غدر_الايام
الحاجة..تغدو قبل وبعدها احكيلنا...
يوسف 💘 هيا وينه غداكم...
يوسف 💘 تغداء وهو سارح ومش عارف رد امه..
كيف ايكون..هيا صح غالي عليها ولدها .
ومتزعلش فيه لكن صعب انها اتوافق علي ..
وحدة متزوجة من قبل..
ياسين..انا عجبني الغداء 😋
نرجس..ههه بالك عندك راي غيرا عادي قول..
ياسين.ههه هو انا نقدر..
مالك..واااك مانحسابك خواف هكي
ياسين.. مش خوف..كلام جد.
مالك..انا ماعجبني ومعادش اتخلوهن ايتعلمن فينا..هههه
نسرين.. والله حسستني بالاحباط.ههه علي اساس ..
ايهمنا رايك..
مالك.. انتي بذات تعلمي زين.
نسرين..هيييي وليش..
مالك.. عادي بيش تطلعي ست بيت ممتازة..
نسرين..هه خزي عليك...
مالك..وغمزلها بطرف عينه...ست بيتي..😉
نسرين..افف خلي انعدي احسن..
مالك..ههه شن مش عاجبك كلامي..
نسرين..اها مش عاجبني..
مالك.المهم انا عاجبني...
نرجس..هههها من امتي هذا كله من ورانا..
ياسين..شن الي من ورانا.
نرجس.هههه انت خليك في حالك ..
ياسين..غير فهمونا..
نسرين..مافيه شي ..غير ولد خالتي عجبه الغذاء...
نجوي..حنين وين القهوه..
حنين ..حاضر ..كلكم تبو قهوه..
ناديه..دايري شاهي بالك فيه حد يبي ...
العيال عدو قعمزو في الصالون..
والبنات عدن للمطبخ..
والحاجة..وبناتها ويوسف 💘 قعدو في الصالة..
الحاجة..شن يايوسف 💘
يوسف 💘 ..ياما انا فيه بنت عاجبتني ونبي نخطبها..
الحاجة.. البنت الاوله..
يوسف 💘 لا ياما هاذي لليبيه..
الحاجة..ههه الحمد لله وليش اتقول فيها وكاينك مش فرحان..
يوسف 💘 ماهو عندها اشويه ظروف..
الحاجة..ظروف شنو..خبرني بالا مقدمات..
يوسف 💘 اه نجوي انتي خبريها..
الحاجة..ها خبريني يانجوي..
نجوي..البنت اكويسه وحلوه غير ...صارن عندها
ظروف ..خلنها تزوج واسبوعين وتطلق..
ناديه..قصدك رانسي...
نجوي..اي رانسي..
الحاجة..شششنننووو...مطلقة..انت من اجنبية لي مطلقة..
يوسف 💘 ياما والله البنت اكويسه..
الحاجة..انا مانشيلش ذنبها ونقول انها مش كويسه ..
لاني مانعرفها..لكن انك تاخذ وحدة مطلقة هاذي..لا ..
يوسف 💘 ياما الكلام مش هكي..
الحاجة..وكيف تبيه ايكون الكلام..
نجوي..ياما والله لوكان ياسين مش خاطب نرجس.
نخطبها له ..البنيه مش ناقصها شي..
الحاجة..ان شاء الله تاخذ واحد احسن منك لكن انت لا...
يوسف 💘 ياما انا عمري مازعلتك..
وحتي لم قلتي لا علي البنت لوله ماعاندكتش..
وسيبتها مع اني كنت نبيها..
لكن لاني نبي رضاك..ومانبيش انزعلك تخليت عنها.
لكن البنت هاذي انا نبيها وكان مازوجتها انسو اني نزوج غيرها.
ونبيك اتوافقي وترضي عليا..لاني من غير رضاك مانيش واخذها..
الحاجة..اها كيف بعد ها الصبر والمرجاء تاخذ مطلقة..
يوسف 💘 كنها المطلقة ياما..قتلك البنت قعدت اسبوعين
بس متزوجه...
الحاجة...تي لوكان حتي يوم واحد المهم كان واخذها راجل قبلك..
يوسف 💘 نجوي انا طالع تبو شي ؟
ناديه..وين ماشي ..خوذ معاك واحد من العيال ماتسوقش .
وانت معصب..
يوسف 💘 لا مافيا شي..ماشي للعيادة عندي شغل...
وطلع يوسف 💘 وهو معصب وزعلان...
وكان جاي بين نارين ايحب رانسي وخاطرا يزوجها ..
وامه الي عمرا مزعلها...
طلع يوسف 💘 ركب سيارته وعدا للعيادة..
ياسين...نرجس كنه خالي..
نرجس.. وانا وين نندري...
ياسين..ووهوهو منك انتي.خالي ديمه رايق.
وجوا حلو لكن اليوم شكله فيه حاجة شاغلته..
مالك.. مش كان عند حبيبت القلب..
اكيد زعلان ليش روح وخلاها..
نرجس.ههه اخباركم بايته...
ياسين..مش قتلكم...خالي فيه حاجة..
وماضني غير عرفتها...
مالك..ماتقولوش ازوجها وهذا وين خبرهم؟...
نرجس...هههه انت غبي غباء مش عادي..
مالك..خطيبك الغبي..
ياسين.ههههه وانا شن دخلني بينكم ياعيت غباء...
نرجس ... عيت غباء صار بااهيييي.
ياسين..هههه خوك غبي وانتي اغباء منا...
مالك..هههه.خطيبتك الغبيه..
نسرين.ههه كنكم علي البنت..موضوع خالي اليوم..
كلنه طلعنا اغبيا فيه..
نرجس.. الا انا عارفه الموضوع كله وماني مخبره حد..
هههه موووتو قهر...
ياسين..تعالي نرجوسه...هوا انا قصدي خوك الغبي مش انتي...
نرجس..هههه توا...مانيش قايله..
مالك. اصلا مانك عارفه شي غير اتفلسفي علينا..
نسرين.ههه نرجوسة..انا صاحبتك خبريني انا بس...
نرجس..لالالالالالا...الي يبي يعرف خالي كنه..يدفع..😇
حنين..تعالي خبريني وانا ندفعلك😃
الحاجة..انا كني من وحدة لادين لامله لي وحدة مطلقة..
نجوي..ياما خلي انفهمك القصة وانتي بعدين قولي رايك..
مش مرة حكينا قدامك ان صاحبة نرجس فيه واحد ايضايق.
فيها وان حاول يخطفها...باتها من خوفاء عليها
بطلها من الجامعة..وبعدين زوجها بالسيف..
للي شايب قعدت عندا اسبوعين وبعدين اطلقت..
وطول مدة ها السبوعين وهيا امصكرة عليها دار ابروحها..
الحاجة..ماحد ايقنعني..اولدي نبيلا وحدة هوا اول بختها..
نجوي...وحتي هاذي هوا اول بختها..
الحاجة...وانتي شن عرفك..
نجوي...انا عارفه ...ناديه قولي حاجة..
ناديه..البنيه اكويسه
وانا تعرفت حتي علي امها بصراحة عز الناس..
لكن قصة راجلها وتفاصيلها مانعرفهاش..
نجوي..انا نعرف كل الي صار ..
ونعرف ان الراجل طلقها من قبل لا يدخل بيها..
الحاجة...خلاص حسني مرضت وين البنت.
اتخششني لي داري..
نجوي..ياما ماتزعليش روحك ..
الحاجة...كان مازعلت علي يوسف
علي من بي نزعل..يوسف الي انرجي فيه
امتي يزوج ويفرحني وانديرله عرس كبير..
ونفرح بيه ياخذ وحدة مطلقة
نجوي..ياما مش قلنالك البنت ااااا..
الحاجة..الناس شن عرفهم ..المهم انها مطلقة..
ناديه.وانتي ياما من امتي ايهمك كلام الناس..
مش طول عمرك كلام الناس مادوريش فيه..
الحاجة...فيه حاجات غصبن عنك ادور كلام الناس فيهن..
نجوي..توا خشي دارك تريحي وبعدين ساهل...
جت البنت الي تساعد في الحاجة خششتها لي دارها.
وعطتها دواها وقعدت معاها اشوي وطلعت..
ناديه...شن ماما رقدت.
البنت..اي رقدت.
نجوي..امي الله يهديها انتي شفتيها رانسي..
بالله عليك شن ناقصها...سماحه وحناطه..
واخلاق مش من قبل .نحكيلكم عليها..
ناديه..بس حتي امي تبي تفرح بي ولدها ..
نجوي..تفرح بيه لم يزوج البنت الي ايحبها..
وعارف انه ايعيش معاها متريح..
ويوسف حبها
ناديه..احكيلي وين تعرف عليها..
نجوي..المهم تعرف عليها وخلاص..
ناديه..نرجس قالت كانت راقدة في المستشفي..
ويوسف شافها ..
نجوي..اها في العيد طاحت علي موس ورقدت عندهم..
ويوسف هوا الي تابع حالتها وتعرف عليها..
ناديه..مدامه ايحبها توا يعرف كيف ايقنع امي..
نجوي..وكان دارت كيف الاوله..
ناديه..الاوله عندها الحق ..
وحتي هوا كان متردد اشوي..
نجوي..خلي انرن عليه انشوفه وين
يوسف 💘ايوااا.
نجوي ..وينك حبيبي...
يوسف 💘 في العيادة..شن صار..
نجوي.عادي توا تقتنع .
يوسف 💘ماتوقعتهاش ترفض.
نجوي..ماهو قصة طلاقها..
يوسف 💘 افففف وكان مطلقه خلاص اتموت.
نجوي..والله ماني عارفه شن انقول..
يوسف 💘 نجوي..انا مانيش اصغير .
والبنت اهيا انحبها ونبيها..ياما نزوجها ياما مانيش متزوج بكل.
نجوي..نحن قاعدين وتوا في الليل انزيدو نحكو مع امي.
يوسف 💘 انا عندي شغل ومطول ومرات انبات في العيادة..
نجوي..لا لا تعالي بيش اتكون معانه..
يوسف 💘 كان كملت شغل توا انروح
نجوي..غير حاول اتجي.
يوسف 💘 ايصير خير💕💚
