حلقة 30 ..
غدر_الايام
يوسف 💘 في حوشه يبرم ودايرها علي الدخان..
ويكلم في روحه...الله يهديك ياما..
والله معاد عرفت كيف انحلها معاك..
الله ايربحك ياما ماتخليني اندير
حاجة اتزعلك..طول عمري واخذ ارضاك
وماني متحمل فيك شي..لكن ياما والله
.... عييت وتعبت..
قلبي تقطع بينك انتي امي ..جنتي وناري..
❤وبين الي انحبها.
وواخذه قلبي وروحي..وانتمنا انعيش معها عمري كله..
اخخخخخ...شن الحل ...
وخذا النقال رن علي حبيبته القاء نقالها مصكر..
كلم اخته نجوي..وهدرز عليها وفضاء الي في قلبه
ونجوي حاولت انها اتخفف عنا وهو مافيش حاجة
اتخفف عنا ..لان حاير وقصته مش باينلها حل..
ورقد نص نوم كان قالق ..ومضايق..وحاير
واول مرة ايحس في روحه واقف عاجز قدام مشكلة...
ناض الصبح دوش ولبس دبشة ونزل..
تكاء علي امه صبح عليها وطلع....
في الطريق كلم نرجس..
نرجس..الوااا صباح الخير..
يوسف 💘 صباح النور..
نرجس..شن خالي كنك..
يوسف 💘 ماشي للمستشفي ولم اتجي
رني عليا مش ماترنيش كيف امس...
نرجس..قالت اليوم مش جايه..
يوسف 💘 افففف...اكيد..
نرجس..والله هيا هكي قالت .
يوسف 💘 المهم كان جت كلميني ولا دزيلي مسج..
نرجس..خالي مش انت قتلي مادسي عني شي..
امس قالت معش تبي اتكلمك...
يوسف 💘 اهااا وليش..
نرجس..ان اجديدة مش موافقه عليها..
وهيا ماتبيش اتزيد اتعلق بيك ..
يوسف 💘ماشي ..ماشي..
نرجس..شن بدير..
يوسف 💘مش عارف يالا باي..
نرجس..باي.
امي..ادق علي الباب ..نوضي وقت عليك.
انا 💖 مانيش ماشيه..
امي..نوضي ساد الي راح عليك..
انا 💖 قتلك مانيش ماشيه..
انا اصلان حتي الامتحانات مانيش خاشتهن..
امي..وووه عليا منك..
افتحي الباب خلي نحكو كيف الناس..
انا 💖 بعدين توا نبي نرقد..
امي..باتك ايدورلك في سبله توا ايبطلك..
انا 💖 عادي ...
امي..نوضي..ماتزيديهاش عليا..
انا 💖 مانبيش نمشي ..
امي..افففف منكم...
باتي كان يسمع في كلام امي..وفرحان..
باتي..كنها بنتك..
امي..شي..مريضه وبكرة توا تمشي..
باتي..اهااا بكرة..تقعمز في الحوش لين ايجيها نصيب احسن..
امي.احمد..عدي .عدي للخدمتك..
باتي..ماشي....
وكيف ماهو سمع كلامي انا سمعت كلامه..
انا 💖 توا الواحد شن بي قول هذا بات هذا..
لكن مكره فيك اليوم انغيب وبكرة من الصبح ماشيه...
وبن خش الامتحانات وان شاء الله حتي نسقط..
وكملت نومي لاعند الضهر..ولم نضت راسي مزال يوجع
فيا..وجسمي مكسر..ومش طايقة حتي روحي..
طلعت القيت امي اتضم وغداها علي النار..
انا 💖 امي راسي ..
امي..انديرلك قهوة..
انا 💖 لا مانبيش..خليني انعدي للخلود اشويا.
امي..خلود مش قاعدة..
انا 💖 اها وين..
امي..امها مرضت جاء خوها خذها في حوشه..
انا 💖 افففف باهي مليت نبي نطلع..
امي..في العشيه توا باتك ايشيلنا للمول..
انا 💖 قتلك حسني مخنوقة يعني نبي نطلع توا..
امي..والله توا ماعندي مانديرلك..
انا 💖 افففف..باهي..
خشيت لي داري وصكرت علي روحي الباب..
انكلمه ولا لا..
وتميت انعد للعشرة وانعاود ومرة اتجي علي كلميه..
ومرة اتجي لا ماتكلميشي..😄
انا 💖 هاه حتي العد ايقولي كلمي..هه
انا 💖 انلكم بس اشويا ونصكر..رنيت
..وكان يوسف 💘 مش فاضي...
شاف النقال القها هيا افرح لكن مايقدرش ايرد..
رننن النقال لين فصل..
انا 💖 كنة مايرد..اكيدة مشغول..
حطيت النقال وعزقت روحي علي سريري..
دقت امي..صبيت فتحتلها ورديت اتكيت.
انا 💖 معش سالتكم شن صار ..
امي..في شنو..
انا 💖 في الشايب الي يبي ايردني..
امي..انسي باتك مرة مرة ايفلم..
انا 💖 باهي قاله اني مانيش رادة..
امي..مانندريش عليه..لكن سكت
معش حكا عليه..
انا 💖 بالك ايسكت مدة وبعدين ايرد
يفتح الموال من جديد..
امي..ان شاء الله ايجيك نصيب
وتفتكي..
انا 💖 وكان ماجاش النصيب نقعد تحت
رحمة ها الشايب ديمة..
امي..لا عيشي واقري وماتفكريش فيه..
انا 💖 مش عارفه شن انقول..
انتو متاكدين اني بنتكم.
امي..حرام عليك رنوسه...انا فيش قصرت معاك..
انا 💖 حبيبتي..مش قصدي لكن باتي..
امي..باتك فيه كيفه واجدين..
انا 💖 انحس فيه مافيش كيفه حد..
امي..حتي هوا قول فيه وقول عليه..
في عز ماكان شاب وبادي يكبر وحاسس انه راجل.
وقدام اصحابة ماحد من هله يكسر كلمته..
اخته ازوجت غصبن عنا..
انا 💖 اففف وايوا وهو حط العقد النفسيه كلها فيا..
ليش بنتك رونق ماعذبها هكي..
امي..رونق فيسع مانخطبت وزوجت وسافرت
مع راجلها ومعاد يندري عنها..وبعدين انتي
الصغيرة الدلوعة الي كلنه خايفين عليك..
انا 💖 ياريتي اكبر وحدة فيكم والله انبهدلكم..
امي .هههه اكبر حتي منا نحن انا وباتك..
انا 💖 ايوه باتي بذات ياريتني اكبر
منا قسما بالله انعذبه عذاب مصار بكل.
امي...هههه حبيبتي..بنسالك ؟
انا 💖) وكايني عرفته السؤال) نعم...
امي..مش كاين الدكتور يوسف 💘 عينه عليك..
انا 💖 حيي لالا من قال...
امي...شن تحسابيني مانفهمش..
انا 💖 لا مش قصدي لكنننننن..
امي.. واضح ملهوف عليك ..
حتي بنت اخته شكله معاه..
انا 💖 مثلا اه مثلا كلامك صح شن رايك
امي..كان اكويس وقادر يسعدك
ويهنيك ان شاء الله ايكون من نصيبك..
وكان غير امكسد والقاك ابنيه حلوه
وعندك مشاكل وقال خلي انغير معها جو
ان شاء الله ايبعده عنك ...
انا 💖معقولة يسلا بيا..
امي..وين تندري علي ها الدنيا
وهو شاب..وكيف تعرف
عليك والمشكلة الي صارت..
والقاك قدامة سموحة.. وصغيرة ومطلقة..
وين تندري علي ها الناس شن اتفكر..
ردي بالك من روحك وكان صافي النيه..
ايجي يخطبك..
انا 💖 هواااا ماقالي شي..
بس نرجس اتلمح اشويا..
امي..قوليلها كان يبيك ايكلم باتك..
انا 💖 (في سري ييهه المشكلة في امه)
كان عاودت كلمتني توا انقوللها..
امي..نمشي انشوف الغداء ...
انا 💖 وانا نبي نرقد..
امي..نوضيي سادك من ها النوم..
انا 💖خليني راقدة احسن..
امي طلعت وانا تميت انفكر في كلامها..
معقوله يوسف 💘 يلعب بيا..لالالالال...
وفات الوقت ونسمع في يزن روح وداير دوشه..
ويبي ياكل جيعان..ويبي يلعب ويبي يكتب الواجب.
ويبييييييي
انا 💖 وهووو منا ها الفرخ ديمة وهوا جاي بدوشته..
صبيت مديت راسي من باب داري..
انت يافرخ راسي يوجع فيا صكر فمك..
يزن..مانيش امصكر..عندي مبارة نبي غداء بسرعة..
انا 💖 عدي لامك اتغديك انا ماغديت حتي روحي..
يزن..وانتي من جاء يالاك..
انا 💖 امك اكيد اتصلي..
يزن..ايوه وانتي عاد لا صلاة لااعبادة..
انا 💖 ههههه حيوان ومن قالك اني مانصلي..
يزن..بعد كم انشوفك اتصلي يوم وبعدها انسه..
انا 💖 انا انصلي لكن شن بناديك كل مانصلي
بيش اتشوفني..
يزن..الله ايربحك حطيلي غداء والله مستعجل..
انا 💖 مش قتلي لاصلاة لاعبادة دور من ايحطلك غداء..
وعندي شوكلاطة..وماني عاطيتك منها..
يزن..انقولك حاجة وحطيلي غداء
انا 💖.. وعيوني بلحقن😳.. يزونه حبي شن فيه...
يزن..فيه واحد سالني عليك..
انا 💖 اها من...وشن قالك..
يزن..الشوكلاطة قبل..
انا 💖 تعال خييي حبيبي..
خوذ اهي الشوكلاطة..خبرني..
يزن..وانا مروح من المدرسة..
القيت واحد امصبي قدام المدرسة
وقالي تعال لم جيته..
انا 💖 بسرعة شن قال..
يزن..قالي كيف حال رانسي..وطلعت من المستشفي.
ولا لا..وقالي سلم عليها..
انا 💖 اها شن شكلة..
يزن..راجل عادي..
انا 💖 صاحبتي فرح تذكرها..
يزن..اها عارفها..
انا 💖 خوها شايفه..
يزن..اها شايفه..هو يشبهله..وانضني هوااا.
انا 💖 اففف ماقلكش حاجة تانيه..
يزن..لا لا...
انا 💖 هيا حبي خذيت الشوكلاطة وعدي لامك اتغديك..
يزن..اففف وانتو كل واحد ايدف فيا علي الاخر...
خشيت للداري وصكرت علي..انكلم في روحي..
كان انكلم فرح وانقوللها قوليلا بالك يهديه الله
وايباعد عني..ولا شن انديرفكرت اشويا وبعدين رنيت
ام فرح...فرح نقالك ايرن
اسامة..اترا انشوف من..
فرح...لا ياما ماتخليشي ايشوفاء..
اسامة..شنو سر..
ام فرح ...هات النقال جاي تحشم علي وجهك..
وجت فرح تجري..ولم شافت الرقم انفجعت وفرحت..
اسامة...فك النقال من يدها..منووووو...راننسسسييي..اخيرا..
فرح...هات ..الله ايربحك ماترد عليها...
اسامة...هاكي ردي وخلي نسمعها شن تبي..
فرح..عيب بالك البنت تبي حاجة خاصة...
اسامة...قتلك ردي قدامي...
فرح..اااالووووو اهلين..اسامة كان حاط وذنه مع اخته ويسمع..
انا 💖اهلين..كيف حالك فروحه...وكيف حال هلك..
فرح...الحمد لله انتي شن اخبارك..
انا 💖 الحمد لله ماشي حالي..
فرح..سمعت انك مرضتي لاباس رنيت عليك..نقالك مصكر...
انا 💖 اي..مرضت اشويا..
فرح..وتوا كيف حالك..وهيا ادف في اسامة..
انا 💖 صوتك ايقطع..اكويسه..شكله ماعندكش تغطيه..
فرح...اها التغطيه تعبانه...كيف حال خالتي سعاد.
انا 💖 اكويسه...فرح شن بن قولك..
فرح...نعم..
انا 💖 حاولي اتقنعي خوك ايخليني في حالي.
وهنا اسامة خذا النقال من اخته ورد.
اسامة...هلا وهلاااهلااا بالغلا كله😍
انا 💖 انجمطت في مكاني..فرحححح
اسامة..اسامة معاك..شن عندك قوليلي انا بالا وسيط.
انا 💖 اففف بس انا انكلم في فرح انت كيف اترد
عليا من قالك اني نبي انتكلم معاك..
اسامة..غصبي علي روحك عادي مش واعره..
انا 💖 وجمعت جهدي وقتله..تمام..انت شن تبي مني.
اسامة..خلي اشوياااا نطلع من احذاهن..بيش ناخد راحتي
ايوه..شن سؤالك..شن نبي منك...نبيك ااانتي.
انا 💖 لوسمحت بالا قله ادب..
اسامة...انتي سالتي وانا جاوبت..
انا 💖 انا مانبيكش...انت كيف تبي وحدة ماتبيك..
اسامة..عادي المهم انا نبيها وميت عليهااا.
انا 💖 بس انااااا
اسامة...اسمعيني وحطي كلامي ديمه في راسك..
انا انحبك من زمان وماقدرتش ومانبيش انطلعك من راسي.
وكان انتي ماتبيني هاذي مشكلتك..
انا 💖 اهااااا..انا بي سببك حياتي ادمرت.
اسامة..دمرتيها بعنادك.
انا 💖 باهي اتعبرني اختك وسيبني في حالي.
اسامة..انتي مانكش اختي..ومانقدر نعتبرك اختي
وبعدين انتي ليش ماتعطيني فرصة معاك ..
انا 💖 انت شن اتقول فرصة شنو.
اسامة..مش فيه واحد من قبل.. وتوا الدكتور..تمام جربي
بالك اتحبيني...
انا 💖 وبلعت ريقي دكتور شنو..
اسامة..اخبارك كلها عندي ..وحتي راجلك الي
يبي ايردك عندي بيها علم..
انا 💖 شن انت اتراقب فيا.
اسامة..عادي جيران ومافيش حاجة تدرق..
انا 💖انا قلت انجرب ونكلم بالك تسمع
من اختك وتخليني..لكن مافيش فائدة..
اسامة...انا الموت بس اتبعدني عنك..
انا 💖 هاذ ماهو حب هاذ مرض..
اسامة..اعتبريني مريض بيك..
انا 💖 خلاص خلاص واسفة اني كلمت..
اسامة..شكرا انك خليتيني نسمع صوتك..
انا 💖 معش اتلكم خوي هاذ طفل
وين يعرف دز السلام والدوه الفاضيه..
اسامة..هههه خليه ايتعلم...
شن بنقول..حسيتك مرتخيه معاي شن خايفه مني..
انا 💖 انا بنخاف منك انت هه ماعندي ليش بنخاف..
سلم باتي قاعد..ويقدر يحميني من كل واحد صاااا
اسامة..هههه كملي واحد صايع....
انا 💖 اااا....مش قصدي..
اسامة...مش انا الصايع ارحم من الشايب الي كنتي عنده..
انا 💖 خلاص معش نبي نسمع..وصكرت النقال.
وقعدت نبكي..انا شن الي خلاني انكلم...ياريتني ماكلمت.
�اسامة..هاكي نقالك..وتوا اتشوف..
فرح...حرام عليك.
اسامة..انتي صكري فمك ومش شورك..
ام فرح..ياوليدي الي اديره في بنات الناس
يندار في اختك..عيب نحن جيران..
وانت داير راسك من راس ها البنيه..
حتي بعد الي صار كله مانك امسيبها.
اسامة..ماحد عندا دخل بيا..
فرح..توقع حد ايدير الي ادير فياا..
اسامة..نقتلك ونقتله..
فرح..يعني انت عارف ان الي ادير فيه غلط..
اسامة..وتما ايلعلع ويخبط..ماحد عندا دخل بيااا
اسكتو والا والله انهد علي حوشهم توا..
ام فرح..عدي كانك راجل هد علي حوشها
الكلام من بعيد ماينفعش..داير روحك راجل
غير قدامنه..عدي حوشها مش بعيد..
اسامة..اميييي اسكتي..اسكتيييي..اسكتو احسنلكم..
فرح..اسكتي ياما انتي هكي اتزيدي فيه..
ام فرح..خليه يفطن عارف روحه خواف .
فرح..وكان ايعدي كيف اتلميها..
ام فرح..اولدي وعارفته..تي لم انحبس
تما ايخاف من ضله غير قدامنه مستقوي..
اسامة..انتي يافرخة..وين غداكم والله انوريها..
ام فرح..وين تعرفه الله انت..حشمتني مع الناس
وكل يوم دايرلي مشكلة ومسكين باتك
الي انهد وهوا ايلم من وراك ويطايح علي العرب
بيش ايسامحو ولا يسقطو حقهم عنك..
وزايدها ماسكها في جرت بنت الناس
حتي بعد ازوجت وطلقت مزالت وراها..
اسامة..صكروووو..نكمل عمري وراها والي
مش عاجبة..ايملح..وهيا حسابي معاها.
فرح..ياخي الله ايربحك البنت حرام..
قريب اتراجاك سيبها وازوج والها في عمرك ..
اسامة..ماحد ايكلمني ..ماحدااااااوهيا
شايفه روحها عليا..وتجكتر توا اتشوف..
فرح..اسامة..انت ليش اطيح في قدرك.
وحدة ماتبيني والله مانعبرها ونزوج وحدة
احلا منها ونعيش حياتي واندير الحاجة
الي اتخليني احسن منها وتندم انها سيبتني..
اسامة..اااا وفري نصائحك مش محتاجهن..
ام فرح..الله يهديك..ويصلح حالك
انا 💖 حيييي عليا شن درت..انا ليش كلمت..
اففففف حتي انا مرات هبله..
امي..رانوسة الغداء واتي..
انا 💖 ااا مانبيش..
امي..اطلعي كولي حتي اشويا..
انا 💖 مانبيششششش..
وتمت حايسه في روحي..كيف انحلها..
نقالي.رن...
انا 💖 ااالووووو..
يوسف 💘 هلااااا.
انا 💖 اهلين..
يوسف 💘 حبي معليشي كنت مشغول..
انا 💖 اي عرفتك مش فاضي ..
يوسف 💘 كنه جوك..
انا 💖 عادي ..
يوسف 💘 صوتك مايقولش عادي..
انا 💖 اتعبت..
يوسف 💘 باتك زاد كلمك..
انا 💖 ساكت وانا حايره فيه..
يوسف 💘اكيد اقتنع..
انا 💖 يوسف 💘 كان امك مش موفقه معشااااا
يوسف 💘 ااااسسسسسس...
انا 💖 انا منلومش عليها مش كل حد يرضاء
ايزوج اولده لي وحدة مطلقة..
يوسف 💘 اه...الله ايربحك اسكتي..
انا 💖 نسكت لكن لي امتا..انا ماني مستعجله
علي خطبة ولا زواج لكن مانبيها تكرهني..والا انكون سبب
مشكلة بينك وبينها..
يوسف 💘تنحل ان شاء الله..
انا 💖 تبي شي..
يوسف 💘كنك مستعجلة..
انا 💖 تعبانة بنرقد..
يوسف 💘رانسي فيك حاجة قولي..
انا 💖 مافيا شي بس تعب وراسي يوجع فيا..
يوسف 💘 ماشي ...مع السلامة..
انا 💖 سلام...
صكرت ...كاله انا مخبولة رسمي كيف انكلم
واحد كيف اسامة..نستاهل الي ايجيني..
فات الوقت لاعند العصر...
طلعت من داري القيت امي امكسدة وحدها..
انا 💖 وين باتي ويزن..
امي ..طلعو..
انا 💖 تشربي قهوة..
امي..تي انتي كنك كيف قهوة علي الخواه..
تغدي وبعدين نشربو قهوة..
انا 💖 والله مانبي ..
امي..مش بالنية الواحد ايغصب علي روحة..
انا 💖توا ناخذ حاجة حلوه ساد..
امي..قتلك تغدي يعني تغدي..
انا 💖 باهي خلاص...
امي ..الباب ايدق..اكيد وحدة من الجارات..
انا 💖 احسن افتكينا من الغداء..
خشيت للمطبخ...نسمع في صوت مش غريب عني..
انا 💖 اااا منيرة..وقعدت في مكاني مسبها..
اشويا وجت امي...هاذي منيرة ..
انا 💖 اها وشن تبي..
امي..قالت عندها كلام جاية بتقوله..
تعالي نسمعو منها..
انا 💖 اسمعي منها انتي انا لا..
امي..تعالي معاي..اكيد الكلام مش ليا
ومدامة باتك مش قاعد خلي انخبروها
اتخبر عمها معادش ايفكر فيك وينساك وكاينه ماتعرف علينا..
انا 💖 اففف هيا...
جيت سلمت وقعمزت في جنب امي.
امي ..تفضلي شن عندك...
منيرة..انا جاية ودازني عمي..وقالي قوليلها..
كان اترد الي تبيه تاخذه
حيرني_زماني❤
الفصول الاربعة
