#رحلة الموت
#بقلم_جولي اقارصؤ
#الحلقة {16} جزاء (1)
طرابلس سوق الجمعة....
حوش زاجل...
زاجل/غطها بي البطنية وقعمز جبنها علي حشيت اسرير وشاد يدها ويد تانية علي راسها يمسحله علي شعرها ويقراء في القران علها
رباء/ضغطه علي يده بقوة وتتنهد وتشبحله
زاجل/يقراء
رباء/غمضت عيونها وشده يده مبتش ترخها
زاجل/قاعد مقعمز ويقراء في القران
....................................................
الجبل الغربي ....
دنيا صلام دامس
عز/متلوح قاعد زي الميت
الكلب/شاد فنلية متعه كيف بادي ينتش فها
تنين شباب خطمين ديرين بلات ضي وشدين زوز كلاشنات يهدرزه يشبح في الكلب
الولد الاول/دار اضي علي الكلب ...اشبح شن لاقي
الكلب/هرب يجري
الولد الاول/دار اضي وين هرب الكلب
الولد التاني/دار اضي علي عز ...شنو هدا ياراجل ...ومشي يجري
الولد الاول/واقف جنب عز دير عليه اضي... كله شوفه شوفه
الولد تاني/طبس يشوف فيه ..لالا شوره كيف بيبدا فيه...حط يده علي رقبت عز
الولد الاول/شنو ميت
الولد تاني/لالا عااايش ياراجل قيم معاي الولد ثلاجة مصقع ... حط كلاشن علي ضهراء وشد بيله وشده من كتفه
الولد الاول/حط الكلاشن حتا هو علي كتفه ...لحضه نتصال بي هداكه يلقنا علي الطريق طول ....وطلع تلفونه وتصال ...ايوه اسمع تعاله قربنا بسرعة يودي غير تعاله ضروري بسررعة ..وصكر وقامه من رجليه...زعمه شن جابه اهني...ورفعينه
الولد تاني/مش عارف لكن شكله طيحه زلق في طين بالك جي علي راسه الله اعلم غير بسرعه....ويجر بيه طلعوه حطه علي طريق واقفين يستنو في سيارة صاحبهم جي درس
الولد ثالث/ نزل يجري...شنو هدا خيركم منو هدا...يحسبه ضربينا
الولد الاول/غير افتح باب سيارة لقنا ياراجل طيح الله اعلم شن صاير معه ...وقامه ركبوه في سيارة وطلعو يتجارو
الولد الثالث/وين نرفعه
الولد الاول/مصراته طول اقرب
الولد تاني/افضل ..ويشبح لي عز يشوف فيه ....علي الاقل مدينتي وميدروش لنا قصه وموضوع ويعرفنا حالته فيسع ....ماشيين يجرا بسيارة
__________
اما جماعة الجنيرال زوز انفار كيف وصله لي مكان الي كان فيه عز يدور قاعدين ومالقة شي ومكملين القدام قاعدين يدور
................................................
طرابلس العيادة الخاصة ....
براء/واقف وشاد ورقت اتحليل
بيان/واقفه قدام قريب تموت تشبحله وتبكي وحفيانه ...شوفهاااا شوفهااا بسرررعة بسررررعة ...تعيط عليه
براء/بااهي خلاص اهو بنقرها مافي شي اهدي
بيان/شنوو شنووووو قوليييي ....وتخبط علي رجلها
وناس يتفرجه علها
سديم/واقف بحدهم مش قدر يدير شي علي اعصابه
براء/يقراء في تحليل
بيان/حطت يديها علي فمها مصدومة
بلال/ كيف خاش مشيلهم يشوف فيهم من بعيد
براء/شبح لي بيان
بيان/حطا يديها علي عيونها عيطت ...لااااا ياربي لااااا...وتلفتت الخلف شبحت بلال مشتله تجري وقفت قدامه تخبطله علي صدره بصوت وتبكي وتشبحله ..رتحتتتت توا ارتحتتت مطلعش اختك ارتحتتتت الي تبيييه صاررر اني مش اختتتك مش اختتتتك ياحليلي لااااااا ......وتبكي
بلال/جدبها من راسها حضنه بقوة
بكير/واقف جنب بلال يشبحلهم وخلاص
بيان/تبكي بي العبرة وحضنته...ياربي لاااا ياربي لااا
براء/ماشيلهم
سديم /حط يديه علي فمه سخن مع بعضه
براء/يودي اتحليل سليم انتي ختي اني وبلال وبكير
بلال/اسكتي خلاااص ..وضغط علها يهز فها ...ااااس اختنا من قالك مش اختنا ياودي ولا مش اختي
بيان/اتحليل ياهمي الاحرف امي قالتلي هكي ياحليلي هييييي ياربيييي لااااااااااا...وتعيط بي صوت عالييييي ...معاش قدرت توقف
بلال/خلاااص خلاااص اسكتيييي خلاااص يا بيااان وربي اختي الله ياودي اهدي بياااان ...وشدها يخض فها
بيان/نهارة تعيط وخلاص
بكير/بياان بيااان خلاص راسك خلاااااص ...وشدله وجها
براء/غير هتوها اسس اسس خلاص ياودي وربي اختي اسكتي
سديم/قرب منهم واقف معهم
بيان/اغم علاها
بلال/قامه في غمره يجري لي الاسعااف
بكير/جري ...ويين دكتور
خشو لي الاسعاف يتجارو
بلال/حطها علي اسرير ...شوفهااا بسرررعة
وخشو الحرس معهم
ودكتور/قعد يشوف فها
سدين/وجها اسود هرب علي اضي خلاص ومعاش عارف يدور في مكان وبس
بلال/واقف جنب سرير...خيرها خيرررهااا شنو صارله
دكتور/غير شويا ياخوي هدي روحك اهو تشوف فها
براء/حط يديه وراء راسه بيهبل...وربي تصرلهااا حاجة لما نقتلها امهااا لما نقتلهااااااا...وطلع يجري
بكير/برراااااء تعااله ياراجل تعاااله جااي ...وطلع يجري وراء خوه
بلال/تلفت لي حرس متعه...شووفه...وشبح لي سديم لقه ليف في مكانه ويشبح لي بيان
_______
باب العيادة....
براء/طالع يجري
بكير/شده ...وين ماشي ياراجل قعمز اهني روحك خلي نشووفها قبل اختتتك
براء/حووول حووول...ويصارع فيه...وربي لما نقتله الكلبه هدي وربي لما نقتله حووووول..ويعيط
بكير/يشد فيه هو والحرس متعه وطلعه برا ...خلاااص خلااص اهدددا اهدددا ياحمااار اسكتتتت اهدا ...وشده مكتفه علي سيارة هو وحرس وادهش ....خلاص ااه خلاص شووف اختك الاول وبعدين اني نمشي معاك بنكل كبدها ااا
براء/حووول حوول توا توااا نبي نقتله اني
بكير/فصل عليه ...باااهي قلنا بااااهي خلااااص خلاااص...وحول يديه... قدامي خوش متخلنيش نقتلك انت خووووش
براء/والله ماني مفوتها وربي ماني مفوتهاااا.....وخش لي العيادة
بكير/خاش وره وداهش هو والحرس
_________
في الاسعاف...
الممرضه/تركب لي بيان في تغدية
بيان/فاقده الوعي قاعده
الدكتور/واقف علي بلال...انهيار عصبي ونبي نقولك حاجة مش متاكد تمامن ومتنفعلش
بلال/شنو فيه ...مركز معه
سديم/يشبحله مركز معه
وخش براء وبكير وقفين جنب بلال ويشبح في بيان
براء/شاد يد بيان يبوس فها مطبس علها
الدكتور/واحتمال انها تتعضا في المخدرات
بلال/معاش قدر يتكلم يشبح لي دكتور
كبير/شنوووو
براء/شبح لي الدكتور..شنو تقول انت
سديم/نصدم قاعد يشبحلهم مصدوم
بلال/يشبح لي دكتور وساكت
الدكتور/قلت احتمال وبس بعد اتحليل نعرفه تبي دكتور نفسي اني بعد متطلع نتيجة تحليل نقلكم علي كل شي
بلال/طح علي طولة اغمه عليه
بكير/بلااااال...وطبس لي خوه
براء/يحول يقيم خوه ...ركبله اسكر قيمه
وقامو خوهم هما والحرس علي اسرير جنب بيان وقاعد الدكتور يشوف فيه وهما معاش عرفين كيف يتصرفه
.................................................
وادي الحي...
فيلة الجنيرال بالؤ...
مكتب الجنيرال ....
جنيرال/مقعمز وراء الطاولة...مرحبتين بيك
القاضي عمران /هدا القاضي متع حكم الشباب الي في المحكة وكان مقعمز قدام طاولة الجنيرال يهدرز....الله يسلمك سامحني جايم في ساعة وقت متاخرة بس عدرني مقدرت نجي في وقت تاني
جنيرال/مرحبتين بيك في اي وقت ياعمران حوشي مفتوح ليك امتا مايخطرلك تعاله مرحبتين بسك
عمران/حط يده علي صدره...بارك الله فيك من يومك راجل طيب وتقدر في ضيوفك وحبابك الله يعزك
جنيرال/هدا من طيب اصلك ويعزك الله
عمران/الله يسلمك ..ويشبحله ... اني عارف تسال في روحك الساعة 12الا ربع جايني هدا شن يبي
جنيرال/مرحبتين بيك بس حسيتك من خشتك صاير موضوع معاك وان شاءالله خير
عمران/خير خير ان شاءالله اني جايك مش عارفه والله شنو بنقول بس ليا يومين مرقتش الحقيقه وخاطري نجي عندك ونهدرز وعارف هدرزتي ماتشهد علها الا طاولة هدي
جنيرال/كلامك بعد الهدرزه ميت والميت مايرتد
عمران/من غير ماتقولي ان عارف لي من جاي مهوش كلامي بس كلام الكل والي يخش حوشك ماترده
جنيرال/والله مانردك ان شاءاللع
عمران/حط يده علي صدره ..حاس روحي مضيق في شي غام علي صدري وبالي شارد هلبا هل اليومين وخاطري نجي عندك وجيت
الجنيرال/خير ان شاءالله شنو صاير معاك احكي نلقو حل يادن الله
عمران/معتقدش موضوع ليه حل بعد الي صار ونتهي مش عارفه من لما خديت الحكم علي قضية الشباب الله يرحمهم ويسامحوني ماني متريح شهاده لي الله عيني مارت النوم...ويشبحله ...وكان فعلا ملامح وجه وعيونه تعبانه واضح عليه تعبان من التفكير
الجنيرال/علاش شنو فيه
عمران/مش عارف حاس القضية مهيش قضية ورقها مزبوطه في تلاعب في الورق وشهود والاعترفات في شي مفقود في شي مش مزبوط صار انا ليا يومين نربط في الأحداث في بعض مهوش شي مزبوط والمتهمين من وجهم باين عليهم وجعينهم الشباب الي ماتو صحابهم و تهموهم بيهم مش عارف والله ان بروحي مش عارف شنو نقول والي خالني نجيك كلمة خوك عظيم خلتني نرجع روحي ونرجع القضية اورقها وتحققات بروحي منبي حد يعرف
الجنيرال/علاش شن قالك عظيم
القاضي/قالي ال ...وقطع عليه صوت عظيم وهو خاش
عظيم/ خش من الباب ويشبح لي القاضي.... الموت رحمه في بلاد ضالمة
القاضي/نصدم اوقف طول يشبحله
صفوان/خش جيب صفرة القهوة
الذئب/خش شاد المسدس وينفض من علي كتفه في القزا مشفش القاضي قاعد
امين/واقف جنب الذئب قام اكلاشن بيده حطه علي كتفه ويشبح لي عمران
والذئب/قام عيونه شاف عمران نصدم وشبح لي الجنيرال مقعمز
صفوان/حط صفرت القهوة علي طاولة قدام عمران
القاضي/مصدوم وشبح لي صفوان كيف حط الصفرة
عقبة/خش وصكر المكتب ويشبحله
الجنيرال/ناض من وراء الطاولة وجي قعمز علي الصالون مقبل عمران مدير رجل علي رجل وشاد عكزه يشبح لي عمران ....كان الدولة ضالمه الخوت وألصحاب فزعيين مايرض بضلم
عمران/يشبحله وفي حالة دهول من الصدمة
...................................................
مدينة مصراته ....
مستشفي مصراته ...
قسم الاسعاف...
عز/راقد علي سرير وملابسينا بلطو العمليات ازرق مركبله تغدية ومغطينه بي بطنية وجها مجروح فيه تخبيشات ديرله لصقه جهت حاجبه عينه زرقة كتفه وصدره اليمين لفينهم بي فاشة يده الايسار من جهت وجه يده مخيطين مديرله فاشه ملفوفه نصها علي اصابعه مدمدم كله
زوز من الامن واقفين جهت اسرير مع الدكتور يكلم فيه
الامن/شن وضعه
الدكتور/مدمدم شكله كان في فترة في اميه يديه فيهم تكرفيش اتار اميه بي الساعات راسه مضروب جروح في كل جسمه دمديم مش عارفه طايح او شن صاير فيه بزبط
الامن/امتا يفيق يعني
الدكتور/مش عارف علي حسب اليوم غدوا ...ويشبح لي عز
الامن/حني حنخد ليه صورة باش كان جت اي شكوه مفقود يكن عندنا صورة
الدكتور/دير رايك انت تفهم في الاجرات اشي هدا اكثرر مني
عز/فتح عيونه بشويا ...اااااه ..يتوجع
دكتور/فاق ..وقرب من عز يشوف فيه
الامن ازوز واقفه كل واحد من جها فوق راسه يشبحوله
عز/كيف ركز كويس شبح يمين ويسار يشوف في الامن وشبح جنبه تغدية والدكتور يشفله في عيونه
دكتور/تشوف فيا ...ويشبحله
عز/يشبحلهم وساكت
...................................................
... ...............................................
____________________________
____________________________
#Jule Akrsoa ℘₰ﮩ℘₰ﮩ℘₰ﮩ✍
