#رحلة الموت
#بقلم_جولي اقارصؤ
#الحلقة { 10} جزاء (2)
- "كُل شئ كان قاتلًا لكني لم ٱمت."
عز/خبط عظيم علي كتفه...صاحبك طلع مضحك هههه... نار ويغلي متكنطي ليا خلاص وشبح لي الروشن جنبه وعض شاربه ومصكر يده ويضرب فها في يد تانية بقوة في جرة بعض
عظيم/خلاص عرفة الحق وكنت راجل معها وتم لك مضحكه ولا شي المهم انك بصحه كويسه وعايش واحمد ربي ان نحبسة لي ان كان ربك بيورلك وجها الحقيقي واهم شي ارضي الميمة
عز/تكه راسه خلف علي الكرسي وسرحان في اروشن وجعته اضحكه
صفوان/فها خيرة فها خيرة
عظيم/تلفت القدام وراسه مشوش حتا هو بهلبه افكر
...................................................
طرابلس طريق المطار...
حوش امالي بريكة...
بريكة/واقفه علي زيانة وتتكلم بتلفونه وتدهن في وجها بكريم ترطيب...اي تمام خلاص وردي عليا شن يصير...وخاشة مكلمة في الانتضار شبحته لقاته محسن..تمام سلام ..وصكرت ومحسن مكلمته قاعدة ..شن يبي اهو والله علي خاطر دجلة بس الباقي الله معاد نرد عليك ..ردت ..هااا
محسن/خيره تلفونك مشغول ساعة مع منو كنتي تتكلمي
بريكة/حاجة شخصية انعم تفضل
محسن/به نبي نقلك غدوا ضروروي نتلقاء معاك عندي موضوع ضروري يخصك انتي وحاجة نبيك تشفها بعيونك باش تصدقي
بريكة/خلها اسبت نشفك قدام المحكمة قول شن عندك
محسن/كان يتكلم وهو عادي...بريكة منبصرش ولهو موضوع يتاجل لي يوم اسبت ضروري غدوا ومنه نقلك شن صار في موضوع دجلة باش نحلوه بينه
بريكة/العشية
محسن/تمام
بريكة/خلاص في الكفترياء نفسها
محسن/لالا موضوع مهوش متع كفتريات يبي مكان خاص
بريكة/شن رايك محسسسن في فننندق ولا تبي نمشو لي حووشك عادي راه حتا تبي نباتو نباتو شن المشكله فري
محسن/هههه عادي شن المشكله يعني عندك منع
بريكة/لا مافيش شوف روحك انت بس مدورنيش اني نحرق حتا معك ياراجل
محسن /ههههههه وربي ماليك حل
بريكة/هههه قصدي تقول في حاجات متع واحد يخد حاجة مش صافي بكل هههه
محسن/لا شكلي بنخش عليهم خلاص قصدي منبيش كفترياء ولا في حوشي حيكونه معنه ناس ماتخفيش
بريكة/كيف ناس ومكان خاص شن نوي محسن انت فهمني شن فيه في راسك
محسن/تلقني في راس الشارع ولحقني بسيارة وبعدين نتفهم
بريكة/لالا قلي وين المكان من توا
محسن/قتلك الحقني توا تعرفي توا خلي ندرس سيارة ونكلمك
بريكة/لا بنرقد خلاص
محسن/به براحتك ليلتك سعيده وتصبحي علي خير
بريكة/انت من اهل الخير..وصكرة وماشية لي سريرها ..زعمه شن فيه شنو القصة ...وحطت تلفون جنب المخده وصلته رساله شفته كانت من محسن بتسمة....ياحليلي منه اهو راهو ههه
...................................................
في الرقدلين....
حوش بو صفوان....
خيمة العزيه واقفه في فم الخيمة
غديرة/ام صفوان لبسه حولي وحطه طرف علي راسها واقفه في باب الخيمة...شنو
علي/بوه صفوان لبس جرد ....جبنا غطا بطتين لي الرجالة
غديرة/ باهي بنقولك راهو مراة ولدك منبي نخلها تروح صغار ولدي نبيهم حداي يا علي مش كل مرة في مكان
علي/ لالا بنردها لي سلفه صقر خير يتاربه الصغار بين عمهم زي بوهم وامهم مدام المراة صغيرة
غديرة/اي حتا هدا راي كويس هيا هي توا نجبلك هي وخشت
...................................................
طرابلس جنزور...
فيلة الوزير...
في دار بيان...
رحيق/واقفه تلبس في بالطو بيان...لالا بنروح معه مدام جي رامي
بيان/واقفه قدامها...توا جابك بتطلعي بيتكنطه فوتي لليلة علي خير رحيق
رحيق/قتلك بنروح توا حتا غدوا عندي عرس نداء ..ولفت وشحها
بيان/به بتجي غدوا راهو مدخليش فيك
رحيق/منيش جاية خوك اهو كرهني في حياتي
بيان/ههه عينك بتجي اقسم بالله متجيش لما نبعتهلك يجيبك من شعرك
رحيق/يا حيوانه تحرشي فيا اني ...وخطبته علي كتفه
بيان/هههه انتي حولي متجيش والله لما نبعتهلك وصكري راسك متجيش
رحيق/ههه حيوانه ...وفتحت باب الحوش
بيان/احمدي ربي طيحه في ايدين بكير مطحتيش في بلال
رحيق/كيف بتنزل من ادرجة تلفتت لها...منو بلال
بيان/خوي الكبير
رحيق/نهارك احرف عندكم واحد تاني
بيان/ههه اي هداكه هو الي لا يتفهم ولا شي بكير رحمة قدام رحمممة ههه
رحيق/نهار احرف نمشي نروح قبل مايتلقطو عليا خوتك المجارم ههه..نزلة تجري
بيان/نازلة وراها ...ههه مجارم في عينك لما نقول لي بكير قالة عليك مجرم
رحيق/شدته من شعرها وربي تقليله نقتلك نقله كل شي عليك بعدين توا نوريك ههه....وحولة يدها من شعر بيان وفتحت الباب وطلعة
بيان/ههه حيوانه...وصكرة الباب
________
برا قدام الفيلة ...
واقف بكير وحاتم ورامي واشيخ حمزة جنبهم
بكير/ حط يديه في البالطو متعه...لالا مش نفسهم هدوا تبع الوزير...وشبح جهت باب الحوش يشوف في رحيق نزالة من ادروج جاية جهتهم استغرب فنص فها بمعنا خشي
رامي/شبح اخته...خيرك
رحيق/واقفه جنب باب سيارة رامي..بنروح معاك
بكير/طلع يديه من البالطو يشبحله... شنو تروحي الله يهديك بري خشي خطر عليك
رحيق/لالا عادي مع امي وخوي ميصرلي شي
رامي /به اقعدي اليوم
بكير/يكل في روحه يشبحله يبها تشبحله
رحيق/ لالا نبي نروح
بكير / بري خشي اليوم اقعدي لي غدوا ساهل اهني امان ليك وافضل
رحيق/ شبحتله...لا بنروح
بكير /فنص فها .. خشي
رامي /شبح لي بكير ستغرب ...خلها خلاص بروح بها
اشيخ حمزة /راجل كبير كان لبس سروال تجين وبوت وبلطو وتحتا فنلية صوف وطقية رسمية وعريض شويا ولحية كبيرة شايبة شبح لي بكير...خلاص هيا حرة يابكير خلي تروح
بكير/يشبجله قريب يموت قريب يتفجر كيف ركبت في سيارة بيكله بعيونه بغل
رامي / سلم عليه...بارك فيك وسامحني بالله
بكير / ولا ايهمك رد بالك اي شي كلمني
رامي / ان شاء الله سلام ..ركب سيارة وطلع
بكير /بيتفجر ماشي لي جهة باب الفيلة يسلب في البلطو بغل فتح باب الحوش خش يجري لي اصالة لوح البالطو علي طول يده يعيط ...كييييف.... ويكسر ويخبط في دنيا
بيان/واقفه جهت دوج تشبح لي خوها حطه يديها علي فمها مصدومة
بكير/يعيط.... كييف تكسرلي كلمتي كييف ...وطرب فازة كبيرة واقفه قام رجله ودفها كييف طحت تكسرة
بيان/تعيط...خلاص خلاص بكير باالله عليك ..وخايفة
بكير/يعيط يشحط في عروقه ...طلعني عيييل كييف طلعني عيل مع بووها قتله بتقعد عند الوزيرررر كيييف
بيان/تترجه فيه من بعيد ..وراسك خلاص وراس خويا واسع بالك
اشيخ حمزة/خش يجري من الباب
حاتم/وراه
بيان/حطة البرنوص علي رأسها
بكير/اني الي نقوله خلااص ...ضرب يده في طولة الصالة مرش تكسرت ....يتممممم..عرق من مفصل يده نجرح بدي ادم يصب
اشيخ حمزة/بكيييير خلااص قلت انيي
بكير/حط يديه وراء راسه و عط لسانه ويده تنزف
اشيخ حمزة/حررة هيا تروح ولا تقعد متجبرهااااش
بكير/خبط برجله الكرسي كسره....مشش حررره
بلال/كان واقف وراء حاتم واشيخ حمزة كان لبس بدالة جيش وكدار اسود وطقية سوده علها صقر وعلي كتافه رتبات وشاد شنطة سافر سوده لحية اسوده في ضربه جهة خشمه بين عيونه جرح يشبح لي بكير عيط عليه .....حررره تروح
بكير/تلفت شبح خوه نصدم
اشيخ حمزة/ تلفت ...بلال
حاتم/شبح بلال
بيان/فاتحه فمها تشبح لي بلال لها 3سنين مشفاتشي
حمزة/حضن بلال ...حمدالله علي سلامة..طبطب علي ضهراء
بلال/ ههه الله يسلمك شيخنه
بكير/طلع يجري لي خوه حضنه...حمدالله علي سلامة
بلال/حط يده علي ضهر خوه..الله يسلمك
بكير/بعد عليه....باهي الي شفناك ياراجل
حاتم/سلم علي بلال بيديه ازوز ....حمدالله علي سلامة
بلال/الله يسلمك ..وخبطه علي كتفه ..شنو امرك
حاتم/تمام بخير ..وحط يده علي صدره
بلال/شبح يد خوه..يدك شوفها ياراجل
بكير/فرحان بخوه..مدورهاش ..ويشبحله
بلال/شبح لي اشيخ حمزة...شنو وزيرنا ربح الانتخاب
شيخ حمزة/اي توا الامر وناهي علي الي يبي والي مايبيش هي حمدالله على السلامه..وطلع وطلع وراه حاتم وصكر الباب
بلال/ لف ماشي جهت الدروج
بيان/تشبحله قدمة تبي تحضنه..بلال
بلال/كانه ميشوفش فها ركب مشبحلهاش حتا اشبح
بكير/يقيم في كم يده المضروبه شبحله
بيان/تشبح لي بكير تبكي...علاش هكي ميبيش يكلمني بكل قاعد علااش الزفت
بكير/معاااش تبكي قلنا توا يحن قلبه
بيان/امتا بيحن قلبه اااه امتا بعد منموت ميحبنيش قاعد شن درتله اني هي شنوو درت به
بكير/يشوف في يده ...يحبك مش ميحبكش ..وشبحله...بس هو قاعد قلبه معبي من الماضي
بيان/به ان شندنبي به
بكير/جي حضنه ويده تنزف...دنبك انك احلا اخت بس ..وبسله راسه..خلاص
بيان/تبكي...اني والله نحبه هلبا اكثر حتا منك ومن براء
بكير/مص وجهك تقلي فها في وجهي صدق الي قال الكلب مايحب الا شانقه..وشبح لي وجها ..تفوه ههه
بيان/ههههه يدك حي عليا غير برا لي المستشفي بسرعة
بكير/لالا بسيطه غير جيبي شنطة الاسعافات...وماشي لي جهت الصالون قعمز يشوف لي اجرح...قلتلك بتجي غدوا
بيان/جبت اشنطه حطته جنبه ..اي ...وفتحته طلعة في لسبرتوه والقطن
بكير/ميه ميه بخي ابسرعة اااه يوه ..وحط القطن علي الجرح ..هتي الفاشة شدي هكي..وبدي يلف فها علي مفصل يده
_________
ادور التاني ....
دار بكير جديدة ...
حط اشنطه علي اسرير فاتحه مقعمز علي حشية اسرير محول اطقية يشبح لي ادر ويسلب في الكدار متعه ...لا بديت تفهم فيا صح يا سيادة الوزير كيف مطلب داير هه...ويفتح في بطم بدالته
...................................................
طرابلس السراج...
فيلة ماهر...
سيداد/مقعمزة علي الصالون قاعدة بحويجه
ماهر/واقف قدامه لبس سروال جيوب اسود بدي صده اسود كدار اسود وحط يديه في جيوبه...اي
سيداد/هو هدا يعني الموضوع يبي حد لازم يمشي غادي ويشوف البنت شن وضعه بزبط منلعبوش مع امريكيا
ماهر/خلاص اني شن هو الي بدريه نسفرك لي غادي تشوفي الوضع شنو وشن قصته حق بعدين تكلمني من غادي مش جديدة عليك امريكيا مشتله قبل
سيداد/ستغربة قامتله حاجبه ان بيبعته...انت تدوي جديات
ماهر/وقت دين ام بصارت مدبيا نطلعك من اهني الفترة هدي بسرعه توا نطلعك لي تونس يخدلك تدكره من امس وصبح نبعتلك الفيزا لي امريكيا
سيداد/ماهر امريكا مش تونس راهو باش يعطك فيزة في يوم واحد
ماهر/لا عادي نطلعه وتي حويجك توا واطلعي طول اني عندي خدمة اني ونوري بعد نص نص ساعة اطيارة نتصال نبي تردي عليا بشفرة تونسة تمام
سيداد/تمام لكن شن بدير مثلا لو عرفة كل شي غادي وشن صاير لها البنت بتردها لي ليبيا
ماهر/شن دخني في امها اني نردها تي بوها ميبهاش نجبه ليه ولا ناقص مشاكل اني غير بنشدها نقطه علي بريكة باش نجبها لي احضني وباش انتي منه تطربها دهورة جت معاك المرة هدي وتقلبي وجهك من اهني شويا لبين مهدي الوضع شويا
سيداد/في خاطرها اني قلة اصلا متجيش منك درها وتردها هه وتشبحله
ماهر/نووضي اركبي وتي حويجك لبين مطلعة زواج سافر والفلوس وتذكرة
سيداد/به ...ناضت ركبة
ماهر/طلع تلفونه من جيبه يبعت في رسالة
...................................................
طرابلس الرياضية...
حوش امالي جاهد....
جاهد وبراء متكيين متغطين ويهدرزه قدمهم صفرة شاهي فها كاكوية
جاهد/نضمهم كل حد لهي في حاله هكي احسن منبو منهم شي بسلامتهم غير يفكنه من شرهم
براء/لكن حقكم يا جاهد هدا مفروض حرام عليهم
جاهد/خلي يكلا الحرام ..وطق الحوش...هيا...وناض مشي لي الباب..ايوه منو
حاتم/حاتم ياجاهد
جاهد/فتحله الباب..اهلا ..وسلم عليه ..تفضل خش
حاتم/لا مستعجل وراسك ندينا ولدنا بسرعة هي
براء/اوقف جنب جاهد...هلا
حاتم/هي بوتك وتسقد قدامي
جاهد/لا ياراجل بايت عندي
حاتم/لا اعدرنا الليلة بلال واصل بكير مولع دنيا ماتفهش كيف
براء/وصل السند ههه
حاتم/اي ههه
براء/شبح لي جاهد...بالك عندك كلمه ههه
جاهد/لا وين نلعب مع بلال ههه
براء/لبس بوته وسلم علي جاهد ... هي وبارك الله فيك وسمحنا
جاهد/فيك بارك الله عيب عليك اوخيي انت كان في حاجة كلمني
براء/طلع من الباب ... تمام وسمحنه ربي يحفظك
جاهد/واقف قدام الباب يشبح لي سيارة حاتم وراه سيارة حرس
براء/ وركب جنب حاتم وطلعه
جاهد/ خش وصكر الباب ودخل صفرة من المربوعة متع الشاهي لي المطبخ واقف علي اخته في باب دار ... روح الولد
جنان/ شبحتله باهي علي راحته تبي حاجة انت ندرهلك
جاهد/ لالا ضمي معناتك مدامه جي اضي بنرقد اني اصبح بنمشي لي سوق اجمعة
جنان /به ربي يعونك... طق الباب فجة
جاهد /تلفت لي جهت سقيفة
جنان/منو زعمة..واقفة
جاهد/مش عارف ..وماشي جهت الباب...منوو
براء/براء افتح
جاهد/شنو مصارلكش ههه...وفتح الباب
براء/في يده كيستين ...ههه لا مروح متفرحش ..ومدله اكياس هدي لي اختك وهدي ليك وليلتك سعيده ياصحيب
جاهد/علاش اجو اهو وربي مافي داعي
براء/شنو علاش خلاعكم ياراجل قيمه قلبكم هههه سلامات...ولف ماشي لي سيارة
جاهد/ههه منور ياغالي
حاتم/طلع بسيارة
جاهد/خش وصكر الباب وخش لي دار اخته مدله كيسته ...هدي منه اضربي هي شكلايط وحاجات بدخ ها ههه
جنان/شاده الكيسا فتحته...بارك الله فيه الحق ههه
جاهد/فتح الكسا خدي منها طرف شكلاطه ومدها لها...خدها دسي لي امك منها ...طلع لي المربوعة
جنان/قعمزة لوطه تربعت وفتحت الكياس تشوف شنو فيهم تاني اطلع في اشكلايط انواع وتشبس فرحت بيهم ...خلي نوض نضم معناتي بعدين نجي نتساله بيهم ههه...واقفة مشت تجري لي المطبخ
_________
في سيارة حاتم...
براء/مقعمز من قدام جنب حاتم وسرحان وشاد تلفونه
حاتم/خيرك سرحان فاش تفكر الموضوع طلعه من راسك تمينه فيه راهو وسيارتك وصلة قبلك
براء/لا عارفه تم بس نوي اناسب جاهد لكن مش عارف كيف بنفتحله الموضوع خايف يفهمني غلاط...وشبح لي حاتم
حاتم/تعاله نوله نفتحله اني الموضوع ههه
براء/عاد انت معندكش نيه في فتح الموضيع هدي بكل ياراجل هههه
حاتم/ههه به شن رايك خلي بلال يفتحله الموضوع
براء/تي شنو بنخبط ولا بنفتح جبها ياراجل تي وربي نقوله توا لما يمشي الليله يروحلي بها حتا من غير فاتحه ياراجل مايفهمش ميعرفش يتكلم اهو نحضره في عركة معاش فها نقاش جبها شخص نبي نصفيه دير رنه تلقه ميت من قبل ميرن تلفون عنده ههه مش نرفعه يخطب تي غير خوها يقول نخده راي البنت يطربق العيلة كله ههه
حاتم/هههه يعجب فيا ياراجل وربي جيته في الوقت المناسب
براء/يشبحله..علاش شن عندك من مصلحه قولي قولي ههه
حاتم/ههه لا وربي مافي مصلحه لكن الحق ستحشنه كان دير جو بتحسش بكساد لما يتلقاء هو وبكير
براء/نار و بنزينه كيف تبيه اجو يشوي ياحبيبي
....................................................
وادي الربيع...
حوش باني...
في دار الي فها باني..
باني/رقد علي ضهراء مغمض عيونه وحرارة جسمه ...امممم امممم ااه ااه....ينق
باسط/واقف جنب سرير مطبس عليه...به نرفعك لي المستشفي
باني/لا لا ياباسط لا خلني خلني اااه
فداء/نايضه متكيا علي اسرير تسمع فيه ناضت حولة الورغان وطلعة من ادر وقفة قدام ادر الي فها باني ...خيره
باسط/تلفت لها..عنده حرارة ميبيش يمشي لي المستشفي
فداء/قدمة ..هلبا ..وحطت يدها علي جبهة باني...هلبا حرارة ..وحطت يدها علي رقبته
باني/فتح عيونه شبحله وصكرهم مش قادر
فداء/عطينه دواء وله وينه خده
باسط/لا ميبيش
فداء/وينه هو
باسط/في دار عندك
فداء/خلاص خلني اني ويه توا تتفهمو كان في حاجة نكلمك
باسط/تمام برا اني كلمني
فداء/تمام...وطلعة من دار وراء باسط
باسط/طلع
فداء/جبت دواء من دار باني وخشت لي المطبخ بار عبة طاسة امية وحطتهم علي ارخامة دور في الدولاب طلعة صونية غارقه شويا وخدت فوطه من القجر وعبة اصحن امية ورفعته هيا وطسة امية وكيسة ادوه والفوطه مشت لي ادر حطتهم علي الكمدينو دار باني ...ومشت لي باني واقفه جنب سرير...باني باني
باني/فتح عيونه ...ها
فداء/نوض معاي لي دارك غادي
باني/لالا بري ارقدي
فداء/به بنرقد لكن نبيك غادي نوض هي
باني/يحول ينوض بسيف سخون مع بعضه
فداء/تساعد فيه ناض
باني/يمشي بشويا
فداء/شادته وصلته لي اسرير قعمزته في المكان الي كانت رقده فيه
باني/كيف بيتكه
فداء/لالا اصبر خلي نسلبو اتب الاول سخون انت فتحتله اتب سلبته قعد في فنلية نص كم ..توا بتخد ادوه ..وتطلع في ادوه
باني/يشبحله ومسخسخ...لالا فوتيه منبيشي
فداء/لا بتخده انت مريض وهدا باش يبريك برده قوية هدي سلم ولدي ميجيش الكلام هدا ...ومدتله دوه
باني/خده منها وشرب اميه
فداء/ايوه هكي كويس تكا هي..تساعد فيه
باني/تكا علي ضهراء...اااه جسمي كله نحس فيه طيب امممم...غمض عيونه
فداء/غطاته لي كتافه...اي البرده مش ساهلة في جرتي مرضتك سامحني بالله
باني/لا مرضتني لا شي هيا البرده خاطرها تزورني...عيوني معاش قدر نفتحهم
فداء/خلاص خليهم مغمضات...وغطسة الفوطه في الميه عصرته وحطته علي جبته..شويا وتنزل الحرارة مع ادوه...ومشت جبت كرسي متع زيانة حطاته مقبل الكمدينو ولصق في سرير جنب باني ودرله في الكمادات
باني/من الحرارة بدي يعطي ويخد في الكلام والساانه تقيل وعيونه مغمضة
فداء/وتشبحله حطتله الفوطه علي راسه
باني/باسط
فداء/قاعدة تشبحله وسكته
باني/باسط
فداء/طلعة...تاندي..باسط
باسط/خش ..انعم
فداء/يبيك باني..وخشت لي ادر حولة الفوطه من راسه وبلته
بايط/واقف قريب من سرير..انعم
باني/فداء وين
باسط/قاعد
فداء/مبتسمة حطت علي راسه الفوطه
باني/ارفعها ارفعها منبيش مشاكل
فداء/تقول من صبح علها اميه سخونه وجها وله اسوده اتحشمة
باسط/اتحشم...باهي به..ورن تلفونه شافه ورد ..ايوه اي حاضر هي ..وشبح لي فدداء..صحبتك
فداء/خدت تلفون منه وطلعة...ها سيداد
سيداد/ اسمعي ماهر عطني امر راهو مسافره خليك عنده راجل منقدرش ندرلك حل مربطلي يديا
فداء/باهي عادي تمام ربي يحفظك سلام
باسط/واقف يشبحله
فداء/ مدت تلفون ...عادي ترفعني توا جهة الفندق تحطني غادي تستنا فيا بنخد شنطي بنسافر معها طيرتنا علي تونس
باسط/تمام توا نكلم واحد من الشباب يرفعك هي
فداء/تمام شوق كان حرارته منزلتش ارفعه لي المستشفي متعدلش عليه
باسط/ان شاءالله..وطلع
فداء/خشت وقفة جهت اسرير تشبح لي باني كيف راقد...سامحني معاك حق تخاف علي روحك ربي يحفظك ...وطلعة من ادر
باني/مندريش علي روحه
باسط/خش ...هو يستنا فيك برا
فداء/بارك الله فيك وسامحني بالله
باسط/مدوري شي
فداء/طلعة ركبت من الخلف وطلع بها اسواق وهيا متحشمة وقلبه مكسور
...................................................
في العزيزية....
ماهر وفتحي مدرسين سيارتهم عاليات سود مضلمات سيارة فتحي كان فها شيخ مغربي مقعمز من قدام
نوري/كان مقعمز في سيارة قدام القراج نزل من سيارة وكان لبس زيهم اسود كله...عطله وين لي توا اساعة 1ونص
ماهر/واقف قدامه...هو هداكه خلي نطلعهم هي
نوري/فتح باب القراج
زاجل/يشبحلهم خشين نوري وماهر مايعرفهمش
رباء/تشبح لي ماهر ومصدومة فيه
ماهر/تل رباء وقفه ..امشي هياا بري ..ويدف فها
رباء/طلعة وسكته
زاجل/طالع وراء نوري شاده من يده الخلف طلع من القراج
فتحي/واقف جهت الكفني متع سيارته فاتحه
نوري/ رفع زاجل لي سيارة فتحي وصله لي الكوفني
زاجل/شبح فتحي نصدم قاعد يشبحله
فتحي/جبده من تجبوطيه دفه في الكفوني..اركب بلا جو متع شبحتك ومصدوم ...وحدفله رجليه في الكوفني وحط يديه علي باب الكوفني بينزله
زاجل/شبح لي عيونه
فتحي/صكر باب الكوفني
زاجل/غمض عيونه ويدعي في خاطره ..حسبي الله ونعم الوكيل
في سيارة ماهر...
ماهر/ركب رباء في الكوفني متعه
رباء/تشبحله وعيونه منفخات من البكي
ماهر/صكر الباب وركب ونوري ركب يسوق وطلع
فتحي/ركب وطلع وراهم
...................................................
طرابلس كشلاف...
حوش ازين...
حمزة/مقعمز في المربوعة واجعه ولد ولده قريب ايطير معه ولده ومحمود مقعمزين ومافيش اي خبر عليه
...................................................
طرابلس فندق المهاري...
فداء/نزلة من سيارة الحرس باني شبحته مشي خشت لي الفندق لي ارسبشن..مساء الخير
الموظف/تفضلي
فداء/اني يخده حجرة اهني غير طلعني امس لي المستشفي وقاعدة المفتح في الغرفة
الموظف/اها انتي الي مرضتي اي تمام هي لحضه بس...ومشي خش دخل لي المسؤال يكلم فيه
فداء/واقفه تستنا
الموظف/طلع مدله المفتح...تفضلي
فداء/فرحت ..شكرا...وركبة في الاصنصير وصلت فوق طلعة من الاصنصير فتحة الدار وخشة تكت علي باب دار غمضة عيونها...الحمدالله ياربي ...وخشت فتحة الدولاب طلعة من اشنطه حويج حطتهم علي اسرير سلبة العابية حطته علي اسرير والوشح وقاعد تشوف لي حويج باني ...وجب عليا نردهم ليك جدد غير اصبر عليا بس ..وخدت الحويج وماشية لي الحمام
..................................................
طرابلس الهضبة...
حوش جد رباء....
نعمة/خاشة من باب الحوش لي الصالة حطه يدها علي خدها
والعيلة مقعزين فسط الصالة
نسرين/واقفة علي اختها...ها شن قالك لقوها
نعمة/ملقوهاش ياحليلي اختفة وحتا الممرضة للي كانت معنا في الغرفة قالة مشبحتشي لما طلعه المشكله اني ...واشرة علي روحها ...معها يانسرين كان بروحها نقلو
نسرين /وشنو رفعها عرب اسمله الطف
نور/تشبح لي نعمة...تبي الحق يانعمه بنت خوك مش صافية راهو وينخاف منها الحق حق توقعي حتا جماعته رفعوها
رقية/صح كداء من مرة نشوف فها تدوي بروحها لما تجي اهني تقول تكلم في حد بعدين مرة واحد من اشياطين الله محفطنه جي علي هية انسان ورفعه وين تندري نش يقلو اشياطين من الانس والجن
نعمة/تشبحلهم ...شن تقولي انتي ويها بلا هبال مكبرين الموضوع لا جنون ولا جن يركبك ليك ولها ان شاءالله
نسرين/غير اهدي معهم حق مفي حد شاف الولد الا انتي توقعي ان في حد وجي رفعها وقالو مشفنهاش الا انتي بروحك شفيته الولد يانعمة
نعمة/شنو تخرفي انتي تانية ستغفر الله ياربي بنت خوك مش ملبوس ولهي مشعودة زي ميقلو مروات خوتك مريضه هدي وهدي راهو الي تسمعلي في كلامهم
رقية ونور يشبحله لي نعمة وسكتين مش عاجبهم لكن ميقدرش يرده علها
نعمة/بنت خوك عندها رؤية زي اي انسان مرة يحلم او يقول شي تصدف معه وبس
نسرين/ولما قتلك ولدك اوس عايش في بداية الثورة لما نفقد كيف عرفة ترا وهو في حدود تشاد كان كيف عرفة رؤية حتا هيا ولا حلمة بيه بر فكني والله الا ركبها جن ويحركه فها جنون لا اتقليلي ورتا نضره من ام امي ولا من ولد خلته ترا فكني
نعمة/طربها اشك ودخلولها الوسواس في راسها
وقعمزة تفكر بنها وبين نفسها
..................................................
وادي الحي ...
فيلة الجنيرال بالؤ...
في دار عظيم...
امين وصفوان رقدين علي اسرير وجلال وعظيم وعز مفرشين فرشات سريرات لوطه متغطين ورقدين كلهم رقدين من اتعب
عز/الوحيد نايض فاتحه عيونه متلفت لي الحيط و شريط ذكرياته مع مها قدام عيونه ويربط في الاحدات في بعض ومصدوم كيف فات عليه هدا كله حط يده علي فمه وسارح
امين/فتح عيونه ...عز
عز/تلفت جهت اسرير...ها
امين/شن اسمه الاصلع الي كان معنا في قسم الاول متع الحبس
عز/عادل
امين/اي وصني نكلم خوه معاش كلمه
عظيم/فتح عيونه رقد علي ضهراء وحط يديه تحت راسه...حتا اني ولد معاي كان قلي وصل سلامي لي امي
عز/لكن علي معتقد عادل قال خوه معاش جي لي ان وصله خبر علي اساس توفه وله
امين/لالا كلمه بعدها لما قعدة بروحي معه وبعدها معاش توصل معه ولا بعتله حاجة قالي شفهم قلهم يطمنوني بس ان مافي شي لما جينه بنمشو لي المحكمة يحسبنه بنطلعو برا
صفوان/تلفت ليهم....هوا شن قضيته..ويسوي في المخدة
امين/مورطينه عطيه صاحبه سيارة في يوم دخوله باش يجيب فها المراة كيف ماشي لي نسباته نزله في الطريق بوابة السيارة معبية مخدرات متفهم شي
صفوان/بالله عليك...نصدم
عز/حي علي اجو..وسوه مخته
عظيم/اي ليلة دخوله معقوله وربي مهو صاحب قال لما يفتحه في بيبان تخليفة من داخل وصالة سيارة قالي هيا سوده سيارة نحسبه مزوقه من ادخل ابيض هههه الكياس كيف مستفات كيف واصله من براء سيارة
امين/لكن هو صاحبه بضعته هو لما عترف في تحقيق حشاء معه قلهم صاحبي والباضعة بنص
جلال/رقد علي ضهراء....لعبه صح لي ان في القضية لما يشدوها زوزو يقدره جماعته يطلعو وحشي القضية كله في عادل
عز/لكن صدمة وربي صدمة ليلة الدخول
صفوان/هيا غير نزلته من سيارة ولامن يفتشه بروحها تكل الوجه قدام العيلة والناس الي ماشين معه
عظيم/تي قال مقدرتش نرفع عيني في حد هرب عليا اضي اصلا جبوه من المستشفي لي تحققي طول داخ رفعه لي المستشفي يوم الي بعده جبوه لي تحقيقي
صفوان/به نسباته شنو صار فيهم
عظيم/والله مالحقة عليه باقي القصة طلعة لي المحامية لما جت
امين/اني كملي القصة يوم حكمه عليه طلقه خلاص قال اني ياعالم نطلع او لا وبعدين بنطلع معنديش وجه نقبل بيه ولا هيا حتصدق ولا بوها اصلا نضامه واعر وسلاطه قالك رضية بالي كتبه ربي ليا وخلاص هدي حكمته
جلال/قداش ليه
امين/ليه سنتين ونص لما نحبسنه هو ليه سنه محبوس
صفوان/لا حول الله واحد ماشي بيروح بمراته فرحان سبحان الله وين مشي لي الحبس لا حول الله
عظيم/كتبله هكي يصير معه لكن صاحبه كلب
عز/كلب ماله شنو معقوله صاحبي وفي لليلة عمره وربي كان منزيه اول منطلع نفرغ في فيته الكلب اهو
عقبة/فتح الباب وخش لبس توتا وشخشير وشبشب..شنو هارب النوم
عز/نستنا فيك قتلبنا في الثلاجة ههه
عقبة/سوه الكرسي قعمز عليه...لا توا جايك اني مالك الموت بنسالك ههه
جلال/خالي ..يشبح لي اصقف
عقبة/ها ياخالي وين اتشوف ياراجل ادكور متغيرش ههه
جلال/زعمه هههه
كلهم/يضحكه
عقبة/تبي نغيره نغيره
جلال/شبح لي خاله....ههه بالله منو قربع اصندق متعي في الجنازة
عظيم/اي حقه نحسبه خوك صارتله حاجة ودوشه
عقبة/هدا الباشا باني اغمه عليه نزله معوية طح علي اشيخ واشيخ طح علي صندوق جلال حصلنه خلعه كلنا
جلال/اني قلة شكله عرفه الموضوع وجنه ياغالي هههه قريب طلعة هربة
عقبة/ههه المهم غدوا الجنيرال يبكم تحكوله القصة متع ازردة كله من لما تصلتو بعض وطلع كل واحد من حوش ليا وصلته لي اتحقيق وشن حقيقو معكم المهم ليا وصلتكم المحامية بريكة كله ولا كلمة تنسوها
عظيم/غدوا ساهل غير نرتحه لي ان دنيا كله جت وراء بعضها
___________
في الغرفة تانية...
رماح والذئب متكين علي اسرير
رماح/راقد بنوم
الذئب/متكي جنب ويفكر في مؤيد واجعه
_________
غرفة الجنيرال...
الجنيرال/مقعمز علي سرير وساند ضهراء علي مسند سرير وراه مخده وشاد تلفون يتكلم...لا مشية مستعجلة خلاص الغي واحد من الي بيمشو مع المسؤال يمشي بداله رماح لالا يصير يصير خلاص ملا يخطم عليك اساعة 12غدوا يخد منك الورقة ويتوكل معهم تمام بارك الله ليلتك سعيدة...وصكر الخط ...اما اسمه عدنان هدا مامرش عليا انا غريبة العيلة نعرفه لكن اصبح ساهل نعرفه
...................................................
الجبل الغربي....
منطقه مجهولة فوق جبل عالي وجبل العالي هداء فيه اعلا منه حيط علي المنطقه كله ضلام المكان ايخوف ضي القمر بس مكان وصقع رهيب
مكان مرتفع درسه السيارات في نهاية طريق خلاص معاش فيه كيف تحش سيارة نزله
ماهر/نزل وفتح باب الخلفي خدي البيلة متعه ولبس اشنطه وشاد سلاحه
نوري/شاد اسلاح نزل رباء من الكوفني ربطله ايديها من قدام
رباء/تشبح في المكان يخوف ركبه ارعوب
نوري/رفعه دفها القدام ...امشي
ماهر/صكر باب السيارة وماشي وراهم
فتحي/نزل زاجل وصكر الكفني مدير بيله في يده ويد تانية سلاح ومعه اشيخ وماشين مع ابطريق مكسرة ورشاد طريق تخوف صوت كلاب تنبح اصوات غريبة
اشيخ/داير شنطه في جنبه ويشبح لي القمر ...القمر يسعدنا في ضهوره...وشبح القدام
زاجل ورباء جنب بعض يمشوه
رباء/خايفة شبحت لي زاجل
زاجل/شبحله
ماهر/تلها جابه قدامه بعيد علي زاجل..بري
زاجل/يشبح لي رباء وشبح القدام يشوف في حاجات خيال يخطمه من قدامهم اصوات ااااااء
رباء/شبحت حاجات تخطم مرة يمين ومرة يسار وصوت عيطة..ااااممم
ماهر/اسكتي ...وحولها لصقه
وزاجل/مصدوم لكن زبط شن يبوه
فتحي/حوله الصقه من فمه...وانت ساكت ...ودفه قدامه مديرنهم زاجل ورباء زي ادروع البشرية وماشيين وجو صقع هلبا
رباء/تشبح في الطريق يمين ويسار وشبحت شويا لوطه قلبه وقف من علو المكان تلفتت شبحتلهم ...وييين رافيييينه وييين
ماهر/ خبطه بسلاح علي كتفه ...صكري فمممك
رباء/ توخرت من اضربه جت علي حشية نزلقة قد محولة ترجع روحها القدام مقدراتش شبحت لي زاجل نضرته الاخيرة طاحت لوطه تعيط ......اااااااه ...وختفي صوتها
ماهر/واقف علي الحشية يشبح وين مشت معاش شفها من اضلام والمكان غريق لوطه الوادي
زاجل/انصدم شبح لي ماهر طلع يجري حتا هو زلق روحه واقاعد يتكركب في اتراب ورشاد
فتحي/يجري واقف علي الحشية ودر اضي ..كييف هكي ..ومشاف شي
ازجل/وصل لوطه لي الوادي مدمدم يديه مجرحات سروله تمزق شويا من اجنب تجوبطيه تراب وجبهته فها جرح ناض اوقف يديه مربطات يدور في روباء وين
فتحي وماهر من فوق يرمه في ارصاص لكن ميشوفه في شي لكن الي لوطه يشوف من الي فوق
زاجل/لصق علي رشاده كبيرة باش ميجي فيه رصاص ويدور بعيونه في رباء
رباء/ااه ااه
زاجل/سمع اصوت شاف رجلها طلع يجري لها قعمز علي ركبه لوطه .... كويسه تسمعي فيا كلمني
رباء/تلفتت ليه ناضة قعمزة وكانو يديها مجرحات وخدها الايمين مخبش دم تبها مزق شويا من جهة كتفه ووتتنهد وتبكي ...كويسه كويسه
زاجل/يشبحله... مصارلك شي
رباء/ مصارلي شي..وتبكي
زاجل/ الحمد الله خليك سكته افتحلي يديه بس ... لف مدله يديه
رباء/فتحتله يديه
زاجل/تلفت فتحله يديها جاته رصاصه في ايديه فوق من المرفق نصاب ...ااه
رباء /تشبحله حولة الخيط من يديها...خيرك
زاجل/ تلفت لي يده جنب شده وشبح دم
رباء/ شهقت... هااا
زاجل/ ااس في يدي عادي نوضي
رباء/يدك تنزف
زاجل/بسيطه غير نوضي
رباء/ احني وين
زاجل/في جهة اجبل واضح لكن وين منزبطش... بدي يمشي هو ويها ويده تنزف وشبح فوق يشوف فيهم يتحركه
رباء/ تشف معه و هربين
__________
فوق علي اجبل...
في مكان المعلوم واقفين
نوري/شاف تبعان كبير طالع اسود ..طرب رصاص عليه
فتحي/شبح لي نوري
نوري/لفعه
فتحي/يشبح لي ماهر ... كيف دير هكي خسرنهم ازوز توا في جرتك
ماهر / شنو اني طيحته مهو بروحها طحت
فتحي /انت لو مكنتش ضربتها راهو مطحتش
ماهر/ متفورليش دمي خير منبعتك معهمممم
نوري/ خلاص يودي حصل خير خيركم
اشيخ/ يشوف لي فتحي... لا ينعف العمل من دون دالك الفته والفتاة
فتحي/ اشر عليه بالمسدس... طلع الكنز بروحك
الشيخ/لازم من تسيح دما شخص ويكون شخص ياراء اروح
فتحي/اشرله علي نوري ...هدا يمشي حاله
نوري/شنو يمشي حاله معكم اني ..خايف يشبحلهم كلهم
ماهر/شد أنور من رقبته وفك منه اسلاح...يمشي حالك انت معانه خيرك خايف
نوري/ماهر اني صاحبك خيرك
ماهر/تي اما صاحب ياراجل صاحبي في حجري اني نوقف يطيح ...ولفله يديه وراء ضهراء وشاده
نوري/ياا ماهر مديرش فيا هكي يااماهر صاحب احني
اشيخ/اريد شخص يراء ارواح هدا لا ينفع مع العمل وتحطير الشياطين لقد اعطيتكم الموصفات المطلوبة
ماهر/يشبح لي اشيخ وشاد انور يصارع فيه...بتمشي بهدا ولا نقتلك
اشيخ/سا افعل ... شبح لي فتحي .. انت احفر وانا سا احضر ااسياد الجن وملكو الكنز
ماهر/شاد نوري ربطله يديه وقعمزه علي ركبه
نوري/شيبح في حاجات تخطم زي الخيال واصوات غريبة تخوف
فتحي/يحفر بلفاس
اشيخ/يشعود وطلع موس من جيبه ويقراء واشر لي ماهر بمعنا جيب نوري
نوري/لااااااا لاااااا
ماهر/كره رفعه لي اشيخ رقده علي ضهرها شاده
اشيخ/حط يده الي فها الموس علي رقبة نوري ويد تانية علي جبهته مغمض عيونه يرمش فيهم قلبهم بيض يعيونه ويقراء
نوري/يعيط ويحول يفك روحه .... لاااااا لااااا
_________
لوطه في الوادي...
زاجل ورباء ماشيين مدمدمين ازوز ودنيا تخوف صوت كلاب تنبح
رباء /خايفه و تسمع في عيطه جت قوية واقفة تلفتت فوق
زاجل/اوقف تلفت فوق
رباء/شبحتله...زعما شن صااار شنو هدا ياربي الطف...وترعش مع بعضه
زاجل/اكيد حد ماات
رباء/شنو يبه منه هما علاش خاطفينه..وشبحتله
زاجل/يتوجع من يده ...يبه يطلعو كنز بيا وبيك
رباء/استغربة...شننو كيف يعني شن بدرولنه
زاجل/انتي شايفه خيال ناس ميته يطلعلك
رباء/لالا بس عندي نضره مرة تجني ان نحس شن بيصير
زاجل/شاد يده من المرفق ..احيييي خلاص هو هدا علاش جيبنك واني نشوف في خيال ناس ميته بيطلعه بينا كنز مدفون ميطلعش الا بتحطير جنون وتشعوية الله ماعفينه وحنموته طبعن مافيش حد بيطلع من المكان الي كنه فيه
رباء/استغفر الله العظيم ياربي..وحطت يديها علي خدودها سمعوه صوت غريب صار قلبه ينبض بسرعه من الخوف ..ياربي ياربي ...مشت شدة في يد زاجل..سامحني خايفه خايفه..وتبكي
زاجل/متخفيش ربك حامينه ...وحط يده علي كتفه وماشي هو ويها مكملين يتخطه في ارشاد والعشب ودنيا ضلام زاجل يحس في يده تقيله ولت توجع فيه..اح اااه
رباء/يدك تنزف هلبا مش كويس هكي
زاجل/شن بندرلها خلها توا
رباء/اوقف شويا...حولة يده من علي كتفها وسلبته تجبوطي متعه كان صقع
زاجل/جاته صقعه رعش شن بديري
رباء/معليشي شويا بس ...دخلت يده من رقبه قطعة يدين كنتيرت متعه ودخلت يدها من تب من لوكه طلعة الكنتيرة ومزقته علي زوز خدته ربطتهاله علي يده
زاجل/يشبح ايمين ويسار واقف يشوف كان في طريق كيف بيطلعه من المكان الي هما فيه
رباء/توجع فيك ..تلبسله في تجبطي متعه
زاجل/شويا بس لكن عادية
رباء/به مش دايخ
زاجل/لالا كويس مدوري شي هي..وشد يدها
رباء/ماشية جنبه وصقعانة تتكلم وتكتك من اصقع ..وين بنمشه في الجبلات هدا كلهم
زاجل/نمشه ليا نلقه ناس نلقه شي يتبت حني وين بزبط ماشين اصلا منفس جهت طريق الي فوق جينه منها مرة نتلقو طريق او كيف نركبه من علو المكان هدا ...ومشي هو ويها وشد يدها يشبح فوق مرة مرة
....................................................
في تونس....
في الفندق...
سيداد /فتحت الباب الغرفة و خشت لي ادر حطت شنطه علي السرير حطة جزدانه وسلبة البالطو فتحة اشنطه متعه وشبحت لي يدها لقته دم جهت جرح سلبت الفنلية قاعدت في كنتيرة طلعة لصقه متع جرح حولة الي في يدها الفاشة ولصقة الصقه طلعة ف البجامة متها وسلبت الكندرة.... واخيرن منفتكه من وجهك علي الاقل ايام ..وشبحة المراية جنبه مكتوب علها انحبك الاسم الانجليزي فتحي قاعدة تشبح لي المراية....قداش متفهك حتا انت
..................................................
...................................................
_____________________________________
_____________________________________
#Jule Akrsoa ℘₰ﮩ℘₰ﮩ℘₰ﮩ✍
