My Sweet Revenge

00

တဆတ်ဆတ်တုန်ယင်နေသောလက်ချောင်းများကြောင့် သူ့လက်ထဲရှိစာရွက်

ငယ်ပါ လိုက်ပါတုန်ယင်နေလေသည်။
           မယုံနိုင်သေး။ ဟင့်အင်း မယုံကြည်ရဲသေး။ သူ့တွင်....သူ့တွင် ချစ်ရသောလူသား၏
ရင်သွေးငယ် ကပ်တွယ်နေလေပြီတဲ့လေ။

         မျက်ရည်တို့ဖြင့်ပြည့်နေသောကြောင့်
ဝါးတားတားမျှသာမြင်နေရသော စာရွက်ငယ်ကို ဘယ်နှကြိမ်မြောက်မှန်းမသိ ထပ်မံဖတ်ရှုလိုက်ပြန်သည်။

Patient name---Yoongi Kim
Husband's name---Namjoon Kim
Pregnancy result----+++(positive)
Date-----12.2.2017

"Joonie....Joonie....ကျွန်တော် နောက်ဆုံးတော့ ခင်ဗျားရဲ့ အာရုံစိုက်မှုကို ရနိုင်ခဲ့ပြီထင်ပါရဲ့"
           အတွေးနဲ့တင် သူ ကြည်နူးရပါ၏။
အဘယ်ကြောင့်ဆိုသော် Namjoonကလေးချစ်တတ်တာ အားလုံးထက် သူအသိဆုံးမို့ပင်။
သွားရင်းလာရင်း ကလေးပစ္စည်းပေါက်စနကလေးများတွေ့လျှင် မဝယ်ရမနေနိုင်ဖြစ်တတ်သူမလား။
          ယခုတော့ သူ(NJ)ကိုယ်တိုင်ဝယ်ထားသော ပစ္စည်းလေးများကို သူ့ရင်သွေးကိုယ်ပေါ်တွင် မြင်ခွင့်ရတော့မည်မဟုတ်ပါ့လား။
         အင်း~~~အနည်းဆုံးတော့ သူ့ဘဝကို ပိုမိုပျော်ရွှင်အောင်လုပ်ပေးနိုင်မည့် လူသားလေးရောက်လာတော့မည်။ သူစိတ်ကူးထားသော မိသားစုဘဝလေး ဖန်တီးခွင့်ရတော့မည်။
           သူ့ကို မည်မျှပင် အမြင်မကြည်စေဦးတော့။ ယခု သူ့ရဲ့ကိုယ်ပွားလေးပါရှိလာပြီမို့ အနည်းဆုံးတော့ သူ့ကိုမဟုတ်လျှင်တောင် ဗိုက်ထဲကကလေးလေးကိုတော့ ချစ်မှာပါ။
ဟုတ်တယ်မလား?

        အတွေးတို့နှင့်အတူ ဆရာဝန်အခန်းထဲမှထွက်ကာ ကော်ရစ်တာအတိုင်း လျှောက်လာရင်း hosokieထံ သတင်းကောင်းပြောရလျှင်ကောင်းမလားတွေးကာ ဖုန်းထုတ်လိုက်မိသည်။ resultစာရွက်ထည့်ထားသော အိတ်ငယ်ကို ချိုင်းကြားတွင်ညှပ်လိုက်ရင်း My Bffဟူသော contact nameလေးကိုနှိပ်တော့မည်ပြင်ပြီးခါမှ ဤကဲ့သို့သော သတင်းကောင်းမျိုးကို ကာယကံရှင်ဖြစ်သော ခင်ပွန်းဖြစ်သူကို အရင်ဆုံးအသိပေးသင့်သည်ဟုတွေးကာ လက်တို့ကိုပြန်ရုပ်လိုက်သည်