Unicode
Oksaka ရဲ့နာမည်ကြီးပန်းခြံတစ်ခုတွင် အားလပ်ရက်ဖြစ်သောကြောင့် လူအများရှိနေကြသည်
ထိုနေရာသည် ပန်းခြံလို့သာအမည်ခံပင်မယ့် ကလေးတွေကစားဖို့နေရာမျိုးစုံလဲရှိသေး၏ ။
ပြေးလွှားဆော့ကစားနေတဲ့ ငယ်ငယ်ရွယ်ရွယ် ကလေးလေးတွေ အုပ်ထိန်းသူမိဘတွေ ချစ်သူရည်းစား စုံတွဲတွေ လူမျိုးစုံလာရောက်ပြီးအပန်းဖြေတဲ့နေရာဆိုလဲမမှားပေ ။
သူရှိနေတဲ့နေရာက ပန်းခြံဝန်းရဲ့တစ်နေရာတွင်ဖွင့်ထားပါသော Cosplay ရေခဲမုန့်ဆိုင်လေးတစ်ခု။ Cosplay ဆိုသည့်အတိုင်း လာလည်သော သူများအတွက်အပန်းပြေစေရန် ကာတွန်းဇာတ်ကောင်လေးများ , ဒါမှမဟုတ် နာမည်ကြီးရုပ်ရှင်ထဲမှ ဇာတ်ကောင်တွေကို ဝတ်ဆင်ရသည်
သူသည် ထိုဆိုင်လေးတွင်အလုပ်ရတာတော့မကြာသေး တစ်လလောက်ပဲရှိအုံးမည် ။
ယောင်္ကျားလေးဆိုသော်ငြား နူးညံ့သိမ့်မွေ့သော ရုပ်ရည်ကြောင့် မိန်းခလေးလိုကြည့်ကောင်းသည်ဟု ပြောကြသည် ။
အခုအလုပ်တွင်လဲ တခြားဇာတ်ကောင်တွေမဝတ်ရပါပဲ Cinderella ကိုဝတ်ဆင်ရသည် ။ သို့ပင်မယ့် သူသည်အလုပ်ကြိုးစားသောသူဖြစ်တာကြောင့် အထူးတလည် မငြင်းဖြစ်ပါ ။
"Winwinie မြန်မြန်လာ အရှေ့ချိန်ကလူက ဒီနေ့နဲနဲစောစောပြန်မှာတဲ့မနေ့ထဲကပြောထားတာ ငါမင်းကိုသတိပေးလိုက်ဖို့မေ့နေလို့"
ဆိုင်နောက်အပေါက်ထဲကိုဝင်ဝင်ချင်းပင် manager ဖြစ်သော အကို kun ကပုခုံးကိုပုတ်၍အင်္ကျီလဲရန် နှိုးဆော်တော့သည် ။
တရုတ်လူမျိုးချင်းဖြစ်သောကြောင့် သူ့အားဒီဆိုင်တွင်အလုပ်ရအောင်ကူညီပေးထားသော အကို Kun သည် တကယ်ကိုအားကိုးဖော်ရပါသည် ။
အင်္ကျီလဲ၍ပြီးသွားတော့ ဆိုင်ရှေ့ကိုထွက်ရန်ပြင်လိုက်သည် ။ Minion custom ဝတ်ထားသော အကို Kun ကိုတွေ့တော့ အံ့ဩမိသည် ။
"အကို ဘယ်လိုလို့ဒါကြီးဝတ်ထားတာ?"
"အေးကွာ Yoyo ကခွင့်ယူထားလို့ အခုရက်ပိုင်းငါဝင်ရမှာ"
"Pfff..."
"မရီစမ်းပါနဲ့ ငါနဲ့လိုက်ပါတယ် သွား ကိုယ့်အလုပ်ကိုယ်လုပ်!"
