#رحلة الموت
#بقلم_جولي اقارصؤ
#الحلقة {16} جزاء (2)
- "كُل شئ كان قاتلًا لكني لم ٱمت."
مدينة مصراته ....
مستشفي مصراته ...
قسم الاسعاف...
عز/كيف ركز كويس شبح يمين ويسار يشوف في الامن وشبح جنبه تغدية والدكتور يشفله في عيونه
دكتور/تشوف فيا ...ويشبحله
عز/يشبحلهم وساكت وشبح لي الدكتور...اي اي نشوف فيك اي شنو صاير اني وين خيرني ...ويحول ينوض مش قادر
دكتور/حط يده علي صدره ...لالا خليك مرتح
الامن/الي جهت الايمين...خليك في مكانك اول شي حمدالله علي سلامتك ومتخافش
عز/شن صارلي شن صارلي ...زي المصدوم
الامن/انت في المستشفي جبوك شباب لقوك جهت الجبل الغربي نبو نعرفه شن صاير معاك ورقم حد من العيلة نتصلو بيه يجي
الامن/تاني...مش عارفه وين شايفك منوين انت
عز/شبحله ...من الرجبان
الامن/وشن رفعك لي المكان الي جبوك منه
عز/ مش عارف منتفكرش
الامن/في شنو تتفكر في اخر حاجة
عز/مش عارف راسي صداع....حول يقيم يده المضروبه مقدرش قام يده علي راسه الي فها تغداية...اه
الامن/عندك حد متعاراك معه صايره مشكله ليك كنت ماشي مع حد
عز/مش عارف يافندي مش عارف ..وفتح عيونه يشبحلهم
لامن/به متفكر رقم من العيلة
عز/رقم شنو
الامن/رقم تلفون
عز/مش مدكر
دكتور/خلي يرتاح كيف فايق وبعدين يجوبكم يمكن ضربت راس سببتله صداع ميقدرش يجوب
الامن/الي علي الايسار..ولا متبيش تقول شن صاير معاك
عز/علي شنو مافهمتش عليك
الامن/خليك مرتحه توا وبعدين ساهل
عز/حط يده علي راسه ومغمض عيونه
الامن/الي علي الايمين...شنو اسمك
عز/عامر
الامن/عامر منو ...يشبحله في شبحات مخنس منه
عز/يشبحله...فوزي العوام
الامن/تمام ... ومشي جهت الباب وشاد تلفونه يتصال
عز/يراقب فيه بعيونه
الامن/التاني مقعمز في سرير الي جنبه
الدكتور/يشوف في مريض تاني
عز/يراقب في حراكة الموجدين كلهم في الغرفه وراسه صداع ومركز علي الامن اكثر شي
الامن/جي من جهت الباب واقف علي الامن تاني...عطية اسمه يشفونا الموضوع في طرابلس...وشبح لي عز
عز/شبحلهم ودار روحه يشبح عادي لي الغرفة
الامن1 /مش عارفه وين شايفه
الامن2/بالك مشبه عليه
الامن1/لالا شايفه في مكان خدمه وين لكن مش مدكر المهم وراه موضوع باين من حركاته متاكد
عز/يدعي في دخله ...ياربي عدي اليوم علي خير استرني ويغلي من ادخل مش عارف كيف يتصرف
الامن2/خلاص توا يجبنا موضوعه كله
الامن/اي اهو معندنا منديرو...وجب كرسي وقعمز جنب اسرير بزبط
عز/سكت وخلاص ويراقب فيهم بعيونه
...................................................
وادي الحي...
فيلة الجنيرال بالؤ...
مكتب الجنيرال ....
عقبة/خش وصكر المكتب ويشبحله
الجنيرال/ناض من وراء الطاولة وجي قعمز علي الصالون مقبل عمران مدير رجل علي رجل وشاد عكزه يشبح لي عمران ....كان الدولة ضالمه الخوت وألصحاب فزعيين مايرض بضلم
عمران/يشبحله وفي حالة دهول من الصدمة قاعد يتلمس بي ايديه ايدين الكرسي يبي يشد فيهم شد في اليدين الكرسي وقعمز بشويا ويشبحله ...مستحيل هدا الكلام مستحيل هدا الي نشوف فيه...ويرعش مع بعضه
الجنيرال/مافي شي مستحيل ارتح مترعش روحك ...صفوان مد المية لي القاضي
صفوان/حاضر هي ...ومشي لي طاولة يصب في المية من شيشة مرش في طاسه
عمران/يشبح لي صفوان ومصدوم
الجنيرال/شبح لي الذئب...حمدالله على السلامه
الذئب/الله يسلمك...وجي قعمز علي الصالون
صفوان/مد لي عمران طاسه...تفضل
عمران/خدي منه طاسة المية ويده تعرش تعرش موصلها لي فمه ليا نص المية طبزعت ويشبح لي صفوان ويشبح لي امين وعقبة
امين/مد الكلاشن لي عقبه
عقبه/خدها منه وحطها علي المكتب مشي قعمز جهت عمران
امين/قعمز جنب عظيم وحط يده علي كتافه
عظيم/حط يده علي رجل امين....لا يغيبك ياغالي
صفوان/خدي من عمران طاسة حطها علي الطاولة...الف صحه
عمران/مسح بيده علي وجه...الله يسلمك....وشبح لي الجنيرال...انا شفتهم في صورة والفيديو ان عدمهم والقاضي مهدي حاضر الاعدام ومشي شافهم في الثلاجة في المستشفي ونص طرابلس قريب حضرين الجنازة والله العظيم ولدي حضر الجنازة ورهم بعين دفنتهم ومصورين الجنازة كله كيف صار هكي كيف كيف حيين ...ويشبحلهم ويرعش مع بعضه
عظيم/يشبحله
جنيرال/وحده وحده وحنفهمك صح الشباب وصورهم بس مانعدم حد بس في شحص مات بينهم قبل الاعدام اسمه مؤيد من الخوف جاته رهبت موت مات الله يرحمه ونقلهم لي المستشفي والمهدي شاف مؤيد وشبح التانيين بينهم من بعيد وفي ادفن صح كلهم دفنهم وبعد المغرب طلعنهم
عمران/لا اله الا الله هربتهم علاش دفنتهم الله يهديك عيشتهم مرحلت الموت وهما حيين علاش...ويرعش مع بعضه
جنيرال/باش الدولة ماتقعد ادور فيهم حتا يطلعه لي امكان غير طرابلس ميعرفهم حد لكن لما يبدوا هاربين من العداله بيقعد كل حد فيهم علي عيون الكل وميقدر حد يعرف حقيقة القضية وشن وصلهم لي حبل المشنقه
عمران/والله ماني عارف شنو بنقولك لا اله إلا الله الا اله الا الله سبحان الله ...مسح بيده علي وجه ...بس هما سبعه وين الباقي
جنيرال/جلال فوق مصاب مؤيد الي توفه وعز مفقود من اليوم
امين/اوقف كييف كييف مفقود كييف...ويشبح لي الجنيرال
الذئب/اهدا توا نقولل
امين/كييف تقولي مش قلتولي في الطريق الشباب كلهم بخير كلهم موجديد وييين عز وييين ...وطلع يجري فتح باب المكتب ...عززززز
الذئب/لحقه يجري ..اميين اسمعني جااي
عظيم/ناض الحقهم
______
قدام الفيلة....
امين/طلع يجري لي الدالي شده من فنلية متعه يخض فيه....وييين عز وييين مش قتلي كلهم بخير موجدين كذبت عليا علااش علاااش ردنيييي ردنيييي
الذئب/شده يتل فيه...خلاص يا امين خلاااص عز حنلقوه نفقد طح في الوادي جرااته المية
امين/كيييف تخلوه ترفعه الميييية كييف كييف ياخالي كييف ...ويعيط ويخبط
عظيم/نزل بشويا من دروج مشيلهم...امييين خلاص حنلقوه يا امين
امين/دفهم وماشي لي جهت البوابة...نجيببه انييي نرده انييي صاحبي وخوووي عزززز
الذئب ودالي طلعو يتجارو وراء امين شدوه يتلو فيه وهو يعيط يصارع فيهم
امين/خلوووني خلوووني صاحبي مفوق خلوووني
الذئب/خلااص نلقوه يا امين مش بودنا نخلوه جلال دار الي عليه بس ماقدر ينقضه ونصاب حتا هو اهداااا
عظيم/جبد امين منهم ليه وهو يتوجع...خلاااص اهدااااء صاحبك مش برووووحك كلنا صاجبنا حارقك زي ماحرقنا حنلقوه ونرده تسمع فيا حيرجع بس مافي في اليد حيل مافيييش
امين/كييف خليتا يا عظيم يصير فيه هكي كيييف كيييف
عظيم/شدله راسه...اهدا اهداا خلاص بودنا كلنا مايصير فينا الي صار بس ربك كاتب وراسك متزيد توجعلي قلبي حطين ناس دور عليه ادعي نلقوه ومايلقاء حد غيرنا بس
امين/دف عظيم وشاد راسه ويدور
______________
في مكتب الجنيرال...
عمران/تمام لكن كيف ملقتاشي
الجنيرال/قاعدين الشباب يدور فيه
عمران/لازززم تلقه حي ولا ميت لازززم يا جنيرال لو لقاء حد غيرك راهو حتصر كارته في البلاد قضية العدام حتتنفد عليا وعليك وعلي كل شخص ساهم وساعد في القضية يعني من 7انفار حتوصل لي 50نفر نص عدام نص موابد نص الله اعلم شن بصير فيه لازم تلقه قضيتهم مسجله صوت وصورة بي الجنازة فهم عليا
جنيرال/الكلام هدا كله نعرفه وداير اختياطي ادور والباقي عليك انت
عمران/كيف مافهمت
الجنيرال/ادا وصل الموضوع ان لشباب قاعدين حيين متنساش انك انت معنا في القضية وسجلتك الكاميرا انك خشيت عندي يوم الي قبل العدام بتاريخ قديم وصوراتك الكاميرا حاليا في مكتبي اني وياك وعقبه فقط من غير شويت فتشوب يعني حكم من غير نيابه من المهدي
عمران/لا عارف منكش ساهل وان لو ميعنلي الشباب وقلبي عليهم ماجيتك ولا فتحت ليك قضية تصكرت ان فجاتني الحقيقة ان شفتهم حيين بس شهداء لي الله افرحت بس مصدوم مش قادر نستوعب الي صار والي سمعته والي شفتا لو نحكي لي شخص مش حيصدقني لي ان كلهم شافو بي نضر عينهم في الجنازة
عقبه/ساكت ويشبحله
الجنيرال/ان عارف مش حيصدق حد لكن الاحتياط واجب
عمران/اني الي مستغربه حرسك قاعدين متمسكين فيك مش خايف منهم
الجنيرال/اني حرسي عمري ماقصرت معهم وعمري معملة شخص يخدم عبد عندي زيهم زي خوتي بعدين الي عندي تنين بس يسمعه يتكلمه واحد نتقال لي رحمت ربه والتاني لا ري ولا شاف والباقي كلهم خرس وطرش من اصوم والبكم
عمران/يشبحله مصدوم...كيف
عقبه/لا يسمعه ولا يتكلمه اشرات بس
عمران/نصمت يشبح لي الجنيرال وخلاص ...المحقق محسن والمحامية بريكة يعرفه
الجنيرال/لا معندهمش علم
عمران/افضل شنو نوي ادير
الجنيرال/نبي الشباب يرتحه يومين وبعدين القضية تخصهم ويدور القاتل بروحهم
عمران/كيف هما بيعرفه لو كان هما الي كانو موجدين مع المبني عليهم وماشفو حد
الجنيرال/يدبرو روسهم اني الي عليا درته ولا انت عندك معلومه تفدها بينا
عمران/مافيش شي لي حد الان لكن قاعد نحول نوصل لي اي معلومه لي ان القضية متاكد فها شي مجهول سري وصلنا لي نهاية قضية من غير اتبات
الجنيرال/وكيف تحط حكم نهائي وانت مش متاكد من الاقول والشهود والعترفات والاسبب وكل مايخض القضية وتحكم علي 7اشخاص ماليهم دنب
عمران/ اني شخص يجبولي في ورق وتبات نعطي عليه الحكم علي حسب مامكتوب والقانون نخدم في خدمتي كيف ماعطني القانون الصالحيات والإجراءات ونطبق فيهم ومافيش انسان مايغلاطش يا الجنيرال وياما في الحبس مضاليم مننكرش اشي هدا بس هدي العدالة وهدا القانون الاتبات والورق هما الي بيحديدو مصير كل شخص في القضية واني واجبي نادي فيه
الجنيرال/كلنا نديرو في وجبنا واكيد نغلطه بس غلاط علي غلاط يفرق ياعمران لما عقلك يقولك في شي غلاط وقلبك ياكدله لازم تتاكد قبل ماتحكم خليك قاضي عادل كيف ماحلفت تعدل وخلي العدالة تخد مجرها علي الصح مش كل من يبي يتخلص من حد يجبله وراق مزورة وكدب وتمشوها ليه
عمران/لا اني عمري مامشيت قضية ولا حكمة علي حد بضلم بس الي نعرفه نادي فيه بس اني حنتابع القضية بسر ونشوف ونوعدك وعد وحق الا اله إلا الله لو طلعو الشباب فعلا القضية تلبس ليهم وباريئن حنقدم استقالتي لي ان معاد نقدر نكمل في القضاء بعد حكم اعدام لي اشاخص بريئين ...واقف
الجنيرال/قاعدين في اول الهدرزه
عمران/لا اعدرني حتا المراة تنشغل عليا وصغار مش من عويدي نطلع في الليل ونعطل
الجنيرال/اوقف....انستني بجيتك
عمران/الله يانسك يا جنيرال ويشهدا الله قداش خوك وصحابه محضوضين بيك الي درته شي كبيررر ان بروحي عاجز علي كلام فيه ربي يطول في عمرك ويطلع كل الي درته مش علي الفاضي
الجنيرال/معمرنا درنا شي علي الفاضي ان يوم الي خططت لي هدا كله متاكد من الي بنطلعهم ان ملهمش اي دنب
عمران/ان شاءالله ان شاءالله ..وسلم عليك...وحمدالله علي سلامتك وسلامة الشباب
الجنيرال/الله ايسلمك توصل سالم الشباب وراك
عمران/معندك فيا ثيقه ...ويديه يرعشه
الجنيرال/حط يده تانية علي يد عمران...الاحتطياط واجب توصل سالم لي صغارك توصل طيب
عمران/الله يسلمك ليلتك سعيدة ..وطلع
عقبة/وره طلع
الجنيرال/قعمز في مكانه
خش الذئب وامين
امين/نفسيتا صفر وقعمز هو الذئب قدامه
الجنيرال/امين ولدي عز حنلقوه ويرجع سالم بادن الله
امين/خدي نفس ...ان شاء الله
الجنيرال/عظيم قال انك عندك علي البحر
امين/اي اني وعز
الجنيرال/نبي نبعتك في خدمة انت والدالي والذئب لي البحر
امين/شبحله ...خدمت شنو
الجنيرال/في 3 صوريخ تبع البحرية تبع رماح نبيك تنزلهم لي القاع في البحر في مكان معين حيرفعك ليه الذئب
امين/علاش مش لي الحرية
الجنيرال/مكانهم يصلوه وين منبي تقدر تنزل ولا مصقعه عليك المية
امين/لا عادي ننزل ديما
الجنيرال/تمام قبل الفجر تتوكله
الذئب/ان شاء الله
الجنيرال/عظيم وين
امين/خلتا فوق متكي جنب جلال ...واقف..نستادن...وطلع
الجنيرال/شبح لي الذئب...حول تهدي
الذئب/اني بروحي نبي من ايهدني علي عز....شد راسه بيديه وتكا علي المسند....ااااه امتا بتكمل القصة هدي بس
الجنيرال/وانت شنو شفت ملكش يومين فها تعلملي اصبر و وسعلي بالك لي ان حنبدا الخرجيين علي القانون في اي لحضه...واقف
الذئب/شبحله مصدوم
