سلام....
لو اجيتك راح اشمك من شكو
شامات بيك
انتَ بس اشتاگلي
بتابوت اجيك🖤
"" "" "" "" "" "" "" "
باوعلي بمكر وابتسامة مستفزة...
... نزلي جاي
نزل ونزلت وراه باوعت فتح الباب بستان وبنصة بيت، الجو جان كلش حلو
دخل للبيت واني تبعتة ورحنا للاستقبال
شفت بالنص كيكة مكتوب عليها بالانكليزي "iam sorry"
ابتسمت نص ابتسامة وباوعتلة وكلت
... شنو صعبة عليك تعتذر!؟ ، معتذرلي بكيكة
... اوووو لتخربين الجو وبعدين الكيكة اطيب واحلا من الاعتذار
... بس اني عندي الاعتذار احلا
... رأيجج مو مهم، حجيي ورأيي هو الي يمشي
باوعتلة بنظرات باردة حرفيًا ما ادري شبي وهاب ساعة زين وساعة شين
... ايييييي شبيج، لتخربين مزاجي ترا تتندمين
هاااج
شمر علية فلوس وكعت بالكاع باوعتلة متفاجأة
... هاي شنو!؟
... شنو يعني غير فلوس لو اول مرة تشوفيهن
حجاها بملل
... اي اعرفهن، بس انت منطيني فلوس المهر كلها هذنِ المن!؟
... الج، علمود بعد متتزعلين واتدوخين راسي
... بفلوس!!!، ليش منو كلك اني اتاجر بمشاعري بمقابل الفلوس
... اكلج لتطوليها وهي قصيرة اخذيهن وانجعمي زين
الي انطيهن مو احسن منج
... شنوو!!! تنطيهن!؟
... اي لعد شعبالج باقي عليج اني، ترا تزوجتج علمود امج مرة جبيرة وانتِ بنية وين تروحن
باوعتلة مصدومة من كلامة رجفت شفتي وكتلة
... يعني انتة متحبني؟
ضحك باستهزاء وكال
... ياحب ولج
باوعلي باستصغار وكمل
... ويااج انتِ مستحيل، مو من مستواية ابد
أنت تقرأ
عندما تقسى القلوب
General Fictionࢪواية واقعية...... بقلمي ؏ندما تقسۍ القلوب ********♡******** للكاتبة تبارك (توت) تم بداية نشر الرواية ٢٠٢١/١١/٢٨ الخميس♡
