#رحلة الموت
#بقلم_جولي اقارصؤ
#الحلقة {19} جزاء (2)
- "كُل شئ كان قاتلًا لكني لم ٱمت."
وادي الحي...
فيلة الجنيرال بالؤ.....
في المطبخ...
الذئب/تكا علي ارخامة ويشبحله وشد المسدس نزل يده ...وشنو الي ياكدلي اشي هدا يا استادة وفاء
فداء/نصدمة في الاسم
عز/فتح الباب المطبخ ...خالي وشبح فداء
فداء/نصدمة تشبحله عيطة.....عزززز
الذئب/شبحله وتلفت لي عز
عز/ وخر صكر الباب غمض عيونه مصدوم يحول ايوخر وكانو وراء الشباب كلهم جايين
فداء/طلعة تجري لي الباب فتحت الباب...عز
الذئب/جنبها
فداء/شبحتهم كلهم نصدمة
الشباب كلهم يشبحولها
فداء/معاش قدرت تتكلم..اااءااء..وشبحت لي الذئب جنبها تتلفت بشويا...ح حي حيين ...ودخت
الذئب/شدها قامه...وفاء...ومطلعه من المطبخ ...قلت مافي حد يطلع انييي
امين/متت..ويساعد في عز
عز/يعكز بشويا...اسكت
عظيم/يشبح لي عز...قتلها بحلوتك هههه
عز/الي يشوفتي ايسيخ ياراجل هههه
صفوان/جمالك لا يقوم ههه
_________
في المكتب...
الذئب/مدخلها
باني/شبحها اوقف مشاله يجري..شنوو درتلهاااا
الذئب/دخت اسكتتت...وحطها علي الصالون
باني/طبس علها يخبطله علي وجها...فداء فداء ..وشبح لي الذئب...شنو صار تكلم...ومتكنطي
الجنيرال/خدي عكسا وناض مشيلهم
الذئب/يخد في طاسة المية ويبخ علها بي يده ...شافت الشباب ياراجل نصدمة دخت وفااء وفاااء بسم الله
باني/شبحله ..منو وفاااء متعك حووول...دفه...فداء تسمعي فيا ..يحركله في وجه ويتألم من كتفه
الذئب/اسمها وفاااء الحقيقي
باني/زمااان ولا حتا انت مترحمش ..ويشبح لي فداء ...فداااء كلمنيي...وكان خايف علها
فداء/فتحت عيونها لقت عيون باني ...باني
باني/ها فداء خيرك صحصحي ماتخفيش ...شد يدها
الذئب/واقف وسكت عيونه بيكلو باني مكله
الجنيرال/واقف يشبحلهم بعيد عليهم وجنبا الدالي
عقبه/طلع
فداء/حطت يدها علي عيونها وناضت قعمزت حولة يدها مطبسه راسها
باني/قعمز جنبها....قاعدة ديخه
فداء/شبحتله جنب...علاش كذبة عليا ماقتلي حيين
باني/كل شي في وقتا حلو وجبتك باش تعرفي
الجنيرال/كنتي حتعرفي كل شي
الذئب/منين تعرفيه عز انتي
فداء/شبحتله...شفت صورته في الملف ...وحطت يدها علي قلبه وتشبح لي باني وعيونها معبيات دموع....قلبي يرجف خلاص نبي نروح
باني/خلاص هي..وشبح لي الجنيرال درله حركه بعيونه بمعنا لازم نطلع
الجنيرال/غمض عيونه وفتحهم بمعنا تفضل
الذئب/عيونه في فداء ودير ايديه وراء ضهراء
باني/هي نوضي هي ...وشد يدها واقف هو ويها مطلعه من جنبهم
فداء/متبيش تشبحلهم حتا اشبح مكبش في يد باني بي ايديها الزوز
الجنيرال/انستنا
الذئب/لينا لقاء تاني
فداء/ولا كلمة
باني/مطلعه وركبه في سيارة ولف ركب وباسط طلع بيهم
الذئب/خش لي الجنيرال واقف في وسط المكتب....كيف تحطو وفاااء لي القضية
الجنيرال/ماشي لي كرسيه...عندك غيرها هتها
الذئب/حط اي شخص ان شاءالله عدو ليا شخصين بس هدي لا لا
الجنيرال/قعمز في كرسية وشبحله....حاضر ...غمض عيونه وفتحهم...لما نلقاء شخص تاني...وفتح الابتوب
الذئب/قدم علي الطاولة...اني مستعد نجبلك اي وحده
الجنيرال/وحده تفهم عليهم من نضام سابق وخدمتها مش جديد علها تقدر
الذئب/متكنطي بطير...علاش ماحطيت سيداد
الجنيرال/بلال اولا بها مراته وبعدين فاش مضيقاتك مقلتش بنخطبه ليك باش من لما خشت وانت مش طيق روحك ...وشبحله
الذئب/اني كلها علي بعضها مش طيقها بكل
الجنيرال/عيط عليه...قاالك حد تزوجهاااا انتتت
الذئب/لا بس اني منحبهاش المخلوقه هدي
الجنيرال/لا اله الا الله خييرك شنو جاك شنو متحبهاش من قالك حبها انت من قلك من جاب سيرت الحب هبلة انت اهبلة
عقبة/فتح الباب بسرعة ومشي جهتهم...خيركم شنو فيه
الجنيرال/شبحله واشر علي الذئب...مش طبق البنت الي كانت اهني ..ولهي في الابتوب
عقبة/خيرها حلوة البنت وشخصية بين علها
الذئب/خبط يده علي وجها
الجنيرال/ههههه وحد حلوة وتاني مش طيقها انت وخالك وصكرو الباب
الذئب وعقبة تلفتو مش طلعو
الجنيرال/قالك مش طيقها جبت خبر نعوده بيه الاحسابات لي 10سنين فاته
___________
في سيارة باني...
فداء/تشبح لي اروشن وتبكي وتمسح في دموعها بي الكننكس
باني/يشبحلها ...ابكي ابكي اني اليوم بنبكيك دمممم ...ومتكنطي
فداء/شبحتله وتمسح في خشمها...علاش الطف اني ناقصه
باني/متكنطي...فتحتي عليا جبها مش عارفه منوين جبتي الكلام الي قلتيه بترفعني لي ستين دهيا بدخلني في مليون حيط انتي ...يحلف بي صبعه...والله حنموت في جرتك اني عارف عااارف مافيش حد بموتني كان انتي ...وصفق بي ايديه
باسط/بيضحك مش قدر علي تصرفات باني
فداء/والله الحق قلته الي نعرفه بي العكس فتك اني وفتهم بي المعلومة هدي
باسط/تي انتي خربتي دنيا كلها بي معلومتك هدي ورطني في حفر قبر واحد ميت انبش عليه باش ندرله تحليل اني توا كيف بنجيب مهدي وبنخد منه عينه لي تحليل ها كييف هي يصحابة الافكار العبقرية انتيي ...ويعجب فها...خدو عينه من اعضامه ااااه ياربي اني شن درت في عمري باش تبلني بي وحده زي الي في جنبي بس شنووو داير اني بس
فداء/باهي اهدا جرحك مش كويس
باني/يعيط علها...تسكتي تسكتي معااش نبي نسمع صوتك بكل ان شاءالله نموت مدخلكش فيا ...شبحله...والله لما نرفعك تحفري انتي انتييي الي جيبه الفكرة تحفري انتي ..واشر علها
فداء/شنوو نحفر اني متعك اهيا بارك الله فيا ان قلت شنو عندي نحسب روحي درت حاجة بهيا ماينفع فيكم الخير بعدين اني نجبلك العينا من المهدي
باني/لالا اني توا ندور في اول ساتر في الطريق ندرس عليه بنقتلك معاش يمشي معاي وضعك خلاص لي حد اهني وبس الي جاني ساد خلاص لالا خلاص
فداء/تشبحله وسكته
باني/يشبح لي اروشن متكنطي ....منين يعرفك الذئب منيييين...وشبحله...هههه معاش تشبحلي هكي منين يعرفك يامصيبه ههه
فداء/هههه مهو انت ذوق كيف تعيط عليا نعرفه نضام سابق مرة جاني لي المكتب مدخلتاشي
باني/وعلاش يا اخ القائد
فداء/قبل اي شخص مستواء اقل من خدنتي مندخلش فيه
باني/انتي يا مستويات وشن صار لما طلعك ادووي
فداء/مصار شي اوقفنا كيف بيسالني جي عز شفتا وشفت باقي الشباب دخت
باني/تمام...شبح لي اروشن متكنطي وحط مرفق يده علي اروشن ويشفشف بي صوبعه في شعرها يريش فيه تريش
فداء/تشبح لي الروشن
باني/شبح لي باسط...خود ايمينك
فداء/شبحت القدام وشبحت لي باني تفجاة
باسط/ درس سيارة
باني/خودنا اي حاجة حلوة وسويل رقي ناشف...وشبح لي الروشن
باسط/حاضر ..ونزل
باني/تحسبني بنقتلك
فداء/شبحتله ...هدا الي توقعتا
باني/لا مزال موتك مش توا ....وشبحله
فداء/نبي 7كيف حيين
باني/قصدك 6 واحد مآت لما نصلو نحكلك كل شي
فداء/تمام وشن صار مع رنيم
باني/يشبح لي الروشن جنبه ...دوت هلبا حاجات وعقلي معاك الحق مش مركز معها
فداء/تشبحله ...شنووو
باني/شبحلها...تي نقصي صوتك لي نقتلك توا شنو شنوو متعك اهيا
فداء/شنو عقلك معاي شنو صغيرة بنريح ولا بنهرب مفروض سمعتله علاش ماشي انت
باني/ماشي علي خاطرك انتي عشتني في الموضوع برا تفهم معها وانهي الموضوع اني مشيت قعمزة سكت هيا رغت رغت ليا شبعت وناضت روحت محدش كلمها
فداء/كيف هكي باني ادير كيف قصدي حتا لو متبها راهو تفهمت ونهيت الموضوع وروحت مش هيا تتكلم وانت مش عبرها
باني/يامصيبه وحده تقولي سيارتي اغلا من سيارتك وجاني واحد فلوس اكثر من الفلوس الي عندك رونت رونت وناضت روحت
فداء/قاعدين في قصة الفلوس انت
باني/لا فلوس لا تراب مش همني الفلوس في حاجة تانية انتي متعرفهاش فا فوتي الموضوع...وحط يده علي صدره يتالم...احييي الله يسامحك نخصة الي تجي..وغمض عيونه مطبس راسه
فداء/جت جنبه بزبط..خيرك غير ترا نشوف...وحولت يده من صدره
باني/تني راسه الخلف علي المسند ....اااه ...وحط يده علي عيونه
فداء/فتحت بطم السورية لقة الصقه دم ...هدا ينزف جرحك لازم نمشو لي العيادة توا معاش تحركها يدك هدي نزلها...وشد يده الي علي عيونه نزلته ليه
باني/ وهو عيونه مغمضهم ولا تحرك
فداء/تشبحله...باني باااني ...حطت يدها علي خده تحرك فيه...باااني
باني/فتح عيونه يشبحله...انعم
فداء/خيرك دخت ولا شنو
باني/شويا اي...وعيونه غمضهم
فداء/خليك فايق بس ....وقدمة ضربة كلاكس لي باسط ورجعت قعمزة تشبح لي باني ...باني
باسط/فتح الباب دخل راسه...شويا بس طلبيا وتت
فداء/فوته باني ينزف وديخ بسرعة اركب
باسط/ركب يجري ...خيره امتا..ولع وطلع
فداء/توا ...وتشبح لي باني
باسط/يشبحله في المراية الوسطية ...سيادة الملازم باني باااني
باني/اممم ...وفجاة طح علي كتف فداء
فداء/هااا...وشدتا في حضنها..باني باااني خيرك باااني ...وشبحت لي باسط...بسرعة يا باسط بسرررعة
باسط/ان شاء الله خير ...ويجري بسيارة
فداء/قلبه خلاص من الخوف شادته وتشبحله وتقراء عليه في القران خلاص بتبكي تمسحله علي شعره
باني/فقد الوعي معد يندري علي روحه
...................................................
في طريق لي الجبل...
اجو امسحب في سيارة سيداد القديمة بيضه
زاجل /يسوق وتعبان لبس سروال تجين ازرق وتجبوطي جلد اسود وفنلية سوده كدار وطقية سوده ويفكر في دخله يسال في روحه تسؤحت ان نخد سيارة وخد كل قرارتي هدي بس اني متلخبط معاش عارف كيف بندير ياربي وجهني لي القرار اصح وطريق اصح
رباء/جنبه لبسه سروال تجين بلطو طويل لي تحت ركبه بيج اوشح مجركز سموي وبيج وابيض وسبدروه شبحتله...خيرك حسيتك مش قدر حتا تسوق خليتهم يوصلنا هما
زاجل/لالا عادي شنو فها تعب هيا تومتيك السيارة...وشبحله
رباء/تشبح لي الطريق... كان بابا ديما يوقف فينا غادي نرتحه ونكله بعدين نكملو طريقنا...ونزله دموعها...الله يرحمهم
زاجل/الله يرحمهم ويغفرلهم...اوقف سيارة علي الايمين
رباء/شبحتله...خيرك فيك حاجة
زاجل/لا بننزل شويا ..وفتح الباب...انزلي ..ونزل صكر الباب
رباء/نزلة وصكرت الباب
زاجل/لف لها ماشي
رباء/ مشيه جنبه واقف علي حشيت اطريق يشبحه لي دنيا
زاجل/حط يده علي كتفها ضمه
رباء/تبكي
زاجل/سكت
رباء/مسحت دموعها ...تجي ديما اهني انت
زاجل/زردي بس مع الشباب وتوا معاك ...ويتالم من يده
رباء/تشبحله...خيرك توجع فيك به ريحها شويا
زاجل/هيا هكي تبله وقت ...وشبحله ...هي نمشو
رباء/هي حتا باش ترقد انت قاعد مرقتش
زاجل/نصلو بادن الله ساهل..وماشين لي جهت سيارة ركبه مشو
... ...............................................
العاصمة طرابلس...
منطقة جنزور ..
فيلة الوزير عبد السلام...
الدخل في الفيلة...
عبدالسلام/مقعمز وجنبه بيان يشبحله وسكت
بيان/تشبحله وتبكي...باهي يابابا والله عارفه اني درت غلط كبير بس والله ندمة ومستحيل ندير غلط تاني
عبدالسلام/حتا لو درتي غلط بدريه لي نفسك وبس تحسبي بضرنا ولا تحببنا فيك بي الغلط لا تفقدي كان في ثقتي فيك وثيقة خوتك فيك كيف دري هكي كيف متشوفيش لي سمعتك وسمعت عيلتك منو بيرض توا بي وحده كانت تطعتا في المخدارت انتي بنت عيلة دري هكي
بيان/تبكي... انتو لو كنت جنبي مكنتش درت هكيبي انت ديما مسافر خوتي نشوف فيهم مرة في سنة امي ديما حرجانة وينكم اما عيلة الي تحكي علها اما ثيقه الي تقول علاها انتو متندر عليا شن نقصني كل واحد هما نفسه وبس يوم الي نبكي ولا نضيق منو جنبي مجنبي حد الا سديم وبس هو حقا ان يعقبني وبس ومافيش ولا وحد فيكم يلموني علي الي اني درتا...وقفت ماشية بتركب فوق
عبدالسلام/بيااان ...اوقف...نكلم فيييك
بيان/تلفتت شبحتله...حتا كان بتتبرا مني معاش فرقه معاي مش حيصرلي اكثر من الي عشتا والي اني فيه اصلا صغارك اهم مني خليك جنبهم اني عتبروني متت ....وركبت تجري تبكي
عبدالسلام/يابنت الكلب مكم كلكم صغاري ...وركب وراها...تعالي جاي نكلم فيك بيااان...دنيا قلبه
______
برا قدام باب الفيلة...
سديم/مدرس سيارة ولبس بدالة عسكرية بيج ورصاصي كدار اسود وطقيا سوده سلاح في رجله حمالة متكي علي سيارة
براء/خش بسيارة الحرس درس قدام سديم ونزل يشبح لي سديم...ايا ايا...وصكر الباب ومشيله...وين وين علي طرحات اشيي يااا اضرب ههه...وطق في يده
سديم/ههه
براء/وين مرسم ودوله شنو الوزير بيقلبها وزارة الدخلية عنده
سديم/لا عندي اجتماع اني والفريق
براء/شنو فيه بصنفكم من جديد
سديم/لا رتين عادي كل فترت وفترت
براء/يسمع في العياط من الفيلة صوت بوه تلفت لي الفيلة...تمام عن ادنك...ومشي بخطوات سريعه خش ركب يجري
عبدالسلام/طلع من دار بنتا وقربع الباب صكره...بنت الكلب تعيطي عليا اني ...ويتل في القروطه يوسع فها
براء/اوصل في بوه...خيرك بوي شنو فييه
بيان/تعيط من درها....والله لما نقتل روحي باااهي
عبدالسلام/تلفت لي باب ادر...اقتلي روحك بري من شادك ..وماشي لي داره
براء/خيركم شنوو فيه
عبدالسلام/تبي تغلط ومتبي حد يحاسبها
براء/وين ماتتحاسب بتتحاسب غير يهدا الوضع اشويا يابوي
عبدالسلام/لا مافيش يهدا الوضع نار وهيا حامية اشووي..وماشي لي دره
براء/بس بلال قال خلوها عليا اني
عبدالسلام/عارف عطني علم....وخش صكر الباب متكنطي
بيان/فتحت الباب وجها دموع احمر شبحت براء ...حوول من قدامي انت تاني
براء/كشخ علها...وين مااشية تكلمي كويس لي نضربك راهو
بيان/بنطلع نهج
براء/خشي دارك امشي خشييي
بيان/اوف اوف ....ومشت خشت لي الدار وصكرتها تبكي
براء/لا صح ميحاسبك حد نخدمه عندك احني ...ونزل يجري
________
في دار بيان...
بيان/مقعمزة علي سيرير تبكي وتتنهد وفجاة نفتح الباب شبحت لي الباب
سديم/خش وصكر الباب يشبحله
بيان/مصدمة فيه تشبحله...شنو فيه انت تاني
سديم/جبد كرسي الزيانة لفه جهتها وقعمز حط مرفق يديه علي ركبه وشبك صوبعه في بعض ويشبحله ...خدمتي نخدم فها
بيان/خدمتك لوطه مش اهني...اشرتله علي الباب
سديم/هو سكت يشبحله واشرلها علي الارض بصبعه...اهنييي
بيان/واقفة ماشية بخطوات سريعه لي الباب
عبدالسلام/فتح الباب...وين ماشية..وخش
بيان/بابا شنو هدا خشلي اهني ..واشرت علي سديم
عبدالسلام/هدا بيقعد اهني 24ساعة في وجهك بي ما ان احني مش عجبينك ومفي حد ليه علاقه بيك مكنش جنبك الا سديم خليه هو يربيك ويعاقبك ...وشبح لي سديم...كان غلطة تاني اقتله عادي
بيان/تشبح لي بوها فتحت فمها مصدومة...بابا
عبدالسلام/طلع من الباب...توا بوك سديم مش اني...وطلع وصكر الباب
بيان/فتحت الباب...يابابا اسمعني مش هكي قصدي اني
عبد السلام/خش وصكر دره
بيان/بابا يا بابا افتح اسمعني بس
عبدالسلام/بري لي غرفتك امشيي
بيان/اوووف ....ومشت خشت لي الغرفة قعمزة علي سرير تمسح في دموعها...تقدر تطلع مش طالع ولا ماتحركه من مكاني
سديم/هدا مكاني..تكا علي المسند مد رجليه حطهم علي بعض وربع ايديه يشبحله
بيان/مربعه ايديها وتشبحله
سديم/يشبحله وسكت
بيان/لفت وجها تشبح لي اروشن في خاطرها نقصني انت توا وينختم الموضوع عندي
