Unicode
"စခန်းမှူး ချွဲထယ်ဟွန်းတို့ ထွက်ပြေးသွားကြပြီ"
"သူတို့ GPSကို ရအောင်ရှာစမ်း"
ထင်ထားတဲ့အတိုင်းပင်
ထိုသားအဖက လျင်လွန်းလှသည်
ပြည်ပထွက်ခွင့်တွေ ပိတ်ထားကြသည်မို့ လေဆိပ်ဆီသွားတာတော့ မဖြစ်နိုင်
သင်္ဘောဆိပ်တွင် သွားစောင့်နေမည့် ရဲများကလည်း အခုမှ စခန်းက ထွက်သွားတာဖြစ်တာမို့ အခုချိန် ရောက်သေးမည်မဟုတ်
ဒီကြားထဲတွင် ထိုသားအဖကို လွတ်သွားမှာ စိုးရိမ်ပါသည်
"စခန်းမှူး သူတို့တည်နေရာရှာတွေ့ပါပြီ သူတို့ဦးတည်ရာက အင်ချွန်းသင်္ဘောဆိပ်ကိုပါ"
"ထင်တဲ့အတိုင်းပဲ စခန်းမှူး"
ထိုသားအဖ၏ တည်နေရာသိသိချင်းပင် ဂျယ်ယွန်းသည် စခန်းမှပြေးထွက်လာကာ သူ့ကားဖြင့် တဟုန်ထိုးမောင်းသွားမိသည်
ဆောင်ဟွန်းကိုလည်း မခေါ်မိ
အနောက်က စခန်းမှူးခေါ်နေသည်ကိုလည်း သူမကြား
သူ့စိတ်ထဲတွင် ထိုသားအဖနှစ်ယောက်ကို မိဖို့သာ အရေးကြီးနေပါသည်
ဂျယ်ယွန်းထွက်သွားပြီးမကြာမီ ဆောင်ဟွန်းက စခန်းရောက်လာပြီး ဂျယ်ယွန်းထွက်သွားသည်ကို ကြားကာ ရောက်ရောက်ချင်း ပြန်ထွက်သွားသည်
စခန်းမှူးကိုလည်း မတားရကောင်းလားဆိုပြီး အော်သွားသေးသည်
လမ်းတလျှောက်တွင်လည်း ဂျယ်ယွန်းဆီသို့ တောက်လျှောက်ဖုန်းခေါ်နေပေမယ့် လုံးဝမကိုင်
"အဲ့သားအဖနှစ်ယောက်က အန္တရာယ်များမှန်းသိရက်နဲ့ကွာ ကိုယ့်ကို စိတ်ပူအောင်"
ဆောင်ဟွန်းရင်ထဲ ပူလောင်နေရပြန်သည်
မီးနီများစွာကို ကျော်ဖြတ်ပြီး ကားကို သတ်မှတ်မိုင်နှုန်းထက်ပိုကာ မောင်းနှင်နေမိသည်
သူ့စိတ်ထဲ ဂျယ်ယွန်းကို စိတ်အပူကြီးပူနေရသည်
"မင်းတစ်ခုခုဖြစ်ရင် ငါသေမယ်ဆိုတာ မသိဘူးလားကွာ"
~~
စခန်းကနေ ပုံမှန်၁နာရီလောက် မောင်းမှ ရောက်ရမည့်နေရာကို မိနစ်၃၀တည်းဖြင့်ပင် ဂျယ်ယွန်းရောက်လာမိသည်
သူရောက်တော့ ကွက်တိပင်
ထိုသားအဖနှစ်ယောက်လည်း သင်္ဘောဆိပ်သို့ ရောက်လာသည်
ချွဲယူရီက သူ့ကို တွေ့လျှင်တွေ့ချင်းပင် သူ့အဖေကို လက်တို့သည်အား ဂျယ်ယွန်းမြင်လိုက်ပါသည်
YOU ARE READING
Love In The Past
Fiksi Penggemarအရင်ဘဝမှာတော့ မင်းနဲ့ကိုယ်ဟာ ပေါင်းစည်းဖို့ မဖြစ်နိုင်တဲ့ကိစ္စတစ်ခုကြောင့် ဝေးကွာခဲ့ရပေမယ့် ဒီဘဝမှာတော့ ဘယ်လိုအကြောင်းပဲရှိရှိ ဘယ်လိုကံကြမ္မာတွေပဲ ဖန်လာပါစေ ထပ်မဝေးကြတော့ရအောင်
