سلام.....
هذول احنه
گطن وانتم حچيكم نار تحرگنه
شمس والليل يكتلنه
جنط غربه وتفرهدنه
غرب والنشد يوجعنه
سكاره وبالدرب تهنه
بلا عرفه وتعاندنه
جهال وكلشي يعجبنه
غنه السبعين ياهو يفهمنه
وياهو يسمعنه؟
على الفطره وتعذبنه
نوگ الگطع موش النه
هذول احنه.
"" """ "" "" "" "" "" "" "" "" "" "" "" "" "" "" "
توجهت للشغل بعد العركة الي صارت البارحة وي وهاب
.... اتطلك وما ابقة لحظة وياك
ضحك ب استهزاء وكال
... ايي اريد اشوف يا بيت الي يلفيج
... بيتي
باوعلي ب استفهام وكال
... اي بيت؟
ضحكت وكتلة
... ليش مكتلك؟ عمي حبيبي مشالي بمعاملة وسحبت الفلوس الي بحسابي مال بيتنة القديم واشتريت بيت جديد
باوعلي بغضب ورفع ايدة بتهديد
... شوفي سفانة قسما باللذي انزل القسم ان فكرتي لحظة وحدة تطلعين من البيت ف اعتبري هذا اخر يوم بحياتج
عافني وراح ورد رجع
... كتيلي عمج هاا، زين
هو محد خربج غير عمج گبل جنتي دجاجة مهلسة
اني اعلمج
نفضت افكاري وكملت طريقي هي هاي حياتي وي وهاب كلها مشاكل، مرات اشتاق لوهاب القديم الي ب ايام الخطوبة لعطفة ول حنانة
وبعدين يكلي اني اعلمج قابل شرايح يسوي،.....
"" "" "" "" "" ""
... تعالي تفضلي بيتج ومطرحج
... يزيد فضلك
... هاا عجبج البيت؟
باوعت ب ارجاء البيت ب اعجاب وكالت
... اي عاشت ايدك كلش حلو
ضحكت وكتلها
... بس مو بحلاة ايامي وياج يابعد روحي
ابتسمت بخجل، واني كتلها
... بعد ماكو مستحة، اني رجلج وستر وغطة عليج
... اكيد بس وهاب خليني اخذ عليك بالاول
أنت تقرأ
عندما تقسى القلوب
General Fictionࢪواية واقعية...... بقلمي ؏ندما تقسۍ القلوب ********♡******** للكاتبة تبارك (توت) تم بداية نشر الرواية ٢٠٢١/١١/٢٨ الخميس♡
