سلام....
لا تظلم احدًا لم يجد عليك ناصرا الا الله.......
"" "" "" "" "" "" "" "" "" "" "" "" "" "" "
... شنوو
انتفضت شنو اتزوج بت عمي صح انه ما مفكر بالزواج بس ما اعترف بالنهوة وهاي الخرابيط
رفعت راسي ليفوك ورديت نزلته اخذت خاشوكتي الي وكعت وكملت اكل
كلت بهدوء
... انه ما اتزوج ايات
... شنييي ما سمعت وانه ابوك شني ما تتزوج تريد تكسر كلمتي وانه ناهيلك عليها وهي بزر...... شوف هي حجاية ما اثنيها لو تتزوج ايات لو انت مهو ابني حسين الاعرفا
... بوية بس...
... لا بس ولا شي راح احاجي عمك علمود نحدد يوم العگد والزيجة هم
ما حجيت اي شي والكل التزم الصمت كملت وكمل لحكتني الحجية
... يما لا تكدر خاطرك انه ماحجيت عبني اعرف ايات واعرفها خوش مرة وتسندك وتساعدك وگت عوزك
ولوني اعرفك كلبك فارغ فلا اگبل بهل زيجة
يما فرحني گبل لا ربك ياخذ امانتة واريد اشوف فروخك
... الله يطولنا بعمرج حجية لا تحجين هيج ان شاء الله ميصير خاطرج الا طيب
... يبعد هلي يحسين انه اكول محد مريحني من ولدي غيرك
اجه حسن وحجة
... ها حجية بعتينة..... ترا لا تصدكها هذا الحجي نفسة كالتة الي من قررت اخطب اطفر احسلك
مرتة سمعتة وكالت
... هااا ابو علي شنو اطفر احسلك شتگصد
... ما گاصدي شي يم علي هو الي يشوفج مخبل اذا هدج
ضحكنا عليهم لان علاگتهم والحمد لله حلوة وام علي فعلا ونعم الاخت
رجع حسن حاجاني
... شوف لو ما اعرف ايات جا ادخلت لكن اعرفها وادريها راح تصونك مهنا يخوي مهنا
تگريبا ارتاحيت لان الكل تمدحها عبن انه ما اعرفها ولا احب اسلم ولا شايف طرف حرمة من كرابتنا
وفعلا ابوي راح لعمي واتفقوا على كلشي وبعد كم يوم عگدي
مافرحان وبنفس الوكت ما حزنان عااادي جدا
مراح يتغير شي غير انو فراشي راح يصير ابو النفرين
رحت جبتلي دشداشة جديدة وعكال وبشت وبديت اجهز بغرفتي لان العرس بعد شهر
انه ما ادري على شنهو مستعجلين!
... بالمبارك يبوك
... الله يبارك بيك حجي
أنت تقرأ
عندما تقسى القلوب
General Fictionࢪواية واقعية...... بقلمي ؏ندما تقسۍ القلوب ********♡******** للكاتبة تبارك (توت) تم بداية نشر الرواية ٢٠٢١/١١/٢٨ الخميس♡
