#رحلة الموت
#بقلم_جولي اقارصؤ
#الحلقة {22} جزاء (1)
- "كُل شئ كان قاتلًا لكني لم ٱمت."
وادي الحي...
فيلة الجنيرال بالؤ...
في الصالة دور الاول...
عظيم/افتح الباب بقوة
عقبة/شاده يتل فيه...افهمم قبل
عظيم/حووول كلاب اهمااا....وطلع يجري وشاد مسدس
امين وعز وصفوان وقفه يشبحه لي عظيم كيف يجري جهتهم مصدومين
جلال/طلع يعكز وراء اخواله...خااالي
عظيم/حط يده علي رقبة امين وخنقا وحط المسدس علي راسه...نقتلللك
عز/يفك في يد عظيم....لا ياعظيم افهم قبببل
صفوان/خيررك خيرررك ...ويهدي في عظيم
امين/يشبح لي عظيم وساكت
عظيم/حول يده ...ههههه خيركم مخلوعين تي انبصر هههه...وجبد امين من راسه بسله راسه
صفوان/قعمز علي الصالون...علاش ياراجل نقصين احني...وشاد راسه ومطبسه
عز/قعمز علي الصالون ويشبح لي عظيم
جلال/قوية الجرية هههه...ومشي لي مكانه
امين/شبح جنب لي عز وتلفت بيخطم من قدام عظيم
عظيم/شد يد امين...تي وين ياراجل انبصر
امين/شبح لي عظيم...لي الحمام وجاي ياراجل....حول يده ومشي
عقبة/طلع من باب الحوش
عظيم/حط المسدس علي الطاولة وقعمز يشبح لي عز وصفوان...تي خيركم تخزرط هكي
عز/لا عاد واحد جاي جهتك بسلاح مفروض نبتسمو ونفرحه...ويشبحله
عظيم/ههه باهي بصرنا يا راجل كساد
صفوان/طبس راسه ومشبك صوبعه في بعض وساكت
________
في الحمام....
امين/واقف قدام الحوض وشاد فيه بي ايديه ومطبس راسه سارح فجاة افتح اشيشمة قعد يغسل في وجها صكر اشيمشة وقام راسه يشبح لي المراية يمسح في وجه بي ايديه وشبح لي جهت الباب شويا ومشي طلع من الحمام
...................................................
العاصمة طرابلس ....
فندق المهاري...
غرفة فداء ....
فداء/كيف طلعة من الحمام وسلبت اتب لوحته علي اسرير قاعدت في تشرت نص كم اسود ولفت لي ادولاب كيف بتفتح ادولاب حست روحها كانه شبحت حاجة جهت البلكونة تلفتت بسرعة نصدمة
الذئب/مقعمز علي الكرسي دير رجل علي رجل وفي يده طسة قهوة شبحله وشبح لي طاسة يحرك فها...من عادت كل انسان في العالم ان يرد دينه وانتي دينك ما اوفا معاي يا وفاء...وشبحله
فداء/واقفه تشبحله ...داين الي بينا عطيتك حقا اوصلك في يومه شنو تبي تاني
الذئب/شبحله...هه تسميه تسديد دين هداكه فلوس الي بعتيهم مايعنولي شي قدام الي قدمته ليك نهيتلك روح متبي تشوفها بي تلفون واحد منك نجي اني بعد تصفاية لي مكتبك رفطي تستقبلني لي ان مش من مقامك صار
فداء/توخر بشويا لي جهت الباب من غير مايحس وتشبحله ....مكاني كان حساس ميسمحلي ان انشوفك او نستقبلك كانو حيشكه ان في خدمة تصفية بيني وبينك واني منبي حد يشوفك عندي ولا يشوفني معاك كنت خايفه علي روحي وخايفه عليك
الذئب/يشبحله ضحك جنب ....هه قولي خايفه علي مكاني مش خايفه عليك لي ان مافي حد يهما حياة غيره في مكانك وقولي انك خايفه اساعدي يصير عنده علم بحكم اعجابك بيه كان الموضوع مكانه راكي قبلتي تستقبلني في مكان تاني من غير علم حد بس انتي ستصغرتني
فداء/اني منستصغرت حد ولا عمري هنت حد بس اي لقطه بس اكيد يهمني مكاني وبعدين طلبتك في خدمة وعطيتك حقها وانت طلعة طماع تبي شي تاني فا انت الي غالط وتتحمل نتيجة افكارك ومخططاتك واستغلالك لي الموضوع
الذئب/اوقف تكنطا...اني مستغلتكش اول متلبطي مني اطلب قتلك حاضر وعتبريه صار بس بي المقابل نبي نتلاق معاك وكنتي موافقه يعني من الي كذاب وخلف بي كلامه ودينه ..اشر علها...انتي او...اشر علي روحه ...اني وماتنسيش ان اشخص الي قتلتا علي خاطرك لي اليوم اماليه ولده يبو يعرفه من وراء قتلت خوهم بي مكلمة وحده يصلهم الخبر شن رايك ...يشبحله
فداء/تشبحله...متنساش انت الي قاتل مش اني ...وربعت ايديها
الذئب/ويني اني اني ميت وحطرين حتا جنازتي منو الموجد توا حي يرزق ها منوو عميلة سرية اول الانساء وفاء صفت اسيد فتحي عبيد بي سبب ترفع الأماكن يعني بي سبب كرسي قتلتي راجل مدنبا شي ويتمتي راس ولد عنده منه
فداء/اشرت عليه...انت الي قتلت مش اني
الذئب/اني خدمتي وانتي ...اشر علها...طلبتي الطب هدا يعني في رقبتك انتي وبسببك انتي
فداء/خدت انفس ...اني مامرتش حد يموت بي سبب كرسي
الذئب/ههه املا بسبب شنو ورقه ولا ...درله حركة بيديه بي معنا فلوس ..مني
فداء/لا بي سبب ان يقدر يجبني في اي وقت يبيه لي عنده وهددني في وسط مكتبي وقدم حرساء واني شخص يوصل فيا يكون زايد علي عدد اسكان بعدين اني مجبرتكش تقتله عندك عقل وتفكر بيه وتقدر ترفض بس حتا انت تلعط اناني لي نفسك وستغلية الفرصة
الذئب /هه متقنعنيش اني حقي نبيييه
فداء/اهو جيت وستقبلتك حقك خالص
الذئب/تلفت لي البلكونا....هدي اجاية جتها اني ليك حقي ودينك توفيه انك تجي لي عندي في وسط حوشي وبروحك..يسمع في الباب انفتح تلفت
فداء/طلعت تجري من الغرفة
الذئب/طلع يجري لي الباب
فداء/اطق بقوة علي باب باني ...افتح تفتح
باسط/فتح باب الغرفة بسرعة
فداء/دفاته وخشت
باسط/يشبح في الذئب جاي واقف قدامه
الذئب/حوول..يبي ايخش
فداء/واقفه وراء باني مكبشه فيه
باني/لبس توتا وحفيان واقف وملفت وجه لها جنب...خيرك خيرك
فداء/الذئب الذئب جاني جاني ..وشاده في تبه من الخلف
الذئب/دف باسط اوخش شبح فداء وراء باني ...علااش هربتي
باسط/وراء واقف
باني/يشبحله ومتكنطي...منسمحلك تخش وتجي انت تجوزت احددودك اطلع برااا...واشرله علي الباب
فداء/حطت وجها علي ضهر باني ولفت يديها علي خصره لصقت فيه خايفه
الذئب/يشبحله وشبح لي باني واشرله بي صبعه....الايام بينا...وطلع
باسط/طلع وراء وصكر الباب
باني/خلاص امشي كيف جاك ..ولفت وجه جنب
فداء/قاعده مغمية وجها فيه...طلعت من الحمام لقيتا في ادر خفت خفت بس تشجعت شويا خلتا يلها وهربت
باني/متكنطي ....باهي جيتي طووول اهني هربتي شنو يبي منك زودها اهو ...وحط يده في جيب تب متعه بطلع تلفون
فداء/حطت يدها علي يده في اتب...خلاص منبي مشاكل بي سببي
باني/خلها تنحرق علي خاطرك مايهمني ..وطلع تلفونه ويتصال حطا علي ودنه وحط يده علي يدها علي بطنا شدها ...تعالي قدمي يودي خلاص مشي ميتجراش ان يرجع اصلا شفتي تصكير راسك لوين اوصلنا ...وجبها قدامه شاد يد ها....مش كان في الحوش افضل في مكان واحد مصار الي صار وتبيلك شقه بروحك قلتلي ..ونزل تلفون من ودنه يبعت في رساله
فداء/تشبحله...اي نبي شقه بروحي
باني/لهي في تلفون وعض شاربه ...اي حاضر ..و طق الباب بقوة
فداء/ نخلعة تخزرطة حولت يد باني من قدامه وحولت يدها من يده وحضنة باني وحطت وجها في صدره ...لالا تخليشي يخدني متخليشي حضنته بقوة
باني/تلبك يشبحله كيف حضناته ...حط يده علي ضهرها وتصال بي تلفون...ها ياباسط انعم
باسط/بنسالك نخش او لا
باني/لا في حاجة
باسط/خلاص تاكدت ان روحه
باني/تمام خليك في دراها تمام ...وصكر ...متخفيش خلاص روحه و كيف نخليه ياخدك بساهل
فداء/قامة راسها تشبحله فاقت علي روحها وبعدت عليه وربعت ايديها تشبحله ...انتو خدمة في بعض شنو عرفني
باني/يشبحله وعض شاربه مغلول ...ياباسط دخله
فداء/لااااا لااا...مشتله تجري حطت يدها وراء راسه ويد تانيه علي فمه مصكرتهله وتفنص فيه...اااس لا
باني/يشبحله ويضحك
فداء/بعدت من عليه
باني/هههه توا حق بندخله ياهبلة خلاص اليوم خليك عندي اهني وغدوا نرجعه لي حوشنا امان غادي ولا مزال تبي شقه بروحك ...وقعمز علي حشيت اسرير ويشبحله
فداء/والله بنتحمل اهو لبين مايتم الموضوع هدا وبنخليلكم البلاد الغبرة هدي ...قعمزة علي الصلون قمت شعرها الخلف بي يديها وشبحت جهت باني لقتا يشبحله
باني/يشبحله بي نضرت شنو تقول هدي ...ان شاء الله...ولهي في تلفونه
فداء/اشرت عليه بصبعها...انت اوعدتني راك خليك علي قد كلمتك
باني/يبعت في رساله ...اني علي قدها معاك تمام علي قد كلامي ...بعت رساله وحدف تلفون جنبه علي اسرير مسح بيديه علي وجه وشبك صوبعه في بعض ويشبح لي جهت البلكون...علاش جاي شنو يبي منك
فداء/يبي نخلص ديني معه معني خلصتا
باني/تلفا لها...كيف دين شنو يبي منك فلوس
فداء/لا خلصتا فلوس
باني/ملا شن يبي هو
فداء/يبني نمشي بروحي لي حوشه باش نردله اتعبارة لي ان قبل جاني في مكتبي ورفضت نستقبله
باني/كييف علاش رفطي وشنو قصة الفلوس ودين تي مستحق انتي فلوس قبل وانتي تخلصي اكثر منه
فداء/خدت نفس وشبحتله...لا موضوع الفلوس طلبت منه طلب ودار وكفيتا حقه هو لا ميبيش هكي يبي شي تأني
باني/يشبحله...انتي شنو كان طلبك
فداء/تشبحله وسكتا
باني/جوبيي
فداء/يصفلي شخص هددني ان يجبني لي عنده ويدير شن يبي فيا
باني/تكنطه.... تي امتتتا الموضوع هدااا
فداء/اهداء مش توا قبل في نضام سابق
باني/من كان
فداء/السيد فتحي عبيد
باني/لالا تبصري...ويشبحله مصدوم
فداء/لا بجد تعرفه
باني/ اشرله علي الباب ومصدوم...هدا الي ولده مؤيد كان رد باله منه الذئب ولد صاحبه الي توفا نحبس معه
فداء/اي هو
باني/امسح بيديه علي وجه...حي علي اجو حي ...وشبحله
فداء/خيررك
باني/اني انقول الولد تقول ولده وصحبه هو بوه مش هديكه اصحبه قبل كيف صار تريتا قاتل بوه والعيله مش عرفين ولا ولده يكفر علي دنب الي في رقبته مشاءالله
فداء/لا الولد عنده علم
باني/شبحله...شنوو
فداء/مؤيد عنده علم ان الذئب هو الي قتل بوه
باني/كيييف قاتل بوه يعتبر فيه زي بوه انتي عقلك انضرب مهبولة في راسك انتي
فداء/لا مش مهبولة في راسي اني بجد مؤيد عنده علم لي انه قبل سنتين نتفكر فها عرف ماهر بي الموضوع وقال ان يستغل الفرصة لكن مش متاكده ان عنده علم او لا لكن ماهر متاكده منه مستحيل ايفوت شي زي هدا ومايستفيد منه
باني/يشبحله...لا تعرفي ماهر كويس ...ويضربق في اصوبعه
فداء/لا سيداد اكثر بحكم كانت معه تعرف كل كبيرة وصغيرة عليه يمكن تعرف حتا بي موضوع مؤيد ان كان عنده علم او لا
باني/حنشوف ورتحي توا
فداء/نيي توبي
باني/تعلي نمشو جيبي شن تبي هي..واقف سلب تبه مده لها ...البسي وقعد في نص كم
فداء/واقفت...خليه عادي مش بعيد الغرفة
باني/تكنطه... البسي متخلنييش اننن نقول كلام مش ليا تي اني مش قدر نفوت الذئب كان عندك بي المنضر هدا بتطلعي هكي بنقتلك البسي
فداء/هه...خدت اتب لبسته
باني/ ماشي جهت باب الغرفة
فداء/طالعة وراء
...................................................
العاصمة طرابلس...
العياد الخاصة...
في الاسعاف....
مرقدين سيداد علي اسرير و لصقه في نص خشمها ومركبله تغداية وفاتحه عيونه تشبح فوق
بلال/مقعمز في اسرير الي جنبها علي الحشية ويشبحلها
جاهد/واقف في الباب واقفين عليه تنين من الحرس
بلال/يشبحله....سيداد
سيداد/انعم
جاهد/جي واقف علي بلال...هاتف المدام يرن
بلال/خده منه
سيداد/شبحتله...منو
بلال/زاجل
سيداد/مدت يدها ليه...هاته بسرعة
بلال/اوقف مده لها
سيداد/خداته وفتحت الخط ... ايوه زاجل هااا خيرك...وناضت تحول تقعمز
بلال/غير بشويا.... يسعد فها تقعمز
سيداد/قعمزة ....باهي غير اهدا اهدا خلاص تمام جاية هي نلقوها نلقوها غير اهدا مسافت الطريق بس وخليك في مكانك تمام..وصكرت تحول في التغداية
بلال/غير شنو ديري شنو فيه...شدله يده
سيداد/زاجل مراته اختفت مش عارفه شن صاير معه بنمشيله...وحولت التغداية
بلال/غير اقعدي انتي ارتحي توا نبعتله اني جماعة يشوفه الموضوع
سيداد/تشبح لي عيونه....اني بنمشي هدا خوي مانقعدش عليه ولا ثانية لو نبدا علي فراش الموت....حولت يدها من يده ونزلت من اسرير ماشية جهت الباب وديخه بسيف تتحرك
بلال/قاعد واقف في مكانه ويشبحله كيف طالعة وساكت
سيداد/طلعة من غرفة الاسعاف وتمس في خشمه يوجع فها تلفتت الخلف ملقتش بلال وراها رجعت بسرعة مشيتلا
بلال/قعمز في سريرها علي الحاشية ويشبحله
سيداد/شدت يد بلال
بلال/يشبحلها
سيداد / جبداته من يده بي معنا نوض ..... نقدرش نخليك انت تاني اهني بالي يقعد مشغول مش امان
بلال/ معي حرس اني ...واوقف
سيداد/راجلي علي راجلك ليا يتم موضوع سليمان بعدين كل حد في طريقه ...ورفعته معه يده طلعه برا
جاهد/ركب يسوق
وبلال وسيداد ركبه من الخلف
بلال/كيف اختفت مراته
سيداد/لهيا في تلفونه...مش عارفه هو داهش ومخلوع مش قدر حتا يتكلم نصلو نفهم كل شي ...تكت راسها علي المسند الخلف غمضت عيونها وحطت تلفون علي ودنه وتعبانه ..ايوه زاجل اهو اني في طريق باهي
بلال/شبحله حط يده علي راسها بيخده يحطها علي كتفه
سيداد/صكرت الخط بعدت يده...لالا هكي مرتحه ...وتشبح لي اروشن
بلال/تكنطه وسكت
سيداد/خديت دواك
بلال/لا
سيداد/تعشيت
بلال/لا
سيداد/في طريق توا يخدلك جاهد وجبه كوله وخود دواك مش كويس صحتك اهم
بلال/يخدنا ازوز عندك هبوط انتي علاش متكلي
سيداد/والله ماعندي نية حتا في حاجة
بلال/حط يده علي يد سيداد...يصير خير بادن الله
سيداد/تبطبط بيدها تانية علي يده...ان شاء الله...وحولة ايديها تشوف لي اروشن ومشغولة علي زاجل
بلال/مش عارف كيف يتصرف مع حراكته متجهلاتا
...................................................
العاصمة طرابلس....
علي حشيت البحر مدرس سديم سيارة
سديم/ولع ضي الصالة وشبح لي بيان ...صقعتي نصكر اروشن
بيان/تشبح لي اروشن عبايته مفتوحه وشحها منزلته من راسها وفاشلة تتكلم بشويا ...لا خليه
سديم/قرب منها شويا حط يده علي لحيتها ولفه وجها ليه....بيان خيرك تعبانه نروحه خلاص ترتحي في سريرك خير
بيان/خلنا شويا
سديم/به كويسه توا انتي ...ويشبح لي عيونها
بيان/تشبحله...اي كويسه
سديم/يشبح لي ملمح وجها شويا بسها من جبهتها ورجع لي مكانه
بيان/تشبح القدام
سديم/قاعد يسويلها في العابية من جهت صدرها صكرها لها...صقع عليك به نعطيك بلطويا
بيان/لالا اني نبي هكي
سديم/تمام ...مقعمز وساكت وحط يده وراء راسه ورجله الي جهت الباب قايمه جهت استيرسه وزكم اينفنف شبحله...صكرنا اروشن عاد خلاص زكمتني راهو بنمرض حي عليك
بيان/شبحتله...باهي هي ...وصكرت اروشن
سديم/نزل رجله وخدي كننكس من الفدرة يمسح في خشمه ..اااه الله يسامحك يا بيان اتسي الحمدالله
بيان/يرحمكم الله
سديم/يهديكم ويصلح بالكم يهديك ربي وخلاص المشكله ان هيا لبسه خفيف ونصها عريان وماتحسش في صقع مافهمتش تي بتكلي برده انتي علي صدرك بتبهدلك عارف اني ...وشبحله
بيان/تشبحله ونشطت شويا...حرة في روحي اني نبي نمرض
سديم/اشر علي روحه...تي باهي اني شن دخلني تمرضني معاك ولا من جماعة الي بيا بيك ههه
بيان/ههه ايوه
سديم/اااه وخلاص معندي منقول يشبحله....تعشيتي حقا امي قالت طلعت من غير ماتتعشه لي العلم قتلي ردها راهو كان حاله باهي
بيان/تشبحله...لالا منبي
سديم/تقعدي معاي خير وله ههه
بيان/اي ههه
سديم/قلت اني خير اصلا ههه به شنو نخده عشي نكلو ونروحه
بيان/اي عادي
سديم/تمام ...ولع سيارة
بيان/طفها سيارة مزال ...وسرحانه فيه
سديم/لالا وراسك مصارت بدات بكلمك المعسل هدا بيصير جو مش حلو فا خلني محترم نفسي وعاقل ومشاءالله عليا ونمشو نخده اعشي ونتعشه في سيارة ونروحه باهي
بيان/لا نتعشه باهي في استرحتك ونروحه شن رايك
سديم/طلع بسيارة وشبحله جنب....لا نويتني الليلة انتي هههه
بيان/تحشمت....هههه
سديم/ههه قتلك استرحتك تي وربي كان وصلت غادي معاد نعرفك لا بنت وزير ولا خوتك خلي نموت ههه فا نمشو نخده عشي ونروحه خيرنا بكرمتي
بيان/ههه به شنو بصير يعني علي الاقل الوحد يكل وهو مرتحه سيارة منحبش نكل وحوشنا كرهتا فها هدا الي كان قصدي بيه والله هههه
سديم/باهي اني قلت حاجة ههه قتلك اني كلب ماينفعش فيا الخير نتعشه معاك اعشي محترم نفسه يودي بي الفلاقي يابنتي مش حنتعشها بنكلك افهمي هههه
بيان/حط يدها عاي وجها .....هههههه باهي خلاص بلاش ياودي حتا في سيارة كويس ..وشبحت لي اروشن
سديم/هيا نمشو لي الاسترحة...وشبح لي بيان
بيان/شبحتله ...هي
سديم/هههههه لا معندكش نية انتي بكل هههه
بيان/ههههههه...طبست راسها
سديم/شن تبي نكلك قصدي شنو تبي نخدلك ههههه
بيان/غير صفي انية الاول بعدين نقولك هههه
سديم/هههههههه
