الفصل الثالث، معلش لو اتأخرت عليكم بس انتوا بتقرأوا الرواية وحتي الفوت مش بتعملوه، ممكن قبل ما تبدأوا بالقراءة تعملوا فوت وكومنت فضلاً ي حبايب ❤️.
_______________
بعد شهر.
كانت تجلس في سريرها تتذكر ما حدث معها منذ يومين وهل يجب عليها القبول أم الرفض،ولكنها حقاً قد تعبت من كثرة التفكير لذا قالت تولان لنفسها: انتي دلوقت تبدأي تشتغلي وبعدين ابقي شوفي الموضوع ده اذا كان جد ولا لاء أيوة ده الصح.
ليقاطعها صوت طرقات علي باب غرفتها
تولان: ادخل
هنية: يونس بيه بيقول لحضرتك لو جهزتي ياريت تنزلي عشان تمشوا
تولان: حاضر يا هنية انا جاية حالاً
لتنزل لأسفل برفقة هنية لتجد يونس بإنتظارها.
يونس بإبتسامة: كل ده تأخير في اول يوم شغل يا آنسه تولان
هشام من بعيد: مش هي دلوقت تعتبر أختنا فعادي
لترد تولان قائلة: الشغل مافيش حاجه فيه إسمها أختي وقريبتي وكلام من ده الشغل شغل ومافيش فيه تمييز بين حد والتاني وانا زيي زي اي موظف عندكم بالضبط
هشام بحب: كل مرة بتثبتيلي قد اي انتي نظيفة من جوا وقد اي روحك حلوة وبلاش تقولي كلوا بفضل ماما حنان ،كلوا بفضل ربنا ثم انتي عشان انتي في الاساس كنتي شخص كويس ثم لما فقدتي الذاكرة بقي بفضل ماما بعد ربنا فهماني
تولان بإبتسامة: فهماك
يونس: طيب مش يلا
هشام: يلا بينا يا بوص
ليغادر الجميع الي العمل حيث تنتظرهم أشياء كثيرة.
*********************************
علي الجانب الآخر حيث يجلس مهند مع صديقة معتز.
مهند : يعني هي اختفت
معتز: جوز خالتها مش عارف يوصلها بعد ما حصلها حادثة السرقة
مهند بآلم: يعني مش هلاقيها
معتز بهدوء: مهند انا مش مقتنع بموضوع بتحبها وكلام من ده البنت دي اي اللي رابطك بيها
مهند بغموض: اللي رابطني بيها كبير وكبير اوي كمان
معتز: احب اعرفه !
مهند: مش وقته المناسب خالص يا معتز
معتز : امتي الوقت المناسب
مهند : لما ييجي هتعرف.
معتز : طب يلا عشان نستقبل يونس وهشام باشا وأختهم اللي طلعولي بيها فجأة دي
ليبتسم مهند : ده عشان هما طيبين اوي
معتز مؤكداً: فعلاً
**********************************
كانت تقف بقلق شديد وواضح ليقترب منها هشام قائلاً: اهدي كدا ومتخافيش من حاجة احنا معاكي تمام
تولان: تمام يا هشام
يونس: اي مالكم ؟
هشام : تولان قلقانة شوية
يونس بإبتسامة : متقلقيش انا جمبك
لتبتسم له وتقول : شكراً ليكم.
هشام بآلم : إحنا أخواتك يا تولان
وها قد اجتمع الجميع ليبدأ يونس بالإجتماع ولكن يقاطعة صوت شهقة مهند الذي دخل للتو ويقول بصوت هامس لم يسمعه إلا معتز: تيا ؟ مش ممكن!
يونس بإستغراب : في حاجة يا مهند
مهند بتوتر : لالالا يلا كمل
يونس : في الاول أحب أعرفكم بعضو جديد معانا وهي تولان احمد الدمنهوري،وانشاء الله تولان هتبقي معانا هنا وهتبقي المسؤولة عن قسم التصميم واتمني ان حضراتكم تحترموها وتسمعوا كلامها زيي بالضبط وتولان تعتبر أختي ومش هسمح لاي تجاوز
هشام : وطبعا زي ماحنا كنا عارفين ان مهند هو المسؤول عن قسم التصوير بس بعد غيابه فتره نقلناها لمحمد فهمي فإحنا يا محمد بنعتذر منك وإنشاء الله هتكون مساعد لمستر مهند في قسم التصوير ولا اي رأيك
محمد بهدوء: تحت أمر حضرتك مستر هشام
يونس: كدا تمام كل حاجة بقت واضحة، تولان! .......تولان...تولان
تولان : أيوة أيوة يا مستر يونس
يونس: اي حاجة تقف معاكي او اي مشكلة مهند هيكون في خدمتك
تولان : تمام
ليقترب منها هشام متحدثاً بمرح: كنتي سرحانة في اي يا ست الحسن والجمال
لتبتسم له : للي متنح وعمال يراقبني من وقت ما دخلت ده
هشام بإستغراب: وده مين ده
تولان: اللي يونس عمال يقول عليه مهند ده
هشام: مهند منصور ؟
تولان: معرفش مهند اي
يونس مقاطعاً: تولان يلا عشان هتاخدي جولة في الشركة وهنمشي عشان ماما.
هشام بآلم حاول ان مدارته : خلاص هتجيبوا الشبكة وهفرح فيكم
*********************************
علي الجانب الآخر حيث يجلس معتز في وجهه مهند.
معتز: لي اول ما دخلت وشوفت تولان قولت تيا
مهند: عشان دي تيا اللي كنت بدور عليها
معتز بإستغراب: ازاي يعني؟
مهند: هو اي اللي ازاي هي تيا
ليقاطهم دخول هشام للداخل وعلامات الإرهاق الشديد علي وجهه
مهند بتعجب:مالك في اي ؟!
هشام بحزن: مافيش
معتز: ده انت شايل ومعبي
لتسقط دمعة من عين هشام ليقول له مهند: في اي يا هشام وبتعيط لي؟...ماما كويسة ويونس لاء يونس كان هنا من شوية
هشام ببكاء: انا اللي مش كويس
ليحتضنه معتز قائلاً: مالك يا هشام عمري ما شوفتك كدا
هشام: انا حبيتها من وقت ما شوفتها ومن وقت ما دخلت البيت كنت بقولها اختي بلساني وقلبي بيقولها انتي حبيبتي ووقت ما كنت هقول ليونس اني بحبها وعايزها لقيته فاجأني وقالي هيخطبها عشان معجب بيها
مهند: بتتكلم عن مين ؟
هشام ببكاء حاد: تولان...تولان انا أولي بيها انا اللي بحبها لاكن هو مش بيحبها بس هي وافقت عليه خلاص
لينظر معتز لمهند بخوف من تحوله ولكنه فاجأهُ عندما ربت علي كتف هشام قائلاً: قوم كدا لا عاش ولا كان اللي يخليك تنحني وتبكي قوم اتحدي نفسك انت لسه في بداية حبك ليها فإحمد ربنا انك لسه متعلقتش بيها،ودي إشارة من عند ربنا ليك عشان بعد كدا تبقي تستودع قلبك وروحك عند ربنا وربنا عمره ما هيخليهم يتعبوا في يوم،يلا اقف وقول اللهم اني استودعك قلبي و نفسي
لينظر له هشام ثم يحتضنة بقوة فهو نعم الصديق،وكان معتز ينظر لهم بفرحة حتي دمعت عيناه ليحتضنهم ثم يضربهم بخفة قائلاً: منكم لله الدمعه فرت من عيني
ليبتسموا جميعاً علي صداقتهم الطويلة التي لا تنتهي أبداً.
*********************************
علي الجانب الآخر حيث يجلس يونس علي كرسي مكتبه وفي مقابلة تجلس تولان بهدوء تام ليقطع هذا الهدوء صوت يونس قائلاً: مالك ي تولان......تولان تولان
ولكن لا حياة لمن تنادي ليفرقع بأصابعه أمام وجهها لتنتبه له أخيراً
يونس: مالك كنتي سرحانة في اي
تولان: مفيش بس كنت بفكر في اللي بيحصل
يونس بهدوء: هو اي اللي بيحصل؟
تولان: في ثانية حياتي انقلبت رأس علي عقب وخلال يومين خطوبتي وكتب كتابي علي إنسان معرفوش غير من شهر وكام يوم بس
يونس ببرود: لو مش عايزة تتجوزيني مش هضربك علي إيدك واقولك اتجوزيني والنبي
لتنظر له بعيون دامعة ثم تغادر المكتب ودموعها تتساقط بهدوء لتصطدم بفتاه لا تعرفها
الفتاه بعجرفة: مش تفتحي ي متخلفة انتي
تولان بدموع: انا مش متخلفة لو سمحتي
الفتاه بكبر وأنف مرفوع: انا هعرفك مقامك يا زبالة وهخلي يونس يرفدك انتي متعرفيش انا مين انا نسرين الصيرفي خطيبة يونس توفيق
تولان بسخرية: محصليش القرف ومالك بتقولي خطيبته وانتي فرحانة كدا لي، اقولك انا بقا انا تولان احمد الدمنهوري خطيبة يونس توفيق اللي بجد واه قبل ما انسي انا بعزمك علي خطوبتي وكتب كتابي علي يونس بعد بكرا اتمني متجيش اوف اقصد اتمني تنورينا ليسمعا صوت ضحكات في الخلف لينظرا ليجدوا هشام وصديقية معتز ومهند
هشام بضحك: انا كهشام اتفاجأت ان تولان الهادئة تعمل كدا بصراحة كدا هلاقي مرات اخ تبقي في صفي ضد ماما ويونس
نسرين بغضب: اي الهبل اللي انت بتقوله دا ي هشام
هشام ببرود: لمي لسانك احسن ما يوحشك
نسرين بصراخ: انت واحد متخلف زيها
لسمعوا صوت صراخ غاضب يقول : نسرييييين لينظروا له بهدوء عدا نسرين التي تنظر له برعب
يونس بصراخ: اطلعي برا الشركة وإياكي ألمحك في اي مكان تاني غوري في داهية يلا برااا براااا
لتركض للخارج برعب حقيقي ولكن النفوس تتبدل والنوايا تتغير....
_______________
لو عجبكم الفصل ممكن تعملوا كومنتات كتير وتشيروا الرواية عشان أستمر ❤️.
دمتم في أمان الله ❤️.
أنت تقرأ
خفايا قدرُنا.
Romantizmالحياة ما هي إلا أشياء كثيرة نجهلها نحنُ،فمع بداية كل يوم جديد يولد قدر خفي لكَ،فالحياة لا ترحم أحداً من صدماتها ومساوأها ودائماً ما تفاجأُنا،فأحياناً تُعطيني فرحةً وأحياناً آخري تُعطيني صفعات متتالية،نادراً ما تُذيقونا الشهد وكثيراً ما تُذيقونا الم...
