عندما تقسى القلوب

part-9-

لاشلته العربان لامحب رافه
جرحي وگطعكم صار نفس المسافه
-

"" "" "" "" "" "" "

... يلا عجلي، ما بية اضل واكف هن هدوم اختاريهن وخلص

... اي اي على كيفك

اني ووهاب وخالتي رحنة للسوك نشتري ملابس من المهر لان عرسي مبقالة اسبوعين عقدت سيد ومحكمة وجاي اجهز هدوم

للامانة اني كلش فرحانة، وهاب متغير للافضل وعلى كلشي ياخذ رايي
جهزنة الغرفة والاخشاب باقي بس الملابس

واني اكيد راح اعيش وي خالتي وعمو ماعندي اي مشكلة لان خلتي فد حبابة

وهي هم خطية فرحانة بينة وطايرة، يبقا وحيدهة واول فرحتها

اشتريت كم قطعة ملابس وي الفساتين الحجزتهن للحنة بعد اسبوعين،

... تعالي يمة چاي، خل نشتري من هذا المحل

باوعت محل البسة نسائية كلش خجلت ووهاب جان واكف

... يمة وهاب اسبقنة للسيارة نشتري ونردلك

... لا يمة شنو لمن وصلنة ل اهم جزء تطرديني، اني داخل وياكم للمحل يلا

ما انتظر جواب مَنة ودخل قبلنة ويبووو

خالتي تختار وتراويني وهو ميعجبة ويرجعة ويطلع غيره،

لاحظت هو يحب الاسود بشكل فضيع حتى بالهدوم
، واختارلي اغلب الملابس يا سود يا الوان داكنة

طلعنة بعد ما شترينا كم غرض، وطلعت روحي احس لان صدك انحرجت وخصوصا ام المحل كامت تضحك لان هو الي يختار

رجعنا واخذنا غدة سفري واتغدينا،

رجعنا للبيت وجنة منهكين حرفيًا دخل امي وراح

اني وديتها لفراشها وضربتها نومة ما ادري بالدنية

كعدت على رنة التلفون اباوع الدنيا ليل وبالكوة مفتحة عيوني

التلفون كطع الرنة باوعت وهاب مخابر، مادام كطع خل ارجع انام
حطيت راسي على المخدة ورجع دك

فتحتة وحجي

... الوو

... اهلا صح النوم

... الله يصح بدنك

... نزلي فتحي الباب