عندما تقسى القلوب
تبارك (توت)
سلامًا على من رفت قلوبنا لرؤيتهم وهم غافلون...
"" "" "" "" "" "" ""
_والنعم بالله ابو وهاب
ابتسمتلها وعاينت ل ايات
... حيجينا وهاب
طلعنا من الدكتورة فرحانين واخيرًا راح اصير ابو
مرينا على الصيدلية لجل الدوة وردينا للبيت
ومرت ايام واشهر وايات جابت وهاب
وهاب يا وهاب... جان معجزة وتمشي على الارض من اول ولادتة ما هدينا
من حظن لحظن ميطيح بالكاع ابد وهو تعود على الوضع لكبرة
ايات جانت مدللتة دلال اي شي يأشر علية ياخذة
مرت السنين ووهاب كبر واحنا هم ولها تندك الباب
... بوية وهاب شوف منهو على الباب
... اهووو جاي العب مابية حيل كوم انت
عفتة وكمت وانه اهز بيدي هل ولد طلع من الطريج وصار يتطاول بسبب دلالنا الزايد اله
وهاب ما انرزگ ب اخو بعد رب العالمين كاتبلنا بس اهو
... اي اي جيت جيت
حجيت لمن هيست الدك على الباب علة
فتحته وشفتة شاب بالعشرين
... تفضل بوية ياهو الرايدة
... هلا عمي انه صلاح ابن حسن اخوك
فزيت لمن سمعت حجاياتة
... يهلا يهلا عمي چا وين ابوك ليش ما جة وياك؟
... والله يعمي انه جيت وحدي لَون ابوي بفاتحة جدي
... شنهو ياجد ولك
نصة راسة وحجة
... ابوك عمي
ضليت صافن ما ادري شسون والولد حط ايدة على جتفي
... البگية بحياتك عمي
... زين انت ياهو الدزك
... جدي جان كَلش مريض وراداك وانه جيت اكلك وبالطريج انطوني خبر وفاته
طحت بالكاع على رجلية وكمت ابجي وانحب صارلي سنين مشايف ابوي واخافن لمن ارد ما يستگبلني
تاليها يموت وانه مهو بيمة
... ولككك بوية عمت عيني الي بگت بعيدة عنك وما راعتك
على صياحي طلع وهاب الي عمرة ١٣ وي ايات
... شكو شبيك بابا ومنو هذا الولد
... شمالك ابو وهاب ليش تصيح
جاوبهم صلاح
... هلا خالتي شعلومج انه صلاح ابن حسن حماج
أنت تقرأ
عندما تقسى القلوب
General Fictionࢪواية واقعية...... بقلمي ؏ندما تقسۍ القلوب ********♡******** للكاتبة تبارك (توت) تم بداية نشر الرواية ٢٠٢١/١١/٢٨ الخميس♡
