#رحلة الموت
#بقلم_جولي اقارصؤ
#الحلقة {20} جزاء (2)
- "كُل شئ كان قاتلًا لكني لم ٱمت."
وادي الحي....
فيلة الجنيرال بالؤ...
دور الارضي مكتب الجنيرال ..
دجلة/تتكلم فيديو وتبكي بصوت عالي....علاااش كذبت عليا علاااش انت قتلي بتروح بيا قتلي علااش كذبة عليا علااااش علاش اني شن درتلك شنو درتلك شنوو
فوزي/يشبح لي الجنيرال ومصدوم ونفتح الباب شبح لي الباب نصدم حط يديه وراء راسه اوقف
عز/خش يعكز ويشبحله
عقبة/وراء خاش
الجنيرال/لحضه ونتصال بيك ...وصكر يشبح لي فوزي
فوزي/لالا ...وحط يديه علي عيونه...لالا مستحيل مستحيل نحلم حلم...حول ايديه يشبح في عز واقف يشبحله حط يده علي فمه وعيونه تعبو ادموع ويده تانية وراء راسه
عز/يشبحله...فوزي
فوزي/حول يده يده من فمه وشبح جنب ماشي لي جهت اروشن اعطر في طاولة اوقف قدام الروشن وحط يديه علي وجه ومطبس راسه يبكي
عز/فوزي وراسك صاحبي ...ومشيله بشويا
فوزي/يعيط ويشبح لي الروشن.....شوفتتتك ميت شوووفتك وربي دفنوك قدام عيوني وحطيت اتراب معهم وربي بي ايديا همام ازوز ...وفتح ايديه ويشبح لي ايديه ...وربي لالا مستحيل مستحيل ...وشاد راسه ودموعه ينزله
الجنيرال/طلع من وراء الطاولة....فوزي كان كل شي خطه وصاحبك حي
فوزي/تلفت لي عز يشبحله
عز/اعتبرني ميت كان يريحك اشي هدا
فوزي/مشاله يجري حضنه ويبكي ...وربي مامصدق وربي مامصدق رجعة ياربي اللهم لك الحمد اللهم لك الحمد...ويبسله في راسه وفي خدوده ويتلبط فيه مش مصدق ...وربي استحشتك وربي استحشتك اخي علها دنيا في غيابك اخييي علها ياصاحبي يا خوي يا اغلا من روحي وربي استحشتك
عز/متلبطه بي يد وحده تانية مش قادر يقيمها ....والله حتا اني خلاص اهدا وراسك
فوزي/حط يديه علي خدود عز...ويشبحله ...حمدالله علي اسلامه ياغالي ...وبسه من جبهتا وتلبطه....سلامتك كبيرة وربي وربي ماني عارف كيف نوصف فرحتي ...ويبكي
عز/عيونه دمعو متلبطه...خلاص وراس صاحبي وسامحني والله بودي تعرف من اول يوم بس الله غالب خلاص
عقبة/اوقف جنبهم وحط يديه علي ضهورهم ازوز وخبط عليهم...خلاص اهو رجعلك الغالي والامور هانية يزي عاد جيبنك بنفرحك
فوزي/بعد علي عز يمسح في دموعه...والله مقدرت فرحان راهو هدا مش مسافر ولا مريض هدا مات ورجع راهو...وخدي انفس
عز/اهو رجعنالك شنو تبي تاني هي ههه
فوزي/وربي معاد نبي حاجة معاش نبي شي منها الدنيا الحمدلله ياربي الحمدالله...ومسح بي ايديه علي وجه
عقبة/طبطب علي ضهر فوزي ...الحمدالله ..واشرله علي الصالون...تفضل ...وشبح لي عز بي معنا تفضل معه
عز/ماشي جهت الصالون بشويا
فوزي/يساعد في عز ...وحده وحده عليك وكيف صار علاش هدا كله ..وقعمز هو ويه ويمسح لي وجه بي ايديه
عقبه/قعمز في اجنب ويشبحلهم
الجنيرال /جي قعمز مقبلهم....بنحكولك كيف صار بس قبل متعرف بتحكنا انت شن تعرف علي مراد
فوزي/شبحله ....من مراد...وشبح لي عز
عز/يشبحله...مراد صاحبنا
فوزي/اها خيرا...وشبح لي الجنيرال
الجنيرال/شنو تعرف عليه بحكم ان كنت تتلقاء معه
فوزي/صاحبي عادي زي صاحب الشباب
عقبة/لا انت قاعد موصلتكش الفكرة السوال....وشبك صوبع ايديه في بعض ويشبح لي الارض....فا اني نجبهلك بطريقة اسهل....هل مراد عنده مشاكل عائلية ...وشبحله
فوزي/كلنا عندنا مشاكل عائلية عادية
عقبة/شبح لي الجنيرال وساكت
الجنيرال/شبح لي عقبة وشبح لي مراد ...الي هيا احكينا اخر فترت شنو صاير معه
فوزي/علاش
عز/احكينا لو في اي مشكله صايره معه وحكلك او سمعت من علي ومحمد
فوزي/علي حسب علمي اخر فترت قبل مايموت كان متعرك هو وامه وهدا علاش ان كلمك وطلعتو زرده
عقبة/شبحله...انت علاش ما طلعت معهم زردة
فوزي/ الايام هديكه عندي مشاكل عائلية بنت عمي تبي تطلق خوي فهد مسافر مافيش من بيقعد مش بالي في زرادي
عز/صح كلامه بس مجبلك سيرت عمه المهدي مراد...وشبح لي فوزي
فوزي/لا علاش
عز/اي كلمة وراس صاحبي حتفيدنا تفكر حكالك في خلاف بينهم مشكله سو تافهم اي شي
فوزي/في مرة علي ارض ما ارض
الجنيرال/ارض شنو
فوزي/والله علي حسب كلامه مكنتش مركز لي ان نضت نتفكر فها من نص الحديدت خلتا هداكه اليوم هو و محمد وعلي
عقبة/شن كان يقول شن يحكي
فوزي/هو لي ان راس ولد بوه الكبير الله يرحمه جده قسم الورت علي صغاره بس كتب لي مراد ارض بي الهكتار تجيب حتا مليون وحرف Lالي جهتهم متع المجلات كله لي مراد لي ان مربيه جدا قال معترض ان كيف يكتب بوه لي مراد الورت هدا كله
عقبة/شبح لي الجنيرال
الجنيرال/شبح لي عقبة وشبح لي فوزي ...اي بعدين
فوزي/وهدا هو اني نضت روحت اتصلو بيا العيلة وخليتهم مع بعض وبعدها بيوم ان خططنا لي الزرده قترحها عز علي اساس بنمشو معهم مصارش وصار الي صار
عز/باهي الي ما مشيت ربك يحبك
عقبة/يحك في لحيته ويفكر
الجنيرال/يلعب بي العكاز ايمين ويسار وسرحان
فوزي/يشبحلهم مش فاهم....شنو فيه خير
عز/في هلبا حاجات كنا غفلين علها يا فوزي
فوزي/شن هيا شن فيه...وشبح لي عز ...اي حقا قبل يوم الزردة جاني محمد
عقبة/شبحله
والجنيرال/شبحله
عز/اي
فوزي/يشوف فيا صارلي ان بنمشي او لا قتله لا قاعد يهدرز شويا سالته شن جو مراد قالي ان متعارك اهو وعمه وامه لي ان عمه المهدي قايل لي مراد ان هو مش ولد خوه وخوه مايجيب في اصغار متهما ان هو ولد حرام
عقبة/حلوو...بتسم ...وشبح لي الجنيرال....شن رايك ههه
الجنيرال/يشبحله ...مش عارف ....ويشبح لي فوزي ...مش ناسي شي
فوزي/لا الي عندي قلتا
الجنيرال/انت مصدق ان الشباب قتلو اصحابهم
فوزي/لا مستحيل يديروها
الجنيرال/به في رايك منو قتلهم واتهم اصحابك دروها
فوزي/هما 3انفار وبس
الجنيرال/الي هما
فوزي/يا انت لي ان امشو وانت اعترطة وعقبتهم لي ان يدك واصلة
عقبة/شنووو تقول انت...واقف
الجنيرال/شبح لي خوه ...قعمز ..وشبح لي فوزي...يااا
عقبة/قعمز ومتكنطي يهز في رجله
فوزي/يا اني لي ان مامشيتش ويمكن صايرلي هلبا تنرفزات من الشباب كان عقلي صغير هدا بندرها فيهم او المهدي
الجنيرال/وعلاش مايكونش واحد من الي نحبسو مثلا عز صاحبك
عز/شبح لي الجنيرال مصدوم
فوزي/شبح لي عز...كييف
عز/علاش بنقتلهم شنو اسبب مافيش اي خلاف بيني وبينهم وربي
عقبة/اوقف مشي لي جهت الباب
الجنيرال/انت الي اقترحة الزردة والمكان الفلاني وانت الوحيد الي اخر واحد تواصلت مع مراد علي تلفون وانت اخر واحد كلمة فوزي قبل متمشي لي ازرده وانت رقدت اخر واحد او فقت اول واحد وشفتهم ميتين وانت الي قاعدت الوحيد الي قاعدت اكثر منهم في الحبس في المنفرده باش حولك معهم وانت الوحيد الي مش باين علي وجهك الخوف وانت الوحيد الي غبة يوم كامل بعد مفترقه في جالو وطلعة في مصراته ولما عطية اسمك عطيتا كا شيفرة ومن فها امين وفوزي واول موصلت اشيفرة امين جن جنونه علينا ولا قال نهدا كانها شيفرة بينك وبينا
عز/يشبحله ولا كلمة
عقبة/ فتح الباب جبد امين دفه دخل وصكر الباب
امين/شنو فيه ...وخش اوقف جهت الصالون يشبحلهم
فوزي/مصدوم في امين حط يديه وراء راسه
الجنيرال/يشبح لي عز ....والسيد امين مليشي علاقة بي السلاح هو موضف منشآت نفطية في الصحراء طلع قناص وكمل مهمت الذئب ...واشر بصبعه علي فوزي وعز وامين... مثلت برمودا...وشبح لي عز شنو الصدف هدي كلها يا افندي عز
امين/خدي من عقبة اسلاح في جنبه بخفت يد بسرعة سحبه وحطا علي راس الجنيرال وجي خلف الصالون الجنيرال وحطا علي راسه من الخلف ويشبح لي عقبة ....خليك غادي ولا انفجرلك راسه
عقبة/تمام اهدا متتهوررش
امين/حط صبعه علي فمه ويشبح لي عقبة...ااااس منبيش نسمع صوتك
فوزي/شبحلهم وخلاص
الجنيرال/يشبح لي عز ....عندك شن تنكر توا
عز/يشبح لي الجنيرال .....لا يا سيادة الجنيرال بالؤ كله صار فعلا الي ذكرتا بس كله صدفه صارت وكانه كل شي مخطط من اتجاهي اني ولو كنت فعلا اني الي قاتل او مخطط مع المهدي كل شي علاش ننحبس معهم سنه ونص من غير الشهور تحقيق يعتبر سنتين من عمري نضيعهم في الحبس شنو هو الي بنستفيذ او الي ستفتا نخلي عيلتي تفكر فيا حريتي سمعتي بين الناس حتا البنت الي نبها خسرتها شنو هو الي ستفتا
امين نزل السلاح ومده لي عقبه
عقبة/خده وحطا في جنبه ...وقعمز
امين/قعمز جنب فوزي حط يده علي رجله وشبحله...متخفش تخويفه بس باش تسمع كلام سياته ...وشبح الجنيرال
فوزي/حضن امين ....وربي ماني مصدق انكم حيين
امين/يطبطبلا علي ضهراء ...لا صدق صدق مزال مريت شي ...وبعد عليه وشبح لي الجنيرال
عز/يشبح لي الجنيرال....تقدر تاخد اي اجراء فيا دير شنو تبي بس اني وامين ملاناش اي علاقة بلي صار مضلومين زي باقي الشباب وبس
الجنيرال/شبح لي امين...ومنوين تعلمة الرماية
امين/ اني وعز خشنا لي كلية العسكرية مع بعض ودربنا وبعدين هربنا فتنها وهدا علاش كنت متمكن في الرماية
الجنيرال/وعلاش مافي حد عنده علم ...شبحلهم الزوز
فوزي/يشبح لي امين وعز
عز/مبناش نقلو لي املانا لي ان تعرف بيعرضنا فها فا علي اساس مسافرين لي بنغازي بنقعد فترة غادي وخشنا لي الكلية بعدين طارت منها نية مافي حد عنده علم بها اني وامين وبس
الجنيرال/يشبح لي عز وسكت
عز/عارفك مش مرتحلي من اول يوم
الجنيرال/لما كنت سهران بروحك في الزرده في من كنت تكلم
عز/اخر شخص خطيبتي سابقن وبعدها صكرت منها رقدت طول ومكان فيه شي
عقبة/متكي بضهراء علي المسند ماد رجل علي طولها ورجل تنها وحط يديه علي جنبات الصالون ويشبح لي عز...او خطيبتك سابقن كنت تكلم في الوسخ الي خدها توا
عز/مش عارف بس علاش السؤال هدأ
الجنيرال/نحول نفهم بارتك
عز/متكنطي...مش مصدقني اقتلوني وخلاص افضل ان انتو شكين فيا قاعدين ومخليني بينكم بالك حتا اني الي عطي علم للي صار في جالو باش تفرقنا ورفعني لي مصراته باش خديت منهم المخطط الجديد وسربتلهم المعلومات شنو صاير وشن الي بيصير شن رايك ...ويشبح لي الجنيرال متكنطي
امين/يشبح لي عز
فوزي/يشبح لي عز
وعقبه/يشبح لي عز وساكت
الجنيرال/ حط يده مصكرها علي خده يشبحله وساكت
عز/شنوو فهمني
الجنيرال/حول يده من خده نزلها ويشبحله ....كيف كانت علاقتك مع الي كنت خاطبها اخر فترت
عز/نبي نعرف شنو علاقة البنت الي خطبها في قصتنا الي حني فها شن لها علاقة
عقبة/جاااوب
عز/تمام بس كنا نتعركه شويا منوشات
الجنيرال/علي شنو شن اسبب
عز/خدي نفس ...كترت مشيها لي حوش رجالها توا
الجنيرال/شبح لي عقبة
عقبة/يمسح علي شعره القدام ويشبح لي الجنيرال
الجنيرال/شبح لي جهت اروشن
عز/مستغرب في تصرفاتهم ....علاش تسالو علي علاقتي بها في مسابق فهموني
فوزي/شبح لي عز...شكين فها لها صلات علاقة بي اشي هدا بي ما انها اخر وحده توصلت معاك سالني علي اشي هدا سياته ...وشبح لي الجنيرال
عز/كيف يعني شنو دخله هيا شنو فهموني
امين/شبح لي الجنيرال....قصدك ان رجله توا هو الي قتلهم به علاش بيقتلهم هما ومقتلش عز الي العايق الوحيد الي بينا وبينها اني نقول ان خلينا مركوني علي مهدي أفضل
الجنيرال/ من نحيت تفسير ايدل ان صعب يقتل عز لي ان هو يبي ايكرها في عز ان هو مجرم وقتل اصحابه اما لو عز مات مقتول هكي الحزن عندها بطول ومن اصعب تكره عز
عز/مصدوم يشبحله
الجنيرال/ اما المهدي هدا راس الكبير لي الجريمة بس مش من طبيعي مهدي بيجي يقتلهم وبيولي لي مصر مهوش سحر هو في اظراف تتبع لي الجريمة والاظراف هدي ليهم اسببهم انهم يشارك في الجريمه هدي ومن نفدها في خلال مده زمنيا متقلش علي ساعه ونص فقتو فها الادلة كلها ...واشر علي عز...انت متهم فها
عز/متكنطي.... اني الي قتلتم واني الي خططت لي هدا كله شنو المطلوب مني ان نعترف قدام الكل وقدام المحكمة عند القاضي معنديش مشكله نعترف وين ماتبي هيا موت وحده متفرقش عندي كان اشي هدا يريحك انت
الجنيرال/منتهمش فيك نحول نوضحلك ان كل الادلة تتبت انك انت الي مدبر الجريمة الي صارت نبيك تفكر معاي وتحول تربط كل شي في بعضه انت اشخص الوحيد الي في القضية هدي صار معاك هلبا حاجات علاش
عز/اني الولد الي تزوجها منعرفشي كويس الحق نسمع بيه وعرفت عليه شوية معلومة بحكم في السابق كا غيرة وبس
عقبة/منين عرفة عليه معلومات انت
عز/ااا...وحط يده علي وجه وطبس راسه
امين/يشبح لي عز....خيرك
فوزي/شنو ...ويشبح لي عز
الجنيرال/من مراد
عز/حول يده وقام راسه معاش قدر يتكلم وشبحله هز راسه لي الجنيرال
امين/كيف يعني شنو ...وشبح لي الجنيرال
عز/كيف عرفت
الجنيرال/كل شي في وقتا حلو...وشبح لي فوزي ....تخدم في ورشة انت وله
فوزي/اي ان شاءالله تزويق ومعلاجة
الجنيرال/كويس نبي نوع زواق زي الحبر اسحري يعني مثلا تزوق سيارة لي مدة ساعات وتحوله تقعد سيارة زي ماهيا من غير اي ضرر لي زواقها الاصلي
فوزي/علاش زواق نخلوها تسرفيل ومضمون
الجنيرال/نبيه كانه زواق اصلي
فوزي/نفسه مايختلفش غير هداكه بخان وهدا تسرفيل
عقبة/ناض ماشي جهت الباب
الجنيرال/تمام....واقف ...كمل شوف صحابك بعدين نفهمك...ومشي جهت الباب
عقبة/فتح الباب شاف لي الشباب برا ...تعلو
عظيم وجلال وصفوان خشو
فوزي/اوقف ...لالا ...ومشي يجري ليهم
عظيم/اوو فوزي ههه
الجنيرال/طلع
عقبة/صكر الباب
والشباب قلبو الدنيا
وعز/معهم بس يفكر في هلبا حاجات فيتات عليه
الجنيرال/راكب من ادروج...وين الذئب والدالي
عقبة/واقف لوطه يشبحله....مشي لي شقتا
الجنيرال/تلفت ليه...شنوو اهبل هدا اشقه عطها لي باني اني موقت
عقبة/اشر بصبعه علي قلبه واشرله علي الباب...غادي صعب يقعمز...ومشي لي المطبخ
الجنيرال/راكب من ادروج...اتصال بيه قله يجي توا مش وقت تصفيت احسبات قديمة باني مايلتعبش معه يا عقبة خلي القضية هدي تمر علي خير
عقبة/طلع من المطبخ يشبحله ....حاضر هي...وطلع تلفونه
............. ..............................................
العاصمة طرابلس ...
طريق المطار...
في العمارة الشقة الدور التاني....
فداء/نقزت من الروووشن طحت علي الارض ....ااه ايدها ورجلها نجرحه ناضت تعكز ادرقت تحت اشجرة وشاده اشنطه حويجها تلبزو وشعرها انبل تقطر مع بعضها وتتصال بي تلفون والمطر اتصب
الذئب/اشبح من الروشن دار لوطه مافي حد ...شنوو هبلة اتنقز هدي وين امشت ...شبح ايمين يسار شي مافي حد خش من الروشن
فداء/ايوه ...وماشية تلف وراء العمارة....اني وراء العمارة..وتعكز علي رجلها ...اي نشوف فيك ..ونزلت تلفون تشوف في سيارة جاية تسمع في صوت جاي من جنب العمارة تلفتت
الذئب/شوفها وين توا نلف اني وراء العمارة
فداء/طلعة تجري جهت سيارة فتحت الباب الخلفي ركبة وصكرت الباب وتشبح لي المرش....بسرررعة ...وشبحت السواق لقتا باسط...باسط....ودهشاء
باسط/طلع يجري بسيارة... منو الي خشلك
فداء/انت كيف جيت بي هدي سرعة مش في حرس مخلينا تاني اهني ...وتحول في شعرها من علي وجها وحطت شنطه جنبها
باسط/اني الي كنت اهني الحرس التاني مرض جيت بداله عرفتي منو الي خش
فداء/لا
باسط/كيف طلعتي باهي
فداء/تكمد بي يدها في رجلها...نقزت من الروشن
باسط/شنووو...تلفت لها
فداء/شوف الطريق
باسط/تلفت القدام...كيف نقزتي المسافة عالية
فداء/شنو نخليهم بشدوني ياعالم شنو بدرو فيا لبين مجيت انت ...وتشبح في رجلها زرقه ولت
باسط/تلفونه رن رد ...ايوه اي اهو معاي جيبها لالا نقزت من الروشن ماشي مسافت الطريق سلام...وحطت تلفون جنب المارشة
فداء/حزمها يوجع فها تتالم حطت يدها علي بطنها مطبسا راسها
باسط/يشبحله في المراية....خيرك
فداء/لالا مافي شي ...ولصقه وراء الكرسي مدرقاء رجلها
باسط/يسوق ويسلب في بالطو متعه مدا لها...هكي تغطي بيه لبين ماوصلنا
فداء/خدتا ...صحيت
باسط/ولو
فداء/غطت بيه رجلها وتتالم من يدها وجلها وحزامها من غير صوت ...مقالكش منو الي خشو
باسط/الذئب
فداء/كييف وشن عرفها هو اني وين
باسط/شقتا هو في الاساس
فداء/حي علي اجو...حطت يدها علي فمها مصدومة
...................................................
في امريكيا....
شقة اسلام...
دجلة /مقعمزة علي الصالون وقايمه رجلها ضمتهم بي ايديها علي الصالون وتبكي بي صوت
اسلام/طلع من الحمام يجري ...خيرك خيرك...واقف قدامها
دجلة/قامة راسها تشبحله وجها دموع واحمر ولبسه وشحها... صكر عليا مباش يكلمني يكذبه عليا يكذبه عليا وخلاص يا اسلام مش حيردني لي ليبيا ميقدر حد يردني خلاص خلاص اني نتهيت معاش نقدر نرجع لي بلادي خلاص ياحليلي ياحليلي...وتخبط علي وجها بقوة
اسلام/شدلها يديها حولهم من وجها...لالا مش هكي ياودي بيردك غير اجرات اطول بس والله معاش تبكي
دجلة/كذب كذب تضحكش عليا زيهم يسايرو فيا وبس مايبني حد مايبني حد يحسبني حق هربت هربت اني والله ماهكي يا اسلام اني والله ماهكي اني بنت كويسه والله كويسه الله مانكذب عليك ...وتشبحله وتبكي
اسلام/خلاص عارف مش هكي غير اهدي اهدي خلاص غير اسمعني ااس
دجلة/نهارت تبكي خلاص تعيط تعيط
اسلام/حط يديه علي خدودها ويشبحله..ااس اااس بالله عليك اهدي مجرد اجرات بس يجونا اشرطه اهدي وراسك خلاص ...ويهدي فها
دجلة/خلاص من البكي تكت علي الصالون ضامه رجلها بي ايديها ومغمضه عيونها دموع يصبو وتتنهد
اسلام/خلاص دجلة دجلة تسمعي فيا خلاص اهدي والله الي دري فيه هدا مش صالح ليك صدقني الراجل صادق في كلامه الاجرات تبي شوية وقت بس
دجلة/ مغمضه عيونها اسلام اسلام تتخلاش عليا تتخلاش عليا
اسلام/مش حنتخلا عليك خلاص اهدي...وشاد يدها
دجلة/خدها النوم
اسلام/ناض جاب بطنية غطها بها وجعتا
رن الابتوب تلفت يشبحله و مشي قعمز قدام افتح الخط...ايوه اهلين
الجنيرال/شنو اخبارك
اسلام/الحمدالله
الجنيرال/ وين دجلة
اسلام/ نهارة كانت تبكي
الجنيرال/ كلمه وينها
اسلام/ خدها النوم كان املها فيك اكبير الجنيرال / مافهمتش خيرها شنو و صار
اسلام/ جي رماح وقال ان موضوع الاجرات يبي وقت عدت ايام وهيا نهارة تحسبا تكذب علها
الجنيرال/ ماشي اول متفيق قله تكلمني
اسلام/ كيف بتقنعها بعد الي صار احتمال معاش تقبل تكلمك نهائي
الجنيرال/ قلها تكلمني واني نتصرف
اسلام/تمام ...وشبح لي جهت دجلة
... ...............................................
وادي الربيع....
فيلة باني....
باني/مقعمز في الصالة لبس بدي ابيض نص كم وسروال توتا اسود وبلغة
فداء/خشت تعكز حفيانه وشعرها مبلول وشده اشنطه ولبسه بالطو باسط
باسط/صكر الباب وقاعد برا
باني/شبحها اوقف مصدوم في منضرها....خيررك جايه هكييي
فداء/حطت اشنطه علي الصالون...بالك تبني نلبس ونسوي شعري ونلبس كعب يستنوني ليا نلبس ونهرب وبعدين هما يخشو...وربعت ايديها وتشبحله
باني/قدم اوقف قدامها....وانتي كيف طلعتلي
فداء/من الروشن دار النوم
باني/كيييف ان شاءالله نقزتي حق
فداء/لا بالك نخليهم يشدوني وياعلم شنو يدير فيااا
باني/عيط علها...انتي اهبلتيييييي تنقزييي وانتي مريضه تبي تهبلني
فداء/حصل خير مافيا شي قدامك اهو رجلي شويا ويدي تخبشت بس
باني/شد يدها يشبح فها ...هكي عاجبك هكي ترا رجلك...ويشبح في رجلها ..تي كيف هكي كييف يا فداء بتنتحري يامصيبة...وشبحله
فداء/منتحرتش اني اهررربت اهربت باني
باني/حط يديه علي اطارف البالطو فتحه بي ايديه ازوز وشبحله من لوطه لي فوق ...وبي المنضر هدا
فداء/لي الاسف
باني/منين جبتي البلطو هدا
فداء/متع باسط
باني/عيط علها... اسلبيبيي بسرعة
فداء/باهي معااش تعيط بارك الله فيه هو عطهولي...وسلبته
باني/حدفه علي الصالون....بري بري غير بري لي الحمام بري وربي بنموت في جرتك اني بررري
فداء/ماشية جهت الحمام
باني/عيط علها...متع دار مش هدااا...وماشي ورها
فداء/بااهي معااش تعيط خير مانولي توا راهو...وقفت تلفتت ليه
باني/حط لسانه ..تي ...ومشي عي اساس بيجري لها
فداء/لالا خلاص ههه...خشت لي ادر لي الحمام وصكراته
باني/توا نمدلك حويج ...وفتح ادلاب متعه
فداء/منو الي خش لي اشقا
باني/الذئب الكلب
فداء/وتبني نقعد نبدل حويجي مفروض اصلا قاعدت وله
باني/طلع حويج....تقعدي عييينك لا راضي غصبن عليا بجيتك هدي المهم مالمحك حتا المح ......وقربع باب ادولاب مشي لي الحمام طق علي الباب...هكي
فداء/فتحت مدة يدها خدت منه الحويج
باني/اني في صالة نستنا فيك...وطلع بشويا قعمز ومتكنطي
فداء/طلعة من ادر لبسه سروال رصاصي وبدي كم ابيض وشعرها مفتوح مبلول شويا قعمزة قدام علي الصالون ... صار شقتا كيييف انت كييف متقولي بعد الي صار قدامك في حوش الجنيرال مخطر بيا ومخلني نبات في شقه وعادي
باني/هدي خدمه منخلطوش في امور الخدمه في حاجات الخاصة بس هو تجوز حدود مكانش اتفقنا هكي من الاساس
فداء/تهز في رجلها تشبح جنب ...لا مكانش اتفاق هكي فعلا اصلا في شنو انهمك اني عندك الحق الموضوع عادي ...وخبطت علي رجلها وشبحتله...شنو المشكله اشقا شقتا امتا ميبي يجي حر هو
باني/ااااس ردي بالك تعودها كلمة في شنو نهمك اني لو ماتهمنييي راني سلمتك ليه وتسطفلي...واشر علها.... انتي ...واشر علي جهت الباب....ويه ومش وصلني شي
فداء/تشبحله وسكتا وقامة شعرها بيدها الخلف ...اني جعانة
باني/مش عارفه علاش لما تشوفني اتجوعيييي...وخبط علي المخده جنبه وشدها بغل وعض المخده
فداء/هههه به جعانه اني نحسبك معبي ثلاجه غادي مش مخلها فاضية
باني/حدف المخده جنب ...مش قلتي بنعتمد علي نفسي وبنحسسهم كانه كل شي ندير فيه بروحي اني كيف تبني نعبهالك او نبعتلك حد يشفوه هدي فكرتك تحملي نتيجة قراراتك
فداء/ماشي تمام خلاص قراري امس خلنا في توا جعانه
باني/المطبخ قدامك
فداء/ناضت مشت لي المطبخ نضام بار مطل علي اصالة فتحت ثلاجة...ندرلك معاي تكل
باني/لا صحتين بس غلاط تنقزتك هدي
فداء/عادي مرة علي خير معنا يدي ورجلي يجعو فيا
باني/نمشو عنينك
فداء/لالا كويسا خاطري في بيتزا تعرف...وشبحتله
باني/وربي ماعندي منين نجبهلك البيتزا توا قريب ساعة 3 الفجر وين وين ديرها بروحك
فداء/اشرت علي روحها...اني بنعجلك غير اعبا ياحبيب قلبي
باني/ههه...مبتسم
فداء/حست روحها قالة شي لكن درت روحها مش مدورا تحط في صفرة...شن صار في اجرات تحليل مراد...وطلعت لي اصالة حطت صفرة علي الطاولة
باني/جبنا العينه
فداء/قعمزة تشبحله...الله وكيف جبتها انت مش بترفعني نحفر معاك ياخاين ههه
باني/لا مهو انتي خلتك لي جو الاباتمان متعك اطيري من اروشن
فداء/ههه باش تعرف بس
باني/لا عارفك مشاءالله عليك تهني وشن خاين اهيا علي اساس ماشي نحفر علي كنز اني راهو عظام واحد عادي مش فرعون
فداء/لا الحمدالله اعفتني من المهما هدي يسارني بوه بمزطلي كبدي
باني/لا نهنو عليه متخفيش هكي ولا هكي بنفوت امها القضية وبنطربقه حقا تعليلي جاي انتي كيف بتجبي اتحليل يافالحه
فداء/تكل...خليه عليا بس
باني/كيف خليه عليا هدي شنو قليلي كيف بدري يعني راهو بتتلقي معه في مكان مصكر بروحكم انتي ويه وربي نفجركم مع بعض تسمعي فيا وله متهزليش راسك هكي وخلاص...وحدف علها المخده
فداء/باهي قنا الهم نكل شنو تحسبني مهبولة نقعد معه بروحنا نعرف كيف نتصرف مع الشكلات الي زيه
باني/توا نشوفه يا وفاء
فداء/شبحتله...علي فكره اسمي فداء مش وفاء وفاء في ماسبق كا عميلة سرية وبس في نضام سابق اسم لي تحري وبس يعني بس اسمي الحقيقي فداء فداء لي الوطن ياحضرت الرائد باني
باني/ماشي يا فداء عندك خدمة قضية غدوا كيف وصلتني بتمشي لي موقع الجريمه بي مانك محققة باش تتبتي وجودك
فداء/تشبحله...جريمة شنو
باني/انتحار زوز خوات توم كل وحده فيهم في حمام بس اشي الي مافهمنشي الجثه متعهم توصل لي المستشفي تختفي
فداء/لالا اني جو هدا منفهم فيه خلو سيداد هيا عندها خلفية علي الموضيع هدي من قبل وتزبط تجبلكم ازبده اني خلوني علي الأحياء المهدي فكنا وراس امك هههه
باني/ههه وهيا دفلها في راسها الاموات والله ماتتحشمي
فداء/ههه اني وصحبتي نتفهمو اطلع منها انت
باني/ماشي غير كولي بشويا خيرك الطف
فداء/اني الي نكل مش انت حقا الشباب لما حولهم علي اتحقيق في اول يوم الجريمة درلهم تحليل ان هما يخدين نوع من مخدر او تعطي شرب اي شي هكي...وشبحتله
باني/اي اتحليل سليم مافي شي يخدنا لي ان حتا موقع الجريمة مفيشي اي اتبات ايدل ان فيه مثلا اشيش بوخه او حاجة زي هكي ياوسكي
فداء/بوخه ارقا وله ههه
باني/هههه الهي في مكلتك
فداء/غير بجد تحليل سليم
باني/اي
فداء/اها
باني/اوقف مشي قعمز جنبها خدي الخبزة شويا منها...علاش فاش فكرتي...وبدي يكل معها
فداء/شربة العصير ...اني فكرت قصدي مدم مافي اي اتبتات لي اي مخدر كيف رقده ومحسوش علي المجرم وعلاش 3انفار بس مش اكلهم ...وشبحتله جنب كان قريب منها
باني/شبحله وشبح لي عيونها وسكت
فداء/فكرت فلي فكرت فيه
باني/اتحليل مزور
فداء/عليك نور ...وبتسمت
باني/ناض بسرعة تالم من جرحه...اااه
فداء/وقفة ...ها بشويا عاد
باني/حط يده علي اجرح...لالا تمام ..وماشي وين مكان مقعمز لي تلفون
فداء/رجعة قعمزة وتشبحله
باني/قعمز وشاد تلفون يتصال ويشبحله
فداء/تشبحله...اي بمن تتصال قريب الفحر
باني/اصبري شويا غير جبلي امية
فداء/خدت الطاسه ورفعته ليه مدته ليه
باني/خدها يشرب مدله طاسه ...ميردش
فداء/منوو ...واقفه قدام
باني/قام راسه يشبحله...الذئب شن رايك
فداء/معنها احسن جعله مرد ...وبتلف تمشي لي مكانها
باني/حط تلفون جنبه شدها من يدها
فداء/تلفتت ليه تشبح لي يده ولي وجها
باني/ يده تانية لي طاسه في يدها...الميه ...ويشبحله
فداء/ خدت انفس ...اهاا ...مدته ليه
باني/خدها وحول يده
فداء/قلبه ينبط بسرعة ماشية جهت الدار
باني/يشبحله ..وين
فداء/جايتك شويا لي الحمام
باني/تمام متعطليش
فداء/تلفتت ليه...انعم
باني/لا تمام تمام
فداء/خشت لي ادر
باني/هههه ...وناض مشي لي اصفرة
...................................................
مدينة غريان...
بيت الحفر...
في الغرفة زاجل...
زاجل/متكي بيده علي المخده لبس توتا ومتغطي
رباء/مقبلاتا مقعمزة لبسه توتا وشعرها مفتوح تشبحله ...معرفتش هكي من يومي
زاجل/يشبحله ....اها يعني مش صدفة او نسنين الاخيرة صار معاك هكي
رباء/لالا من لما كنت صغيرة ....وفجاة جي صوت راعد قوي نخلعة شافة جهت الباب
زاجل/خيرك رعد بس
رباء/حطت يدها علي صدرها ...نخلعة ...وبدت تمروح بي تب متعها ساخنة
زاجل/خيره رقبه خنقاتك ولا شنو
رباء/لا اسخنت
زاجل/اجو صقع يابنتي كيف سختني دنيا تيبس هههه
رباء/ههه اني ديما عندي حرارة
زاجل/به حولي اتب كان مضيقك عادي وتغطي بالك ضغت عليك
رباء/لالا عادي توا شويا ونبرد
زاجل/قمله حاجبه ...ههه
رباء/قصدي مش حاجة ههه بس عادي مش مضيقني يعني هكي قصدي
زاجل/لا عادي براحتك اقترحة بس حتا لو حولتي عادي مش حيصرلك شي مافي حد براني ههه بالك في حد ثالت معنا ...وشبح جهت الباب وتلفت الخلف وشبحله ...مافي حد اطمني خودي راحتك هههه
رباء/حطت يدها علي عيونها وتضحك...هههههه
زاجل/نبصر عليك بس راهو
رباء/كيف شدت اتب بتسلب...لالا بنسالبه اني اصلا
زاجل/ناض اشويا شدلها يديها من اتب...لالا خليك هكي باش ماتمرضي اهو شويا وتبردي ...حول يديه
رباء/علاش خيرك زعلت مني ان مقصدي شي راهو مش حاجة....وعيونه تعب دموع
زاجل/غير خيرك مفهمت شي اني اني منبيكش تمرضي بس علاش دموع غير خيرنا...وناض قعمز جي بشد يدها
رباء/ناضت من اسرير مشت تجري لي الحمام
زاجل/ناض يجري وراها ....رباااء غير خيرك ياودي
رباء/صكرت باب الحمام و تبكي
زاجل/واقف وراء باب الحمام...رباء افتحي الباب والله مازعلت الله خيف عليك انتي سخونا تسلبي تبردي تمرضي طول اهني البردا تقتل خايف عليك بس راهو
رباء/سكته تبكي
زاجل/رباء افتحي الباب وراسك ماتزعلي مني خلاص رباء يدي يدي اااه
رباء/فتحت الباب تجري ...خيرك...وجها دموع
زاجل/يشبحله...هكي تصكري عليا الباب...وخشلها حط يديه علي خدودها ....هكي تزعلي مني وربي ياعيوني ماقصدي حاجة ولا زعلت ...ويمسحله بي صوبعه في دموعها
رباء/لا انت زعلت مني ان اني متحشما منك مش ان منبيك يعني
زاجل/اااس ...وبسها من راسها ...غير من قال متبنيش ....وحول يديه يسلب في تبه
رباء/خيرك خليه صقع يدك
زاجل/لالا ساخن حتا اني
رباء/ههه...طبست راسها
زاجل/حوله هو والبدي لوحهم برا علي الارض قاعد في كنتيرة حط يده علي ضهرها ورفعه جهت الحوض .... تعالي اغسلي وجهك
رباء/واقفة ..لحضه ...وسلبت اتب قاعدت في كنتيرة
زاجل/خده منها علقا ...اغسلي وجهك هي
رباء/طبست علي الحوض تغسل في وجها
زاجل/جنبها وشدله شعرها الخلف..مدله المنشف
رباء/قاعدت تنشف في وجها وشبحتله ...ااه والله كان مضغوت عليا هههه
زاجل/هههه..حط يده وراء راسها ....برتي صار...وضمه ليه
رباء/ضماته بي ايديها...ههه اي...وشبحت لي جرح يده ....يسطر فيك
زاجل/يمسحله علي شعرها ويشبحله....شويا مرة مرة
رباء/بستا علي الفشاء
زاجل/بسها من راسها وضمه بقوة ...تعاالي هي ...وطلع هو ويها من الحمام يسمعه صوت المطر قوية برا
رباء/الصوت يخوف
زاجل/عشتي برا يومين الي فاتو ههه...وتكو علي اسرير جنب بعض
رباء/اي بس اليوم بزياده الحق
زاجل/ضمها ويشبح لي عيونها...اي صح
رباء/تشبحله وسكتا
زاجل/بتسم ...ممم ههه
رباء/ههه ممكن نسالك في ماسبق في حياتك يعني
زاجل/تفضلي
رباء/كنت مرتبط يعني عندك وحده تحبها وجيت خربة الموضوع او في شي هكي يعني
زاجل/لالا لو عندي راهو مفكرتش فيك لي الاسف ههه
رباء/اممم
زاجل/هدا الحق يانباش الماضي ماضي مش مهم بس حنجوبك ونريحك باش متقعديش تفكري في السؤال هدأ
رباء/تشبحله وسكتا
زاجل/نكدب عليك نقولك مكلمتش بس بنسبه ليا لما شفتك معتقدش عرفت بنات قبلك ههه
رباء/ههه تجامل فيا
زاجل/لا وربي في شي صار فجاة من غير مانشوفك في القراج لمستي قلبي لما حطتي راسك علي كتفي صارلي زي اغنية اتحدا العالم كلو وان ويااك ههههه
رباء/ههههههه بسلامتك قريب قمست ادور هههه
زاجل/تضحكي هههه ....قرصها من خدها
رباء/ههههههههه بس اكثر شي خفت منا لقطة انك قتلي بري مدورنيش وطحت اغما عليك قلبي اوقف لحضتها تملكني شعور خوف قلبي يرجف مجت العزوز الله يبارك فها ويدكرها بي الخير ورفعناك وعلاجتك وفقت هداكه وين رتح قلبي
زاجل/به خيرك تحكي فها وانتي دهشة ههه غير بشويا خيرك...حط يده تحت لحيته ويشبحله
رباء/مش عارفه كل منتفكر الموقف نخاف
زاجل/لا خلاص فات معاش تخافي واني جنبك
رباء/به ...وحطت اابطانية علي كتفا جهت يده المجروحه....صقع عليك يدك تسطرك
زاجل/لالا عادي ساخن اني
رباء/حقا...وناضت شويا...ركبتلك الحرارة من الجرح ترا نشوفه ...وحطت يدها علي جبهتا
زاجل/جبدها ليه ضمها علي صدره....مش يدي ياودي ههه
رباء/اها نحسبه يدك
زاجل/لا مش يدي وجي بيقرب بي بوسها
رباء/مخلاتشي بعدة
زاجل/ضمها وسكت
رباء/حطة راسها في صدره بتش تتكلم
زاجل/سكت وغمض عيونه
