ကြယ်ကြွေတဲ့အခါ ဆုတောင်းရင် ပြည့်တယ်ဆိုတာ ယုံတမ်းစကားတွေပဲလား... ဒါမှမဟုတ် ဖြစ်နိုင်ချေရှိရဲ့လား.... တကယ်သာပြည့်နိုင်မယ်ဆိုရင် မင်းကိုချစ်တဲ့အကြောင်း ဖွင့်ပြောချင်ပါရဲ့လေ ။
Ups! Gambar ini tidak mengikuti Pedoman Konten kami. Untuk melanjutkan publikasi, hapuslah gambar ini atau unggah gambar lain.
_______________
ကမ်းခြေကို honey moon ထွက်လာသည်မှာ ညားခါစ အိမ်ထောင်ဖက် သူတို့ကာယကံရှင် နှစ်ယောက်ဖြစ်သည် ။
ရေပြာပြာ တွေအလယ်မှာ ဆောက်ထားသော Hotel မှာ ပင်လယ်နှင့်အနီးဆုံးဖြစ်၍ သဘာဝကို ခံစားဖို့အကောင်းဆုံးသော နေရာဖြစ်သည် ။
လေတဖြူးဖြူးတိုက်နေသည်အား မမူပဲ အခန်းရဲ့အပြင်ဘက်ကိုထွက်လို့ လေညင်းခံနေသည့် Renjun မှာ ဘောင်းဘီ တိုတိုနှင့် ရှပ်အဖြူကိုဝတ်ဆင်ထားသည် ။
စိတ်အစဉ်က ကောင်းနေသည်တော့ မဟုတ်သော်ငြား ရေတွေကိုကြည့်ရင်း အနဲငယ်တော့ စိတ်သက်သာရာရမိတာအမှန်ပင် ။
ယောင်္ကျားကလဲ မထင်မှတ်ပဲရရှိသွားတာမို့ သူကလဲ အပေါ်ယံဖြစ်၍ ကိုယ်ကလဲ ပုံမှန်ပါပဲလေ..
အတွေးပင်လယ်ထဲနှစ်နေတုံး သူ့ဘေးနားသို့ရောက်ရှိလာသူမှာ သူ့၏ ယောင်္ကျားဖြစ်သူ Jung Jaehyun ဆိုသူဖြစ်သည် ။
"ညနေ ဘယ်သွားမှာလဲ? အစီစဉ်ရှိလား? Renjun"
"မရှိပါဘူး Jaehyun ssi ကရော?"
"ကိုယ်လဲမရှိဘူး ဒါဆိုလဲအတော်ပဲလေ အခန်းထဲပဲနားကြတာပေါ့"
"အင်း"
ထိုသူကိုကြည့်မနေပဲ ခေါင်းသာညိတ်ပြလိုက်သည် ။
"ကိုယ်အိပ်လိုက်အုံးမယ် , ညနေမစောင်းခင် နှိုးပေးလို့ရမလား?"
"ရတယ်လေ"
"အိုကေ! ကျေးဇူး Renjun"
သူ့ခေါင်းကို ပုပ်ရင်း ထိုသူက အခန်းထဲပြန်ဝင်သွားသည် ။
