ولك
لو بيدي
أحرمك طلعة الباب
الناس تبوگ
أبو عيون الوسيعة🌿
"" "" "" "" "" "" "" "" "" "
حسيت ب مسدس على راسي وانفاس على ركبتي
اجة صوت رجال غريب!
واني عبالي وهاب، حجة
... وهاب وين
اني كُلي صرت ارتعش وهذا يدور وهاب وبيدة مسدس، ما سيطرت على دموعي ونزلت
نبت المسدس اكثر براسي وحجة
... قسمًا بكل نبي اذا محجيتي راح اخليج تتوكلين
ل آخرتج
احس بعد ما اكدر اسيطر على اعصابي وجسمي صار يرتعش بدون ما احس، كمت اشهگ بدون صوت
اجاني صوته وشكلة عصب
... وهاااب وييين، راح انهيج
فجأة حسيت عليه وكع خفت اندار ويطلع وياه احد لو يجي وهاب وعبالة هذا شخص اعرفة
انداريت والف فكرة براسي، شفت الرجال واكع بالكاع و وهاب واكف وبيدة مسدس
عرفت وهاب ضاربة وكعت بالكاع منهارة وبديت ابجي بهستيرية
... ايييي دوختينااا، خل اخذ هذا الزبالة للشرطة واجي
طلع تلفونة وضل يحجي، اني لميت نفسي وحطيت راسي على رجلية وضليت ابجي
شوية وسمعت صوت زلم بالباب والباب راح ينكسر من كد الدك
حسيت على وهاب يسحلني لغرفتي فوگ، طبگ الباب ونزل بسرعة
اني ضليت كاعدة على الجرباية ومكرفصة على نفسي واباوع بالفراغ ووجه الرجال ميروح من بالي ووراسة جان بي شوية دم
مر هواي وكت ما ادري شكد ، دخل وهاب مدخن حرفيًا
عت ايدي قوي وزمجر بوجهي
... منو هذاااا الحيواان الي جنتي ويااه
... وهاا وهااب بس اسمعني
... ولججج شسمع شسمع واني اشوفج وياه متحاضنين
عطت بعصبية واني اوخر ايدي منة
... لاااا وهاااب لااااا كُلشي اسمحلك الا ان تطعن بيية، الرجال جان حااط سلاح براسي ....
اجة لزمني من زندي قووي وباوع بعيوني بغضب وكال
... منووو انتِ وتعيطييين بوجه وهاااب، بس يصير خير سفانة يكعد هذا الن.... ونعرف السالفة وساعتها يصير خير
عافني وطلع واني منهارة، وهاب صار يشك بية...
ضليت كاعدة بالكاع شوية وسمعت حس امي جوة
نزلت والم بشعري، باوعت على البيت محد موجود غير امي الظاهر رجعها وهاب ومحد موجود
ركضت لحظنها كل ضني تاخذني بحظنها، بس جان ضني غلط
أنت تقرأ
عندما تقسى القلوب
General Fictionࢪواية واقعية...... بقلمي ؏ندما تقسۍ القلوب ********♡******** للكاتبة تبارك (توت) تم بداية نشر الرواية ٢٠٢١/١١/٢٨ الخميس♡
