جلست أبتهال و أمامها جبل من المحارم و بجوارها ريهام تحاول تهدأتها، لكن كلما هدأت أبتهال تذكرت خيانة محمد بها لتبكي مرة أخرى، كانت ريهام تربت على كتفيها بين الحين و الآخر، قالت أبتهال من بين شهقاتها:
_ بيخوني يا ريهام، أنا شفته بعنيا دول و هو قاعد مع واحدة غيري.
طفح كيل ريهام من تلك الحمقاء، لذا فأحسن حل هو مواجهتها بحقيقة مشاعرها و مشاعره ايضًا، هزتها ريهام من كتفيها بحدة و هي تصرخ بها:
_ فوقي بقا يا أبتهال من الوهم اللي أنتي معيشة نفسك فيه، محمد عمره ما شافك حاجة غير أخته.
توقفت أبتهال عن البكاء و هي تحدق في ريهام بصدمة من إنفجارها المفاجيء، أكملت ريهام عندما رأت الصدمة على وجه أبتهال فقررت الطرق على الحديد و هو ساخن.
_ حتى إنتي يا أبتهال عمرك ما قولتيلي إنك عايزة تتجوزيه علشانه هو، إنتي كنتي مبهورة بشغله و مكانته و عربيته و مستقبله، لكن عمرك ما لمحتي حتى إنك بتحبيه هو، دا يا شيخة الحمدلله إنه مكنش بيحبك لأن حياته كانت هتبقى جحيم، لأنك هتستغليه.
فتحت أبتهال فمها بصدمة من حديث ريهام، لتنفجر هي الأخرى بها:
_ جحيم! و حياته معايا كانت هتبقى جحيم ليه يا أستاذة ريهام، حتى لو كان كلامك صح، فدا ميعبنيش إني عايزة مستقبل أحسن ليا دا مش حاجة غلط.
لانت ملامح ريهام عندما سمعت كلمات أبتهال، فهي لم تنفي حديث ريهام، و هذا أراح بالها لريهام كثيرًا، جلست ريهام بجوارها مرة أخرى تتحدث بهدوء:
_ لأ طبعا مش غلط إنك عايزة تحسني مستقبلك، لكن الغلط إنك تنتظري من حد إنه يحسنلك مستقبلك و تقعدي تبكي عليه زي دلوقتي.
تشتت أنظار أبتهال، فحديث ريهام منطقي و عقلاني مئة بالمئة، سألت ريهام بإحباط:
_ طب أعمل ايه؟! أنا فاشلة في كل حاجة، مفيش حاجة واحدة بس بحاول أعمله و بتظبط معايا.
ضمتها ريهام برفق، و هي تمسح دموعها التي إنسابت على خديها بقهر.
_ مفيش حاجة اسمها أنا فاشلة في كل حاجة، كلامك دا هو اللي بيوحيلك بالفشل إنما إنتي مش كدا، أول حاجة إنتي محتاجة تعرفيها يا أبتهال إن محمد مخنكيش، هو محبكيش و لا وعدك بحاجة، و لا حتى انتي كنتي بتحبيه و لازم تقنعي نفسك بكدا.
مسحت أبتهال دموعها بقوة، و قد أضاء لها حديث ريهام عقلها.
_ عندك حق يا ريهام ، فعلًا كفاية الوهم اللي كنت معيشة نفسي فيه.
ربتت ريهام على كتفيها بتشجيع، قائلة:
_ برافو عليكي ، هنيجي دلوقتي لأهم خطوة و هي الشغل، بصي يا ابتهال نص جمال الست في قوتها، الست القوية ليها رونقها الخاص، علشان كدا انتي لازم تكوني قوية، مش علشان حد بس علشان نفسك.
أنت تقرأ
كيف تصطادين عريسًا!
Romanceدليلك الشامل المتكامل لإصطياد عريسك المناسب... لكن هل يا ترى هو الشخص المناسب؟؟؟ سنرى الفتاة الطائشة ابتهال و هي تحاول اصطياد عريسها المناسب الغير مناسب على الإطلاق.
