#رحلة الموت
#بقلم_جولي اقارصؤ
#الحلقة {26} جزاء (1)
- "كُل شئ كان قاتلًا لكني لم ٱمت."
العاصمة طرابلس فندق باب البحر ...
غرفة الدكتورة سلمه...
سلمه/دالييي دالييي خيرك شنو الدم هدا ياربي ...والباب يطق بقوة شبحت لي الباب
الامن الفندق /معاك الامن الامن افتح الباب
سلمه/شبحت لي دالي خبطت علي وجها...حي عليا ...والباب يطق بقوة معاش عرفت كيف تتصرف شدة الدالي من ايديه جبداته جنب اسرير درقاته مشت تجري لي الحمام قامة كمام البجامة متعها وسروال لي فوق ركبه وخدت الديشنبر ولبساته بسرعة والفوطه لفت بها شعرها وفتحت الباب ...انعم ان شاء الله خير...مطلعه راسها بس
الامن/سمعنا دوشة من عندك في اي مشكله او اي ازعاج
سلمه/لا مافي شي يمكن صوت الفيلم عالي شويا بس
الامن/تمام اسفين علي ازعاجك لو في اي شي اتصلي علي استعلامات الفندق
سلمه/ان شاء الله شكرا...وصكرت الباب خشت تجري سلبة الي لبستهم ومشت لي الدالي تشوف في حالته من ادم هدا لقت جرح رصاص مفتوح جهت احزامه ناضت تجري جبت شنطة متعها حطتها حنبه وحطت تحت راسه اديشنبر وحولت السروال خلاتا في شورط داخيلي وخدت التلفون متعه علي سرير ويدها دم تتصال ويخده الفوطه تمسح في الدم من احزام دالي
دالي/قاعد فاقد الواعي
سلمه/الو الو خالي راهو الدالي جاني وفجأة طح لقيتا مضروب ودم مش عارفه كيف بنتصرف اني حليا ندوي فيه بس بس نبي حد يقيمه معاي ..وخايفه متوترة
الذئب/غير اهدي اهدي كيف نضرب جاك مضروب
سلمه/لا شكله جرح ليه كم يوم ونفتح من جديد
الذئب/تمام شوفي وضعه شنو حيجيك واحد من الحرس يجبلك ملابس ليه ويقيمه معاك وطلعك من الفندق انتي ويه
سلمه/به تمام...وصكرت وقاعدة ادوي في الجرح
الدالي/فاق يتوجع ...اااامم ااااه ...وبتلفت جنب وبيحط يده علي حزامه
سلمه/شدتلا يده ... لا خليك هكي ...وحطت يدها علي صدره....خليك زي ما انت
سلمه/مغمض عيونه ويتالم...سلمه سلمه متحطيش كحول متحطيش ااااااه
سلمه/حطت يدها علي فمه...ااس ااسس خليك منقدرش مدرلكش سبيرتو امتا اجرح هدا علاش ماعندي بيه علم
دالي/مش كل حد يمشي في طريق سلمه سلمه بشويا ايدك توجعي فيااا احييي ويخبط بيده علي الارض من الالم
سلمه/اااس... وتنضف في الدم مسحت الدم كله وجبت كلينكس الويبز قعدت تمسح ولصقت علي الجرح لصقه ... توا حول تنوض معاي بشويا علي سرير لبين ما الحرس جبلك ملابس وطلعنا من اهني وضميت دنيا هدي كلها
دالي/لا عادي نوض ابروحي
سلمه/دالييي جرحك مفتوح لازم تخيط اني دويتك بس فا حركات سبر مان خلها لي بعدين ...تحول تساعد فيه ينوض حطاته علي اسرير تكا
دالي/سلمه سلمه...ويشبحله ويتالم
سلمه/تقيم في دنيا الحايسه وتمسح
...انعم هاا
دالي/اني مكنتش حنغتصبك كنت بنورلك الجرح
سلمه/مش وقت الكلام هدا بعدين نتفهمو ...وحطت الحويج الدالي المبزة في شنطة حويجها وطلعة حويج مشت لي الحمام تلبس
دالي/يحس في روحه قاعد دايخ...وين امشيتي
سلمه/انبدل
....................................................
طرابلس منطقة سوق الجمعة.....
حوش زاجل....
زاجل/كيف طلع من باب الحوش فتح كوفني السيارة ينزل في بضعه يخدها فجاة اسمع صوت اعياط رباء تلفت لي الحوش شافه كله نار ركبت في الحوش كله من برا كله نصدم طحه منه الكياس
رباء/طلعة تجري من باب الحوش لي شارع لفه روحها في بطنية وحفيانه لبسه شخشير وتعيط ... حي عليا حي
زاجل/شدها وحول البطنية من علها كانت فها النار ...متخفيش خلاص مافيش شي ..حضنها
رباء/حليلي قريب مت من نار ياحليلي ..وترعش مع بعضها
زاجل/خدها ركبه في سيارة ولع سيارة ودرس سيارة في جها تانية مقبل الحوش وبعيد علي الحوش ...خليك ..ونزل واقف قدام الحوش مش عارف حتا كيف يتصرف والحوش تاكل فيه النار مصدوم في المنضر والجيران طلعو والي يجب طبو من شيشما متعه من اشارع اميه والي يصب بشيشة علي الحوش ولي يتصال بي المطافي ودنيا مقلوبه اما زاجل في حالة صمت صدمة وبس
رباء/حطة البرنوص متع توتا علي راسها تتفرج عليهم من المرش حطا يديها علي خدودها وخلاص مصدومة ...ياربي الطف بينا ياربي الطف بينا منين جت النار
.....................................................
الجبل الغربي....
مدينة ككلة منطقة المزايدة....
كان اجو صقع المطر كيف وقفت
عقبة/درس سيارة قدام حوش قديم ويشوف في واحد جنب الحوش واقف
عز/جنبه مقعمز شاف لي الولد وشبح لي عقبة ...متقليش هدا
عقبة/مافيش مخلوق فها البلاد الا هو معنها هو خلي نشوفه....نزل المرش ....السلام عليكم
الاعور/كان لابس فنلية كم غليضه سوده شورط لي ركبه رصاصي وحفيان ورجليه ملبزات بطين وشعره لي ودانا اسود ناعم ونقشه قنين ودير لحية فايف تلفت ليهم وكان شاد في يده بالة ...وعليكم السلام وماشي لي جهة سيارتهم وشاد بيده البالة جنب
عقبة/كيف الحال..مدله يده
الاعور/واقف علي روشن سيارة ...وسلم عليه...والله الحمدالله ...وشاف لي عز
عز/سلم عليه
عقبة/بالله خوي حني مبعتين لي شخص اسمه الاعور
الاعور/وصلت ....وحط يده علي صدره ...تفضل
عقبة/انت الاعور
الاعور/كان سخر ربي بطوبته غير ناسي طبت عيني مش مديرها ههه
عقبة/ههه سامحنه قالو لاعور قلت بنلقاك بعين ووحده
الاعور/لقب لصق فينا وخدينها شهورة ...تفضلو تفضلو وماشي لي خزان قدام باب الحوش فتحه يغسل في رجليه وجو صقع ثلاج
عقبة/نزل هو وعز ماشيين جهت الاعور
عز/اني مش متفال بكل من شكله مايطمنش ان يعرف يشغل حتا تلفزيون
عقبة/توا وصلنا عشرة دقيق ونطلعو
عز/تم....وخشو وراء الاعور ادخل
_______
الدخل الحوش فاشي في دار فها سرير فردي عليه فراش وبطنية صوف مفرشة عليه ومخده وعليه لابتوب وفي زويت ادار فيه شاشة بلازمة كبيرة وجنبها زوز سمعات كبار ومنضومة وفرشة في الوسط دار وكنون جنب باب دار وكانت دار دافيا
الاعور/جاب كرسي من برا حطا جنب سرير...تفضلو تفضلو ..وقعمز هو علي سرير
عز/قعمز جنب الاعور
عقبة/قعمز علي الكرسي ....تلفت لي شاشة لقها كاميرات مراقبة شبح لي عز
عز/شبحله ومصدوم
الاعور/حط الابتوب علي رجليه وفتحه ...وينه عز ...وشبحلهم
عز/شبحله ...اني
الاعور/ اعطني ايميلك هي
عز/ومنك قالك بنفتح ايميلات اني
الاعور/املا شنو جايني نعزم عليك ولابتحجم عندي واضح جاي لي عندي بتفتح ايميل خويا
عقبة/ههه
عز/به خونا خيرك معصب ههه
الاعور/مش معصب بس تسال فيا كيف عرفة خدمتي هادي
عز/تمام سامحنا سجل بريد الإلكتروني
Aiz199117@
رقم الاسري 622217zia
الاعور/لا معلم في رقم
عز/نعجبك ...مركز مع الاعور كيف ساريع في الكتابه وخاش علي هلبا برامج راسه داخ
الاعور/حط صبعه علي اشاشة يوري لي عز ...هدا الايميل ...وكان في الشاشة فيديو فتحه ليه مش ايميل
عز/اشبح لي الاعور وشاف لي الشاشة وساكت
وكان الفيديو عبارة علي مصور من باب الحوش الي هما فيه حاليا لي مكان محدد ....شبح لي الاعور ....تمام اي هو ..وسكت
عقبة/يطول الموضوع
الاعور/لالا ساعتين تخد شن تبي
عز/اوقف ...الحمام وجايكم
الاعور/مقبل باب دار علي طولك
عز/تم...وطلع من باب دار
عقبة/ناض مشي لي جهت المنضومة يشوف في نضامه ويفتح فها يجرب...تركب علها بلازمة وديديجي
الاعور/لهي في لابتوب ...اي نضام كل شي لوحة 72
عقبة/لا شي منضم ...واقف حط يديه في جيوب سرواله ويتفرج علي كاميرات المراقبه تحت الإشاعة...شفتنا لما نزلين من والاد بوزيري
الاعور/من مثلاث الكربات
عقبه/تلفت ليه ليه...قصدك من غادي ياراجل...مصدوم
الاعور/علاش لا...ولهي في لابتوب ...روح من قطيس توا اجو مطر شليوني خطير وانت جديد علي الطريق
عقبة/قطيس مفرقها مراقب
الاعور/من وانت خاش علي تراب تشرفني في شاشة ..وشبحله
عقبة/شبحله....هلبا هكي مخابرات انت
الاعور/وجيج زايد مندورش فيه
عقبة/معاك حق خيرا عطل هدا ...وطلع لي صالة لقي باب الحمام مفتوح وباب الحوش مفتوح طلع يجري ويعيط ...عززززز عزززز ...يجري يجري
الاعور/طلع وراه يجري ويدور معه
عقبة/وين مشي ياراجل اهو ...اوقف داهش يدور في مكانه وضلام
الاعور/داهش مش عارفه ياراجل...تعاله نشوفه في الكاميرات....رجعوه لي الحوش يشوف في الكاميرات يدور
عقبة/يتصال...ايوه ياخال اهرب اهرب منعرفش وين اختافي ياراجل بلاد هكي كبرها اجبلات وين بنلقي في هلليل اني ...ويحرق في اعصابه بيتفجر
الاعور/علاش بيهرب منك انت شن مدير هو
عقبة/صكر تلفون...قصة طويلة ياراجل غير دورهلي بنمشو في ستين داهية ...ويدور ويلف ويتصال بهاتفع و دنيا انلقبة
