𝚌𝚊𝚕𝚕 𝚒𝚝 𝚊 𝚍𝚊𝚢 (Completed ✅)

part15: អូនពូកែសម្ដែងមែន🙂

>ថ-ថេ?! អ្នកទាំងពីរធ្វើស្អី?!!!!<

រាងស្ដើងស្រាប់តែភ្ញាក់តែម្ដងពេលឮសំឡេងមួយនេះ ហើយពេលត្រូវគេដោះលែងខ្លួន ថេក៏ឃើញថាមនុស្សដែលខ្លួនស្រឡាញ់ ទីបំផុតក៏បង្ហាញមុខ។

ជីមីនសម្លឹងមើលទៅប្អូនប្រុសក្រៅខោដែលមានសម្លៀកបំពាក់មិនរៀបរយ សក់ក្បាលរញ៉េរញ៉ៃព្រមទាំងសភាពរបស់សង្សារខ្លួនដែលអាក្រាតកាយ នៅលើគ្រែទក់ទី ត្រឹមប៉ុណ្ណឹងក៏ស្មានដឹងទៅហើយថាពួកគេទើបតែឆ្លងកាត់រឿងក្ដៅគគុកហើយ!!

>មីនី? អូន....<
>គឺខ្ញុំមកជួយដេកកំដរសង្សារបងហ្នឹងណា៎ ក្រែងបងរវល់មិនអញ្ចឹង?<

ជុងហ្គុក និយាយកាត់រាងស្ដើង ដោយមិនបានខ្លាចរអាអីបន្តិច ថែមទាំងឌឺដងបងប្រុសគេទៀតផង! ជីមីន ឯណេះក្ដាប់ដៃជាប់ដោយខឹងសម្បារ មិនស្មានថាគេហ៊ានលូកថ្លើមនាយស្រស់ៗបែបនេះ!

>ម៉េចក៏អូនធ្វើបែបនេះដាក់បង?!!<

ថេយ៉ុង គ្រវីក្បាលតិចៗជាការបដិសេធថាវាមិនដូចជាអ្វីដែលគេឃើញ និងមិនដូចអ្វីដែលមនុស្សម្នាក់នោះប្រាប់នោះទេ។ ពេលឃើញគេសម្លឹងមកនាយដោយក្រសែភ្នែកអស់សង្ឃឹម សោកសៅ រាងស្ដើងស្ទើរតែខ្ទេចខ្ទាំបេះដូងទៅហើយ។ *សុំទោស ដែលអូនមិនអាចការពារខ្លួនឯងបាន!*

>វាមិនដូចជាអ្វីដែលបងគិតនោះទេ គឺគេ...គេធ្វើបាបអូន!!<

ថេក្ដោបភួយជាប់នឹងខ្លួនដើរទៅរកនាយតូច តែក៏ត្រូវដួលទៅវិញនៅចំពោះមុខគេព្រោះគ្មានកម្លាំងកំហែង

>គេធ្វើបាបអូន? រឺអូនបើកដៃឲ្យគេដែរ?!!!<

បើគេចង់ធ្វើបាបមែន ម៉េចក៏មានស្រាក្រហមនិងអាហារនៅលើតុ? ដូចជាណាត់គ្នាមកទីនេះញ៉ាំអាហារពេលល្ងាចហើយក៏ឡើងគ្រែជាមួយគ្នាសមជាង!!

គ្រាន់តែស្ដាប់ពាក្យមួយប្រយោគនេះ រាងស្ដើងស្ទើរតែធ្លាក់ថ្លើមក្ដុក ព្រោះអ្វីដែលខ្លួននិយាយពេលនេះ គេស្ដាប់មិនចូលត្រចៀកទៀតឡើយ ។ ខុសប្លែកពីជុងហ្គុក ពេលដែលបានមើលគេឈ្លោះគ្នាបែបនេះ ក៏លួចញញឹមចុងមាត់ បែបអ្នកឈ្នះ!!

>មីនី! បងស្ដាប់អូនសិន....<
>អីយ៉ា! បងប្រុសរឿងបែបនេះ បង្ខំមិនបានទេ នរណាផ្ដល់ឲ្យបានច្រើនជាង គេយកអ្នកនោះហើយ<