أيمن : احسن ما درتي ا جدي
الجد محمد : [ شاف فنعيمة ] هدا الكوميسير الوجدي
الكوميسير : السلام عليكم
نعيمة : وعليكم السلام و رحمة الله
الجد محمد : ها البنيتة لي عاود لك عليها و ها بنتي نعيمة لي دار فيها هاد الحالة ... دويت مع الطبيب باش يدير ليهم بجوج شهادة طبية
نعيمة : با علاياش هادشي؟
الجد محمد : باش نسيفطو فين يتربا على هاد الفعلة [ هز صبعو و كمل بصرامة ] و هاد المرة حتى حاجة ماغاتشفع ليه .. غايتعمر الرابور و يتدفع
نعيمة : لي بان لك مزيان نديروه
بدا كايسولهم على السبب علاش تضربو و شنو وقع و شكون كان ديك الساعة و أسئلة خرين و موراها دارو ليهم شواهد طبية و عطاوها ليه و هاد الهضرة بطبيعة الحال دغيا وصلات لودنين عتمان و مشا بغا يوصلها لباه ولكن فاش كان كايصوني عليه ماكانش كايجاوب عليه ... مشا الكوميسير و رجع جدهم دخل لعند نعيمة و ايمان
دريس : و دابا شنو المعمول
الجد محمد : مشاو هزوه من الدار و داوه للكوميسارية
دريس : و اش غانديرو مع نعيمة و ايمان
الجد محمد : مابقا عندهم مايديرو هنا غانشوف اش خاص و يطلعو لبلجيكا هاد العام
نعيمة : ولكن ايمان راها مزالا كاتقرا و هاد العام قرات مزيان
أيمن : نطلعوك نتي ا مي عاد نطلعوها هي باش بلا مانضيعو الوقت و من هنا لداك الوقت تبقاو فدار جدي راها غير خاوية
دريس : أيمن عندو الحق
الجد محمد : ماشي وقت الهضرة فهادشي
عتمان : و انا غانبقا فديك الدار بوحدي؟
الجد : شوف ا ولدي عتمان .. بغيتي تعيش مع مك ماغانمنعكش ولكن باك ماغايعتبش باب داري
عتمان : أودي ا جدي
دريس : ايمتا غاتخرج؟؟
الجد محمد : هاد العشية ... دريس ها نتا معاهم غانمشي انا و ايمن نقضيو شي حاجة
دريس : والا عليك هاني هنا
عتمان : هاني خارج معاكم
الجد محمد : السوارت ديال الدار بقاو عندك ولا عند باك
عتمان : ها هما عندي ا جدي
خرجو و ركبو فالطوموبيل شدو الطريق للدار ... وصلو و نزلو حل عتمان الباب و دخلو ... لتافت سي محمد عند ايمن
_ ايمن عارف فين كايحط باك الوراقي ديالكم
أيمن : على ماكانعقل كان كايخشيهم من تحت الناموسية هاني غانمشي نقلب نشوف واش باقيين تما
أنت تقرأ
سوادي
Romance◇ روايتي مهداه إلى كل سمراء و سوداء ... إلى كل أنثى شعرت أنها عبئ من الأعباء ... لدى الأباء و الأحباء و الأقرباء و حتى الأصدقاء ... روايتي مهداه إلى كل أنثى إعتبرت أن لونها أو شكلها عار و وباء و هرعت إلى الإختباء كخنفساء جرباء ◇ أما لون غيوم الشتاء...
