سوادي

البارت 11

رواية :【« سوادي »】
بأنامل 🖋️ :【كابيطوسة المغربية】

※ عيونها لوزية سوداء ... بشرتها مغلقة المسامات و جسدها ليس بسمين ولا هزيل ... ممشوق و طويل كتمثال ألهة الإغريق ... شعرها اسود كالفحم المنعوتة به ... لقد هيئت إمرأة من لون البن و طعم اللوز و رسمت كأسطورة ألهة العشق العذري ماذا يعيبها بالنسبة لها.! .. لون بشرتها و شعرها الغير حريري

※ خصلات شعره جعلت سواد الليل و شروق الشمس يجتمعان .. فما الخصلة بسوداء ولا بشقراء و إنما بنية يتخللها السواد .. عينيه حادتين كسيف المعارك لا من اللون ولا من النظرة ... أما تربيعة وجهه فكانت لها نظرة اخرى.. في كل تجعيدة بها مخبئ فيها دهر من الزمن اما بنيته.. الله يا الله كالحصان الأصيل

فيما يتشابهان؟! " #لا_شــيــئ "

______________________________________

طلعها بنظراتو من أشهق راسها لأخمص رجليها و أومأ براسو بمعنى ماشي مشكل ... نساحبات من حداه و رجعات لعند بائع المعجنات في حين هو بقا متبعها بعينيه غير شافها عقل عليها مولات البزطام و نفسها لي سولات البائع ديك المرة على الوصفة ديال الكومير و من هضرتها و الوصف ديالها لطارطة حاليا باين عليها مولوعة بهاد المجال ... من ملامحها باينا عربية غاتكون مزال مينور باين غير من وجهها لي مامصبوغش مع أنها جات لباتيسري فخم فشارع راقي .. من تعابير وجهها باين فيها مزال نية و ماداخلينش ليها التاحراميات .. هادشي كامل ستنتجو غير من ديك التطليعة و التهبيطة لي طلعها و هبطها ... عيط لواحد السيرفور و هضر معاه قاليه شي هضرة و سيفطو لعند بائع الحلويات .. في حين هو هز الجورنال ديالو و طلع للكافي الفوق علاما يطلعو ليه قهوتو الصباحية .. جلس فالكرسي بحلته الأنيقة.

※ بقات واقفة كاتتسنا حتى جا لعندها واحد السيرفور و ماتسمعوش سيرفور تقولو شي مجرتل خدام فقهوة شعبية ... كان أنيق بكل معنى الكلمة بحالو بحال جميع لي خدامين هنا

السيرفور : مادموزيل واحد الشوية من وقتك

إيمان : [ بإبتسامة ] مرحبا

السيرفور : عاد واحد الشوية سولتينا على واحد الطارطة

إيمان : اه ولكن ماتفهمونيش غلط ماقصدتش نتدخل فشي حاجة ماكاتعنينيش انا غير عطيت الرأي ديالي و صافي

السيرفور : ماشي مشكل ا مادموزيل .. واحد الشوية غاتكون واجدة واش بغيتيها هنا ولا تديها معاك

إيمان : ااه .. ا لا راه ماشي سولت حيت بغيت نشريها راها اصلا غالية عليا شوية واقيلا فهمتوتي غلط انا غير سولت

السيرفور : ماغاتخلصي والو ا مادموزيل هاديك على حساب المحل ديالنا تبغي تشربي معاها شي حاجة؟

إيمان : ولكن علاش غانديها كغاتوي؟ .. واش كاينا شي مناسبة هاد النهار؟؟

السيرفور : بعض المرات كانختارو واحد من لي كليون الاوفياء ديالنا و كانهديوه اش بغا على حسابنا