فسلام...
فيـاي يلهـب!!
والشمـس بـردانـه حيـل!!
والله شـاهـد
چـانت الشبـگـه حلال
ونـاذر چفـوفـي سبيـل!!
""" "" "" "" "" ""
مرت نص ساعة ودخل وهاب كمت بهدوء وابتسمت وكتلة
.... حظرتلك الحمام فوت اسبح
هز راسة ودخل سبح، جان هادئ لدرجة...
طلع وكعد على الجرباية يباوعلي، ابتسمت وافتريت كبالة وكتلة
... حبيبي شرأيك بية حلوة مو؟
كام بهدوء واتقدم ب اتجاهي وحجة مقابيل وجهي
.... انتي مقتنعة بروحج؟ جاي تسأليني حلوة لولا؟ لو شما سويتي راح تبقين سفانة المو حلوة، المحد يريدج راح تبقين هيج للابد مو زين مني اخذتج
وهسة يلا مسحي هل لغماط من وجهج وبدلي هل خلاگين وانخمدييي
عافني وراح للمكتبة....
كعدت على الجرباية ما بجيت لان تعودت شنو الجديد هذا وهاب عبالك مجبور علية ولو هو مجبور اخذني هيج يكسب اجر ويذلني!!
كمت مسحت بعصبية المكياج ونزعت هدومي بدلت ونمت ماشي يا وهاب بعد فلا الي علاقة بيك
كعدت الصبح الساعة ب١٠
... اووو محاسة على روحي
انداريت لجهتة وشفتة ماكو، غسلت ونزلت صبحت على خالتي وسألتها عن وهاب كالت بالشغل
ڪ العادة خلصت يومي تنظيف وطبخ وي خالتي اجة عمو اتغدينا، ووهاب هم طول يلا رجع
جنت كاعدة اكلب بالتلفون باليوتيوب ودخل وهاب محاجيتة ولا هوة
دخل للحمام سمعت صوت الدوش، طلع من الحمام سابح وكف ب باب الحمام ثواني
رفعت راسي اباوعلة لكيتة مركز نظرة على الزاوية مال الغرفة
سألتة
... شبيك وهاب
... تعاي سفانة
كمت يمة واباوع على الجهة الي يباوعلها
... جاي تشوفين الاشوفة؟
رمشت وباوعتلة
... شبيك وهاب مجاي اشوف اي شي
اشر على الزاوية وكال
... ه هاااي هاي البنية الواكفة بالزاوية شوووفيهاا
عكدت حاجبي واباوع ماكو شي
اخذت ايدة
... تعال وهاب ارتاح ماكو شي
دفع ايدي وباوعلي بعصبية
... اني مو مخبل علمود تعامليني هيج، جاي تشوفيهاا شلون انام وهاي وياي بالغرفة
... ماكو شي بالغرفة وهاااب، شوف
أنت تقرأ
عندما تقسى القلوب
General Fictionࢪواية واقعية...... بقلمي ؏ندما تقسۍ القلوب ********♡******** للكاتبة تبارك (توت) تم بداية نشر الرواية ٢٠٢١/١١/٢٨ الخميس♡
