعاتك في شخص كان بمثابه الطمأنينة لك.
كانت الاخبار تتوالى عليهم كالرصاص لم تعلم حينها جيهان- والدته داليدا- ماينبغى عليها فعله ظنت بأنها تحلم بكابوس مُريع وعلى امل ان تستيقظ منه قريبا ولكنه واقع ويجب عليها ان تواجهه ولكن قلبها كان يأمل بأن هناك خطأ ما وسيُحل قريبا، استفاقت من شروظها على صوت هارى ف اجابته
جيهان :هارى براحه وفهمنى فى ايه اللى بتقوله دا ؟اى اللى حصل
هارى : اللى حصل ان فى محامى جه النهاردة الشركه وادى لبابا ورق يثبت ان اونكل فاروق تنازل عن نص اسهمه فى الشركه لمراته الجديدة اللى اسمها مليكه وان المحامى جاى عشان يبيع الاسهم دى لينا او يشيفوا حد تانى يشتريها ولما بابا شاف الورق وعرضها على محامى الشركه اتضح ان الورق سليم وقسيمه الجواز سليمه وبابا اتصل على عمى لما جه وشاف الورق والمستندات ما انكرش اى حاجة وجتله ذبحه صدريه ووقع من طوله ونقلناه على المستشفى
جيهان بغضب :امتى كل دا حصل ومحدش عرفنا ليه كنتوا مستنيين اى ؟هو عامل ايه دلوقتى
هارى :الدكاتره معاه جوه لسه ماخرجش, انا اتصلت على داليدا وقولتلها ألحقى والدك بس الخط قطع وحاولت اتصل عليها اكتر من مره وهى ماردتش هى فين صحيح؟
جيهان بصوت شبه باكى :هى هنا بس معرفش مالها ولا اى اللى حصل معاها ,قافله على نفسها الباب وبتعيط والله اعلم اللى حصلها هى كمان (ثم اكملت) تفتكر ممكن تكون عرفت ؟
هارى :معتقدش لو عرفت كانت هتيجى على هنا مش على عندكم فى البيت
جيهان بحيره :اومال اى اللى حصل ....انا مش عارفه فى ايه ولا اى اللى بيحصل لنا دا
هارى :طيب اهدأى ياطنط وكل حاجه هتتحل بس انتوا خدوا بالكوا من داليدا وانا هبقى اطمنكم على اونكل
جيهان :لا طبعا انا لازم اجى واشوفه انا لايمكن اسيبه وهو فى الحاله دى
هارى :احنا معاه انا وبابا والدكاتره لسه عنده جوة واول ما يطلعوا ويطمنونا هنطمنك بس بلاش البنات يحسوا بحاجة خاصتا ان داليدا فى الحاله اللى بتقولى عليها دى وانا هبعتلكم دكتور يشوفها ويطمنا عليها هى كمان
جيهان :طيب ابقى طمنى عليه ها وانا اول ما اطمن على داليدا هاجيلكم بس ابعتلى عنوان المستشفى
هارى بتردد :يا طنط اسمعينى مينفعش حضرتك تيجى .
جيهان :ليه مينفعش؟
هارى بصوت خافت ولكنها سمعته:لانها هنا
جيهان بعدم فهم :هى مين ؟
هارى :مرات اون.....قصدى الست اللى بتقول انها مراته
جيهان بنبره حادة:كويس اهو اتعرف عليها بالمره ...ابعتلى العنوان يا هارى
أنت تقرأ
المحتاله
Romance"لو الوقت كان مختلف او الوقت كان فيه شويه عدل كان زمانك دلوقتي احسن حاجه حصلتلي في حياتي" ضحك أنس بغيظ ووخزها بقوة في خصرها فانتفضت بقوة صارخة لترتطم بكتف ثائر الذي كان يجاورها واقفا ،فامتدت يده تلقائية لتحيط بخصرها محاولة منه لإبعادها عنه ،لم يفهم...
