سلام...
ثلجت نار الموده وبعد ما تلسع جمرتي
"" "" "" "" "" "" "" "
جنت كاعدة على الجرباية بفستاني الاسود والغرفة سودة هههه صايرين سيت اني وياها
دخل وهاب كمت بملل للحمام بدلت وطلعت مسحت المكياج خليت ونمت
هيج صارت حياتنة اني ووهاب ادركت انو وكعت فعلا بكابوسة
وهاب ورة الزواج صار اسوء من قبل ولا جنة وهاب الي ببداية الخطوبة
ومرة كلي كلمة لحد الان ترن ب اذاني
... انتة مو جنت تكلي احبج، وتعاملك وياي ويين راحن هذني؟
... انتِ مشايفة تلفزيون؟ متعرفين شنو تمثيل؟
... شنو يعني جنت تمثل علية؟
... اي، وبصراحة انقرفت لحد مخلصت المسرحية
انقرف مني وهاب، صار يعاملني فعلا نفس ما كال خدامة
كبال اهلة شحلاتة
بس وياية بالغرفة يلعب بية لعب ويحاسبني على كل كلمة احجيها
صرت اخاف احجي، شخصيتي صارت مهزوزة
كمت من فراشي وبدة يوم كئيب اخر....
اني كلت ل امي كالتلي
... شسويلج يا يمة هي كلها الزلم هيج، وهذا حظج ونصيبج وهمزين لكينة واحد ينفكج، وفوكاها عندة فلوس لتتبطرين ي يمة
امي جانت تباوع ع الناس ڪ طبقات وفلوس مو ڪ اشخاص وهذا زين وهذا شين
رحت انظف وكملت صعدت حظرت حمام الاستاذ واغراضة يريد كلشي تمام ماكو نقص
نزلت جوة اسولف وي خالتي وصراحة هي كلش حبابة اغلب وكتي وياها ووي عمو لان اخاف من ذاك الوحش
دخلنة نسوي غدة سمج وحسيت بريحة زفرة قوية ورحت اتقيء بالحمام لحكتني خالتي
وابتسمت باوعتلها وكالت
... تعاي يمة تعاي حبيبتي، بلچي وصدك حامل
... حامل!! اني؟!
... اي يمة، انتي قابل انه يلا تعاي
لبست عباتها واخذتني بهل ظهرية للمختبر حللت
وكعدتنة ننتظر
عمتي جانت تدعي انو اكون حامل عكسي جنت خايفة لا لا مو بس خايفة مرعوبة
وادعي انو اكون مو حامل
أنت تقرأ
عندما تقسى القلوب
General Fictionࢪواية واقعية...... بقلمي ؏ندما تقسۍ القلوب ********♡******** للكاتبة تبارك (توت) تم بداية نشر الرواية ٢٠٢١/١١/٢٨ الخميس♡
