#رحلة الموت
#بقلم_جولي اقارصؤ
#الحلقة { 8 } جزاء (2)
- "كُل شئ كان قاتلًا لكني لم ٱمت."
طرابلس مستشفي ابوسليم....
قدام المستشفى...
ماهر واقف علي فدوا
ماهر/خلاص انتي يروح بيك السواق بسيارتي خليلي سيارتك نبها
فدوا/عطته المفتح ..به
ماهر/فتحله الباب
فدواء/ركبة
ماهر/صكر الباب واقف ليا طلعة السيارة شبح لي نوري جنبه...هي مهمتك
نوري/كان لبس بدالة المستشفي الخضرة وفوقها البالطو...تمام
ماهر/عارف شنو بدير وله
نوري/اكيد...ولف خش هو ويه
_________
في غرفة الملاحضه...
رباء/راقدة علي اسرير ومركبله اتغداية وزي المسبوها سرحانة وجها دابل
نعمة/مقعمز علي سرير تحت رجلها ناصر خوها اصغير برا طلع لي السيارة
ماهر/خش لي الغرفة دار دورة علي اساس واحد يدور في عيلته او في حد يبيه وطلع اشر بعيونه لي نوري بمعنا خش
نوري/جايب كروصة وخش لي الملاحضه اوقف علي اسرير رباء...سعدني قعمزه في الكرسي
نعمة/وقفة...علاش ولدي
نوري/عندها تحليل
نعمة/اها به...وقاعدة تقيم فها معه وقعمزوها في الكروسة
نوري/شد الكروسة وشبح لي نعمة....خليك مرتحه ياعمتي نرفعها لي تحليل ونجبهلك
نعمة/ باهي بارك الله فيك
نوري/فيك بارك الله ... و طلعه من الملاحضه ماشي لي جهة تانية
ماهر/لحقه وراه
نوري/رفعه لي باب المستشفي التاني وجنبه ماهر
ماهر/يشوف الخف والقدام يراقب
ورباء/سرحانة ودابلة تحسبه حق لين شافة باب المستشفى تاني مطلعنه منه شبحت لي ماهر عرفاته خاله فدوا
ماهر/ بخله علي وجها مخدر دخت ..قمها بسرعة
نوري/قمها في غمره وخله الكروسة مشي هو و ماهر لي سيارة فدوا
ماهر/فتحله الكوفني ويراقب...حطه بسرعة يا راجل
نوري/حط رباء
ماهر/سل يبرت اتغداية من يدها ليا قاعد ادم يصب وصكر الكوفني وركب هو ونوري وطلعه
__________
ادخل في غرفة الملاحضه....
نعمة/مقعمزة علي اسرير تستنا
ناصر/خش اوقف قدامه ستغرب ان رباء مهناش شفله..وين بنت خووك
نعمة/جي واحد من الممرضين رفعه لي تحليل
ناصر/ تحليل شنو معندهاش تحليل
نعمة/ والله جي رفعه ممرض قال عندها تحليل
نعمة/و خيرك مامشيتي معها شنو مخليته بروحه
نعمة/ قالي خليك نرفعه ونجبها
ناصر/ كيف تخلها بروحه كيف يانعمه هدي بنت والوقت توا يخوف كيف هكي كييف..ولف طالع
نعمة/طلعة وراه تجري وخايفه
ناصر/عابي عليك كبيرة معها يا نعمة كييف تتصرفي هكي مهيش مستشفي خاصة باش يرفها ويجبوها هما
نعمة/انا وين ندري يا ناصر يا اوخيي
يدوره ماشين جهت اتحليل دورها ملقوهاش ودنيا قلبه في المستشفى وكلم الامن وناصر يدور زي المهبول في بنت خوه
نعيمة/تخبط...ياحليلي وين رفعه البنت ياحليلي وين مشت حي عليا...وتندب في خدودها
........................................................
طرابلس طريق المطار...
حوش امالي بريكة...
في غرفة المعيشة
بريكة /واقف في باب ادر وشاده تلفونه وتشبح لي امها مقعمزة... مقلو شي تاني
برنيا/هدا هو بوها حلف يمين لا مراته ولا صغار يطلعو برا من الحوش
بريكة/اكيد متشمتين عيلتهم وعمامه عاد ليهم الشماته
برنيا/والله يابنيتي الا عيب عليهم اوقفت خمسة دقيق سمعت كلام نصدمة يقلك البقرة اطيح يكترو سككينها الا حق في الاخير وليه وفي الغربة ماعلم بها حد شن صاير فها غادي بلك حتا كذب العلم عند الله يابنني انا ..وقمت يدها ...منحلف ان مديرش ومنشهدش ان دير انا مريته بعيوني لكن الوحد يقول ..وقامت يديه ... ربك يستر علي واليه الناس وخلاص لي ان كل واحد عنده وليه لا يقول كلمة خير ولا شر يسكت ويصكر فمه مفيش داعي لي ادوة ازايد ويزيده الوحد علي همه يابنتي
بريكة/طول عمرهم عيلة مافالحه غير في دوة ازيدة ويتكلمو علي الناس كانه وحده الطلقة يقلو صفته ونعته واكيد لقها مدير من وراه حاجة طلقه وكان بنت مجهاش نصيب يقلو متنفعش وكان حد نحبس ولده يدوه عليه يقلو اي مدير ومن زمان وكانه وحده جابت وووه مجبتش ووه ترا فكني منهم الكلاب اهما شنو اني الي قلوه عليا شويا مرض جدري يمحمطهم
برنيا/طز فيهم الي قال كلمة بتقعد في وجه وبيلقها في صغاره وفي عيلته مهوش رايح شي يابنيتي والله والله مافي حاجه تريح عند ربك كله بيقضوه توا ولا يوم غدوا
بريكة/لكن يمه نقلهلك والله البنت نعرفه مدرها تي قصة متتصدقش بلعقل هو
برنيا/يدبرو روسهم يابنتي بنتهم وادر بمصلحته كانه مضلومة ربك يساعده وكان مش مضلومه ربك يستر علها هدا حد جهدنا
بريكة/ربك يسترا وخلاص ...وطلعة مشت لي دارها خشت وصكرة الباب...مصح وجوهم علي اساس بنويتهم يصلو علي طرفهم مش عارفه اني كيف ميشبحوش في عوجهم عادي جدا هما وناس غلاط ...وتتصال بمحسن ...قهرني راهو قهرررني ... خبطت علي رجلها وتسحن في روحها ورن تلفون..قعمزة علي كرسي متع زيانة متعه ...اخر حل محسن علي الاقل ندرولها حل نشوف الموضوع شنو بزبط
محسن/ ايوه
بريكة/اهلين محسن فاضي شويا نبيك في موضوع
محسن/ لاالا مش فاضي توا ندورك بعدين سلام ...وصكر علها
بريكة/رقالها تكنطة شبحة لي تلفون...مصح وجهك بسلامتك بابا في غيرك ...وضربة رقم ماهر ...شنو تحسب مافي غيرك نتصال بيه طول غير شنو نبي
ماهر/رد ..ايوه
بريكة/اهلين استاد ماهر شنو اخبارك شنو امورك لا بخير الحمدالله سامحني متصالة بيك
ماهر/لا تفضلي في اي وقت استادة بريكة
بريكة/بارك الله فيك بالك مشغول ولا حاجة
ماهر/حتا مشغول نفضلك الوقت كله ليك
بريكة/تسلم ماهر نبيك في موضوع هيا خدمة ليا وخاصة شويا بما انك مرة قلتلي تفضلي في اي خدمة فا قلت مرة تقدر تخدمني فها
ماهر/استاذه بريكة انتي طلعتني من قاضية مالهاش حل فا واجب عليا نردلك معروفك وبنقلهلك لي المرة المليون راكي شي كبير عندي في القلب يعني تطلبي عيوني نبعتهملك توا
بريكة/والله احرجتني الله يحفظلك عونتك الموضوع شويا كبير يخص خارج البلاد هكي لو فها كيف نقدر نتلقاء معاك ونفهمك علي المزبوط لي ان الموضوع طويل ويبي شرح وتفهم
ماهر/كان مهم نبعتلك توا المساعدة متعي لي حوشكم واشرحلها وفهمها وهيا تفهمني ونرد عليك طول
بريكة/تمام تقدر تجني توا لي حوشنا المساعدة
ماهر/تجيك وين متبي معندكش اي مشكله بريكة ادليلي انتي بس
بريكة/بارك الله فيك ماهر يعطيك اصحه خلاص نستنا فها الله يحفظك تسلم في امان الله...وصكرت الخط ...ان شاءالله تقدر تساعدني بس يا ماهر ياارب ...واقفة طلعة من ادر رن علها محسن شبحت تلفون ...هه دور من يرد عليك ...ومشت لي امها
......................................................
الساعة طقة 8مساء...
طرابلس حوش جد بيان..
سديم/درس سيارة قدام الباب والعه ونزل متكنطي وطق علي باب الحوش ومطر تصب
بيان/فتحت الباب طلعة راسها تشبحله متكنطي ..خيرك عطلة
سديم/سامحني صارلي ضرف بتروحي
بيان/اي لحضه بس ..وخشت ادخل..اهو مروحه
شادية/بلا رجعه
سديم/واقف علي باب يستنا فها ورقيله قريب يتفجر وحط يديه في البلطو متعه اشبوب رقيق بلطوه كله يلمع من المطر
بيان/طلعة صكرة الباب
سديم/فتحله باب الخلفي بسرعة
بيان/ركبة
سديم/صكر الباب ولف وركب خدي الكنكس من الفودرة مسح وجه وفتح اروشن لوح الكننس و طلع سكت
بيان/حاسته متكنطي وزعلان في نفس الوقت لكن مبتش تساله ولا تعبره
سديم/خدي نفس ...طول لي الحوش...ويشبح القدام
بيان/لا خطمني علي الساحل لي الحلويات نبي نحجز حاجات لي غدوا
سديم/شنو في مناسبة
بيان/اي جايني ناس خطابه
سديم/شبحله في المراية الوسطية...جديات بيان
بيان/تشبحله....من امتا نبصر معاك اني
سديم/باهي ربي يتمملك علي خير...وجته غصه في قلبه خلاص
بيان/ويكملك فرحتك علي خير حتا انت
سديم/لا خلاص اني فسخت قبل شويا نصيب علي ربي
بيان/ستغربة تحسبه يتسهوك ...معليشي خيرها في غيرها ربي يعوض
سديم/نصدم في رد فعلها لا سالت اسبب ولا شي..بيان
بيان/تشبح لي اروشن....ها
سديم/اليوم بجوك الناس
بيان/لا غدوا قلت
سديم/به عادي لما نجو مروحين ننزله في الميدان شويا هكي جوي مش تمام نبيك جنبي بيان ...وتلفت يشبحله كان بين ان حزين من عيونه
بيان/شبحتله...ان شاءالله
سديم/اتلفت القدام خدي انفس ...تمام ...ويسوق فتح اغنية موطي فها ويسوق من دخله متحطم قلبه يوجع فيه
........................................................
في العزيزية.....
فسط قراج قديم بلوك قاعد وفيه باب كبير حديد وفسطه من داخل في نهاية القراج خمنتش بضاعة سيارات معين لوح معبي من الداخل ومن اجنب في فراش مقعمزين عليه زاجل وربطله ايديه خلف ضهراء ورجليه ومصكرله فمه ومتكينا علي الحيط وضلام
راجل/يسمع في سيارت تانية درسة وضي اسيارة ضوي من اطبق الباب قاعد يشبح لي الباب
ماهر/فتح الباب ويتكلم بتلفون...قلتلك توا تمشي لي العنوان هدا وتفهمي شن تبي بزبط وتجي تقليلي
نوري/مدخل رباء مصكرلها فمه بلصقه وربطلعه يديها الخلف
رباء/شبحت زاجل كيف مربوط زيها وتبكي
زاجل/يشبحلهم في عقله منو هدي التانية شنو يبو منه
نوري/قعمز رباء جنب زاجل بزبط لصقه فيه وربطله رجلها بي الحبل وناض لف بيطلع
رباء/تشبحله وتعيط...اااااامممممم اممم
زاجل/يشبح لي الباب
رباء/شبحت لي زاجل وتبكي وشبحت لي الباب تصكر دنيا ضلمت
زاجل/سكت
رباء/معاش تشبح في شي وتعيط...ااام اممم..وتتحرك تبي تفك روحها
زاجل/يسمع في صوت المطر بدت قوية
رباء/سكتت مسد ضلام وصوت ارعد ودنيا ريح صوت قوي رعب ركبه
زاجل/يسمع في صوتها يشبحله جنبه لكن ميشوفش فها
رباء/من الخوف زادت لصقت في زاجل وتنت رجلها علي الفراش خايفه تجها حاجة
زاجل/سكت ولا تمتم ولا شي ويفكر شنو سبب الي خطفنهم علي خاطره ويسمع في صوت احد يكح برا قاعد
........................................................
طرابلس المقبرة .......
في سيارت عقبة....
عقبة/ بيتفجر خلاص في ناس قاعدين في المقبرة....تي امتا بيطلعو ليهم الشباب قريب 3ساعات في القبر كيف هكي
فؤاد/جنبه مقعمز....علي معتقد متعين الاحصاية
عقبة /يعيط ...ملقوش غير اليووم يجوه اليوم مطر ياراجل لالا معتقدرش هما ....معاش فهم كيف بيدير وتلفونه يرن رد ...ايوه
جنيرال/ تي شنوو صار معاك
عقبة/ في ناس فسطه ياراجل امن منعرفش شنو يديره بزبط معاش بو يطلعه منقدرش نخش ليا يطلعو معااش عرفة كيف نتصرف
الجنيرال/فؤاد معك وله
عقبة/معاي معاي اهو نرجي فيهم لو مبوش يطلع وربي لما نخش وخالق ارس قاطعه خلي امها تتغبر وتنقلب ولا يموووته ... وصكر الخط ويهز في رجله .. اصبر اصبر ياربي اصبرررر ..مسح بيه علي وجه
فؤاد /يشبح لي المقبرة.... اهدا عادي مدامه مافيش تراب طول صقفات الاسمند يقدر يقعده عددت ساعات
عقبة/تلفت ليه...هدي معلومة ولا غير تصبر فيا متكدبش عليا
فؤاد/لالا معلومة ومجربه وحيطلعو منه حيين بادن الله....وبروحه خايف
........................................................
طرابلس جنزور ....
فيلة الوزير....
في الصالة ...
عبدالسلام/مقعمز في الصالة لبسة نضارات وقدامه لابتوب علي الطاولة يخدم لهي في لابتوب...تحجز في حلويات في محل الساحل توا كلمة سديم
بكير/واقف علي بوه ودير يديه في جيوب البالطو ...به كويس صار بيجو غدوا كلمة عمتي
عبدالسلام/اي عمتك وبتجي رحيق
بكير/تكنطه...شنو في كل موضوع حشينهلي رحييييق اهيا
عبدالسلام/غدووا بتجيييي بدال خالته ومنبييش نقاش والي درته امس معاااش نبيه يتعود
بكير/وكان نقلك متخشش الحوش
عبدالسلام/قام راسه يشبح لي ولده...لا هو انت اب العيلة حق احكم فيا وقلي شنو الي يمشي والي مايمشيش بتجي وغصبن عنك ونطح راسك في العيط انا اعصبي مش متحمل فوتني تربح وراس ولدي وكبر عقلك ا هبال امس مفهمتشي مش من عوبيتك حراكة هدي صدمتني وحشمتني
بكير/يكل في شاربه ....ماشي المرة هدي .... وطبس علي الطاولة وخبط بروص صوبعه علي الطاولة ويشبح لي بوه ...المرة هدي بنفوته لي ان علي قولتك امها متبيش تكون جنبه لكن وربي وربي المرة الجاية اني..واشر علي روحه ..نقول الي شنو الي يمشي وشنو الي مايمشيش ورحيق حد الحوش متخشلشي وتم ياغالي
عبدالسلام/لما نموت احكم فيه الحوش ولدي اكيد
بكير/حط يده خلف راس بوه..ههه بطول عمرك..بس راسه بوه...رحيق فوته...ولف مشي لي المطبخ
عبدالسلام/شنو اني مشيت نخطبلك فها تقولي فوته لا اله الا الله اصبر علي عبدك يالله..ولهي في لاتوب
بكير/ههه ..فتح باب الثلاجة
........................................................
طرابلس غوت الشعال...
حوش امالي رحيق...
في دور التاني ...
رحيق/كيف طالعة من باب الحمام مدوشة لبسه بجامة ازرق ملاكي وشعرها لفاته بفوطه تشبح في امها واقفه في الصالة...شنو ادوشة الي برا هدي دنيا مقلوبة
شهيرة/اشارع مطوقاته كتيبة يابنتي اشبح شن فيه...وصوت رصاص برا دنيا مقلوبه..ربك يستر ربك يستر
رحيق/خفت ..الطلف ياربي شنو فيه وين وبوي ولدك رامي
شهيرة/بوك يصلي اهو في ادر وخوك مهنااش طلع من بكري ..ودنيا رصاص بتنقلب وبدي باب الحوش يطق بقوة بيقلعوه ..الطف الطف ياربي شنو هدا
رحيق/حي عليا شنو هدا يطق علي حوشنه...وحطت يديها علي خدودها
عمر/طلع من ادر يجري ..شنو فيه ...وماشي بينزل
شهيرة/متزلش يا عمر تربح
عمر/نزل يجري من دروج ...شنو نخليهم يقلعو الباب ياشهيرة ...ونزل
رحيق/ياربي استر ياربي
شهيرة/واقفه في فم دروج وترعش مع بعضه وتشبح لوطه
عمر/فتح الباب نصدم واقفين قدام الباب وسيارات الكتيبة قدام الباب وشارع مصكر ...تفضلو خيركم
الولد من الكتيبة/نبه ولدك رامي
عمر/مهناش وراس ولدي مهناك لكن خيره
الولد/متسالش مهناش طلعنا بنتك بسررعة
عمر/نصدم...وحد الله ياولدي شنو نطلعلك بنتي شن تقول انت
الولد/بطلعه ولا نخش نطلع بروحي
عمر/غير ستهداء بالله يا جماعة غير كيف مهناش خوها نطلعلكم البنت ميجيش شن دخلها كان خوها مدير حاجة ارفعني اني عادي لكن خود روحي ولا نطلعلك بنتي ولا تخليك اطلعه شنو هيا البلاد ولت كان مش قدرين علي الراجلة تولهم يدهم بمسوينهمممم
الولد/ياعمي متغلاطش باش منغلطش فيك شبني كبير ونفرغ فيك توا لكي انت ..ويخبط في الباب بسلاح ... انت متلزمانش البنت نبوها توا طلعه ولا حول نطلعه من شعرها اني ..وجي بيخش
ولاد الشارع وقفو فها قاعده يتنقشو معهم يقلولهم ميجيش
عمر/ستغل الفرصة صكر الباب وركب يجري خش لي داره
شهيرة/شن فيه فهمني ...وتجري وراه
رحيق/حولت المنشف شعرها مبلول...خيرهم يابابا شنو يبوه
عمر/طلع سلاح صغير متع ولده ..يبوه ولدك لكن عرفينه مهناش جيين يبه بنتك رحيق بيخشو بيخدها ...واقف قدام بنته عطها اسلاح..شدييي
رحيق/مصدومه وتشبح لي بوها وترعش مع بعضه شدت السلاح
عمر/يتل في بنته من يديها رفعها لي دارها
شهيرة/تخبط وتعيط وماشية وراهم..حي عليا حي عليا
عمر/فتح ادولاب بنته ودخله فسط الدولاب ويشبجله وداهش....اني وامك قدامك نوقفه وندفعه عليك ونحمك ولا نخليهم يخدك اني بنصكر عليك ادولاب وباب ادر وكان سمعتي قتلوني اني وامك اقتلي روحك قبل مايصلو فيك لو سمعتي رصاص برا في صالة ونفتح باب ادر تسمعي فيااااا اقتلي روووحك ولا تعششي في العار طول عمرررك تسمعي فيا
رحيق/شاده اسلاح وتسمع فيه و تبكي تهز في راسها ...باهي باهي
شهيرة/ترعش مع بعضه ...حي عليا ياحليلي
عمر/اسكتي خلاص والله مانعطهلهم لو نموت مافيش فيهم واحد صاحي برا تتفهمي معه ... صكر علها ادولاب وطلع هو وشهيرة وصكر الباب بي المفتح وبوها نزل لوطه وامها في الصالة في دور تاني تعرش مع بعضه ودنيا برا مقلوبة ورصاص وعراك مر مشوار ودنيا ببتقلع رصاص
رحيق/شادة اسلاح وترعش مع بعضها وتبكي من غير صوت وتسمع في برا دنيا مقلوبة وسمعت امها تعيط ورصاص خشو نصدمة نهارت بكي خلاص ترعش مع بعضه حطت المسدس علي راسها تشهاد وتبكي ومغمضة عيونها.... اشهد ان لا اله الا الله واشهد ان محمد رسول الله
........................................................
طرابلس ميدان الشهاده...
سديم درس السيارة وقفة المطر نزل هو وبيان علي رجليهم ماشين جنب بعض ويرحس فها يشوف يمين ويسار خايف علها كان يلقه يحطه في جيبه
بيان/اوو جو مش عادي ههه..وتشبح في الناس يتحركه وسيارات وزحمه
سديم/اي حلو اجو ..ويسخن في ايديه علي بعض صقع يشبح في واحد بيخطم من جنبها حط يده علي كتفها الي من جنب تاني وزاد قربه ليه ويشبح لي الولد
بيان /شبحتله لقاته يشبح لي الولد شبحت لي الولد فهمت ان كان ميبيشي يخطم من جبنه
سديم/بعد يده من علها وشبحله جنب مد يده لها ويمشو ...شدي في يدي باش تساعدني في حراستك
بيان/حطت يدها في يده
سديم/ضغط علي يدها مشبك صوبعه في صوبعها وخشو لي جهت الحصان
بيان/ تتفرج عليه وماشية
سديم/شبحله...تبي تركبي
بيان/شبحتله...لالا
سديم/اصلا مبلول ههه به تعالي ...ورفعه للي يبيع في حلوة اصوف غزل بنات واقف عليه شبحله..تبي بيضه ولا وردية
بيان/اشرتله بصبعه علي الوردية وشبحتله ...اهيا
سديم/بتسم وشبح لي الراجل ..عطينا زوز هي ..ومدله الفلوس وخدي منه الحلوة عطي وحده لي بيان وحده شادها وشد يد بيان
بيان/تشبحله وتورله في كيسة الحلوة ...نبي نكل يدي
سديم/وحول يده ..كولي هي ..ومشي هو ويها جهت القهوة
بيان/تحول تفتحه يديها فاشلة
سديم/هتي عليك...خدي الكيسة منها فتحته ومدها لها
بيان/خدته منه وتكل وتتفرج وماشية
سديم/حط يده بعيد علي ضهر بيان لكن لي اي ضرف طاره مخلها
بيان/طار البلطو من جنب بتسويه يدها ملبزة
سديم/قاعد يسويله فيه
بيان/تشبحله
سديم/يشحبله...تعالي هكي هي
بيان/اشرتله بيدها الي مطلع بها الحلوة من الكيسة علي جهة انفورة متع الحصنة ..نمشو غادي خاطري نقعمز علي حشيته شويا
سديم/به تعالي هي ..وماشي هو ويها
بيان/بتركب درجتين تجري نزلقة رجلها من القدام من حشيت ادرجة جت بطيح علي وجها
سديم/شدها من بطنها ضمه ..اسم الله غير بشويا بنمشولها ياودي ههه
بيان/حطت وطرت كست الحلوة منها ...كيستي ههه حي ..وتشبح لي الكيسا اطير
سديم/وقفه كويس ...خلي تطير اهو في غيرها ..واقف يفتحله فها ويشبحله
بيان/تشبحله...لا حصتك هدي
سديم/لا ليك منكلش فها اني...ومده لها
بيان/به...خدته منه مشو قعمزه علي حشيت انفورة تكل قاعدة وتتفرج علي الناس وسيارات
سديم/جنبها مقعمز يشبحله سارح فها كان مستحش يشفلها هكي بنضرات هدي بشوقه لها كان يتغضه علي ان يشوفها يمنع في نفسه الف مرة بس خلاص معاش قدر حر توا
بيان/فجأة تلفتت تبي تساله..ال....تشبح لي عيونه تحشمت طبست عيونه وشبحت القدام
سديم/قاعد يشبحله ويشبح لي ايدها كيف تحرك فيهم وتكل ...نخدلك وحده تانية ..وشبح لي وجها
بيان/تلفتت ليه...لا خلاص بتركبلي اسكر ههههه
سديم/بتسم لها ههه
بيان/غريبه تضحكة سديم شكله بتجنا ثورة تانية ههههه
سديم/هههه توا بطلعني مضحكتش معاك بكل بكل قبل
بيان/انت كان ضحكت تقولي هه وبعدها عبس عبس عبس ...حطت يدها علي رقبتها وخنقت روحها..ليا خلاص مبعده زهور منك بصراحة تبي جازة كبرة هههههه...وتشبحله
سديم/يشبح لي عيونه...ههه من زهور
بيان/قمتله حاجبه وتشبحله وقربة منه شويا توشوش ليه...سديم انت سكران او مدخن حشيش او حد لعب براسك عطيك حاجة وكلتها ههه ...وخرت شبحتله
سديم/قرب منها يكلم فها قريب من ودنها
بيان/تشبحله جنب
سديم/اصلا من لما رجعت وشفتك واني مش طبيعي...وبعد علها يشبحله ...ههه
بيان/قمتله يديها بصوت عالي ...لااا طلعني توا نبعلك في الحبوب
سديم/نصدم حط يد علي خلف راسها ويد تانية علي فمه صكرهوله ويشبحله .....ااس اس بطبونا في جرتك هههه
بيان/تشبحله جنب ....هههه
سديم/نوضي نوضي كان تزدي شويا يطبونا هههه...حول يده اوقف وتله من يدها
بيان/واقفة ...ههه
سديم/خدي منه الكيسا الفاضية وماشينين جهت السيارة
جي كلب يجري جهتهم
بيان/عيطت ... يممممه ...من الخوف شدة في خصر سديم خشت في جنب البلطو متعه تحته وبدت تلف من وراء ضهراء تحت البالطو
سديم/يدور فها ويحس بها لف من خلف ضهراء شاده فيه بيديها قلبه ينبض وقايم يديه ...ههههه تي وينك
بيان/طلعتله من جنب تاني مطلعه راسها بس ...وين مشي
سديم/حط يده لفها علي راسها...هههه مشي خلاص
بيان/طلعة من تحت بلطوه وتلفتت الخلف تشبح وين مشي الكلب وشاده في بالطو سديم مكبشة فيه واقفه قدامه ...ههه مشي حي ....وشبحتله
سديم/هههه ...تله من البرنوش متعه ..تعالي جاي ههه
بيان/مشتله ...ههه
سديم/شد يدها وقص بها طريق وصلو في السيارة حط الكيسا في صتل الكناسة وركبه جنبه ولف ركب بدت المطر من جديد تصب و طلع بسيارة وجوه رايق
بيان/خدت نفس وتشبح لي المرش الي جنبهه ...اااه
سديم/يسوق وشبحله جنب...ههه خيرك
بيان/شبحتله...ههه لا مافي شي غير تنفست تفست اراحة ااااه ...وسخت علي الكرسي
سديم/هههه باهي كويس
بيان/سوت تقعمزة ...بس قولي شنو قصة من لما رجعت تخدم عندنا وليت مش طبيعي علاش يعني...وشبحتله
سديم/يشبح القدام...اني قلت من لما رجعت وشفتك انتي معاش وليت طبيعي
بيان/تكنطة ...قصدي سديم مش مجبور انت تكون حارس شخصي ليا ولا تسمعني كل مرة كلام زي الزفت مافيش داعي اصلا خلاص حليا حيتغير كل شي معاش في حارس حتبدا مع بوي لي ان شهر بس ويبو العرس يعني اشهر هدا حيشده بدالك اشيخ حمزة وخلاص روح بيا بسرررعة..وقلبة وجها لي جهة تانية مضيقة بتتفجر ان عطاته وجه
سديم/تكنطه...شنووو تشيخ حمزة تي مش عاجبك اني اشبحلييي جاي نكلم فيك..وشبحله
بيان/شبحتله عيونه فيهم لمعة دموع ...لالا قصدي انت متعفلق ومش عاجبك مفيش حاجة بسيف وليت مش طبيعي قصدي متحطش الوم كله عليا هدي خدمتك مش عاجبتك تقدر تغيرها او تقول مانبيش وتم
سديم/اول شي تبكي نقتلك ...وشبحله...دموعك منتحملهمش يافرخة..وشبح القدام... باش ميصير شي غلاط وتاني شي انتي فهما غلاط غير اهدي لي ان اني دهش راهو معيط ليااا رقي شايط في حوش زهور فا متزهداش عليا تربحي وراس بيان
بيان/تكنطت بدت تخبط علي الفدرة بيده....عيت من ام قصتها زهووووور الزفت
سديم/يسوق ..به تمام معاش في زهور اصلا خلاص كل واحد فينا مشي في حاله
بيان/شنوو
سديم/افسخت بكري خلاص ..وشبحله
بيان/نصدمة....علاش شنو صااار خيركم
سديم/هلبا موضيع نفوت فها توا طلعتلي بستوانة جديدة جايين يخطبه فيا
بيان/شنو انت صاحبه مش خطيبتك خطبه
سديم/طلعة مش معبيله عينه جايها واحد واتي معااش تبي تستنا خلاص قلتله بري طيري ليه جنحي افتحي الباب بريله حتا من توا وطلعي من راسي وتم...ودرس قدام قهوة خوه
بيان/بالك هيا قالت هكي تبيك تستعجل تسقد روحك اني بروحي بنت نبي حاجتي بسرعة الحق قصدي يبدا هو بعيد عليا الحق حق منتحمش بجديات نبيه جنبي من الاخير هههه
سديم/يشبحله...هههه طول ها جنبي مفيش مقدمات متعرفيش يمه ارحمني انتي هههه
بيان/طبست راسها...هههه
سديم/هههه...مسح بيده علي وجه ويشبح لي القهوة...والله عليك جو انتي
بيان/تشبحله...ههه به هدا الحق اما جو نستنا منحبش منقدرش فا اعدرها بدير اي شي باش تكون جنبه
سديم/شبحله...ههه لالا هدي متفكرش فلي فدمغي اني وياك توا ...وشبح لي روشن متعه تكنطه واحد يشبحله حط يده علي ضي اصالة في اصقف صكره... الزفت تي شن خلني نغير اني وحاتم المضلمة المهم هيا المهم عندها حوش وسيارات وعنده فلوس اهم شي هيا حقها لكن متجبش تستفزني خلاص راضية من ااول بحلتي هدا الي عندي والحرام اني متخشش فيه باش نبدا فلوس ...وشبح لي القهوة
بيان/في شنو تستنا انت
سديم/شبحله وشد تلفون يتصال ...سراج موصيه يخدلي اعشيه ...وشبح لي القهوة ... قلتله بنخطم عليك بنخده...ها وين اني برا
سراج/اشرله من الباب ويكلم فيه بتلفون..مزال ربع ساعة
بيان/ تشبح لي روشنه تشوف في سراج..هدا خوك
سديم/شبحله وحط يده تانية علي عيون بيان..هيي بنعمهملك راهو
بيان/ههههه..حط يده علي يد سديم الي علي عيونها
سديم/قاعد مصكرله عيونها....ههه ربع ساعة شنو طالب عصبان اني ياراجل باهي نستنا هههه ياكلب صكر فمك ماشي ماشي هي ..وصكر وحول يده من علي عيونها...مزال ربع ساعة...وشبحله
بيان/اها به هدا خوك صغير ههه
سديم/شبحله....بياان متخلنيش نقتلك راهووو ههه اي صغير اي فا هدا هو ...وطفه سيارة
بيان/ههه عادي متزعلش روحك كل شي نصيب وربك يعوضك بخير منها
سديم/ان شاءالله خير بس بالله عليك بيان بالله عليك امس وراس امك وبوك امس علاش كسرتي دنيا شن اسبب..ويشبحله
بيان/تشبحله وسكته
سديم/جوبني علي خاطر مسحت صوري من تلفونك صح
بيان/تشبحله وسكته
سديم/جوبي خيرك تكلمي صح وله
بيان/لا بنسبه ليا صورك زي عثمان والي قبله متسحو في وقتهم المحدد
سديم/نصدم...متقرننيش بيهم اشبهه الرجال اهما
بيان/به
سديم/انتي تحبني بيان صح جوبني بصراحة
بيان/اي فعلا كنت نحبك
سديم/حط يده علي عيونه وبتسم...الله اكبر ههه...وشبحله وخدي نفس وبتسم وقبله ينبض بسرعة
بيان/تشبحله...بس فعلا ماضي
سديم/خدي نفس ...اااه له عليك خيرنا احم...سوه بلطوه من رقبه
بيان/حسته كانه زهي علها...لي ان توا اني نحب شخص وشخص يحبني وجاي غدوا بيخطبني
سديم/نصدم...قصدك الي جاي غدوا هو نفسه الي يومه تبي تقبليه في الجامعة
بيان/اي نفسه
سديم/من صدمة عض شاربه وشبح القدام..ماشي ماشي...وفتح الباب فجاة ونزل يجري مطر لي القهوة
بيان/تفجاة في نزلته الي جت بسرعة خدت نفس وتشبحله من المرش
_______
في القهوة ادخل
سديم/واقف علي الكسا ...هيا ياراجل
سراج/يلفله في الواجبة...باهي خيرك شنو صاير معاك جوك مش تمام
سديم/بعدين نهدرزه غير سقدني
سراج/تمام هي شنو بيان معاك ...وحط الوجبات في الكيسا مدهم ليه
سديم/ اي ...خدهم وطلع فتح باب السيارة بيمد لي بيان الكياس ملقهاش في كرسها نصدم حط الكياس علي كرسيه تلفت الخلف يشبح يمين ويسار وشد راسه....لالا شنو درت اني
................................................ ....
طرابلس المقبرة ....
الحرس/مد يده لي عز في القبر جبده طلعه..حمدالله علي السلامه ..ويحوله في الكفن
عز/يتنفس بسرعة ...هههه اااه الله يسلمك
عقبة/مقعمز جنب قبر خوه علي ركبه والمطر تصب عليه كله مبلول مع بعضه ويحفر يحول في التراب
فؤاد/علي قبر امين مقعمز علي ركبه يحول في اصقفات وشاد البيلة بفمه حوله من فمه ..اميين اميين رد عليا تسمع فياا
امين/اي اي بسرعة معااش قدر نتنفس
فؤاد/بتسم فرح ..الحمد الله ههه.. ورد البيله في فمه ويحول في صقفة الاخيرة لوحه وكان مبلول من المطر طبس جبد امين طلعه وقعمزة علي حشية القبر ويحوله في الكفن وشاد بيده البيلة ....شنو كويس ..وحط يده علي راس امين لقه مش سخون ..الحمدالله حتا حرارة مفيش طلعة منها يا راجل...حضنه ..ههه
امين/ههه الحمدالله ..تصب عليهم المطر
الذئب/طلع يتنفس بسرعة داهش ويحول في الكفن يشبح لي الحرس يحوله في الكفن ... راجي راجي حطولي حاجة في ضهري ...وحط يده في ضهراء اوقف جبده
الحرس/حوله الكفن
الذئب/يشبح في كتنه مغلفة مخيطه ومعقودة ..ولاد الكلب سحر ...وشاده في يده ماشي لي عقبة يجري
صفوان/طلعوه الحرس قعد مقعمز علي حشية القبر رقبته مش قدر يحركها ..لالا متمسنيش
الحارس/شبح لي فؤاد...فؤاد...تعاله شوفه
فؤاد/وقف قدام صفوان تله من يده وقفه ..خيرها
صفوان/لفلي رقبتي بكري
فؤاد/متمسهاش ندرلك حل ...وشبح لي الحرس...ارفعه لي سيارة ...يسمع في عقبة يعيط شبحله مشي يجري
عقبة/حول صقفات من علي خوه ويعيط ..عظيييم...وشبح لي قبر جلال
الذئب/جبد جلال طلعه
عفبة/شبح لي خوه ..عظيبم عظييم ..يحرك فيه نزل قامه حطه علي حشيت القبر وركب قعمز يفك في الكفن حوله من عليه..عظييم تسمع فيا خوووي ..وخبط علي وجه ومقرب منه...عظييييم ...وخيض فيه خااايف
عظيم/ولا حركة ولا نفس
جلال/تخطه قبره وطلع يجري لي خاله نزل علي ركبه مطبس علي خاله...خاااالي
الذئب/واقف وراهم مطبس وشاد راسه
فؤاد/مقعمز علي ركبه جنب عقبة ويعطي لي عظيم في اسكجين في فمه ويدرله في نبض علي قلبه ...عظيمم عظيممم وراسك فيك
امين /كيف مطلعنا الحرس يسمع فيهم يعيطه تلفت فك يده من الحرس وله يجري طح من اطين والمطر وقف يجري ماشيلهم
صفوان/وله يجري من باب السيارة يعيط....عظييييبم
جلال/خااااالي
عز/مقعمز فوق راس عظيم علي ركبه وحط يديه علي راس عظيم وقيم راسه لي السماء والمطر تصب ...لااااااا
عقبة/شاد في فنلية خوه ويعيط علي طول حسه...عظيييييم لااااااا
الذئب/تلفت الخلف شاد راسه مطبسه...لا ياربي لا
...................................................
...................................................
_____________________________________
_____________________________________
#Jule Akrsoa ℘₰ﮩ℘₰ﮩ℘₰ﮩ✍
