نوت : إن البدايات دائمًا جميلة ومُبهرة لكن يظهر المعدن الحقيقي للشخص في منتصف الطريق حين نتعثر وحين نفقد القدرة على مواصلة الركض حين تواجهنا سدود عتيقة تعيق أحلامنا و عندها فقط إما أن نصدق البدايات الأولى أو تكشف لنا هشاشة علاقتنا وإنها لم تكن إلا بداية جميلة لا أكثر.
ظلت داليدا واقفه ممسكة بالاظرف تنظر لهم بذهول وعدم فهم ماذا يحدث لهم فقد تبدلت حياتهم رأس على عقب خلال 48 ساعة الاخيرة ,قاموا ب اخراجها من الفرقه بسبب ماحدث مع والدها وانه سيتم اعلان افلاسه قريبا وهذه الاخبار ستأثر على سمعتها وسمعه الفرقه بأكلمها لذلك قرروا الاستغناء عنها ,اما هارى فلم يعطى تفسيرا لما حدث فقط ارسل الدبله وارسل رجل معه كل ما يخصها وكل الهدايا التى اعطاها له اعادها ايضا ظلت تنظر للاغراض بذهول
الام : شوفتى مجرد بس ما والدك وقع الكل بداء يظهر على حقيقته فما بالك بقى لما تقعى انتى كمان هيعملوا فينا اى انا واختك اعقلى يا داليدا وبصى لاقدام ماتبصيش تحت رجلك اللى حصل للبنت دا كان قدرها وكفايه خسارة عائلة واحدة لبنتهم بدل ما نبقى عائلتين
ليندا ببكاء وهى تمسك بذراعها بتوسل : اسمعى كلام ماما يا داليدا انتى مكنتيش قاصدة تخبطيها دا حصل غصب عنك ،واحنا ممكن نبعت لاهلها تعويض مادى كل فتره والتانيه بس انتى خليكى معانا احنا محتاجينك اكتر من الاول دلوقتى احنا مالناش غيرك ياخد باله مننا ويحمينا
اتاهم صوت ايليا من خلفهم : بالظبط ياداليدا انتى دلوقتى مكان والدك لازم تاخدى مكانه
داليدا بغضب : انت مالك انت بتدخل ليه مش معنى اننا قاعدين فى بيتك يبقى ليك انك تدخل فى حياتنا
(صوته يغضبها كل شىء يتعلق به يثير غضبها واشمئزاوها منذ اللحظة التى وقعت عيونها عليه كرهته وكرهته اكثر عندما رأت الطريقه التى ينظر بها لوالدتها ، طلبت من والدتها عدة مرات بالمغادرة والذهاب لفندق او منزل بالايجار اى مكان بعيدا عن هذا الرجل ولكنها لم توافق فلديها اقتناع تام بأنه الوحيد الذى سيقوم بمساعدتهم فيم يحدث لهم حاولت اكثر من مره اخبارها بأنهم ليسوا بحاجه له ولكنها لم تستمع لها واصرت على موقفها والبقاء بمنزله وهذا ما اغضبها اكثر)
جيهان : داليدا عيب كدة هو عايز يساعدنا،معلش يا ايليا بيه اعذرها هى متوتره بس
داليدا : انا مش متوتره ولا حاجة انا مش عايزاه يدخل فى حياتنا هو مالوش دخل بيا وباللى بنعمله
جيهان : هو الوحيد اللى وقف وساعدنا لما الكل ادانا
ضهره
داليدا : انا موافقه انى ماروحش ابلغ عن نفسى بس دا لسبب واحد هو انى ماسيبكيش انتى وليندا هنا (ثم اكملت وهى تنظر ل ايليا ببرود) تتبهدلوا مع الاشكال دى وكمان عشان ارجع سمعه والدى ومكانته بين الناس
أنت تقرأ
المحتاله
Romantizm"لو الوقت كان مختلف او الوقت كان فيه شويه عدل كان زمانك دلوقتي احسن حاجه حصلتلي في حياتي" ضحك أنس بغيظ ووخزها بقوة في خصرها فانتفضت بقوة صارخة لترتطم بكتف ثائر الذي كان يجاورها واقفا ،فامتدت يده تلقائية لتحيط بخصرها محاولة منه لإبعادها عنه ،لم يفهم...
