#رحلة الموت
#بقلم_جولي اقارصؤ
#الحلقة { 1 }.
ونبدا في رحلتنا لي تخدنا لي خفاية ومجزفات الحياة لي{ رحلة الموت }
- "كُل شئ كان قاتلًا لكني لم ٱمت."
في سنة 2016
شهر 11 ....
طرابلس( الساعة6 الفجر)
الدنيا ضباب...
في بوسليم....
حوش اعزيز....
رباء/موليد 92 طلعه من دارها لبسه توتا شتوية تب وسروال ازرق كحولي وشعرها طويل اسود مفتوح و مصدمة تشوف في الناس والعيلة كلهم يعيطه من غير دموع امها تخبط وتندب
عايشة/مقعمزة فسط الصالة تندب وتريش وتخبط...وااك هليا بنيتي مشت وخلاتني وااك عليا صغيرة في عز شببها ماتت وخلتني ياحليلي واااك عليا رباء ماتت ياحليلي مااتت
رباء/تشبحله مصدومة وتعيط...يمه اني عاااايشه يمه عايشه اشبحلي اهني ...وقربت من امها تحول تمس في امها كانه خيال هيا بتحول تشدها مقدرتش جت قدام امها وتاشرلها...يمه يمه اني عاايشة متعيطيش بنتك عااايشة خيرركم تعيطو عليا خيررركم مامتش اني ...وتلفتت تشبح في اختها سايخه وناس تفيق فها مشت تجري لي اختها.... روويدة روويدة اني عايشة يارويدة نوضي علاش تعيطي خيرركم تعيطو عليا خيرركم ..وتشبح لي الناس والعيلة كلها تشيح لي امها واخته وهيا ميشبحوش فها واقفه تاشر علي روحها ودور تورلهم في روحها...اني عااايشة ياحليلي عااايشة معاش تعيطو خيرركم خيررركم ...وبدت تبكي دموعه ينزله حط يديها علي راسها تشبحلهم كيف ميشفش فها طلعة تجري فتحت باب الحوش لقت برا زحمه خوالها وعمامها وجران وخوها مقعمز علي المرشبدي يبكي بصوت وبوها حط يده علي وجه واقف واقفة قدام بوها...بابا بابا بوي اني رباء بنت اهو عايشة اني من قلكم مت خيركم اشبحلي بووويي اشبحلي ...وتحول تلفت في وجه لها مقدرتش ....بابا ياباااااابا خيرررك كلمني اني بنتك قدامك ممتش خيررركم ..وتبكي تلفتت لي خوها مشتله تجري جت بتشده من تجبوطي ... رامي رامييي ...وشبحت ايديها متقدرش تشده .....اني عااايششششة اشبحووووولي ...وتشبح لي عمامها دور عليهم واحد واحد وتحول تكلم فيهم....اني اني شفوني خيرركم اني تسمعه فياااااا اني رباااااااااااء رباااااااء عااااايشه خيركم اسمعوني شفوووني خيرركم متشبحوش فيا شنو صايررر خيركم متتش اني منبيش نموت خيرررركم كلومنيييي .....مشت تجري لي قدام بوها وتبكي بلعبرة...بابا اني منبيش نموت...وحط يده علي صدرها..منبيش منبيش نمووت بنتك اني نبيش نمووووت ......وقفت في الوسط تشبحلهم كلهم ومصدمة وخايفة شدة راسها وبدت تعيط بصوت عالي ....لاااااااااااااا...فجاة ناضت من النوم قعمزة تعيط..لاااااا ياربي ..حط يديها علي وجها...ياربي ياربي ...وحولة يديها تشبح في ادر الي رقده فها حولة البطنية شبحت روحها نفس التوته واقفة من الفراش تجري فتحت باب ادر و دور في الصالة وخايفة دهشة خشت لي خوها في المربوعة لقاته راقد حطت يديها علي قلبها ...الحمدالله ياربي ..ورجعه لي دارها ....استغفر الله العظيم واتوب اليه استغفر الله العظيم واتوب اليه .....قعمز علي ركابه علي البطنية وحطه يديها علي خدودها تعرش قاعده من الحلمة تسمع في ادان الفجر
الفجر الله اكبر الله اكبر.. الادن الاول
رباء/غمضة عيونها ..أستغفر الله العظيم واتوب اليه ..حولة ايديها من علي خدودها... صوت الحق لا اله الا الله...واقفة مشت لي تلفونه جنب الفراش طبست خداته شبحت الساعة كم لقته 6وربع لقت رسالة وفتحته تقرأ فها وكانت الرساله...رباء غلاتي جبلي معاك شخصير الحم وانتي جاية غير خليل الحقير مخلنيش نطلع... صكرة التلفون حطاته جنب المخده واقفة طلعة مشت خشت المطبخ عبت طاسة امية شربت وحطت طاسة علي ارخامة وطلعة خشت الحمام وهيا قاعدة مخلوعة من الحلم
.........................................................
طرابلس تاجوراء...
علي البحر ....
الدنيا ضلام قاعدة
جهت ارشاد وين الغطس
(ارشاد معنها حجر كبير للي ميعرفش كلمة ارشاد او رشادة)
رماح/موليد77 اصلع ولحية شايبه شويا طويل وعريض وطلع راسه من المية داهش...ااه ..وحول النضرات المسكرة حطهم علي راسه وكان لبس بدالة الغطس سوده وداهش ويتنفس بسرعة.....اااه اااه..ويسبح جهت الرشاد وضي يبي يطلع
سيف النصر/موليد79 واقف جهت الرشاد لبس كذار بيج وسروال اسود وتجبوطي جيشي وكوبس اسود ويد شاد بها بطنية جيش رصاصية خفيفة ويد تانية شاد بها بلة ضي موجهه علي رماح يشبحله نزله شويا طبس مدله يده
رماح/حط يديه علي ارشاد بينهض روحه بسرعة
سيف النصر/حط البطنية علي يده تانية ومد يده ليه
سيف النصر/جبده طلعه من المية
رماح/قعمز علي ارشاد وشاد رجله مجروحه من جنب تحت اركبه فك من سيف النصر البيلة بسرعة او وجهه علي البحر يودر يشوف في المية
سيف النصر/حطله البطنية علي كتافه غطه..خيررك ..ويشبح لي الميه معه ..وين الاكسجين متعك
رماح/يدور اشر اضي علي جها تانية شبح تنين طلعين من البحر يجره من جها تانية ..اعطني سلللااحك ..وجي بيوقف مقدرش ...ااااه..يتوجع
سيف النصر/ مدله السلاح ..خيرك
رماح/هو مقعمز اشر علي جهتهم وبدي يرمي عليهم في الرصاص وختفوه
سيف النصر /مايشوف في شي ...خيررك ياراجل منو فيه
رماح/حط المسدس جنبه يتوجع ومطبس راسه يشبح لي الجرح ...اااحييي منعرفش منو يكنو حوله يقتلوني
سيف النصر/شنوو...ولسر اضي علي جهة الي كان يرمي علها رماح مشاف شي مشي شويا وله وقعمز علي روس صوبعه ديرله اضي علي رجله ويشبح معه...علالش شنو تقول يا راجل
رماح/يتوجع...هدا الي صار
سيف النصر/خيرها رجلك
رماح/يحول في رشات الغطس من رجليه ...طربني بلفزقة خطمت من جنب رجلي جرحتني اااه
سيف النصر/تس تس غير نوض توا نشفهلك توا تمرض هكي الجو يبس وفهمني كيف صار ...اوقف خدي المسدس حطه في ضهرا ويساعد فيه ينوض شاده
رماح/اوقف حط يده علي كتف سيف النصر ويعكز علي رجله وصقعان يقطر من المية ويتوجع
سيف النصر/رافعه لي جهت السيارة ...الجنيرال فاق من الغيبوبة
رماح/شبحله جنب ...بالله عليك امتا صااار ياراجل امتا ...وبدي يسرع في خطواته وفرحان
سيف النصر/لما غطست كلمني قالي غدوا نوصل من الامارات
رماح/فرحان...الله اكبر الله اكبر والله الحمد ...وفتح باب السيارة ركب..ااه ..ويدخل في رجله
سيف النصر/بشويا ..وسوله البطنية وصكر الباب ولفت ركب وطلع بسيارة ...كيف صار فهمني منو هدا الي حوله يقتلك
رماح/شاد رجله حطه علي الكرسي يتوجع ...منعرفش بعد مغطست ب 3دقيق نشبح في تنين جايني اشرت عليهم اضي ..وشبحله جنب
سيف النصر /يجري بسيارة...به لكن اني لما غطست ماشفت حد
رماح/منعرفش كيف طلعولي منوين..ويمسح بيده علي وجه ويسوي في البطنية علي كتافه صقعان...لما قربه مني شدني الاول من يديا طحت البيلة والبنت كانت بنت معه حولة مني الاكسجين
سيف النصر /شبحله جنب مستغرب...شنو بنت خيرك انت
رماح/والله ندويلك جديات ..وشبحله...شعرها طويل
سيف النصر/ياراجل ولد اكيد مش معقولة بنت خيرك يارماح
رماح/يشبحله ومتكنطي...اقسملك بالله العلي العظيم الي شفتها بنت ومعها ولد
سيف النصر/ياراجل. انت تحسبه بنت مافيش بنت تغطس عندنا خيرك عاد
رماح/عصب..شنو بتدكنبي ياراجل وربي بنت كانت قريبه مني جسمها بنت محلامح وجها وربي كان نشوفها نعرفه قاعدة نفك في روحي من الكلب الي شادني ضربته بمرفق يدي علي خده طلقني هيا جت بتهرب تلته من برنص البدلة تحول شعرها نفتح جبدته ليا قاعدة دف فيا وتشبحلي حولة منه المسكرة من عيونها شفته وربي بنت الله ياسيف والكلب هداكه لما شدتها بيرضبني بلفزقه دفتني هيا جت في رجلي ستر ربي من ادفه واني معاش قدرت نتفس هرب تنفس طلعة نسبح فوق وهما شفتهم هربه
سيف النصر/مصدوم....لا اله الا الله يا راجل معقوله ستر ربي معنها عرفينك غاطس دواره هدي وبنت شي وربي غريب
رماح/يخد في الكننكس من الفدره وحط علي رجله تنزف ..تي بروحي راسي اسخن مستكا ياراجل تحت مافهمت شي
سيف النصر /هوو ماشفتشي منوو
رماح/لالا تي البنت غير صدفه ربك خلني نشوفها وحتا اضي ماهداكه اضي راه لكن وربي كان نشوفها نزبطه ياسيف ملمح وجها ...وحط صبعه علي راسه..اني نحفظه
سيف النصر/بالك جي دورك يا رماح المرة هدي زي مدبرها لي الجنيرال..وشبحله
رماح/شبحله جنب...يصير ياسيف مدبيهم ننقصى واحد في جرت التاني..وشبح لي رجله...احيييي تي تجيبه الايام ونزبطه
سيف النصر/متكنطي ويسوق..بنت معقولة ...ومستغرب وحس ان رماح شاف ولد ويسابه بنت
.........................................................
في وسط طرابلس...
في السيارة...
نوري/شاب موليد 95يسوق ولبس بدالة الغطس يجري بسيارة يسوق حفيان ومبلول قاعد ويشبح لي جنبه...خليك فايقة سيداد
سيداد/موليد87 لبسه بدالة الغطس شعرها طويل لي قريب خصرها لونه بني ملامح وجها حلوة وكانت مصبه في يدها الايمين فوق المرفق برصاصة شدته ودهشة مش قدره تتكلم...فايقه فايقه....وشبحتله
نوري/الكلب اهو مقدرش عليا لوطه بدي يضرب في ارصاص لما طلع
سيداد/تشبح لي اروشن..اصلا خطه فاشلة قلتلكم من الاول اني منعرفش في الغطس حتا لو تعلمة صعب في المية نتصرف وعندي عقدة من البحر سكرت روسكم
نوري/كييف تبني نقتله برا مفيش كيف بيزبط طول عندهم عيون في كل مكان الكلاب اهما لكن لوطه في البحر مات مخنوق اكيد في حاجه لفت عليه ومات بها مافيش دليل الحمد الله ان جو ليل ومزبطش منو لكن شكيت ان شافك وعرفك بنت
سيداد/شبحتله وخايفة...لالا ماعتقدش يانوري الجو كان ضلام وبلتك انت ضيها ضعيف اني بروحي مقدرتش نشوف ملامح وجه....وفي خاطرها ياربي استرني بس
نوري/ان شاءالله اصلا بعدين وين بشوفك ههه يعبا توا المشكله فلي بنروحله شنو بنقلوله الافندي ماهر
سيداد/بدي الوعي عندها تفقد فيه شويا شويا ...قله شنو صار ..وتشبحله وتغمض في عيونها وتفتح
نوري/شبحله ...بيقلب دنيا علينا خيرك خليك معااي متغبيش علي الوعي قريب نصلووو الووو سيداد ...ويخبطله في وجها...سيداد كلمني الووو
سيداد /غابت علي الوعي وحفيانة ويدها دم تصب
.........................................................
طرابلس ابوسلم...
حوش اعزيز ...
في دار المعيشة وين ترقد رباء..
رباء/لبسه رديه اتصلي بيه مقعمزة علي الصالية وتسبح بيدها ..سبحان الله سبحان الله بدوه دموع عيونها يصبه بروحهم من غير ماتبكي تمسح فيهم مش فهما خيرها خدت نفس وكملة اتسبح...يااارب ..ومسحت عيونها بديها....وناضت من الصالية وقفة تحول في اردي ...خلي نلف شعري من توا بلفير مدامه في ضي خرلي وندرله نيلوات يقعد ونرقد خرلي...وعلقة الردي وراء الباب قامة الصالية وبدت توتي في بضعة كيف تلف شعرها وطلع في الفير
.......................................................
طرابلس في السراج....
فيلة ماهر..
نوري/مدرس السيارة في البركتجوه برا وقايم سيداد في غمره ومدخله يجري دخل في الصالة وحفيان
ماهر/موليد 73 كان لبس توتا تب وسروال وشخشير وشبشب وشايب شويا ولحية و وراه يجري ...خيرهاااا
نوري/حطه علي جلسة عالية زي الصالون فسط الصالة كبيرة ....رماح رمي عليا نصابت في يدها
ماهر/مطبس علها شاد وجهه يحرك فيه ايمين ويسار....سيداد ...وشد يدها يشبح فها ...كييف رمي عليكم منزل سلاحه هووو
نوري/شاد راسه ويشبحله ...لا هرب منه حول منها الاكسجين قريب ماتت تحت المية مقدرنشي لما طلعنا رمي علينا
ماهر/شااافكم...وشبحله
نوري/لالا كيف بصير فها ...ويشبح لي سيداد
ماهر/يشبح لي يدها شاده ...بسيطه مفها شي ..وشبح لي نوري...جيبلي السبرته من القرج بسررعة
نوري/باهي ...ومشي يجري لي قجر المكتبه في الصالة
ماهر/يضربله علي وجها...سيداد سييييداد
نوري/مدله السبرته..هكا..ويشبح لي سيداد
ماهر/خدي من البخاخة وبدي يبخ علي يد جرح سيداد
سيداد/توجعة ومفمضه عيونها...اااااااه ..شبحتله وشاده يدها.....اااه اااااه
ماهر/حول يدها ويشبحله....متخفيش بسيطه مخشت فيك الرصاصة هدا كله ضربه بسيطه فقط وغمي عليك
سيداد/تشبحله وتعبانه وتتوجع...راني دم ولحم
نوري/شبحله وشبح لي ماهر ...حتا فقدة تنفس تحت الميه ياتر علها مع الاصابه خلها تغير حويجه نرفعه لي كامل يخيطله الجرح
ماهر/شبحله....ماشي متعطلش انت ويها
نوري/ماشي تمام..ويحول يساعد في سيداد تنوض
سيداد/واقفت بشويا وتتوجع من يدها
نوري/تقدري تبدلي ولا ..وقص عليه ماهر
ماهر/يشبحله..بالك تبي تبدلها
نوري/شبحله..لا فهمتني غلاط بنقله نرفعه هكي تلبس بالطو او اي شي
سيداد/ماشية جهت الدروج بشويا...مافيش داعي تكبر الموضوع ماهر لو متبي نمشي حنقعد من غير مشاكل..وركبه من دروج بشويا
ماهر/تلف لها...اني معاش عجبني وضعك الايام هدي لسانك اطول وكااانك ناسية روحك من تكوني راااكي متسوي شي من غيري تي وربي نرد لي الشارع برا هكي زي الكلبه فانقصلي من السانك خيررررر
سيداد/واقفه في نص دروج وتشبح لي الحيط وتسمع فيه وسكته
نوري/واقف وسكت يشبحله ويشبح لي ماهر
مااااهر/تسمعيييي فياااا
سيداد/غمضت عيونها ...تمام ..وفتحتهم
ماااهر/بري هيييي
سيداد/ركبة ويدها تنزف وهيا سكته وتسحن في روحها من ادخل وشعرها مبلول قاعد
نوري/واقف وسكت
ماهر/تلف ليه...غير حويجك ورفعه ومتعطلش عندنا خدمة
نوري/حاضر بس ماهر بنقلك حاجة متزعلش مني مش لازم البنت كل مرة تفكرها ان هيا معندها حد وملها متوفيين ولجة لي عندك دكرها ان مصيرها الشارع قصدي مافيش داعي كل شي درلك فيه
ماهر/ماشي جهت الصالون ...لا مشاءالله عليك صاير محامي الدافع متعه..وقعمز دار رجل علي رجل ويشبحله
نوري/يشبحله...مش محامي دفاع لي حد اني لكن علاش كل مرة دكر فها قصدي صكرة راسك تمشي معاي تغطس ومشت معاي تصفياتك كلها صفتهملك هيا قصدي اعطها الامان متزله كل مرة
ماهر/الشكلات الي زيها كان تضحكلهم شويا يهز عليك ياصاحبي المراة ديما خليك معها قاسي تتربه تمشي تمام ام تحطك تحت بطها زوه عليك فشش معاش تسوا تبدا تل فيك من ودانك وفكني من محضاراتك ودرسك وتوكل اجررري
نوري/لف ومش عاجبه الوضع ماشي لي جهت الدار لوطه بغير حويحه
ماهر/ناقص ادفعلي علها ..واوقف
سيداد/في دارها قامة شعرها بشداد فتحت سرتت البدالة من قدام وتحول تسلب في كم البدالة مش قدره تتوجع بس ولا دمعه نزلته وتسلب فيه يشويا
ماهر/فتح باب ادر بقوة وشاد الباب ويشبحله ....سقدي رووحك وراي خدمة
سيداد/شبحتله ...نمشي بروحي ماهر مافيش مشكله
ماهر/لا تفقدي الوعي مرة وانتي تسوقي مش نقص مصيب اني يرفعك هو
سيداد/ماشي...وتكلم فيه وهيا هادية وسلبة الكم بفل بسرعة
ماهر/طلع وقربع الباب صكره
سيداد/ كرهته وتسلب في البدالة
