Unicode
"ဟင် မေမေ"
တစ်အိမ်လုံးပတ်ရှာပြီးသည့်နောက်ဆုံးတွင် မေမေ့အခန်းထဲရှိ ရေချိုးခန်းထဲ၌ မေမေလဲကျနေသည်ကို တွေ့လိုက်ရသည်
သွေးရိုးသားရိုးလဲကျခြင်းမျိုးတော့မဟုတ်ချေ
မေမေ့ဗိုက်ထဲတွင် ဓားဒဏ်ရာသုံးချက်နီးပါးလောက်ကိုလည်း တွေ့ရသည်
သူလည်း ချက်ချင်းမို့ ဘာလုပ်လို့ ဘာကိုင်ရမှန်းမသိ
ငိုချင်စိတ်တွေသာ တရိပ်ရိပ်မြင့်တက်လာရသည်
တော်သေးသည်
ထိုအချိန်တွင် ဆောင်ဟွန်းက ရုတ်တရက်ရောက်လာပြီး မေမေ့အခန်းထဲသို့ ဝင်လာသည်
"ဟင် ဂျယ်ယွန်း အမေဘာဖြစ်တာလဲ"
"မသိဘူး ငါအိမ်ထဲဝင်လာတဲ့အချိန် မှာ မေမေ သွေးအိုင်တွေထဲ လဲနေတာ တွေ့တာပဲ ဘာလုပ်ရမလဲမသိတော့ဘူး ဆောင်ဟွန်းရယ်"
ဆောင်ဟွန်းကို ပြောလည်းပြော၊မငိုမိအောင်လည်း ထိန်းနေရသည်
"ဒီတိုင်း နေလို့တော့ မဖြစ်ဘူး ငါ ဆေးရုံကားခေါ်လိုက်မယ်"
~~
ထိုသည်နှင့် မေမေ့ကို ဆေးရုံသို့ ပို့ဆောင်လိုက်နိုင်ပေမယ့် သွေးထွက်လွန်ပြီး အချိန်မမှီလိုက်တော့ချေ
မေမေ့ကိုတော့ မကယ်လိုက်နိုင်
"လူနာ ဂျောင်အွန်းချယ် သေဆုံးချိန် ညနေ၄နာရီ ၁၄မိနစ်"
ဆရာဝန်သည် မေမေ့သေဆုံးချိန်ကို ပြောပြီးနောက် မေမေ့ရုပ်ကလာပ်ကို အဝတ်ဖြူကြီးဖြင့် အုပ်လိုက်ကြသည်
သူအခုထိ မယုံနိုင်သေး
မေမေက သူနဲ့အကြာကြီးနေဦးမယ်ပြောထားတာကို အခုလိုဆုံးသွားတာ မည်သို့မည်ပုံမျှ မဖြစ်နိုင်ပါ
"မဖြစ်နိုင်ဘူး ဟင့်အင်း မဟုတ်ဘူး မေမေက ငါ့ကို ဒီတိုင်းထားသွားတာ မဖြစ်နိုင်ဘူး ဆောင်ဟွန်းရယ် ငါ့ကို မဟုတ်ဘူးလို့ ပြောပေးပါလား မေမေကလေ ငါနဲ့အကြာကြီးနေဦးမယ်လို့ ပြောထားတာလေ အခုလို ရုတ်တရက်ဆုံးသွားတာ ဘယ်လိုလုပ်ပြီး ဖြစ်နိုင်မှာလဲ ဆောင်ဟွန်းရယ်"
"ဂျယ်ယွန်း စိတ်ကိုထိန်းထားဦး အမေ့ကို သတ်တဲ့တရားခံရှာရဦးမယ်လေ အမေ့ကို သတ်ခဲ့တဲ့အတွက် သူတို့ကို ပြစ်ဒဏ်ကောင်းကောင်းရအောင် ငါတို့ အဲ့လူတွေကို ထောင်ချရဦးမယ်လေကွာ"
YOU ARE READING
Love In The Past
Fanfictionအရင်ဘဝမှာတော့ မင်းနဲ့ကိုယ်ဟာ ပေါင်းစည်းဖို့ မဖြစ်နိုင်တဲ့ကိစ္စတစ်ခုကြောင့် ဝေးကွာခဲ့ရပေမယ့် ဒီဘဝမှာတော့ ဘယ်လိုအကြောင်းပဲရှိရှိ ဘယ်လိုကံကြမ္မာတွေပဲ ဖန်လာပါစေ ထပ်မဝေးကြတော့ရအောင်
