[ Unicode ]
" Miss Kim ရေ... မတွေ့ရတာ ကြာပြီကွယ် , ကြည့်ပါဦး ဆောနူလေးတောင် ဒီအရွယ်ရောက်နေပြီ "
နီရှီမူရာစံအိမ်တော်ထဲ ဝင်ဝင်ချင်း လူကြီးတွေက နှုတ်ဆက်ထောပနာပြုနေကြသည် ။ ဆောနူကတော့ စံအိမ်ရဲ့ လူတွေကြားထဲ တွေ့ချင်နေမိတဲ့တစ်ယောက်သောသူကိုသာ အသဲအသန် ရှာနေရ၍ လူကြီးတွေရဲ့စကားကို အာရုံမရ ။
" သား ... ဆောနူလေး "
မေမေ့ဆီက ခေါ်သံကြားမှ အာရုံတွေကို ပြန်စုစည်းရသည် ။
" ဆောနူလေး ဘာတွေတွေးနေတာလဲ ? လူကြီးတွေကို ပြန်နှုတ်ဆက်လိုက်ဦးလေ "
မေမေ့လေသံမှာ ဆူချင်တဲ့အသံ အနည်းငယ် စွက်လာ၏ ။ ထိုအခါမှ ဆောနူလည်း အာရုံမလွင့်အားတော့ပဲ ပြောလာသမျှစကားတိုင်းကို ပြုံးရုံသာမည်တဲ့ အပြုံးလေးနဲ့ အတူ ခေါင်းညိမ့်အသိအမှတ်ပြုနေရတော့သည် ။
___________Dinner စားပွဲဝိုင်း မှာ ဝင်ထိုင်တဲ့အချိန်ထိ ဆောနူ တွေ့ချင်သည့်သူကို မတွေ့ရသေး။ အလိုမကျဖြစ်လာတဲ့ စိတ်ကြောင့် ရှေ့က အရသာစုံလင် ဟင်းလျာများကိုပင် စားချင်စိတ်နည်းနည်းလေးတောင်မရှိတော့ ။ သက်ပြင်းသာ အခါခါချနေမိတော့သည် ။
" ဟော .. ရီခီ ဆင်းလာပြီ "
ထိုစကားကိုကြားမှ ဆောနူမှာ ခေါင်းငိုက်စိုက်ကျနေရာမှ ညွှန်ပြရာဘက်ဆီ အလောတကြီး လှမ်းကြည့်မိတော့သည် ။ စံအိမ်ရဲ့ လှေကားထစ်တွေပေါ်ကနေဆင်းလာတဲ့ အဖြူရောင် suit အပြည့်နဲ့ ကောင်လေး ၊ ရွှေအိုရောင် ဆံပင်တွေကို အကျအန သပ်တင်ထားပြီး မျက်ဝန်းဆီက အကြည့်တွေမှာ ဒီလောကကြီးတစ်ခုလုံးက သူ့ရှေ့မှာ ခစားထားရသလို အရှိန်အဝါတွေအပြည့် ။
မျက်နှာလေးကတော့ ငယ်ရုပ်မပျောက်သွားပေမယ့် ဆောနူ ငယ်ငယ်က ခင်တွယ်ဖူးတဲ့ ချစ်စဖွယ် အသွင်နဲ့ ကောင်ကလေးမဟုတ်တော့ပေ ။
" ရီခီလေးက တော်တော်ကို ထွားလာတာပဲ , ကြည့်ပါဦး မင်းကိုကို ဆောနူ နဲ့တောင် အရပ်က တူတူလောက်ရှိနေပြီ "
Dinner စားပွဲမှာ ဝင်ထိုင်ရန်ပြင်နေသည့် ရီခီ့ကို တစ်လှည့် ၊ ဘေးက ဆောနူကို တစ်လှည့် ကြည့်ပြီး တအံ့တသြပြောနေတဲ့ မေမေ.. ။
YOU ARE READING
Cigarettes [ SunKi ]
FanfictionSunKi Fanfiction .. || Completed || ကျွန်တော်တော့ စီးကရက်တွေထက် ကိုကို့ကို စွဲလန်းမိပြီထင်တယ် ... ကၽြန္ေတာ္ေတာ့ စီးကရက္ေတြထက္ ကိုကို႕ကို စြဲလန္းမိျပီထင္တယ္ ...