سلام...
"ويكفيك مِنّي عقابًا، أنني لن أراك كما كُنتُ أراك."
"" "" "" "" "" "" "" "" "" "" "" "" "" ""
بديت اشرحلها عن تخيلاتة ومرضة وفجأة حسيت الباب تنرد
تلقائيا اندارينا اني وحسناء لجهة الباب، ولنة وهاب ع الباب
... والله حلوة استاذة سفانة كاعدة وتشرحين، هسة اراويج منو المريض النفسي
اني رأسا كمت واتمسكت ببطني قوي كلش وحسناء وكفت كبالي ومدت اديها بحركة دفاعية
وحجت
... وهاب جنة جاي نسولف واني اتطرقت للموضوع سفانة معليها
... ما دام انتِ هم الج ايد، الكتلة راح تصير جماعية
تقدم علينة وهاب ونزع حزامة، واني ذرة دم مبقت بية
فجأة وحسيت حسناء تصرخ بس صرخة من كل كلبها
... يبووووووو، ولك انتة تريد تعتدي علية ولج خالة لحكيليييي اني مالي ولييي يرييييد يكتلني
وكعدت بالكاع تدك وتلطم وهو كعد يمها يريد بس يسكتها ماكو
دقايق وانفتح الباب دخل عمي بدون اي تفاهم اخذ وهاب وطلع
دخلت خالتي تهدي ب حسناء وحسناء جنها ما صدكت انفدكت وكعدت تبجي وخالتي اخذتها بحظنها
واني واكفة مصدومة بالي صار، خالتي باوعتلي وكالت
... يمة سفانة كلاص ماي يبعد امج
رحت جبتلها واجيت، ووهاب مشفنا ابد....
وهاب صارلة كم يوم هادئ واني خايفة من هدوءة
صعدت لغرفتي اريح بعد يوم تنظيف طويل
وكعدت اتصفح انستغرام،
ستوريات الي اتابعهم وارد ع الرسائل وغيرها
مليت كلت ادخل اكسبلور، دخلت وضليت اتصفح طلعلي مقطع مال
بنات يركصن ومبين ب نادي ليلي مسويلهم اجواء وكذا
بدو يصورون بالبنات وبعدين داروا على الكاعدين، اني اجيت اعبر الفيديو لان معجبني
بس لفت انتباهي شخص كاعد بسرعة صعدت على الفيديو رجع انعاد ورجعت شفتة
وهاااب!!!!
اي هذا وهاب كاعد ويصفك ويضحك
ضليت اعيد مرة ومرتين وتلاثة ما امصدكة ما حسيت الا دموع واكعة على الجهاز
شنو ما كفتة خيانتة الي!
واجة تزوج علية
هسة جايني يسهر بنوادي ليلية!
اخذت التلفون وطلعت متوجهة لغرفة حسناء دكيت الباب
أنت تقرأ
عندما تقسى القلوب
General Fictionࢪواية واقعية...... بقلمي ؏ندما تقسۍ القلوب ********♡******** للكاتبة تبارك (توت) تم بداية نشر الرواية ٢٠٢١/١١/٢٨ الخميس♡
