#رحلة الموت
#بقلم_جولي اقارصؤ
#الحلقة {17} جزاء (1)
- "كُل شئ كان قاتلًا لكني لم ٱمت."
طرابلس سوق الجمعة.....
حوش زاجل....
في المربوعة...
زاجل / كان راقد ناض حول البطنية من عليه وطلع ماشي لي ادر النوم خش ملقاش رباء راقده في مكانه خش لي المطبخ خش لي الحمام لي ادر تانية فسط الحوش مهنااش طلع يجري لي جنان ...رباااااء....وطلع برا مهناش نصدم شاد راسه فتح باب الحوش طلع يشوف فم الباب يشوف في رباء تمشي في الشارع طلع يجري وراها....رباااء رباااء
رباء/طلعة تجري وراء لبسه ارديه كانه اتصلي وقايمته من لوطه بي ايديها وحفيانة ...زاااجل يازااااجل
زاجل/اوقف تلفت اوره لقه روباء جاية تجري من جهت الحوش تلفت القدام ملقش رباء الي كان يجري وراها تلفت الخلف لقي رباء وصلت فيه يشبحله ومصدوم
رباء/داهشة تشبحله...خيرك وين طالع تجري في هليل وتاندي فيا اني في الحوش ياحليلي
زاجل/داهش ويشبحله مصدوم ...دورتك في الحوش كله مهناش فتحت الباب لقتك تجري طالعة اقسم بالله
رباء/لا والله كنت انصلي في قيام الليل قدامك في الصالة وانت لما نديت عليا قاعدت انسلم وطلعت تجري انت لي الشارع خيرك
زاجل/مسح بيديه علي وجه...استغفر الله العظيم واتوب اليه مش عارفه وربي العظيم ماشفتك الصالة فاضية غير تعالي ...وماشي هو ويها لي جهت الحوش
رباء/والله كنت نصلي الله في الصالة قدام اروشن
زاجل/اوصل لي الحوش قدام الباب لقه اتصكر الباب الخارجي
رباء/خليتا مفتوح اني ياحليلي ...وحطت يدها علي فمها
زاجل/عادي حصل خير توا نقز نفتح الباب....ويحول يركب علي السور باش بنقز في الجنان
رباء/يدك بشويا عليك ..وتشبحله
زاجل/يتوجع من يده وركب وركب نقز فتحلها الباب
رباء/خشت
زاجل/صكر الباب وخشو لي الحوش داخل خش لي الحمام غسل رجليه
رباء/حطت اردي علي الكرسي وخشت غسلت رجلها بعده
زاجل/قعمز علي الصالون في المربوعة وشاد راسه حاير
رباء/قعمزة جنبه....بالك تحلم نضت مخلوع معاش شفتني
زاجل/حول يديه وتكا ضهراء علي المسند وشبحله جنب...كيف اغفيت اني ملياش 10دقيق كيف خداني النوم مش عارف نضت دورتك في الحوش كله طلعت لي الجنان وفتحت الباب طلعت لي الشارع نشوف فيك تمشي اقسم بالله قاعدة نجري وراك لين لما ندتي عليا تلفت ليك بعدها ختفت الي نجري وراها
رباء/نشوف فيك تجري بروحك مافيش حد في الشارع
زاجل/والله ماشفتك اتصلي بكل وربي العالي مافي مخلوق في الصالة الله
رباء/مصدقتك والله غير اهدأ
زاجل/في حاجة مش فهمها تصير معاي وان شاءالله خير وخلاص
رباء/ان شاء الله خير واستغفر ربي
زاجل/استغفر الله العظيم واتوب اليه
رباء/وربي يهدي بالك ويريحك ونوض صلي ركعتين باش ترتاح
زاجل/نوضي معاي صلي منقدرش نخليك دقيقه غايبه علي عيني في الصلاه بس نقدر نطمن ان في حفظ ربي
رباء/حاضر...وناض هو ويها توضه
زاجل/واقف قدامها ومتلفت الخلف
رباء/واقفه وراء ولبس ارديه جده
زاجل/حط يده علي راس رباء...استودعك نفسها قلبها وروحها وعافيتها فاحفظها لي يارب العالمين..ويشبحله
رباء/تشبحله وحطت يدها علي يده تانية....زاجل خيرك معاك اني في الصلاه ماحيصير شي
زاجل/اعدرني يارباء والله مانكدب عليك خايف واول مره نخاف مش ان تصرلي حاجة لا لو حاجة بتصرلي خلي تصير بس خايف عليك من نفسي هلبا بديت انسان شبه مش صاحي في اوقات الليل ....وخدي انفس
رباء/ماتخفش ربك حمينا ازوز
زاجل/قربها من راسها بسه علي راسها وتلفت بقيم الصلاة وخر ايده الايسار لها
رباء/شدتله يده بي يدها الايمين
زاجل/غمض عيونه شويا وفتحهم حول يده ...الله اكبر بسم الله الرحمن الرحيم
رباء/وراه واقفه تصلي
زاجل/يقراء في القران وكان بصوت مخنوق دموعه في عينه .....الم
تَنزِيلُ الْكِتَابِ لا رَيْبَ فِيهِ مِن رَّبِّ الْعَالَمِينَ
أَمْ يَقُولُونَ افْتَرَاهُ بَلْ هُوَ الْحَقُّ مِن رَّبِّكَ لِتُنذِرَ قَوْمًا مَّا أَتَاهُم مِّن نَّذِيرٍ مِّن قَبْلِكَ لَعَلَّهُمْ يَهْتَدُونَ
اللَّهُ الَّذِي خَلَقَ السَّمَاوَاتِ وَالأَرْضَ وَمَا بَيْنَهُمَا فِي سِتَّةِ أَيَّامٍ ثُمَّ اسْتَوَى عَلَى الْعَرْشِ مَا لَكُم مِّن دُونِهِ مِن وَلِيٍّ وَلا شَفِيعٍ أَفَلا تَتَذَكَّرُونَ... وقاعد زاجل يقراء وطول في الصلاة
