حلقة 13
غدر_الايام
حامد ...من يوم جيتي وانتي مريضه
كان راجل غيري مايصبر عليك لكن شن بندير
خلي نشوف اخرتها معاك وين توصل
.ديريلي عشاء.وبكرة نوضي لمي حوشك..
قبل منيره اتجي اتلم لكن تو انتي ..
انا 💖 بكرة عندي جامعة بعدما انروح تو انلمه..
حامد..الساعة كم ...
انا 💖 من الصبح للعند العصر...💚خلي نكسد مع البنات خير من وجهك💛
حامد...شن ها القرايه الي طول اليوم..
انا 💖 هكي الجامعة..😏.وبعدما تعشاء ..
.حاول ايقرب مني هربت منا وصكرت علي روحي الباب...
انا 💖 اهاهاهاها..😭ياربي طلعني من ها الورطة.الي انا فيها...
فتحت نقالي كلمت امي اشويه وصكرت...
في الصبح من الساعة سته وانا واتيه...
مع الساعة سبعه..طلعت...وينا هاذا..
انا💖اسمع يااااااا عمي...اسمعااااااايااا
حامد..من الدار ..تعالي انا مريض...
انا 💖 وينك
حامد في الدار..
انا 💖بصوت واطي.. شن جو الطروح..اطلع وقت عليا..🏢
حامد..قتلك مريض...
انا 💖 حي شكله مريض بالصح...
انا 💖 فتحت الدار وتميت انكلم فيه من الباب..
انا 💖 كنك شن فيك...
حامد.قلبي...
كلمي وليد ايجي ...
انا 💖 وجعني..جيت صبيت احذاه ..وين رقمه.
حامد..رني علي الارضي..تلقيه امخزن هو رقم واحد...
طلعت رنيت علي وليد..
وليد..الو.
انا 💖 ياع عليك صوت.😝...
..عمك مريض..تعالي انشيلوه للمستشفي...
وليد...ياه من ها الشايب.. اشويه ونجي..
وقعد قريب ساعه بيش جاء..
وانا 💖 جبتله اميه ودواه وقعدت امصبيه في الباب...
وصل وليد ..فتحتله الباب..
وليد..اهاااااا كنه عمي..
انا 💖 وين نندري عليه ..
وليد.اهاااااا قتله قلبك مايتحملش..
لكن هو امعند..شكله امبارح اتعب....
انا 💖💚 بكل عبط💛....كنه شن دار بيش يتعب...
وليد.اهااااا انتي ادره...
انا 💖اا لو سمحت..عمك جوا كان بتشيله...
واصر حامد اني نمشي معاه...
وصلنه في المستشفي..وخذوه ونحن قعدنا انراجو...
وليد..اهااااا انتي كم عمرك..
انا 💖 ااااااااااا.
وليد.اهااااا ..وين تقري..
انا 💖 ااااااااااا.بحتت فيه
وليد..وهوو اعيونك...
انا 💖 اففففف لوسمحت...
وليد.ووهه.ياعليك حظ عندا ها الشايب..
انا 💖 مشيت وصبيت بعيد....
بعد ساعة طلع الدكتور..
الدكتور..تعالو ..
خشينا لي مكتب الدكتور..
الدكتور.المريض قلبه تاعب..وانا قايله من قبل..
وحتي السكر عندا راقي..
وليد..ماهو يادكتور..هو عريس جديد..
الدكتور..اهاااا..
وليد..اهيا المدام تقدر اتوصيها عليه..
الدكتور.😨😨اهااا انتي زوجت المريض.
انا 💖 اففف اها انا..
الدكتور..وهو ماسك الضحكة..سبحان الله..😁
انا 💖 تو كيف حاله..
الدكتور..يعني روحو بيه لكن ماتخلوشي ايتعب روحه..
وليد.وعيونا عليا..اسمعتي ..الدكتور شن قال ..ماتخالوشي يتعب..😉
انا 💖 كانك حان عليه خوذا عندك..
وليد..لا تو..انا انجي نقعد عندا..
انا 💖 هيا طلع عمك من غير فتفت زايد...
وطلعنا..حامد من المستشفي..وروحنا بيه للحوش..
حامد..رانيسي..
انا 💖 نعم..
حامد..خششوني لي داري...
انا 💖 حاضر وصلانه للدار وانا طلعت وخليتا مع وليد...
حامد..خلاص انت عدي روح..
وليد..لا وين انروح وانخليك مريض..
حامد.ماعجباش الكلام لكن سكت..
انا 💖 صبيت في الباب..انديرلك حاجة تاكلها..
وليد..نط اها ديري وحتي انا ماتغديتش..
انا 💖 اففف شن انديرلكم..
وليد..مكرونه..عمي ايحبها غير ديريها خفيفه..
انا 💖 حاضر..ومشيت للمطبخ ودرت المكرونه..
وانا 💖 انطيب فيها وانقول ..يعطيكم الله فيها سم..
ان شاء الله محماط ...ودرت معها سلاطة وجبتها...
انا 💖 تفضلو..
حامد..وانتي تغديتي..
انا 💖 غير كول انت انا ساهل..
وليد.اهاااا تعالي تغدي معانه..
انا 💖 شنووووووو كولو بالصحة عليكم..
بعدما كلوها كلها اتقول عمرهم مضاقو طعام..وليد جاب الصفره..
انا 💖 في المطبخ. انحوس وانا مطمنه ان الشايب مافيه حيل .
اينوض من مكانه..
وليد.ااا تسلم ايديك..ياعروس...
انا 💖 اااااا..
وليد..عمي يبي دواء السكر..مسكين واكلها من جميع التراكين..
انا 💖 اهووو الدواء...وغسلت الماعين وطلعت..
حامد.راننننيييي .
انا 💖 افففف عليك حاله..نعم..نبي شاهي بالا سكر...
وليد..وحتي انا ...بس انا بالسكر..وكان فيه حلويات..
انا 💖 حاضر..ودرت الشاهي وحطيت الحلويات..وجبتا..
حامد..كلمي منيرة اتجي اتونسك..
وليد.لالا منيرة عند هلها..
حامد..وانت خلاص روح انا حالي اكويس..
وليد..لا ماني امروح لين نطمن عليك..
انا 💖 تبو حاجة تانيه..
وليد..قعمزي هدرزي..
انا 💖 ااااااا وطلعت.هذا كنه امغير ايتواكل...
وتوضيت وصليت.انا 💖مش ديمه انصلي..
مرات انصلي ومرات انقطع..وتميت نستغفر في ربي
ياربي فرج عليا .يارب مانذكر اني عصيتك..
هو بس لم كنت نمشي بالا حجاب..لكن ياربي كنت صغيره..
ياربي سامحني..والله ياربي معاد اندير حاجة غلط..غير طلعني.
ها المصيبه...ياربي..
فتحت نقالي القيت مكالمات واجدة..من امي ومن صاحباتي..
ومن اختي رونق..ووهههوووو حتي نت مافيه عليك كساد.
طلعت اكتاباتي وقعدت نقراء..
وليد...ااااهاا يامرات عمي.......
انا 💖 فتحت الباب نعم..شن فيه..
وليد..ووووواكككك علياااا. وهو من اعيونك😍 ..عمي يبيك..
انا 💖 لللللوووووووو.
وليد..عرفها لو سمحت.اهههههه.
انا 💖 نعم.ياااا
حامد..وبحت في وليد القاه امصبي ..
حامد..وليد اطلع اشوي..
وليد.اهاااا اسرار.حاضر..
انا 💖 ااااااا.
حامد..وليد يبي يرقد هنا ديري عشاء
وووو صكري عليك دارك.؟
انا 💖ااااا انا اصلن انصكر في الباب...
وطلعت درت عشاء وعطيتهم وخشت للدار وصكرت الباب...
💛💚❤في المكان الاخر❤💚💛
الحاجة..الو نجوي شن صار ..
نجوي..والله ياما قاعده اندور...
الحاجة...تو بعدما وافق البنات كملن..
نجوي..وسعي بالك وتو نلقو وخليه بالك.
تو ابروحة ايشوف ها البنات الي يخدمن معاه.
بالك يلقاء وهو كان يختار ابروحه احسن..
الحاجة..ابروحة مش ابروحة المهم عندي يزوج..
نجوي..تو بكرة انجيك ونحكو...
يوسف 💘 امصبي ويسمع في امه...
يوسف 💘 هههه شن ياما تبي اتخلصي مني..
الحاجة. حبيبي روحت..
يوسف 💘 ههه اي روحت ..شن مزال ماحصلتو عروس..
الحاجة...هههه تو انحصلو غيى راك اتولي في كلامك...
يوسف 💘 شن يابطة..لك كم يوم معش شكيتي من البنت..
الحاجة..لا كويسه ..
يوسف 💘 هههه شكلهن كلهن اكويسات غير انتي الي ماله..
الحاجة.. انا نبي وحدة انهدرز عليها..
يوسف 💘 بعدما انا وافقت نزوج طلعن اكويسات
الحاجة... اختك ناديه دزت عشاء خلي البنت اتسخلك منا..
يوسف 💘 لا الحمد لله متعشي بره..
الحاجة..ديما هوووا طعام بره ..
يوسف 💘 المطعم اكويس ونضيف امتاع واحد صاحبي..
الحاجة..حتي لوكان شنو اخيه...
يوسف 💘 المهم وين تبو اتعيدو شن برنامجكم..🐐
الحاجة...مزال بدري.لكن .شوف خواتك وخوك....
يوسف 💘 انعيدو هنا خير..لان المزرعة فيها خدمة..
الحاجة..شن مزال ماكملت...
يوسف 💘 مزال اشويه...
الحاجة..شن درت فيها..
يوسف 💘 وسعت الاستراحة..وزدت عليها دار وحمام...🏡
وصينت المسبح🏊..ودارت امعشب🌳🌲🌳🌲
الحاجة..ربي ايعاونك....
يوسف 💘 نبي نركب فوق تبي شي...
الحاجة..لا حبيبي سلامتك....
يوسف 💘 تصبحي علي خير ...
الحاجة...اتلاقي الخير...💛💚❤💚💛
انا 💖 كسدت ..فتحت نقالي..القيت رسالة✉ من هيتم..
(رانسي..كيف حالك ..سمعت انك ازوجتي..ونقهرت عليك..
..وزدت انقهرت عليك.لم عرفت ان شايب في عمر جدك..
انا مزالت هيتم الي تعرفيه وكان احتجتي غير رني عليا...)
انا 💖 اه اه ..لوكان تندري علي حالي...
اشويه..ونسمع في وليد اينادي...مرات عمي.....
انا 💖 ااففف طلعت القيت وليد .
انا 💖 نعم ...
وليد..عمي يبي ايخش الحمام..
انا 💖 ششششنننووووووووو الحمام..😳
وليد..اها هههههه الحمام...
انا 💖 ووووووو ويخش من ماسكة...
وليد..يبي حد ايساعدة..
انا 💖 اااووو ساعده انت ..
وليد...اهاااا لا انتي مراته...
انا 💖 ااانا ماني مرات حد..ساعده كان تبي ولاخليه..
وبعدين هو حاله اكويس يقدر يمشي...وبعدين هو وين..
وليد..اهااااا راقد..
انا 💖 اها كيف راقد وكيف يبي الحمام..
وليد..ههه..انا قلت بالك يبي الحمام..
وليد....حسني جيعان ديريلناحاجة خفيفة....
انا 💖 المطبخ قدامك..وجيت ماشيه..
وليد...مش عارف غير وين القاك ها الشايب..
انا 💖 لللوووووو ..سمحت...
وليد..مقعوله انا ناخذ منيرة..وها الشايب ياخذك انتي...
انا 💖 اسكت راهو انخبر عمك...
وليد...قسما بالله انه محظوظ..
انا 💖 خشيت نجري وصكرت عليا الباب..
وانا خايفه ونبكي....يارب استرني..يارب...
فات عليا الليل كله وانا واعيه😮
..خايفه من اي حركه نسمعها...😢
في الصبح..🌅نسمع في صوتهم...
لبست عبايتي وطلعت..
انا 💖 صباح الخير..كيف حالك ياعممممممم...
وليد..فنص..شنننن عمي...
حامد...غير مزال مش متعوده عليا..
.وماشي في فمها قولت عمي.اليوم احسن الحمد لله..
انا 💖 اندرلك فطور..
وليد..نط..اهاااا نبو فطور..ديريلانا دحي..
انا 💖 افف....خشيت درتلهم فطور وجبتا.
وين الدواء بيش تاخذه ...
حامد..في الدار..خشيت لي دار حامد..
خذيت الدواء وطلعت بسرعة..حسيتها اتغم علي القلب ❤
انا 💖 تبو حاجة تانيه..
حامد..عدي افطري...
انا 💖 غير افطر انت المريض بيش تاخذ الدواء .
وليد.اااهه افطري معانه الخير واجد..
انا 💖 لا شكرا ومشيت للمطبخ...
انا 💖 افففف كيف بن نخش الحمام وهما امقعمزين .قدامه...
عليك عيله دمها ثقيل وبارده..وبعدما فطرو جيت خذيت .
الصفره ...اشويه ووليد طلع..
حامد...رانسي...
انا 💖 نعم...
حامد .وليد عدا ايجيب في منيره والعيال..
انا 💖 اااهااا ليش..
حامد ..هم متعودين لم نمرض ايجو يقعدو عندي..
انا 💖 باهي ...شن تبيني اندير غداء..
حامد..لا الغداء مزال ...خوذي شنطك حطيها في داري..
انا 💖 اااااالللللليششششش.....
حامد..شن تبي يحكو انك ترقدي في دار بروحك..
انا 💖 اااااعادي..
حامد...مانبيش حد يشمت فيا..حطي ادبشك في الدار..
لان هما ابيقعدو كم يوم..
انا 💖 ااافففف..انا مش امدوره كلامهم..
حامد..انا امدوره ..انتي خايفه مني تي انا 😵
مريض مافيها حيل حتي انصبي...
انا 💖 ااففففف ...كنه ولد خوك هكي بارد..
حامد..اااااا ؟كنه ضايقك؟
انا...لا 😏
.مشيت حطيت ادبشي في الدار..
وانا 💖 انعارك بصوت واطي ...💚❤💛
حيرني_زماني❤
الفصول الاربعة
