#رحلة الموت
#بقلم_جولي اقارصؤ
#الحلقة {23} جزاء (1)
- "كُل شئ كان قاتلًا لكني لم ٱمت."
حوش امالي بريكة.....
في الصالة ....
باركة/اخت بريكة ادور في الصالة وشاده تلفون تتكلم...يمحسن تربح اوخيتي متردش علي تلفون لها من اصبح طالعة ماروحت نتصال بها وتلفون يرن ميرد حد تربح شوفها انت تعرف وين تخدم بالك صاير معها حاجة
محسن/وين بنشوفها ياباركة كانت اصبح في المحكمة بعدين طلعة وين ندري وين مشت وتوا نشوف اني كان سمعت حاجة ولا عرفة حاجة توا نكلمك
باركة/تربح بالله عليك وراس اميمتك شوف وكلمني رانا علي نار ....وصكرت
برنيا/قايمه يديها وتدعي وتبكي...ياربي سترك علي بنيتي ياربي سترك علي بنيتي ...وشبحت لي بنتها....كان ما درت حادت يا باركة كان مخطفوها بنيتي يحليلي هيييي...ومسحت علي خدودها
باركة/يا امي تفالي خير وراسك بادن الله مافها شي بالك راح تلفونها ولا وقفة بها سيارة بس اهو حسام قالي توا نشوفها اني وعنده معارف بادن الله خير ياربي خير ...ودور مش عارفه كيف تتصارف
............................................
العاصمة طرابلس.....
صالة الافراح....
فداء/شبحتله فنصت فيه وتقله لا بصبعه من وراء امه
باني/شبحله وشبح لي امه...باهي هي حاضر فداء/تتحلف فيه تقوله والله لما نقتلك
باني/شاد ضحكته بسيف
امه/هي اني سباقتكم ...وطلعة ومش عاجبه وصكرت الباب
فداء/تشبح لي باني وحط يدها علي باب دار وتحرق في اعصابه...كيف تقوله باهي كييف
باني/كيف نقله لا امي اهدي...واقف قدامه...مفها شي قدام الناس كله معروف زوجك نطلعو هما 5دقيق نبارك لي البنت اختي ونطلع شويا ونروحه وتم علاش مكبرة الموضوع
فداء/كييف نكبر فيه هو اصلا موضوع كبير منطلع معاك لي الناس علي اساس مرتك واني مش مرتك وبعدين بتتزوج وناس يشوفني في مكان تاني يقلو طليقت باني علاش
باني/من قالك بيقلو عليك طليقتي تفالي خير وخلي نطلع نتوكله و بعدين نتفهمه انتي عليك دين وبتخلصي وبتساعدني زي مساعدتك
فداء/اني قاعدت غير نخلص في ديوني مع الناس وخلاص تفضل يا سيادة الرائد باني ...بيده
باني/تفضلي محققة فداء..وفتحله الباب طلعة قدامه وطلع وراها ماشيين جنب بعض في الممر قبل ميخشو لي الصالة
فداء/واقفة حطة يدها علي قلبه ينبض بسرعة
باني/واقف جنبه يشبحله ...خيرك ...وجي اوقف قدامه
فداء/تشبحله... خايفة
باني/ههه شنو خايفه خيرك
فداء/اني اول مرة بنطلع جنب شخص قدام الناس خايفه من نضرت الناس ليا خايفه نحس بي نفس الشعور قبل
باني/اااس لالا فوتي اتفكير هدا من راسك...شد يدها...واهدي مدوري حد وعتبري نفسك خاشة لي اجتماع وبس مش حنخليك بروحك واني طالع بنطلعك معاي باهي
فداء/خدت انفس ...به
باني/ جنبها واقف حول يده نزله...هي ...وماشي بيخش لي الصالة هو ويها في مسافة بسيطة بينهم
فداء/قلبه ينبض خوف كيف خشه من باب الصالة
باني/خاش مبتسم لي خواته يزغرطه
فداء/خدت انفس وقامة قفطانه بي يدها شوية باش تمشي ومبتسمة
باني/شبحله جنب...سنونك لازم يشوفهم باش يعرفه انك فرحانة وعايشة مرتحه معيا هلبا ههه
فداء/شبحتله...بالله عليك هههه كان فيه مايك لما نحكلهم عليك رفهيا وسعاده ريتا كلهم زيني ههه
باني/شبحله جنب ....ههههه ....وخاش يشبحله هيا وبس ومتحشم
فداء/خيرك متحشم هكي الي يشوفك كيف تشجع فيا علي الخشة قبل شويا يقول مش انت هههه
باني/اوقف شبحله....لا مفروض نخش نزغرط ونتلبط ونبوس شن رايك انتي هههه
فداء/تشبحله فنصت فيه...هههه نقتلك بعدين
باني/يساتر فها قتل ههه...وصل فيهم سلم علي خواته وبنت اخته وناس تشبحلهم
فداء/واقفه بعيد عليهم شويا تشبح لي خواته كيف يتلبط فيه تقول عمره ماشفو خوهم وتضحك في دخلها علي اساس مبتسمة وتقول في خاطرها شنو مروح من الحج الطف علي التلبيط يستار هههه
باني/تحشم ...باهي خلاص وانتو تبسو وتتلبط وتعوده شنو اول مرة تشوفني خيركم ...يفنص فيهم
فداء/تشبجلهم...ههههه عادي اوخيهم فرحنين بيه
خواته وامه يشبحوله مش عاجبهم
باني/خلاص يودي متزعليش انتي ...وقرب منه
فداء/تفنص فيه بي معنا لا خليك بعيد
باني/ضمها في حضنه
فداء/سخنت مع بعضه مصدمة مفنصه عيونه
باني/بسها من راسه ...خلاص ها كلكم تلبطو وبسته كان في حد خاطره يمه يتلبط جبوه اني جاهز
امه/هههه لا يولدي خلاص يبركلك اوخياتك شن فها
فداء/واقفه ولا كلمه مصدومة في باني كيف حضنه
وناس تتفرج عليهم
باني/شبح لي امه...اعطوني الادن توا خدمه طاوري اني والمراة
بتينا/اختا الكبيرة...وخلها مرتك شنو بنكله
باني/شبحله شبحه
بتينا/سكتت خافت
باني/توا غدوا نتفهم علي دوة هدي توا نستادن هي ...وبس راس امه شد يد فداء وطلع هو ويها
فداء/قايمه قفطانه بيدها وصله لي الممر برا...خلاص عادي اختك مقالت شي تبصر
باني/لا نعرفه اني اختي ...وخش هو ويها لي غرفة العروسة...البسي هي وطلع تلفونه يتصال
فداء/تلبس في كابها
باني/يتفرج علها ويتكلم...ايوه باسط طالع اني ولع سيارة هي
فداء/صكرت الكاب وحطت البرنوص علي راسها
امه/خشت...ولدي متزعلش من اختك تبصر علها وشن فها كان قعدت
باني/قلتي تعاله علي خاطر بنت اختك وجيت وخلاص عندي خدمه اني والمراة وبناتك تعرفيهم وله منخلهاش لي ان عارف شن بصير مهو نروح بها من الاول علاش العار الي بيصير قدام الناس
امه/وشن خواتك متعين عار شنو بيدرلها يعني بيكلها وانت قريب تعبدها عباده
باني/باهي امي حاضر مرتي توا معاش تشوفها وتم خلاص متبي شي توا
امه/خافت...غير اسمع ياولدي خواتك شنو بدر لي مرتك وهما يخافه منك خلها قدام الناس يقوله خش معها وطلعه
باني/عندي خدمة في مناسبة تانية ان شاءالله هي ليلتك سعيدة ياغالية ..وبس راس امه
فداء/وقفت قدامه...بسلامه ياعمتي
امه/شبحتله مبتش تكلمه
باني/متكنطي كيف يعمله في فداء هكي قريب اطير تحشم منها شد يدها ومطلعها من الباب دنيا زحمة برا فتح الباب متع سيارته ركبها من قدام ولف لقاء باسط شدله الباب فاتحه اركب ودور وطلع
_______
في الطريق....
باني/متكنطي وساكت يسوق
فداء/نزلة البرنوص من راسها تشبحله ...خيرك
باني/لا مافي شي
فداء/عادي مدور شي قصدي خوهم وبتشركم فيه وحده تصرفهم طبيعي باني انت كبرت الموضوع شويا
باني/لالا هدا اجو جديد قبل نشوف بعيوني خلاص الامور تمشي زي منبي مهو قداش ليا معاش شفوني زي قبل اني ميحشمنيش قدامك عاد الحق وربي تحشمت تعرفي رقالي ....وفعلا كان من ملامح وجه رقيلا متكنطي
فداء/لالا ماتتحشم مني والله عادي تصرفهم حتا اني كان بتخش علينا وحده طول هكي جيبها خوي بنتصرف زيهم حتا اني حلوة يابابا بغيره
باني/شبحله جنب....انتي ياثيقه شكار العروس امها وخلاتها وعشرة من اقبلاتها هههه
فداء/معندي حد اني نشكرا روحي ساد ههههه
باني/شبحله واشر علي روحه....واني مش حسبتني هكي
فداء/قاعدة تشبحله وسكتا
باني/يسوق يشبحله مرة مرة...خيررك ههه
فدلء/شبحت القدام...ههه لا شي اي نسيت انت تشكر فيا
باني/معاش تنسني ايوه احسبني قبل متحسبي نفسك
فداء/تشبحله فاتحه فهما
باتي/اي اي متشبحليش هكي اي احسبني قبلك اني الاساس
فداء/غمضة عيونه...اي حاضر اكيد اكييد
باني/كشخ علها متكنطي....اي اني الاساس واكيد متسيرنيش فهما وووله مش عاجبك توا يعجبك
فداء/تشبحله ومصدمة....باهي خيرك تعيط
باني/مهو نكلم فيك انتي تسايري فيا منحبش امه الاسلوب هدا نقول كلمة تم يعني تم...وخبط يده علي ادمان
فداء/به اهدا مقلتش شي اني نبصر وبس ومفروض اني الي نزعل مش انت راهو
باني/اي حد بيزعلك بنزعل اني شنو تحسبي روحك عندي شي في قلبي...وخبط يده علي صدره...الهم حسي بيا شويا ...وقاعد يشبح القدام ورقيلا وساكت يجري
فداء/سكتا وتشبحله
باني/تلفون رن طلعه من جيب تجكا رد ...ايوه اهلا الله يبارك فيك لا مروح اي اي اها اي تمام هي سلام....وصكر حدف تلفون جنبه
فداء/شنو فيه
باني/شي
فداء/شي صار...وخدت تلفون تشوف فيه ...توا نعرف بروحي
باني/شبحله وشبح لي تلفون تفتش فيه ....مشاءالله حفظ حتا الرمز
فداء/عايشة معاك وجهي في وجهك 24ساعة حفظه حتا حويجك قطعه قطعه متبنيش نحفظ رمز تلفون تفتح فيه جنبي
باني/هه
فداء/منو هدا اول مرة نشوفه الامتصال
باني /هدي وحده متعرف علها جديد
فداء/اها باهي كويس ربي ايهني...وحطت تلفون في مكانه
باني/فداء
فداء/نزلة المراية من الي قدمه تسوي في البرنوص علي راسها ...انعم
باني/اني انحبك
فداء/نصدمة معاش قدرت تشبحله شده البرنوص علي راسها وتفنص في المراية من صدمة
باني/اسمعتني
فداء/شبحتله وهزة بي راسها....لالا مسمحتكش قتلي انحبك شنو قتلي
باني/شبحله....ههههههه
فداء/تشبح القدام وجبدت البرنوص نزلته علي وجها وسكتا متحشمة
باني/ههههه قوية مسمعتيش وتعودي فها والله انتي بطلعلي قرون في راسي خليك متحشمة توا بعدين يطير الحشم هدا
فداء/حولت من علي وجها وشبحتله مخلوعة....علاش شنو بصير شنو بدير يعني كييف
باني/تي خيرك نخلعتي مابصير شي هههه قلت مع الوقت اني
فداء/اها نحسابك
باني/لا اسحاب في السماء ياروحي
فداء/باني معاش بنركب معاك بروحنا في سيارة لي انك تتحول انت منعرفش كيف تولي مش طبيعي وتخوف فيا الحق حق ينقال متزعلش مني
باني/تكنطه...علاش تشوفي فيا شطان وليت وغول باش تخفي ونتحول لي زنبي ولا كيف اهيا
فداء/لا مش هكي بس منعرفش الي يجيك مايجي لي حد تتحول لي نزار قباني انسخة اليبية هههه
باني/به اهو سكت تم ....وسكت
فداء/لا تكلم متقعدش ساكت ممل الوقت في سيارة وطريق اطويلة
باني/لالا معاش بنتكلم من يوم وجاي ولا حرف حتا صباح الخير بنقيم يدي من غير مانتكلم
فداء/بمعنا اطلعي من الحوش
باني/لا اله الا الله محمد رسول الله من جاب سيرت اطلعو توا
فداء /واحد سكت مايبي يكلمك بي معنا اطلعي تساهلي علي عمرك شنو بنفهمها يعني
باني/شبحله...فداء انتي خاطرك ديري معاي عركة اني حاسك من صبح خاطرك ديري عركه معاي فا قوليلي طول من غير ماتلفي ودوري وتلقلبي الكلام وتفسري بكيفك تربحي
فداء/اي نبي ندير عركة
باني/خلاص نوصله لي الحوش ندير عركة كيف ماتبها انتي تمام
فداء/تمام به افتحلي اغنية توا لبين ماوصلنا ودرنا عركة
باني/ههه....فتحله اغنية
فداء/مش حلوة...وبدت تغير بروحها ...خيرا اغاني اشيبين كله
باني/واني شباني شنو تشوفي فيا شباب ههه شن تبني نحطلك في سيارة كله هكي وقران
فداء/توا نشوف ارديو ...تقلب تقلب في المحطات الرديه ليا لقت اغنية حلوة وخلته وعم الهدوا في سيارة
باني/طريق فاضية استغل الفرصة قاعد يلعب بسيارة ايمين يسار
فداء/لالا وراسك فكنا خلاااص بااااني ....شدتله ايديه ازوز علي ادوماان...خلاص خلاص...ومغمضه عيونها
باني/هههه باهي خلاص ياخوفا شنو بصرلك
فداء/فتحت عيونه وبعدت عليه....لالا منحبش هكي لوسمحت
باني/به تمام متخفيش مش حندرها تاني
فداء/ايوه خليك عاقل تربح
باني/هههه حاضر
.....................................................
دولة دبي الامارات....
في المطار .....
قدام المطار سيارة فخامة بيضه طويله مقعمز فها سيف النصر الخلف يشبح لي الساعة ورن تلفون
سيف النصر/رد ...ايوه سيادة الجنيرال كيف وصلت الطيار وخش سعود
الجنيرال/وصلو او لا
سيف النصر/مش عارفه اهو سعود بيشوف واسع بالك بس اكيد في سؤ تفهم حاضر لو في اي شي حنكلمك تمام ...وصكر...يستر الله يارماح وينك بس ...ويشبح لي الروشن
______________
وسط المطار صالة الانتضار.....
سعود/شاب ليبي لبس فنلية وسروال تجين وبوت يشوف لي المسافرين الي واصلين شاف رماح طلع من الممر بتسم ...الحمدالله ...ويشبح في دجلة معه طول قامه تلفونه يتصال وقام يده لي رماح
رماح/قمله يده ...اهو شخص يستنا فيك
دجلة/شبحت لي سعود ولي رماح ...كيف مش انت بتوصلني
رماح/لا اني توا طيارتي لي ليبيا هو بيوصلك لي الفندق لي الجنيرال يستنا فيك تمام
دجلة/وجها وعيونها حمر حاله ...متاكد
رماح/اكيد
دجلة/به
رماح/واقف علي سعود سلم عليه
سعود/حمدالله علي سلامة
رماح/الله يسلمك
سعود/وين لي توا علاش جاي علي خطوط المكسيك
رماح/حط يده علي كتف اسعود...قصة طويلة توا تحلكم دجلة ...وشبح لي دجلة هدي امانة الجنيرال دجلة وصلها ورد بالك
سعود/وصلت...وشبحله...حمدالله على السلامه
دجلة/الله يسلمك ....وتشبح لي المطار
سعود/تفضلي هي
دجلة/شبحت لي رماح
رماح/بري معه ماتخفيش انتي في امان
دجلة/به
سعود/توصل بسلامة ياغالي
رماح/وصل سلامي لي سياته
سعود/اوصل سلامات ....وطلع هو ودجلة
رماح/رجع دخل يشوف في طيارته قداش مزال علها
________
قدام المطار....
سعود/اوقف قدام السيارة فتح الباب لي دجلة....تفضلي هي
دجلة/تشبح لي سيارة ومصدومة ...تاشرله علي سيارة...هدي
سعود/اي تفضلي
دجلة/ركبت شبحت سيف النصر مقعمز مقبلها خافت
سعود/صكر الباب
سيف النصر/حمدالله على السلامه متخفيش حنوصلك لي الجنيرال
دجلة/هزة راسها وشاده يديها في بعض متوترة وتحركة سيارة
سيف النصر/قام تلفونه يتصال ....الو اي حليا معاي في سيارة تمام ...وفتح مكلمة فيديو ومد تلفون لي دجلة...يبيك سيادة الجنيرال
دجلة/خدت تلفون بسرعة وشبحتله تبكي....اني وصلت وصلت
الجنيرال/خلاص معاش تبكي وصلتي وحتوصلي عندي بعد شويا وانتي في امان خلاص معاش تبكي امسحي دموعك
دجلة/به به ...وتمسح في دموعها وتشبحله
الجنيرال/خلاص اهدي بتوصلي عندي هي نستنا فيك
دجلة/به ...ومدت تلفون لي سيف وقاعدت تمسح في دموعها
الجنيرال/منوصيك
سيف النصر/كون هاني ...وصكر ....فتح دولب جنبه مدله اميه وكننكس
دجلة/خدتهم منه قاعدت تمسح في دموعها وخشمها وشربة المية
سيف النصر/كيف حولك علي طيارة المكسكيا
دجلة/لما نوصل لي الجنيرال نقول
سيف النصر/تمام
دجلة /شده يديها في بعض وتتفرج علي سيارة من دخل كيف فها اضواء متفجاء في الإستقبال
.....................................................
العاصمة طرابلس...
مستشفي حوادث ابوسليم....
في غرفة الملاحضه....
فها 4حرسا من غير حاتم وشيخ بشير وقفين جنب الوزير
بريكة/رقدة علي اسرير مركبله تغداية و يدها ملفوفا بي فاشة جهت اصابعها وجها جهت خدها تخبشات بسيطه شعرها مفتوح حويجها دميات جبهتها شويا زرقه مدمدمة شويا راقدة
عبدالسلام/جنب السرير يشبحلها ...لا حول الله ...وشبح لي بشير ..املاها عندهم علم ولا
اشيخ بشير/لا لي ان الي سعافها ملقوش تلفونها اتصالا من المكتب قبل شويا ان في تلفون يرن طلعة ناسية تلفون في مكتبك طايح تحت الطاولة
عبدالسلام/جبولي تلفون توا بسرعة
اشيخ بشير/عطيتهم علم
عبدالسلام/درلي تحويل لي عيادة خاصة
اشيخ بشير/حاضر هيا حطينها لي ملاحضه بس الباقي حالتها كويسه مافي شي خاطير
عبدالسلام/شبحله متكنطي...عيادة خاصة يابشير
اشيخ بشير/حاضر اصلا لازم نطلعه في اسرع وقت لي سلامتك
عبدالسلام/دير ارجات الخروج علي اسرير
الشيخ بشير/شبح لي حاتم...شوف الازم علي اسريع
حاتم/تمام...وطلع
عبدالسلام/ربي استرها في جرتنا ...ومتكنطي علي الي صاير
....................................................
طرابلس منطقة جنزور...
حوش الوزير عبدالسلام....
في دار براء...
براء/متكي علي سريرها لبس سروال توتا اخطر ديداس خطوط جنب بيض بدي ابيض اتب توتا ملوح جنبه يكلم في جنان...به خلاص اني نكلمه تاني وكان سالك شن بتقولي
جنان/بنقوله علي رايك انت موافق موافقه
براء/تي لا مش هكي يامصيبه هههه
جنان/ههه ملا كيف مهو برياء هو منقدرش يا براء اشور شور خوي في الاخير
براء/عارف ياقلبي انتي راي خوك في الاخير بس لما يسالك قوله اني موافقه وانت لو مش راضي قولي الي ايريحك انت نديره عاد مش طول تبعني حرام عليك ...ويشبح في مكلمة في الانتضار شويا بس نرد علي مكلمة ونكلمك هي تمام سلام ...صكر علها ورد علي مكلمة تانية...ايوه اي في الحوش علاش توا وين انت ايا قريب عليا به اهو طالع هي تمام...وناض من سرير...سلام....ولبس سبدروه ابيض وخدي تب اتوتا لبسه وتلفون في جيبه حطه وخدي مفتح سيارة وطقيا سوده لبسه وطلع لي صالة....سديم اني طالع خليك راك تطلع
سدين/من فوق ..مية مية متعطلش
براء/شنو ياخد مكان بلال هههه....وطلع
....................................................
دولة دبي الإمارات .....
فندق برج خليفة....
غرفة خاصة تانية...
الجنيرال/واقف وسط الغرفة جهت الصالون الاستقبال والخلفية كلها مرش مطل علي برا اضواء لبس بدالة رسمية لونها سوده وسورية بيضه وقروطه سوده كندره سوده لبس قونطيات جلد سود وشاد عكزه اسود ويده فضية منقوة فضه
سيف النصر/افتح الباب الغرفة شبح لي دجلة جنبه...تفضلي
دجلة/تشبح لي ادر وخشت شبحت جنب لقت الجنيرال واقف شبحتله من فوق لي لوطه مصدومه في شخصية
الجنيرال/يشبحله ....حمدالله علي السلامة
سيف النصر/طلع وصكر الباب
دجلة/طلعة تجري ليه تلبطته وتبكي
الجنيرال/تلبك قام يده دوب محطها علي ضهرها طبطب بيده مرتين ....خلاص علاش ادموع بس وصلتي بخير وصحه كويسه ومطارلك سو الحمدالله
دجلة/بعدت عليه وطبس راسها تبكي....بارك الله فيك كنت علي قد كلمتك ...وقامة راسها تشبحله...اني فرحان دموع الفرح هدوا مش مصدقه والله مامصدقه ...وحطت يديها علي صدرها...بارك الله فيك ربي يعطيك صحتك ويعطيك ماتتمنه ربي ايفرحك زي مافرحتني ربي يطيحك في اولاد الحلال ديما يارب يارب ...وتبكي
الجنيرال/مدرت شي ويبارك فيك انتي حطيتي ثيقه فيا وسمعتي كلامي يكفي دموع يابنت معاش نبي نشوفهم امسحيهم امسحيهم
دجلة/به به حاضر الي تبيه نديره..وتمسح في دموعها
الجنيرال/يشبحله... من يوم وجاي نبي نشوفك فرحان معاش نبي دموع وتكوني قوية اضعف مش لي وحده زيك مرت مواقف صعبه خلاص كبرنا عاد
دجلة/ههه...وطبست راسها
الجنيرال/اي هكي اضحكي اوجهي الناس وضروفك ومواقفك وازماتك ومصيبك وكل شي بضحك وبتسامة متوري لي حد دموعك وضعفك يستغلوك مدلي روحك لي حد بدموعك خليك قوية انتي قوية تضعفيش اي هكي ابتسمي اهو مشاله وجهك ناير الله يبارك
دجلة/هدا من فضلك كل شي
الجنيرال/لا هدا من فضل ربي تفضلي تعالي خليتك واقفه نسيت ههه ...وماشي جهت الصالون قعمز ...قعمزي تفضلي ارتحي ارتحي هدي غرفتك
دجلة/قعمزة حطا يدها علي بعض علي رجلها وتشبحله
الجنيرال/نشغلة لما عطلته علاش تاخرته ان شاءالله
دجلة/عادل شفنا في المطار وكان معه ناس تانية رماح شاف الرحلات علي اساس اني مريضه وبدلنا علي الخطوط المكسكيا ان تنزل الطيارة في المكسيك اول وبعدين لي الامارات وفرقت وقت الساعات بس لي ان هو كان بيركب نفس الطيارة الي حني كنا بنجو فها وخاف رماح ان يصير اي مشاكل يردنا وديرنا تحقيق
الجنيرال/لا الحمدالله حصل خير لا ماع هو عارف ومطمن يعرف كيف يتصرف ومش جديد عليه امريكيا حتا لو صار لقدار الله شي حندير حل
دجلة/خدت انفس...الحمدالله ياربي...وحطت يدها علي صدرها....مش مصدقه والله ان اني في دولة عربية حتا لو موصلت لي ليبيا مزال منقدرش نروح عادي اهم شي في بلاد عرب نعرف شن يقوله فهما عليهم فهمين عليا غادي حتا الهو نحس فيه نار والله خلاص حسيت روحي مش حنروح طول عمري بنقعد محبوسة غادي بس الحمدالله ربي طيحني فيك ربي يطول عمرك والله واقفتك معاي طول عمري ماننسها وفي اي شي نقدر نديره ونكافيك بيه حنديره معني عارفه مش حيكون حتا ربع الي درت ليا لي ان شي كبير مش قدره نعبر كيف نشكرك مش عارفه نعبر علي فرحتي والله
الجنيرال/من غير ماتشكرني ومافي داعي لي اشي هدا غير ارتحي وكوني مطمنا حترجعي لي ليبيا مهزيزة مكرمة بقدرك وكرامتك محفوطه لي اهلك وناسك ومن غير دموع لي ان هما الي غالطين فيك مش انتي الي غالطه
دجلة/صعب نطلع مش غالطه في نضرهم اني انسانه هاربة مع شخص وهيا علي دمة راجل تاني
الجنيرال/هدا قبل متوصلي ليا لكن لما تروحي معاي حتروحي انسان صح ومش حتمشي ليهم لا يجو لي عندك هما قبل باش تردي اعتبارك بين اهلك وناسك كيف مطلعتي من بلادك بصمعة طيبه حترجعله بصمعة طيبة
دجلة/ياريت ....وتشبحله
الجنيرال/بادن الله مافيش ياريت ياريت ماتعمر بيت يادجلة كل شي باش تكسبيه تقومي وتجتهدي لي شيا الي تبيه يصير الي يستسلم يعيش طول عمره مدلول تخليش روحك هكي وانتي مشاله عليك اهو تجوزتي المرحلة هدي ها متي توا متي
دجلة/لا بس كانت رحلة موت بنسبة ليا كل شي كان يقتل فيا دخلي بس مامتت
الجنيرال/قواك
دجلة/خدت انفس ..اي صح مننكر قوني وعلمني بس هدم ثيقه دخلي حتا نفسي خايفه منها تخوني وتستسلم
الجنيرال/الي مايقتل يقوي يا دجلة كلنا مرينا بي مرحلة الي مرتي فها بس بطريقة مختلفة خفنا من انفسنا خفنا من كل شي حولينا حتا المية الي شربنها في لحضات خفنا منها ان تكون اخر شي نشوفه ونشربه انتي مرتي بي مجرد تجربة بسبطه نقطه في بحر لي انك كنتي عايشة بين عيلة متشديده في كل شي خوف علي اصمعه متعلمتي كيف تحمي نفسك وتقومي مامرتي بتاجرب في حياتك ولا تحطتي في اي موقف علاقة فاشلة
دجلة/ترد عليه بي هزة بي راسه لا
الجنيرال/بي مواقف خدمة ازمات هدا كله مامرتي بيه وفجاة تحطتي في مواقف خارج بلادك فا صعب عليك اكيد كل شي كنتي معتمدين علي الولاد الله يطول في عمره
دجلة/صح كل شي بابا يدرنا فيه منعرف شي منعرف حتا كيف نتصرف لو نطلع بروحي معمري طلعة بروحي ديما معنا بوي حتا قريت شبه معاي يستنا فيا نكمل المحاضرت نطلع نروحه كان خايف علينا هلبا لي ان معندنا خو ولد وعيلتنا نوعهم يتكلمه علي البنات الي ماعندهم خوت خايف من كلام العيلة هلبا ليا محصرنا واني اول مجني موضوع هكي وافقت طول حتا اني ساهمت في المصيبة الي صرتلي مش فرحانه ان بنتزوج لا كان اخر همي الزواج بس اني كان حلمي ...وتبكي...ان نكمل قرايتي نكون دكتورة ندير سيارة نخدم نشري شن نبي امنيتي ناكل في مطعم زي البنات نطلع ندهور اني وامي وخواتي نصير حاجة كبيرة دكتورة نكمل نقراء برا كان حلمي وطمحي هدا اشي بس بابا شبه كله لالالا هدا الي وصلني ان نوافق نبي نطلع من المكان الي شبه محبوسه فيه اني عارفه بابا خايف علينا مش يكرهنا بس اشي هدا يولد اضغط والهرب بس ان نهرب مع ولد لا والله مادرتها ولا عمري فكرت والله العظيم حتا علاقات عاطفية ماعندي ولا عمري درت لي ان نخاف زراع الخوف في قلوبنا اكثر من الامان يمكن اشي هدا الي خلاني ضعيفه ومانعرف نتصرف
الجنيرال/يشبحله ويسمع فها ...حقا خايف جيب وريده الله يبارك علها
دجلة/تحشمت بتسمت وطبست راسها
الجنيرال/غير هو زاد في خوفه هلبا عليكم بس في الاخير هو بو ومعدور وحصل خير وكل شي يتصلح وتوصلي للي تبيه ولي حلمك بي اصرارك وعزمتك خلاص توا معاش فيه خوف
دجلة/لا معاك معد فيه خوف بكل ههه كلامك مريح والله الله يحفظك ويخلليلك مرتك وصغارك يارب
الجنيرال/الله يسلمك بس معندي لا مراة ولا صغار معطانا ربي
دجلة/اسفه سامحني مكنتش نعرف
الجنيرال/ههه لالا عادي مدوري شي توا خودي راحتك ارتحي هدي غرفتك خودي دوش اسخين توا حويجك تلقيهم في ادلاب وعشاك يوصلك بعد شويا ورتحي في مكانك وكني مطمنا وهناي وتبي اي شي تلفون جنبك اتصالي علي رقم 20 نرد عليك شنو باهي
دجلة/هدي ليا بروحي كلها دار
الجنيرال/شنو تبي مرافق معاك ملا ههه...واقف ... كان بدونا نخدلك البرج كله غير طلع حجزنا قبلنا
دجلة/واقفت ....ههه لا شنو بندير بيه كله هدي الغرفة بروحها مشاءالله حوش بحاله والله ماعارفه شنو بنقول عجزت ...وتشبحله
الجنيرال/غير ارتحي توا وغدوا قولي شن تبي تقولي واني نسمعك عارفك عندك هلبا كلام تبي تحكي وحتكي وتقولي شنو في خاطرك كله توا انتي تعبانه رتحي وحتا اني عندي موضوع نبي نقولك عليه غدوا
دجلة/قولي توا شنو هو
الجنيرال/قلنا غدوا خيرك بنت شيطا فيك النار كله تبيه بسرعة
دجلة/ههه اسفه مهو معاش عندي صبر طار خلاص
الجنيرال/ههه لالا هدا مش كويس راهو تعلمي اصبر اوسعت البال هدي دنيا تبي هكي تعلمي تعلمي ...وماشي لي جهت الباب وهيا وراه
دجلة/نبي انطمن اسلام نبي نكلمه توا
الجنيرال/حاضر شويا ويكون عندك تلفون خاص وكلميه
دجلة/به امتا منروح لي ليبيا..وتشبحله كيف يمشي شويا اعرج
الجنيرال/تلفت لها...علي غدوا موضوعنا الموضوع زي وفقتي عليه او رفطي مافي شي حيتغير كل الي قولتا حيصير وتبي من غدوا تروحي نروحه في اي وقت وانتي والي اريحك والي تقرريه
دجلة/كل شي موقف عليا اني صح
الجنيرال/كل شي عليك انتي الي تبيه بصير واني وعتك توصلي وبي اعتبارك
دجلة/اني موافقه علي الموضوع من قبل متقوله
الجنيرال/لا اسمعي قبل متعرفيش شنو الموضوع متوافقيش علي شي قبل ماتعرفيه غلط هدا
دجلة/ماعتقدش انك حتودلي شي شر ليا بعد مدرت كل شي علي خاطري واني واقفه قدامك ومش مصدقه كنت نشوف فيك وراء شاشة والامل 1% ان نوصل قدامك وهني قدامك ولا عمري حلمت ان حد يستقبلي بشكل هدا كنت متواقعه ان نستقبل بغير طريقه بس نصدمة تجوزد كل تواقعاتي معتقدش ان في شي يضرني
الجنيرال/حنقولك علي الموضوع ونخد منك رد اصبح تمام
دجلة/تمام
الجنيرال/اني ماني طمع فيك ولا شي ولا حيتغير اي شي سو رفطي او وافقتي بس طلبك لي زواج اني مطلق راهو وطلقت زوجتي لي ان طلبت هيا الطلاق بي سبب اعاقة الي صارتلي في حادت سير ..حط رجله علي يده ...في رجلي وحقها وحقك حتا انتي تخدي شاب في سنك وصحته افضل وحقك تعيشي مع شخص كيف متبي انتي شبوب بس اني عجبتني وقلت نقولك وافقتي اللهم بارك وهدا شرف ليا...حط يده علي صدره...ولو رفطي حقك واني معاك ومش حنسيبك ومافي شي حيتغير وليلتك سعيدة
دجلة/اني موافقه
الجنيرال/غير واسعي بالك فكري ههه غدوا ردي عليا مهوش رفعك لي حلفة وبنروح بيك هدا زواج مواقفه طول استهدي بالله وفكري
دجلة/تحشمة ههه...طبست راسها ...به غدوا نرد عليك
الجنيرال/يالله هي ان شاءالله خير ليلتك سعيد وتصبحي علي خير
دجلة/وانت من اهل الخير
الجنيرال/فتح الباب وطلع
دجلة/حطت يديها علي وجها....الحمدالله ياربي وطلعت تجري لي الوجهت المرش...مش مصدقه وصلت دوبي ...وحطت يديها علي المرش ياربي وين كنت وين صرت ...حطت يديها علي وجها مش مصدقه
