Unicode
ဗလာကျင်းနေတဲ့အခန်းကိုတွေတွေ ငေးကြည့်နေရင်း Renjun မျက်ရည်တို့ ကျမိသည် ။ ငိုရလွန်းလို့ ခေါင်းတွေလဲကိုက်နေပြီ ။
ဘဝမှာသူ တစ်ခါ...တစ်ခါလောက်တော့ချစ်ကြည့်ခဲ့ဖူးချင်သည် ။ နှစ်နှစ်ကာကာနဲ့ကိုချစ်မိခဲ့တော့လဲ နှစ်နှစ်ကာကာ ကိုမေ့ပစ်ချင်လောက်အောင်အထိ နာကျင်ခဲ့ရပြန်သည် ။
အသက်ရှုမဝတော့တဲ့အထိ ငိုပစ်လိုက်ပြီးမှ ထိုနေရာလေးမှာသူခွေခွေလေးအိပ်ပစ်လိုက်သည်
မနက်ဖြန်ကျရင်အရာအားလုံးအဆင်ပြေသွားမှာပါ ဒီစကားလုံးလေးနဲ့သူ့ကိုယ့်သူနှစ်သိမ့်တယ် ။
သူချစ်ခဲ့တဲ့သူအမြဲပြောနေကျစကားလေးတစ်ခွန်းရှိသည် 'မနက်ဖြန်ကျရင်အရာအားလုံးအဆင်ပြေသွားမှာပါ' တဲ့လေ ။
~ ~ ~
"ဂျဲနို မင်း ရမ်ဂျွန်းဆီမသွားတော့ဘူးလား"
"ငါသွားတော့ဘာထူးခြားသွားမှာလဲ ဟယ်ချန်း ဘာမှမပြောင်းလဲသွားနိုင်ဘူး"
နေ့စဉ်သူ့အိမ်လာကာ ရမ်ဂျွန်းကိုနှစ်သိမ့်ရင်း ဂရုစိုက်ပေးရန် ဟယ်ချန်းကအပူကပ်လေ့ရှိသည် ။
"မဟုတ်သေးဘူးလေ အနည်းဆုံးတော့သူမင်းကိုမြင်ရရင်အခုလိုဖြစ်နေတာတွေ နဲနဲသက်သာသွားမယ်ထင်တာပဲ"
"ငါသူ့ကိုပျော်ရွှင်အောင်မလုပ်ပေးနိုင်ဘူး အဓိကကဘာလဲသိလား? ငါသူ့ကိုမချစ်ပေးနိုင်သ၍သူမပျော်နိုင်ဘူး"
"အခု ရမ်ဂျွန်း ဆေးသမားဖြစ်တော့မယ် အဲ့တာသိလား!!!"
ဟယ်ချန်းရဲ့အော်သံတွေဟာ သူ့တစ်အိမ်လုံးကိုပျံ့နှံ့သွားတယ် ။ အဲ့ဒီလိုပဲ သူရဲ့အတွေးတွေဟာလဲပျံ့နှံ့သွားတယ် ။ ရမ်ဂျွန်းကဆေးတွေတောင်သုံးတက်နေပြီလား?
"ငါပြောမယ် ဂျဲနို သူအခုအခြေအနေအရမ်းမဆိုးသေးဘူး ဒီ့ထက်မဆိုးအောင်တော့ မင်းကူညီပေးနိုင်ပါတယ် ငါလာတောင်းဆိုတာပါ မင်းသူ့ကို ချစ်သူလိုမဟုတ်ရင်တောင် မင်းရဲ့သူငယ်ချင်းတစ်ယောက်အနေနဲ့စောင့်ရှောက်ပေးလို့မရဘူးလား"
~ ~ ~
လာနေကျတိုက်ခန်းလေးရဲ့အခန်းလော့နံပါတ်ဟာ အခုချိန်ထိကိုသူ့မွေးနေ့ကနေမပြောင်းလဲသေးပါ ။
