Fox Hunting | SOPE

⁸

გაფრთხილება: სუიციდის მცდელობა.

მთელი დღე ისე გადის, რომ ჰოსოკი ზედაც არ უყურებს, იუნგიც თვალს არიდებს, სუჰო კი უკმაყოფილოდ უყურებს ორივეს.

- ჯექსონმა თქვა, რომ მოსწონხარ.- ახლის იუნგის სწორედ ისეთ მომენტში, როცა იუნგიც და ჰოსოკიც სამასწავლებლოში არიან.

- რა?- დაბნეული წევს იუნგი თავს და მას აშტერდება.

- სუჰო, ყველაფერი კი არ უნდა თქვა, რაც ენაზე მოგადგება!- აღშფოთებული ყვირის ჯექსონი. იუნგის დაბნეული მზერა გადააქვს ჯექსონზე და უეცრად ხვდება, რომ ორივე ამას სპეციალურად ამბობს, რადგან ორივე ჰოსოკისკენ ანიშნებს, რომელიც თავსაც არ წევს, ისე აგრძელებს მისი კლასის ჟურნალთან მუშაობას.

- ო...- ძლივს ლუღლუღებს იუნგი და ღიმილს ძლივს ფარავს.- მართლა?

- მართლა. - ამბობს ჯექსონი, სახეზე აწერია, რომ მალე ჩაბჟირდება და უბრალოდ ხუმრობს. - მაგრამ არ მინდოდა ასე გაგეგო.

- ჩემს პაემანზე დაპატიჟებას აპირებდი?- თამაშში ერთვება იუნგიც. სუჰო ტუჩებს იკვნეტს, რომ არ გაეცინოს.

- შეიძლება.- ხმაში უკვე ეშმაკობა ეტყობა ჯექსონს, მაგრამ ხელებ დამუშტული ჰოსოკი ამას უკვე ვეღარ ხვდება, არადა უკვე წლებია ერთმანეთს იცნობენ. - რას იტყვი?

- ჯერ ნორმალურად დამპატიჟე.- იუნგის კმაყოფილი ხმა ჰოსოკისთვის ბოლო წვეთია, იუნგი ადგილზე ხტება, როცა ჰოსოკი ჟურნალს მაგიდაზე ახეთქებს და ფეხზე ხტება. სუჰო ცალ წარბს წევს და უკმაყოფილო სახით უყურებს მეგობარს.

- რას დახტიხარ რწყილივით?- უბღვერს ჰოსოკს. - შემაშინე, იდიოტო!

- შენთვის არ იყო განკუთვნილი.- ეცინება ჯექსონს.- რა იყო ჰოსოკ, არ შეიძლება შენი ყოფილი პაემანზე დავპატიჟო?

- მაგას რას ეკითხები ერთი?- თვალებს ატრიალებს სუჰო.- მთავარი შუგაა და არა ჰოსოკი, მასთან ერთად მიდიხარ პაემანზე და არა ჰოსოკთან.