ظلت كاميليا واقفه امام والدها ورامى بذهول وكأن عقلها توقف عن العمل زواج من ولماذا ومتى ماذا يحدث نظرت ل والدها والفرحه تغمره ورامى الذى ينظر لها نظرات لم تستطع تفسريها اهى فرحه ام ماذا ما هذا التعبير الغريب
والدها : تعالى ي حبيبتى اقعدى خلينا نشوف معاد مناسب انا لما صدقت خلاص اخدتوا القرار
كاميليا : اخدنا ى ؟ انا معرفش اصلا حاجة ورامى مكملنيش فى حاجة
رامى : كنت عايز اعملهالك مفاجاة ي روحى
كامليا بداخلها :طلعت روحك
(ثم هتفت ) بس انا مش مستعدة لسه للجواز دلوقتى واحنا مفروض نتفق مع بعض الاول ونشوف كل واحد ناوى على اى مش تاخد قرار من نفسك وخلاص ولا كانى موجودة
رامى : اى اللى يمنع استعدادك دا انتى كنتى متحمسه للخطوبه اكتر منى وكنتى بتتمنى اننا نتجوز النهاردة قبل بكره (ثم اكم بخبث) اى غير رأيك؟
=انت وطريقتك وأسلوبك معايا بلاش افتح عشان مش انا اللى اتحط تحت الامر الواقع وانت عارف كدة
(ثم اكملت كلامها موجهه حديثها ل والدها) انا مش مستعده دلوقتى ي بابا للجواز لسه فى حاجات كتيره اوى محتاجه اتاكد منها قبل ما اخد الخطوة دى ولما ألاقي نفسي مستعدة ل دا هنبلغ حضرتك ونحدد معاد
رامى وهو يحاول كتم غيظه بسبب فشل خطته : تمام ي كاميليا وانا مستنى لما تكون مستعده ومتاكده من الخطوة دى .عن اذنكم
(تركهم وغادر لينظر الاب لابنته بحده لتهتف)
كاميليا : اسفه ي بابا بس مش هقدر اخدع نفسى دا جواز ولازم اكون متاكدة انى قدها وهو كمان قدها
الاب: كان فى طريقه احسن من كدة تقولى بيها الكلام دا انتى احرجتينى قدام الراجل يقول اى ماليش كلام عليكى
كاميليا :كلامك على راسى ي والدى بس انا بجد مش عارفه اذا كنت هكمل او لا لان الفتره اللى فاتت دى اكتشفت حاجات كتيره مكنتش واخده بالى منها
الاب: ااااه يبقى هو معاه حق
-حق فى اى؟
=ان فى واحد لافف عليكى وبيضحك عليكى وعلى عقلك هو اللى مغيرك من ناحيه رامى
-اااه قول كدة بقى البيه بيعلب لعبه قذره من ورايا ...بس لا ي بابا مفيش حد هو اه فى واحد معجب بيا بس مش دا السبب السبب هو رامى نفسه اكتشفت ان حبى ليه كان مغمى عيونى مخلينى اتغاضي على حاجات كتيره كانت واضحه وكنت عامله نفسه مش واخده بالى حلاوة الحب والبدايات كانت وهمانى كنت عامله زى الفراشه ونور اللهب بتكون مشدوه ليه من بعيد ولما قربت اتحرقت منه واختفت دا بالظبط اللى حصل حبي ليه واعجابى وكل دا اختفى ومات مع بروده وتجاهله ليا وحاجات كتيرة اوى عملها خلت كل دا ينطفى جوايا ودلوقتى كل اللى عايزاه انى انهى كل دا واتخلص منه ومن وجوده فى حياتى وارجع تانى لحياتى الاول
أنت تقرأ
المحتاله
Romansa"لو الوقت كان مختلف او الوقت كان فيه شويه عدل كان زمانك دلوقتي احسن حاجه حصلتلي في حياتي" ضحك أنس بغيظ ووخزها بقوة في خصرها فانتفضت بقوة صارخة لترتطم بكتف ثائر الذي كان يجاورها واقفا ،فامتدت يده تلقائية لتحيط بخصرها محاولة منه لإبعادها عنه ،لم يفهم...
