My Sweet Revenge

Abandonment?????

My Sweet Revenge

မနက်ကဖြစ်ရပ်ကြောင့် သူ တစ်နေ့ခင်းလုံး
လှုပ်လှုပ်ရှားရှားမနေရဲ။ တစ်ချိန်လုံး မျက်စိအောက်ကအပျောက်မခံဘဲ စောင့်ကြည့်နေသည့် Hoseokကြောင့် ငြိမ်ငြိမ်လေးသာကုပ်နေရသည်။

အတွေးထဲမှာတော့ Jinyoung Noonaတို့ သန့်ရှင်းရေးလုပ်နေကြသည့် ခန်းမကို သွားကြည့်ချင်နေသည်မှာ တစ်ပိုင်းသေတော့မည်။

ဘာလို့လဲဆိုတော့ Jung Arjushiက အဲ့ဒီ့ခန်းမကို အသည်းအသက်လို တန်ဖိုးထားတာကိုး။ သူတစ်ယောက်တည်းပင် သန့်ရှင်းရေးလုပ်သည်။ သူတစ်ယောက်တည်းပင် အဝင်အထွက်လုပ်သည်။ Seokieသည်ပင် တစ်ခေါက်သာရောက်ဖူးသေးသည်မဟုတ်ပါ့လား။ Yoongiဆိုလျှင် Arjushi အဲ့ဒီ့အထဲကို ဝင်သွားတိုင်း လိုက်ချင်သည်မှာ တဖွားဖွားကိုဖြစ်လို့။ ဒါပေမယ့် Arjushiကမခေါ်။ သော့ကိုတောင် သူ့ဘောင်းဘီအိတ်ထဲတွင်သာထားသည်။

Arjushiက Betaတစ်ယောက်မို့ pheromoneရနံ့ သိပ်မရှိသော်လည်း ထိုခန်းမထဲဝင်သွားပြီး ပြန်ထွက်လာတိုင်း စူးစူးရှရှကို ခပ်ပြင်းပြင်းရလေ့ရှိသည်။

ဤသည်မှာလည်း Yoongiတစ်ယောက်တည်းသာ သိသော ဖြစ်ရပ်ပင်။ အဘယ်ကြောင့်ဆိုသော် Yoongiလူမှန်းသိတတ်စအရွယ်ကတည်းက အနံ့နှင့်ပါတ်သက်လျှင် အရမ်းကို sensitiveဖြစ်လွန်းကြောင်း သူ့ကိုယ်သူ သတိထားမိပြီးဖြစ်သည်။ အထူးသဖြင့် ထုတ်လွှတ်သူ၏ စိတ်အခြေအနေပေါ်မူတည်ပြီး ရနံ့အပြင်းအပျော့ကွာသွားကြောင်း သတိထားမိသည်။

သူကိုယ်တိုင်ကတော့ ငယ်လွန်းနေသည်ကတစ်ကြောင်း second gender မသိရသေးသည်ကတစ်ကြောင်းမို့ မိမိကိုယ်တိုင်ရဲ့ 
pheromoneရနံ့ကို အတိအကျမသိရသေး။