روايـة: وعـد نِـزار لــ زينـب سميـر

الفصـل السابع عشـر.

اللي يقرأ الرواية من غير فوت وكومنت هشربه مية في فرحي
اللي هيعمل فوت هشربه بيبسي
اللي هيعمل كومنت هوكله جاتوه
اللي هيعمل فوت وكومنت ويقرأ هشربه بيبسي وهاكله شيبسي ووجبة كمان وهياخد ربع التورتة وهو ماشي

اسيبكم مع الفصل ومتنسوش لو حد بيحب القرأءة والرواية عجبـاك قوله عليها ♥️♥️

الفصـل السابع عشـر:

كُلنا من رحم المعاناة مولودون..

في الغردقة..

فتح زياد عينـاه وهو يتـأوه بألم عظيم، نظر الـى غرفته بنظرات متشوشـة قليلًا وعيون متألمة فالضربات التي تلاقاها قبل ان يغشي عليه كانت قاسيـة، الضربات.. وسلمي واختطافها!
عندما تذكر كل ما حدث اعتـدل في جلسته وهو يهمس فازعًا بأسمها:-
_سلمي.. سلمي

والتف في مكانه ينظر حوله بطريقة عشوائيـة وهو يقترب من حافة الفراش ليهبط، قبل ان يتفاجئ بوالده الجالس علي مقعد جواره ودياب
هتف بهمس ذاهل:-
_بابا!
والده الذي كاد أن يغفي من أرقه اعتدل في جلسته وهو ينادي اسمه بلهفة:-
_زياد انت فوقت ياحبيبي
واقترب يحتضنه بلهفة وهو يقول بعاطفة:-
_كنت مرعوب عليك لما مرديتش عليا، وبعدين كلموني قالولي انهم لقيوك مضروب في الطريق، مين اللي اتجرأ وضربك يازياد؟ قولي بس مين قربلك وانا اكسرلك عضمه واندمه علي اليوم اللي اتولد فيه
نطق بشـرود:-
_سلـمي..
أستفهـم رشوان بتعجب:-
_سلمي اللي ضربتك؟!
أؤما بالنفي، قبل ان يبـدأ يحكي عليه كل ما حدث..
انهي حديثه دامعًا وقائلًا:-
_بابا ارجوك رجعلي سلمي، متحرمنيش منها زي كل حاجة اخدتها مني.. ارجوك.. وانا والله هعمل كل اللي انت عايزه بس سلمي يابابا
ربت والده الذي رأي لأول مرة انهيار ابنه امامه بهذا الشكل علي كتفه وهو يقول واعدًا:-
_اوعدك هرجعهالك.. ارتاح انت بس
وخرج من الخلف وهو ينادي دياب خلفه ليتبعه..

خرج دياب.. فقال له رشوان امرًا:-
_البنت اللي اسمها سلمي دي تجبهالي من تحت الارض.. سامع يادياب؟

اؤما دياب وخرج لينفذ ما أُمر به لـ التـو..
                                 *****
أستكـانت نازلي بين احضان بينار التي كانت تلاعب خصلات شعر الاخري بيد، وبالاخري تمسك البوم من الصور كبير الحجم، راحت تدور بين صفحاته وهي تقول بصوت مختلف النبرات من حنين واشتياق وغيرها الكثير:-
_لما بضايق او بزعل مبلاقيش ملجأ غيرهم.. صور لناس بحبهم.. بأجي اتفرج علي صورهم وافتكر ذكريات معهم، ممكن اعيط في الاخر بس بعيط علشان مشتاقة مش علشان مضايقة، بنسي زعلي وسطهم، بفتكر حنان ماما وبابا عليا.. اخويا.. حاتم كان اب ليا اكتر من بابا، بيهتم بيا اكتر من اي حد.. ومراته كانت اكتر من اختي، قضينا مع بعض احلي سنين عمرنا، لحد ما دخل شيطان وفرقنا.. ضحك علينا كلنا وخلانا نصدق الاعيبه لحد ما دمرنا

قالت مستفسـرة:-
_قصدك رشوان مش كدا؟

اؤمات بالنفـي:-
_لا..